教育王國
標題: 請問(港島區)哪幾間小學喜歡收學業上的資優生呢? [打印本頁]
作者: derek0811 時間: 13-10-28 12:17 標題: 請問(港島區)哪幾間小學喜歡收學業上的資優生呢?
真心打聽港島區(尤以灣仔打後至柴灣)有哪些小學喜歡收學業上的資優生呢?
個仔是學術上的資優兒童, 考了5間直資/私小, 有些有得2nd In後便止步, 相信都全軍覆沒了。
由於只有基本的15分, 自行多數亦都無希望...現在很徬徨. 徬徨是因為知道他是讀書的材料, 但卻找不到較心儀的學校...
由於是資優兒童, 個性的確較情緒化及間中不太合作, 可能也是Interview失手的其中一個原因. (但他基本上社交及待人接物都沒甚麼大問題, 無亞氏亦無過躣, 也非自閉, 只是較有自己一套而已. 他也喜歡跟同學仔玩, 亦相處得來的.)
短短的幾分鐘至半小時內, 去考的學校未必察覺他學業上的資優. 我清楚明白學校選人, 可能看個性及態度, 比是否資優及叻仔更重要, 我亦無可厚非.
兒子現在K3, 自小便很喜歡看書, 書不離手. 數學已計至小學4年級的雙位甚至3位乖數及除數. 他特別沉迷數學, 現在更超大量自學, 自己看明白好多本小學甚至初中的數學課外書, 自己學會小數, 份數, 百分率, 圖形, 角度, 單位換算等等(全部看書自學, 我們沒迫他, 反而時常叫他不要看太多!).
中文方面, 已能自行閱讀整版的書(至少500字以上, 而且是深字, 大人程度的), 學校的通告全部自己識睇晒, 而且過目不忘, 隨時問佢都答得出相對日子要做甚麼事.
寫字方面, 只要見過的字便會寫(有D似影相機!), 已很輕易, 很快地便可作出一篇60-70字, 通順而且結構完整連標點符號的短文來. 英文方面平時較少注意, 但據學校老師講亦非常出眾.
如果知個仔不是讀書的材料, 我會認命, 接受任何電腦分派結果. 但現在事實個仔是很喜歡讀書, 而且是讀書的材料, 所以想為他找一個合適的學校.....
現在直資/私校都失落了, 我可以點做? 如果大抽獎派了間學術不深的, 相信他會無心機讀.......所以唯有扣門, 但不知哪幾家小學是喜歡資優而且超幾班的小學生呢?
重申, 我在此不是在演野晒命自己個仔幾叻. 我真係感到好頭痛, 點解佢要咁叻, 平平凡凡反而易攪, 依家都唔知點算? 都唔知有冇學校肯收佢呢類"怪胎"? 就算肯收, 又有冇課程合佢程度?
有沒有有經驗的家長可分享一下? 萬分感謝!
作者: Charlotte_mom 時間: 13-10-28 12:27
呢個問題, 比較難, 或者睇下資優版家長幫唔幫到?
http://www.edu-kingdom.com/forum.php?mod=forumdisplay&fid=50
最煩惱係而家好多都過晒收生季節, 想校長破例收生真係好難, 或者你可以留意下津校叩門詳情, 叩門好多時都會考學術, 對你仔仔可能有利, 如果心儀的話, 為表誠意亦不妨早D準備定叩門資料
http://www.edu-kingdom.com/forum ... page%3D1&page=1
祝願你仔仔搵到一間適合佢既學校 (港同區無留意有特別岩資優小朋友既學校, 九龍區反而有SFA, KTS, GT等)
作者: w_y 時間: 13-10-28 12:31 標題: 回覆：請問(港島區)哪幾間小學喜歡收學業上的資優生呢
真心回覆，既然成績好，接受現實抽一間你覺得不錯的，然後繼續叩門，叩門好多學校都注重學術，自然如魚得水。
再唔得，小一出埋標青成績，一定有出路，如小朋友咁讀得，我一點也不怕，最要緊顧及埋學術以外的發展就真。
作者: ymnhappybaby 時間: 13-10-28 12:44
You may try SFA in kowloon? KTS, GT also a very good school.
作者: nicee 時間: 13-10-28 12:51
現時的直資校首重反應、礼貌和智商
不如等小二插班
作者: bobbob 時間: 13-10-28 12:54
w_y 發表於 13-10-28 12:31 
真心回覆，既然成績好，接受現實抽一間你覺得不錯的，然後繼續叩門，叩門好多學校都注重學術，自然如魚得水 ...
作者: gigi812 時間: 13-10-28 13:03
首先唔好咁快就打定輸數, 考私/直資, 除了本身資質外, 重有好多因數存在, 如人事,背景..:;pppp: 現在還早, 有second in 那些學校, 你可以努力求位, 我朋友本身心儀個間reject左, 一星期追一次車, 間日親身交信, 一直求... 到8月底通知有位. 還有如最後抽不到心儀, 都不用失望, 扣門係靠真本事的, 不存在其它因素, 如你所講你囝的條件. 一定扣到好學校, 重唔洗學費tim, 
扣門其實係幾好的機制, 讓一班有真本事, 但失落大抽獎的, 多一個機會.
作者: Gerard 時間: 13-10-28 13:11 標題: 回覆：請問(港島區)哪幾間小學喜歡收學業上的資優生呢
提示: 作者被禁止或刪除 內容自動屏蔽
作者: w_y 時間: 13-10-28 13:34
SFA, 我入過去見到直頭有專屬一塊 board, 成塊資料係 for gifted students
. 港島咁開宗名義的, 頂多是高主教話有資優支援.
至於官津就簡單, 邊間學術成績最 top, 你去叩門便是.
