教育王國
標題: 正式加入ASD家長行列 [打印本頁]
作者: Charlotte_mom 時間: 13-10-26 00:11 標題: 正式加入ASD家長行列
ASD即Autism Spectrum Disorder。今日問左負責做評估的政府臨床心理學家（CP)，究竟阿氏保加同自閉有咩吾同。CP話以前舊制度下，無speech delay被視為高智能，加自閉就係亞氏，而有speech delay就係自閉。但臨床研究發展兩樣其實無大分別，亦無需分，所以最新的斷症手冊已經無左阿氏保加呢樣。所有中自閉徵狀的一律叫ASD。我仔雖然係非典型case（中吾晒，無轉圈玩車輛，無磡頭埋牆，無吾肯識朋友），不過社交手腕同感受理解就中晒自閉模式。雖然未有written report不過CP都話係架喇中晒。同我預期一樣，無吾開心坦然面對（speech delay, ADHD一早中晒，最黑暗果段日子都過左）。中吾中都係我個仔，應幫就會幫。今日起要開始黎埋呢版學野了
作者: unfunny 時間: 13-10-26 00:18 標題: 回覆：Charlotte_mom 的帖子
請問你仔仔幾大?同埋你幾時發現佢有不妥有問題?仲有咩特徵，行為，有冇做評估?
作者: hinsleyc 時間: 13-10-26 00:20 標題: 回覆：正式加入ASD家長行列
加油
作者: Charlotte_mom 時間: 13-10-26 00:49 標題: 引用：請問你仔仔幾大?同埋你幾時發現佢有不妥有
原帖由 unfunny 於 13-10-26 發表
請問你仔仔幾大?同埋你幾時發現佢有不妥有問題?仲有咩特徵，行為，有冇做評估?
...
作者: Charlotte_mom 時間: 13-10-26 00:57 標題: 引用：Quote:原帖由+unfunny+於+13-10-26+發表請
原帖由 Charlotte_mom 於 13-10-26 發表
應該由兩歲健康院一般評估開始，肥佬轉介CAC，讀秉收位。k2老師投訴吾專心，由於佢CAC已經有file就要求評估 ...
作者: Charlotte_mom 時間: 13-10-26 00:58 標題: 引用：加油
+
原帖由 hinsleyc 於 13-10-26 發表
加油
作者: sayang_twin 時間: 13-10-26 16:50
回復 Charlotte_mom 的帖子
Hi Charlotte mom, 大家都係清邁fans,之前都對話過，我囝囝都係ASD依家3歲4個月。可否分享下你最黑暗時期是幾時呢？怎樣解決問題？你囝囝當時幾多歲呢？
作者: olima 時間: 13-10-26 16:53 標題: 回覆：Charlotte_mom 的帖子
都吾知應吾應該講"歡迎你",
話時話，仲有冇training做緊，尤其社交或思想解讀方面。
作者: CKCKmom 時間: 13-10-26 17:30 標題: 回覆：正式加入ASD家長行列
之前都在EK請教過你一些事和看了你很多post,感覺你是一位很有心有力的媽媽!知道你仔仔已經在一間很好的學校讀，這只很好的配套啊!大家一起加油吧!
作者: Vichang 時間: 13-10-27 00:00 標題: 回覆：Charlotte_mom 的帖子
Me too, I also a ASD mom. Welcome here!
作者: Charlotte_mom 時間: 13-10-27 18:40 標題: 回覆：正式加入ASD家長行列
歡迎咪歡迎lor
「正視係幫助孩子第一步」，多多指教。小兒同一般自閉情況有d吾同，佢明theory但吾識用，最令我頭痛係社交同情緒管理（講就天下無敵做就有心無力），而家上緊情緒管理課程，考慮緊感統
作者: Charlotte_mom 時間: 13-10-27 18:42 標題: 引用：都吾知應吾應該講"歡迎你",
話時話，仲有冇
原帖由 olima 於 13-10-26 發表
都吾知應吾應該講"歡迎你",
話時話，仲有冇training做緊，尤其社交或思想解讀方面。
...
作者: Charlotte_mom 時間: 13-10-27 18:53 標題: 引用：回復+Charlotte_mom+的帖子
Hi+Charlotte+
原帖由 sayang_twin 於 13-10-26 發表
回復 Charlotte_mom 的帖子
Hi Charlotte mom, 大家都係清邁fans,之前都對話過，我囝囝都係ASD依家3歲4個 ...