作者: 小曳人 時間: 13-10-28 13:52
一路睇，點解咁似我....個仔！
唯一唔同，因為未同佢check IQ，我唔會自己話佢係資優住
小兒响傳統教學嘅私小讀緊小一，唔多覺有俾小一資優生嘅資源，所謂資優課外活動(奧數)，阿仔好失望咁話：好淺！
我曾經都好努力去搵，去問，發現資優生間間學校都有(包括band 3中學！)，依家睇化咗，再去聽埋資優教育學院嘅家長講座，結論係：好彩嘅話，遇到一兩個好老師就夠，學校做到嘅唔多，反而係家長响屋企點幫佢地，keep住對學習嘅passion！
如果真係想叩門/插班，要開始留意各校特色，訂下目標！
記住：再強學術嘅學校，對叻仔嚟講都好易識搞掂，千萬唔好搵d太刻板嘅，會悶親佢地！
今日望返轉頭，真心講，資優未必個個適合所謂名校，好多學校好"死"，佢唔會因為你小朋友唔同而有任何改變，睇見到嘅，反而有d津校做得幾好，但你會嫌佢唔夠學術/出名！
平常心，學習興趣比讀邊間名校重要！
作者: cherryhyl 時間: 13-10-28 15:56 標題: 回覆：請問(港島區)哪幾間小學喜歡收學業上的資優生呢
其實學校知唔你個咁叻？ 不如寫信給心儀學校，夾付上述的作文，數學練習等等，請學校重新考慮。
作者: chingcging 時間: 13-10-28 17:20 標題: 回覆：請問(港島區)哪幾間小學喜歡收學業上的資優生呢
如果真如樓主所講，你可以試去st paul boy's, 係pokfulam
作者: lin051051 時間: 13-10-28 19:47
很多學校是不喜歡資優生的，因為難配合。
作者: lin051051 時間: 13-10-28 19:51
資優不代表成績好，要找出孩子優的是哪部份，這點反而政府學校會幫到佢，尤其是係健康院或政府醫院做測試，政府會比資源嗰間小學。
作者: 4children 時間: 13-10-29 09:21
Hello! Doesn't seem any school can deal with this well. The principal of 救恩 is quite good with gifted students. Your son seems very good. He would be 'bored to death' if he goes to school without support. I learnt that 'if you don't use your giftedness, you will lose it'. As parents, there're so much you have to do, because we don't have a government or school system that support well. I attended many seminars organized by hkage.org. and read a lot about this area. HK doesn't even identify kids below Year 3. What people overseas do is homeschooling the child(ren). Homeschooling is not legal in HK (and the government doesn't know how to support! what an irony). I would recommend you to engage your sons in various programs. If you need more info, PM me. Also, very important to train his emotion and attitude. That is the challenge of me!
作者: CY0212 時間: 13-10-29 10:41
回復 derek0811 的帖子
其實每間學校都喜歡收資優學生, 但你亦要明白 (先假設你所講係事實), 你見到小朋友做得好只代表佢係好好嘅鋼材, 但點將好嘅鋼材提鍊成有用及特別嘅工具, 家長係要先做左第一步
當好鋼變成好工具初形已經見到, 好多名校甚至外國某一部份學術機構可能比埋獎學金邀請你入讀
小一面試只係一小個測驗, 可能你小朋友真的只係臨場失手了. 但亦可能顯示有一 d 深層問題家長 (尤其係你認為佢已經有天賦) 要去留意. 小一面試制度可能並不完美, 但無可否認很多學校老師同校長很能發掘學生. 當今次未被發掘, 亦係一個提示可能有一點行為或表現問題值得你觀察一下 (again, 前提係你認為佢已經有天賦)
孩子在高小之前真正的老師是家長 - 很多傑出的運動員或科學家 (means 學術有成就) 係 7 到 8 歲先真正接受正規訓練. 家長角度係在此之前多加引導, 保持佢專長上嘅興趣, 當佢心志比較完整, 一發力再加正規訓練, 成就可能不得了
但現實是更多有天賦的小孩, 因家長自己思維錯誤, 過早吹谷而很快 burn out 了, 亦無緣於更多成就.
你自己思考一下啦
作者: abioole 時間: 13-10-29 11:20
提示: 該帖被管理員或版主屏蔽
作者: derek0811 時間: 13-10-29 14:05 標題: 回覆：abioole 的帖子
多謝各位的意見。
呢D係佢嫌悶的除數(不知為何貼不了圖)，心算快到不用列式。因為悶，佢又寫D中文玩嘢。
佢好快，相差一個月時間已跨一大步，近日他的話題是光的速度及地球的半徑，及自己計出一年=多少毫秒。
現階段我唔覺佢好叻，因我知再過多2個月，又上一層了。
作者: HaYi 時間: 13-10-29 15:42
如小朋友是語文同數理各方面都超班好多, 又冇情緒問題, 真是萬中無一, 可喜可賀, 家長不如辛苦些去遠一些, 為小朋友找間合的小學最重要, 如樓上說, 可以考慮GT優才 (初小在旺角, 高小在TKO , 反而更近港島 ) 等學校, 佢地比較可以破格收 及安排跳班. 我之前在優才家長講座都聽不少此類例子.
(利申: 我的小朋友不在優才讀)
作者: abioole 時間: 13-10-29 16:22
提示: 該帖被管理員或版主屏蔽
作者: citygirl 時間: 13-10-29 16:50 標題: 回覆：請問(港島區)哪幾間小學喜歡收學業上的資優生呢?
優才，專收資優生。你可附上數學練習及中英文作，再加上親生叩門，就算那刻無位都一定會留意你
作者: bcl 時間: 13-10-29 16:54
回復 derek0811 的帖子
恭喜啊！你個仔真係超叻！!!
作者: derek0811 時間: 13-10-29 19:08
回復 abioole 的帖子
其實, 我想我個仔是勤力多於天才, 暫時未看出他是天才.
但他真的起床一開眼便拿書看, 夜晚訓覺前也是拿著書看(他看的是文字多的書, 不是兒童圖畫書). 他7時半起床, 11時睡覺(他睡很少), 除了吃飯, 上學, 做功課, 其他大部分時間便是睇書及寫字(多種不同的創作, 如畫路線圖, 商場平面圖, 寫短句/文, 單張...等等).
最大特點是喜歡數學, 單位換算好快, 以為佢是死記, 但轉個數量問佢, 佢又很快心算計出來.
佢記性超勁(過目不忘), 上星期讀過的一段理論, 需要時可隨時引用出來, 口述或手寫出來都得, 當然不是exactly quote出來, 而是明白了後用自己的言詞重新演譯出來!
呢度好似有小部份人唔多信, 不過我沒吹牛, 我亦無需要吹牛, 對自己及對大家都無好處. 佢平日寫的, 做的作品我都有留底, keep好晒檔案, 只是不想在這公開, 請見諒. (即使公開, 可能好多人不信那是K3小朋友寫的東西, 他的字比很多大人寫得更工整, 包括我自己.)
好, 不要把重點放在討論犬兒有幾叻, 而是想問Net 12,14,16有哪些學校會關心照顧超前的孩子? 我不求去很遠的名校, 我只想找一家近近地而又會care唔同程度學生的學校, 不是名校也不要緊.
作者: Angelakibb 時間: 13-10-29 19:35 標題: 回覆：derek0811 的帖子
以你囝囝超凡的表現，應該不會有學校支援到。不如你比佢讀stanford的online EPGY gifted course
作者: HaYi 時間: 13-10-29 20:38
我工作上見識過不少有此類智商高, 又有特別才能的孩子, 但通常是專語文或是數理的阿氏小朋友, 所以你的小朋友如有雙方面的才能, 又精於創作 (阿氏有時要慣常性, 不擅創作) , 真是難得的, 加油
作者: erniec 時間: 13-10-29 22:18
回復 derek0811 的帖子
聽左你個case,反而擔心你囝囝將來係社交方面嘅問題，要搵一間可以培育佢知識成長嘅學校非最難，反而會擔心佢同同齡小朋友未必咁易相處到，因大家所好同思想距離太遠，有一d資優小朋友跳級升讀中學甚或乎大學，遇到最大問題係冇朋友，知識水平可能比姐姐哥哥更高，但思想上社交能力仍未去到呢個年齡，所以我覺得你要搵d專業人仕幫手，去睇下應該點幫你囝囝。
作者: piyohk 時間: 13-10-29 22:53 標題: 回覆：請問(港島區)哪幾間小學喜歡收學業上的資優生呢?
抱歉，若他的字是公正（from your another topic)，那你的字真的要多多練習。
另，你可跟老師學校相量那些學校適合。
作者: derek0811 時間: 13-10-30 07:24 標題: 回覆：piyohk 的帖子
呢D就係我個仔寫D字。
圖片附件: 1383088944198.jpg (13-10-30 07:24, 11.65 KB) / 下載次數 65
/forum.php?mod=attachment&aid=MTY0MTF8MmM1OGRhNWN8MTc1MzMzNTMxMHww
作者: derek0811 時間: 13-10-30 07:28 標題: 回覆：piyohk 的帖子
呢D就是他寫的英文字。
圖片附件: 1383089220655.jpg (13-10-30 07:28, 5.79 KB) / 下載次數 54
/forum.php?mod=attachment&aid=MTY0MTR8ZWEwZjc4ZWZ8MTc1MzMzNTMxMHww
作者: w_y 時間: 13-10-30 07:55
點睇都係優才或SFA至幫到你.
快些去考, 然後搬家!
官津始終有課程限制 :(
作者: splash 時間: 13-10-30 09:08
會否考慮國際學校?
作者: 已刪除用戶 時間: 13-10-30 13:08
derek0811 發表於 13-10-28 12:17 
真心打聽港島區(尤以灣仔打後至柴灣)有哪些小學喜歡收學業上的資優生呢?
個仔是學術上的資優兒童, 考了5間 ...
樓主好勁，呀仔讀 P1 時學懂 4 則運算，然後看高小 ETV 學懂份數、小數的 4 則運算（不單算式的計算，可以懂得運用於文字題）及括號運用，當時我已感到好amazing，不過同樓主個仔比較原來係小兒科。
作者: derek0811 時間: 13-10-30 13:38 標題: 回覆：splash 的帖子
多謝各位意見。
小康之家，沒打算出國留學，故不考慮國際學校。亦不想他跳班，影響同年層的社交，不想他太快"長大"。
其實可否照讀一般小學，然後課餘俾多D書佢學及睇，咁行得通嗎? 因佢自學能力超強。有冇人有類似經驗?
作者: Jane1983 時間: 13-10-30 13:42
甘猛料，好難相信無學校收！？
作者: harrybb2008 時間: 13-10-30 13:50
I think you should try 港大同學會小學
作者: erniec 時間: 13-10-30 13:51
回復 derek0811 的帖子
問題係資優既小朋友係課堂會遇到好多問題，因課堂既知識佢地全無興趣，資優既小朋友都要special care, 我建議你真係搵個專家問下，或者再搵kg老師傾下
作者: piyohk 時間: 13-10-30 14:38
erniec 發表於 13-10-30 13:51
回復 derek0811 的帖子
問題係資優既小朋友係課堂會遇到好多問題，因課堂既知識佢地全無興趣，資優既小朋 ...
同意，这是我唔明白樓主post文的原意。為什么不与學校老師商談？他的老師才清楚他的资貭。
作者: abioole 時間: 13-10-30 15:07
如真的有如此小朋友而又不是自閉, 語文能力, 數學, 科學都咁出色, 根本上香港沒有一間學校適合佢, 你應諗下係咪應該帶佢離開香港. 香港地讀書? 讀死書,讀書死, 死讀書. 求學不單求分數, 而且要求分數高! 香港有如此天才小朋友, 勁過沈思君. 不要留港浪費佢, 他朝有日名成利就, 我身為香港人也覺得光榮.
作者: zitaeric 時間: 13-10-30 15:30 標題: 回覆：請問(港島區)哪幾間小學喜歡收學業上的資優生呢
高主教
作者: chanszeline 時間: 13-10-30 16:06
回復 derek0811 的帖子
其實你個仔可以跳升上大學! 
作者: joanthony 時間: 13-10-30 16:08 標題: 引用：真心打聽港島區(尤以灣仔打後至柴灣)有哪些
提示: 作者被禁止或刪除 內容自動屏蔽
作者: joanthony 時間: 13-10-30 16:09 標題: 引用：如真的有如此小朋友而又不是自閉,+語文能力
提示: 作者被禁止或刪除 內容自動屏蔽
作者: derek0811 時間: 13-10-30 16:20 標題: 回覆：joanthony 的帖子
佢睇緊數學王，中文為主。公文式佢嫌悶了，現在睇書自學。
作者: piyohk 時間: 13-10-30 16:21
zitaeric 發表於 13-10-30 15:30
高主教
我老闆話高主教唔要天才兒童，他兒子剛升P1
作者: happy+ 時間: 13-10-30 16:28 標題: 回覆：請問(港島區)哪幾間小學喜歡收學業上的資優生呢?
簡直係天才，一定要好好培育，將來造福社會
作者: CY0212 時間: 13-10-30 16:37
回復 derek0811 的帖子
希望你只係邏縜上表達唔到,
(1) 以你小朋友所表現, 現實講唔會有一個課程真係配合佢
(2) 以你小朋友所表現, 入讀任何名校只係時間問題, 獎學金係一定階段亦係會有學府支持
結論:
(1) 你只需要找任何一間正常小學, 同校方多溝通, 等校方了解, 校內比空間佢自己成長
(2) 你需要引導佢平衡身心發展, 引導佢學習大方向
一路睇你嘅文唔理解嘅地方, 在於你標題同內文好唔協調. 就好似一個視野好窄嘅人講一件佢要每日協調緊嘅不平凡事
再唔明, 提議你去 ek 聖馬加利小學板, 揾板友 sampapa 傾多 d , sampapa 係真實地有每日協調緊呢種不平凡事
作者: derek0811 時間: 13-10-30 17:18
回復 joanthony 的帖子
不知如何貼相片....testing
作者: joanthony 時間: 13-10-30 17:38 標題: 引用：回復+joanthony+的帖子
[img]C:\Users\hke
提示: 作者被禁止或刪除 內容自動屏蔽
作者: bbalau 時間: 13-10-30 17:40 標題: 回覆：請問(港島區)哪幾間小學喜歡收學業上的資優生呢?
老老實實，我唔覺優才既interview過程 identify 到資優。
作者: bblyly 時間: 13-10-30 17:58
abioole 發表於 13-10-29 11:20
你個小朋友咁勁, 勁過愛因斯坦, 搞到我驚驚地, 如果我見到一個小朋友係咁, 我會以為佢係外星人, 又或者鬼上 ...
作者: AgapePa 時間: 13-10-30 18:13
bbalau 發表於 13-10-30 17:40
老老實實，我唔覺優才既interview過程 identify 到資優。
優才不是只收資優兒童, 校長話資優只是小數人.
優才理念係多元智能. interview 係唔會identify 資優生
但會獨位照顧, 有個資優小學生是由中學教師教English. 又有一個中一生學緊高中數.
優オ應該幫到你
作者: derek0811 時間: 13-10-30 19:33
本帖最後由 derek0811 於 13-10-30 19:33 編輯
回復 joanthony 的帖子
阿仔在看的書單:
全是他自己看的, 他看後幾天便會跟我分享他前幾晚看過的內容: 例如佢同我講: 科學知識八達通共有92個單元, 其中人體血液流動一圈是46秒........鯨魚體長過30公尺.....等等一大堆資料. (我不知真定假, 因我都未去翻查)
之後佢就會將書中所學的自己寫在紙上, 扮演老師咁教佢班毛公仔學生. 佢幫班毛公仔改晒名, 畫晒點名表, 逐個TICK邊個 present, absent, late, 並會在表下位置寫埋absent, late的原因, 全部由佢自己一手一腳寫及做的. 他很喜歡扮老師。
阿仔在看的書單:
數學王-趣趣算數學第一課
http://www.kingstone.com.tw/book/book_page.asp?kmcode=2015232099355
數學王-哈哈圖形第二課
http://www.kingstone.com.tw/book/Book_Page.asp?LID=se_base003&ACTID=pushbookname&KMCode=2015232099225
科學知識八達通
http://www.eslite.com/product.aspx?pgid=1003237201881391
Help Your Kids With Maths
http://www.cp1897.com.hk/product_info.php?BookId=9781405322461
作者: erniec 時間: 13-10-30 19:48
回復 derek0811 的帖子
我諗你唔洗再舉證俾我地睇，你囝囝好明顯係比同齡兒童行前好多，我都係果句，你要既係專業意見，盡早去問下學校專家，你小朋友要各方面既配合，其實聽左咁耐，你囝囝似乎很喜歡自己一個人去鑽研知識，佢平日有無同其他同齡小朋友玩？平日返學既情況又係點？呢個年紀既小朋友都好需要互動社交活動，因無論幾叻既人都要學懂與人相處，呢個先係最值得擔心既問題
作者: Jane1983 時間: 13-10-30 20:24
其實咁既料，叩門實掂wor。
作者: bbalau 時間: 13-10-30 20:39 標題: 引用：Quote:bbalau+發表於+13-10-30+17:40+老老
原帖由 AgapePa 於 13-10-30 發表
優才不是只收資優兒童, 校長話資優只是小數人.
優才理念係多元智能. interview 係唔會identify 資優生
但 ...
作者: derek0811 時間: 13-10-30 20:43
erniec 發表於 13-10-30 19:48
回復 derek0811 的帖子
我諗你唔洗再舉證俾我地睇，你囝囝好明顯係比同齡兒童行前好多，我都係果句，你要 ...
有合自己心水的話題時, 佢可以同人好多野講, 好多討論. 但當他做一些事失敗或失手時(不如意時), 反應相對較強烈, 會很深究為何會弄成這樣/為何會不成功.
個人喜好都幾堅持, 都好有原則, 不太喜歡分享內心世界, 不想答你時會耍你, 講野有時會帶你遊花園, 成日叫你自己猜, 語氣好老積, 會好似大人咁擰下擰下個頭怪你怨你做錯野. "都話左你啦, 又唔聽." -_-!
喜歡音樂, 咀邊經常啍住歌(最近一首是天暨變 ---> 雖知此山頭猛虎滿佈....-_-! )
返學都沒大問題, 有參與, 有反應, 做功課快而準, 常走去看老師的教師用書. 但老師也說社交及自理要再加強一點.
另外, 他很守信用及規則, 所以同佢定規則很容易, 事先講好了便自動波, eg:睇多15分鍾書就要去睡覺, 佢準時15分鐘後即刻合起本書去睡. 交代佢20後鐘為提我做某些事, 他20分鐘後便走入房叫我, 好準時。
作者: 已刪除用戶 時間: 13-10-30 20:56
本帖最後由 yuenkw 於 13-10-30 23:20 編輯
連性格都好似無咩大缺點，有無咁堅
作者: MrBeast 時間: 13-10-30 21:17
直接Send 個iq test report 比各校長，我想信會有不少囘復和interest, 到時你interview 校長時可問清楚學校的support.
作者: bbalau 時間: 13-10-30 21:49 標題: 引用：直接Send+個iq+test+report+比各校長，我想
原帖由 MrBeast 於 13-10-30 發表
直接Send 個iq test report 比各校長，我想信會有不少囘復和interest, 到時你interview 校長時可問清楚學校 ...
作者: Carina11 時間: 13-10-30 23:30
優才係專收資優生，佢地係呢方面放好多資源！但如你想讀普普通通既學校，咁就不要告訴學校你小朋友係資優生，好多學校好抗拒收資優生，因為一來擾亂秩序，二來唔聽老師話！如果係官津，派去心儀既再交報告俾學校，開學後會有專家幫小朋友做評估及跟進！
作者: erniec 時間: 13-10-30 23:47
回復 derek0811 的帖子
再聽完你講之後，其實你囝囝係行為性格上同我囝都幾似，當然我囝學術上未及你小朋友咁厲害，但我想話你知我囝有去做評估，唔係睇佢IQ有幾高，而係佢平日果種堅持，與其他小朋友實在有點不同，結果評定有少許自傾，升上小一后，小朋友要做唔少群體活動，project,唔可以太自我，要學習接受別人，呢種社交技巧對呢類高智能比較自我中心小朋友係一個大挑戰，你真係要留意下，熟識我囝嘅人甚至老師都有估到佢有自傾，因阿囝都好主動同人傾計，唔怕人，咁我呢2年黎俾佢參加左唔少社交小組，比前懂得與人相處，但仍有很多改善空間。所以我真心建議搵professional advice
作者: fishmeow 時間: 13-10-30 23:56
樓主仔仔咁叻，小一無論邊間學校收，到最後你仔小一都必能考頭幾名。到時考小二，邊間學校都收啦。真係唔駛擔心。不過資優生都要小心看題目先至可取高分。上了小學後，你可能會發現天外有天，一山還有一山高。
作者: erniec 時間: 13-10-31 00:06
erniec 發表於 13-10-30 23:47
回復 derek0811 的帖子
再聽完你講之後，其實你囝囝係行為性格上同我囝都幾似，當然我囝學術上未及你小朋 ...
作者: 天悅 時間: 13-10-31 00:08 標題: 引用：Quote:erniec+發表於+13-10-30+19:48+回復+
原帖由 derek0811 於 13-10-30 發表
嗯. 他基本行為情緒沒大問題, 屬文靜觀察型(對文字超敏感, 是天生校對, 專找出錯字錯處). 都樂意跟同學玩 ...
作者: derek0811 時間: 13-10-31 01:00 標題: 回覆：天悅 的帖子
細個時真的有懷疑，後來看過不是。因他有眼神交流，又識講笑及比喻，仲懂睇眉頭眼額。只是較固執堅持，但這點越大越改善中。
作者: cherry_bb 時間: 13-10-31 01:13 標題: 引用：Quote:erniec+發表於+13-10-30+19:48+回復+
原帖由 derek0811 於 13-10-30 發表
嗯. 他基本行為情緒沒大問題, 屬文靜觀察型(對文字超敏感, 是天生校對, 專找出錯字錯處). 都樂意跟同學玩 ...
作者: MrBeast 時間: 13-10-31 06:16
bbalau 發表於 13-10-30 21:49
其實好多學校唔會揀資優生，我還是覺得樓主要隱藏實力，但選校要揀D課程較深，keep 住佢對上學熱情，太淺的 ...
作者: Melody_BB 時間: 13-10-31 08:08 標題: 回覆：請問(港島區)哪幾間小學喜歡收學業上的資優生呢
樓主建議你還是找專業人仕全面評估仔仔，他無疑是學術資優生，但生活在社群中，與人相處溝通更為重要。
作者: Charlotte_mom 時間: 13-10-31 08:26 標題: 引用：I+think+you+should+try+港大同學會小學
原帖由 harrybb2008 於 13-10-30 發表
I think you should try 港大同學會小學
作者: w_y 時間: 13-10-31 08:34
比起傳統學校不停操卷死背抄寫, 我認為港同的教學方式本身, 給予學生的自由度, 對資優生已是很大支援。
作者: janicetsang 時間: 13-10-31 09:21
其實你又唔想佢跳班，又唔想佢出國，又唔係特別心儀某間學校。
你本身既然想佢如常返學，咪比佢大抽獎看看他適應如何?
佢咁超班，而家同其他小孩一起讀K3都OK，咁就無需擔心。
作者: 小曳人 時間: 13-10-31 09:32
bbalau 發表於 13-10-30 21:49
其實好多學校唔會揀資優生，我還是覺得樓主要隱藏實力，但選校要揀D課程較深，keep 住佢對上學熱情，太淺的 ...
對於呢d小朋友，再深嘅學校都唔夠深！
我問過我個仔：你鍾意同學平均水平高d，可能只可以考到頭十名；定係乜人都有，你可以做全班頭兩三名
佢答我，想要多d好似佢一樣嘅同學
所以，我建議樓主先問問少主，佢鍾意點樣嘅學習環境！因為係佢去返學，佢要接受現實，就算學校有資優支援，都係課後嘅，正規課程都係會悶d
另外，有部份學校嘅資優課程係無安排俾小一生，所以唔好太大期望
優才响我眼中，最吸引係佢有小組mentor課，特別資優可以安排到1-2個學生對一位老師，相信呢個比例最能照顧到好奇嘅心靈！
作者: 傻太 時間: 13-10-31 09:34 標題: 引用：Quote:bbalau+發表於+13-10-30+21:49+其實
原帖由 MrBeast 於 13-10-31 發表
我也聽過這說法，不過樓主的小孩冇情緒問題，或者有些校長會接受，掉轉諗，如學校比不到support, 有offer ...
作者: HaYi 時間: 13-10-31 09:46
其實有一點, 阿氏同自閉不同, 阿氏的人是可以同人有眼神交流同接觸的, 一般接觸不會同人有異, 只是他們常常會執迷好細緻又似無用的資料如路線/車站等, 花大量時間在紀錄同展示此些資料上, 但因個性偏固執, 對人地的反應可以不明白, 不理會, 大左會更明顯,
我見過一個4歲的小朋友, 成日無啦啦同我些好準的時間, "說EE, 現在5點零2分啦, 3分鍾後我地要做咩做咩.. " 又有個2年級的, 畫個城市設計圖, 用支圓芯筆畫畫畫, 每部份好細好細, 其實好亂, 我地大人最後唔知佢畫咩..
他們絕對是有特別能力的, 不過大左在群體方面的待人接物往往較辛苦, 所以找學校除左學業上可以相配外, 他們的家長特別花很多時間在社交同合群的額外訓練上.
FYI, 上期 "壹周x " 有一篇講阿氏的文章, 可以留意下.
作者: harrybb2008 時間: 13-10-31 09:56
本帖最後由 harrybb2008 於 13-10-31 09:56 編輯
回復 Charlotte_mom 的帖子
Oh really? Thanks for your information.
Because the school said they are able to manage student of different ability, I just wonder if they could also handle 資優生.
作者: MrBeast 時間: 13-10-31 10:11
回復 傻太 的帖子
我驚講出來會引發大戰，只可說同個名有d關係。
作者: cherry_bb 時間: 13-10-31 10:11 標題: 引用：Quote:bbalau+發表於+13-10-30+21:49+其實
原帖由 MrBeast 於 13-10-31 發表
我也聽過這說法，不過樓主的小孩冇情緒問題，或者有些校長會接受，掉轉諗，如學校比不到support, 有offer ...
作者: 四隻貓 時間: 13-10-31 10:23
我都有點疑惑. 希望大家可給予意見.
學習能力高, 好奇, 喜歡自學, 喜歡思考同發問, 是否去國際學校/IB school/強調活動教學的新派直資會更能發揮呢?
但孩子同時非常喜歡做功課, 專注力高, 功課量多的學校又是否更合佢心意?
還是應該選IB school/強調活動教學的新派直資, 另+父母另外幫他報讀其他課程或是讓他研習有興趣的科目?
丈夫常說出年考到咩學校再算, 我都同意, 不過始終想先了解一下, 決定好方向.
作者: 天悅 時間: 13-10-31 12:01
derek0811 發表於 13-10-31 01:00
細個時真的有懷疑，後來看過不是。因他有眼神交流，又識講笑及比喻，仲懂睇眉頭眼額。只是較固執堅持，但這 ...
經常只說自己喜歡的話題,做自己喜歡的事(但都會主動同人講嘢,講笑的,留意是講嘢,不是交流)
我係特殊學校做,所以對懷疑自閉的人比較敏感,
容易會猜想其他人會否是患者,所以希望你不要介意,
多些留意他的群體相處表現
作者: BabyISC 時間: 13-10-31 12:26
回復 四隻貓 的帖子
do u think he he is submissive?
if he has high ability and obedient, he will do very well in traditional school.
if he is not obedient , the daily massive HW is painful, he will spend alot of time in chanllenging you.
作者: Charlotte_mom 時間: 13-10-31 12:52
HaYi 發表於 13-10-31 09:46
其實有一點, 阿氏同自閉不同, 阿氏的人是可以同人有眼神交流同接觸的, 一般接觸不會同人有異, 只是他們常 ...
六日前消息
, 我親自問的
今日問左負責同我仔做評估的政府臨床心理學家（CP)，究竟阿氏保加同自閉有咩吾同。CP話以前舊制度下，無speech delay被視為高智能，加自閉就係亞氏，而有speech delay就係自閉。但多年臨床研究發展兩樣其實無大分別，亦無需分，所以最新的斷症手冊已經無左阿氏保加呢樣野。所有中自閉徵狀的一律叫ASD(即Autism Spectrum Disorder)。我仔雖然係非典型case（中吾晒，無轉圈玩車輛，無磡頭埋牆，無吾肯識朋友），不過社交手腕同感受理解就中晒自閉模式。所以臨床上一樣叫ASD
作者: bobbob 時間: 13-10-31 12:57
四隻貓 發表於 13-10-31 10:23
我都有點疑惑. 希望大家可給予意見.
學習能力高, 好奇, 喜歡自學, 喜歡思考同發問, 是否去國際學校/IB scho ...
如果你想慳啲功夫同埋想小朋友短期內見成績，就揀間著重功課同考試成績嘅學校啦。
作者: Charlotte_mom 時間: 13-10-31 13:33
點評
bobbob 個spectrum其實好闊，如果無特別過份嘅社交或其他問題都唔駛太介意個評估結果 發表於 半小時前
哎, 無問題就唔會無啦啦去評估啦
我唔介懷既, 講真, ASD又好, 唔ASD又好, 就算驗出黎結果話佢100%正常, 做媽媽既見到佢社交唔得, 都要做野架啦, 咪搵堂上lor
! 不過有個結果, 學校可以正式安排支援, 出面有時d course亦指明要斷診左至可以join, 咁到時張"cert"就有用了
作者: 四隻貓 時間: 13-10-31 14:30
BabyISC 發表於 13-10-31 12:26
回復 四隻貓 的帖子
do u think he he is submissive?
現在幼稚園每日既功課佢都係自動自覺去完成, 做功課很專心很有效率. 功課或學術上唔駛我操心.
在校初期有多次挑戰老師同校長權威, 慢慢明白學校規舉, 現在能夠合作守規.
我估計就算去傳統小學, 功課測考多都應該無問題, 係怕佢偶爾既固執同脾氣, 仲有太多問題問會令傳統教學既老師唔喜歡.
作者: 四隻貓 時間: 13-10-31 14:38
我好同意樓上講, 樓主既小朋友其實讀邊間學校都應該無問題. 反而要盡量幫佢平衡各方面發展, 唔好只著重係學術, 多鼓勵佢地同其他小朋友溝通玩耍, 多發展大小肌肉, 體格和感統.
w_y 都講得0岩, 考學校都係一個配對過程, 到時考到邊間再揀.
作者: derek0811 時間: 13-10-31 15:23 標題: 回覆：四隻貓 的帖子
聽到好多好好的意見，謝謝各位參與討論。
作者: aliceBB 時間: 13-11-2 03:50
不要讓校方知道，因為教育局表示資優小朋友一般來說成績反而強差人意，校方亦不太偏愛這類學生
資優兒童的定義，指在以下一方面或多方面有突出成就或潛能的兒童：
智力經測定屬高水準
在某一學科有特強的資質
有獨創性思考，能夠提出很多創新的意見
在繪畫、戲劇、舞蹈、音樂等視覺及藝術方面特有天份
有領導同輩的天賦才能，在推動他人完成共同目標方面有極高的能力
心理活動能力有卓越的表現，或在競技、機械技能或體能的協調有突出的天份
資優兒童會透過不同的方式表現其資優的才華。從研究資優教育的文獻顯示，一般資優生都會有以下特徵：
1.記憶力強，能夠憶述大量資料
2.語文能力高及詞彙豐富
3.好奇心強及興趣廣泛
4.思考速度高
5.思想早熟，洞悉力強
6.追求公義和完美
7.對他人及自己有很高的期望
8. 往往對別人給予的評價過度敏感
9. 對事情及人物的感情深刻和強烈
10.自我實現之動機強烈
11.卓越的領導才能
資料來源：Clark, B.(1997) Growing Up Gifted, Prentice-Hall, New Jersey, U.S.A.,教育局
資優兒童的特徵衍生出一些問題，包括：
1.對於例行的工作感到厭煩，甚至不屑一顧。
2.不喜歡機械式背誦或重覆的作業。
3.自我要求高，嚴厲自責，不能忍受失敗。
4.喜歡提出自己的意見，有時會顯得過於挑剔，不合作。
5.在不適當的時機，開玩笑或說俏皮話。
6.情緒過於敏感，可能過度反應，容易生氣，事情不順，則容易哭泣。
7.對於細節沒有興趣，不現別人想法。
8.不輕易服從權威，有時會挑戰常規或反抗權威。
9.喜歡當領導者，有時會堅持要別人跟從自己的意見。
資料來源：陳龍安(1994)：「一個資優兒童的成長」創意家族叢書(4)
「資優兒童」的定義廣泛，所以此組群的兒童不論性格、能力和價值觀等都可以有很大差異，因著個人特質和環境因素的不同，某些資優兒童並沒有明顯的適應困難，而另一些則可能會遇到較大的問題。家長無須因兒童「資優」而過分擔憂或恐懼，只要根據兒童的需要，給予適當的引導，資優兒童與一般兒童一樣，多加關心都可以愉快地成長。
作者: cl_kaka 時間: 14-5-23 17:29
想問下樓主,平時有無同小朋友去公園玩同帶佢去上下社交班?佢學術上咁叻,樓主都要平衡返佢其他方面既生活WOR!唔好比咁多時間佢留係屋自己睇書,帶佢去參加多D唔同既群體活動,家長係屋企既時候多D同佢玩下其他遊戲!其實好多時小朋友咁叻,我地大人唔應該再咁注重佢叻既方面,反而應該要留意返佢比較差既地方!我小朋友無樓主個小朋友咁叻,但佢記性好好,2歲幾已經不停問我地D中文字點讀,自己學睇時間,沈迷睇世界地圖,但社交較差!我地就隔日都同佢去公園玩,帶佢去上社交班,同佢講多D其他故事書,玩其他遊戲(捉棋,打波....)令佢唔好再沈迷係地圖到!
作者: melonfans 時間: 14-5-23 17:53
小曳人 發表於 13-10-28 13:52
一路睇，點解咁似我....個仔！
唯一唔同，因為未同佢check IQ，我唔會自己話佢係資優住
音小簡介會校長講過, 同級小朋友能力吾同, 學習level都會吾同, 可以keep住升呢! 所以當年出咗個神童.
作者: melonfans 時間: 14-5-23 18:03
四隻貓 發表於 13-10-31 10:23
我都有點疑惑. 希望大家可給予意見.
學習能力高, 好奇, 喜歡自學, 喜歡思考同發問, 是否去國際學校/IB scho ...
其實真係睇性格, 有d真係坐吾定, 鍾意活動教學, 咁佢咪更出色.
有d真係坐定定學野, 同人溝通能力弱, 好堅持己見, 做group project佢會好慘, 好吾開心. 呢類讀傳統學校, 做操練功課就啱.
作者: hksina 時間: 14-5-23 22:10 標題: 引用：聽到好多好好的意見，謝謝各位參與討論。
+
原帖由 derek0811 於 13-10-31 發表
聽到好多好好的意見，謝謝各位參與討論。
作者: jenjenny 時間: 14-5-24 13:36 標題: 回覆：請問(港島區)哪幾間小學喜歡收學業上的資優生呢
你可試下叩新基灣，二三十年前到現在在東區都非常出名，又谷又深學術又非常强，很適合你仔仔。你可睇下佢升中派位，整體唔會比前面提及的九龍區那幾間名小差，不過可能校網問題，基灣女仔派得靚少少。
作者: Charlotte_mom 時間: 14-5-24 14:48 標題: 引用：你可試下叩新基灣，二三十年前到現在在東區
原帖由 jenjenny 於 14-05-24 發表
你可試下叩新基灣，二三十年前到現在在東區都非常出名，又谷又深學術又非常强，很適合你仔仔。你可睇下佢升 ...
作者: hksina 時間: 14-5-24 18:54 標題: 引用：Quote:原帖由+jenjenny+於+14-05-24+發表你
原帖由 Charlotte_mom 於 14-05-24 發表
谷同深唔等於適合資優，資優有自己一套想法，唔係個個老師肯包容
作者: charbaby 時間: 14-5-24 19:39
回覆 derek0811 的帖子
恭喜樓主有資優生囝囝，點解唔試st paul co ed, DBS？一定比佢跳班。
作者: Charlotte_mom 時間: 14-5-24 20:02
charbaby 發表於 14-5-24 19:39
回覆 derek0811 的帖子
恭喜樓主有資優生囝囝，點解唔試st paul co ed, DBS？一定比佢跳班。 ...
學校又真係見家長傾, 無留難, 學校知小朋友有學校能力, 肯照俾佢升, 無問題
不過已經成10前年嘅事了, 而家仲有無改就唔知喇
作者: karen55407 時間: 14-5-24 20:12
本帖最後由 karen55407 於 14-5-24 20:13 編輯
回覆 derek0811 的帖子
舊年我兒考小學也是全軍覆没，他在我心中是品學兼優的，所以我和他並肩作戰，爭取最後叩門機會，感恩終於有二線學校青睞。如今孩子已經開開心心享受小一生活，而且在校內成績也見出眾！
雖然考不到直資、私校，但也不用氣餒，抖擻精神！爭取最後叩門機會吧！加油！
作者: jaycee_mami 時間: 14-5-24 21:28
melonfans 發表於 14-5-23 18:03
其實真係睇性格, 有d真係坐吾定, 鍾意活動教學, 咁佢咪更出色.
有d真係坐定定學野, 同人溝通能力弱, 好堅 ...
我仔仔正正有齊後者的性格, 傳統的填鴨式教育即要死讀死背反而啱佢, 讀得算幾好; 如果佢在新派的活動教學小學, 即要做project, 多presentation個隻, 佢會無哂方向和信心.
作者: melonfans 時間: 14-5-24 22:54
derek0811 發表於 13-10-28 12:17
真心打聽港島區(尤以灣仔打後至柴灣)有哪些小學喜歡收學業上的資優生呢?
個仔是學術上的資優兒童, 考了5間 ...
點解吾去做評估check佢係咪資優呢? 依家只係自己評估, 未夠客觀, 亦無專業意見幫到佢.
作者: melonfans 時間: 14-5-24 23:04
Jane1983 發表於 13-10-30 13:42
甘猛料，好難相信無學校收！？
我都係咁諗! 最主要無性格問題, 資優近乎0.000000001!
| 歡迎光臨 教育王國 (/) |
Powered by Discuz! X1.5 |