作者: kc1016 時間: 13-10-27 22:33 標題: 引用：歡迎咪歡迎lor「正視係幫助孩子第一步」，
原帖由 Charlotte_mom 於 13-10-27 發表
歡迎咪歡迎lor「正視係幫助孩子第一步」，多多指教。小兒同一般自閉情況有d吾同，佢明theory但吾 ...
但近日又在校攪攪震，老師話佢唔同人合作，唔識同人溝通，同學成日complain, 又成日喊，覺得佢知有問題。
我覺得好無0兩可，都唔知點做好？
作者: sayang_twin 時間: 13-10-27 22:38
回復 Charlotte_mom 的帖子
Thank you for sharing.
作者: Charlotte_mom 時間: 13-10-28 10:08
kc1016 發表於 13-10-27 22:33 
我個大仔早兩年係油麻地見過心理醫生，話佢無自閉無亞士保加，見另一醫生又話無ADHD，之前去參加小童群益會 ...
試下叫社工寫封信講返上堂表現, 再排評估? 我仔表面上超乖架, 係同小朋友interact時至露餡之嘛
作者: olima 時間: 13-10-28 16:14
思想解讀即mind reading，A仔多數不懂看眉頭眼額，理解力不高，高小孩子很需要的。我也考慮緊找這些課程給孩子。
作者: Charlotte_mom 時間: 13-10-28 16:53
THANK YOU!
有導師話我仔語言表達差, 蝕底, 有時係唔係佢錯都變左好似佢唔岩咁, 咪frustrated lor! 佢叫我上d講野班(講故事果d)但我又覺得好似唔係exactly我想要果d.....等我再搵搵先
作者: Capricorn2521 時間: 13-10-28 17:02
有關思想解讀，我覺得 STEP 嘅成長天地會幾啱。我之前參加過一D社交小組都係根據《Thinking about you, thinking about me》呢本書而做，我仔好鐘意返。
作者: Charlotte_mom 時間: 13-10-28 23:52 標題: 引用：有關思想解讀，我覺得+STEP+嘅成長天地會幾
原帖由 Capricorn2521 於 13-10-28 發表
有關思想解讀，我覺得 STEP 嘅成長天地會幾啱。我之前參加過一D社交小組都係根據《Thinking about you, thi ...
作者: HopeLJ 時間: 13-10-29 16:32 標題: 回覆：正式加入ASD家長行列
Charlotte mom 有睇很多你係 EK的文，有些對我啓發很大。很敬佩你，因為你提過你和兒子的關係。大家共同努力，幫小朋友成長。
作者: Charlotte_mom 時間: 13-10-29 17:00
你太睇得起我了, 我一樣有發脾氣, 勞氣既時侯, 無寫出黎姐
我成日都話, 駛唔駛好似人地戒煙戒酒咁整個support group, 今日無鬧仔就俾自己一個貼紙, 鼓勵下自己
大家都加油呀
作者: flamenco 時間: 13-10-30 13:34
我囝9歲, 亞氏保加.
我想問下 Charlotte_mom 或其他小朋友讀高小嘅同路人，
政府有無安排你地嘅小朋友見精神科醫生? 如有, 見醫生時會做乜? 幾耐見一次? 每次都同一個醫生嗎？
作者: dtsmartb 時間: 13-10-30 14:17
本帖最後由 dtsmartb 於 13-10-30 14:28 編輯
Charlotte_mom 發表於 13-10-26 00:57
佢就係吾典型（9歲喇），細個去CAC時職員仲話自閉一定無佢份。但佢d思維方式總之就係吾一樣：吾識睇人眉頭 ...
hahaha........你好似講緊我個仔咁， 年紀、行為、想法都差不多，唯一分別係我仔比同齡語言表達差dd.......平日上堂表現正正常常係唔會俾老師投訴.......一去到小朋友社交互動就現形
作者: Charlotte_mom 時間: 13-10-30 18:42
dtsmartb 發表於 13-10-30 14:17
hahaha........你好似講緊我個仔咁， 年紀、行為、想法都差不多，唯一分別係我仔比同齡語言表達差dd...... ...
你以為我仔唔差咩, 岩岩去上堂至俾導師話佢講野差, 成日要唸好耐至"鄧"得出, 組織力又弱, 所以蝕底LOR! 唔夠人講咪發老皮LOR
作者: Charlotte_mom 時間: 13-10-30 18:43
flamenco 發表於 13-10-30 13:34
我囝9歲, 亞氏保加.
我想問下 Charlotte_mom 或其他小朋友讀高小嘅同路人，
有呀, 有REGULAR CHECKUP同開藥, 3,4個月一次掛(無留意), 應該係同一個醫生, 不過政府醫生都會轉工
作者: dtsmartb 時間: 13-10-31 00:49
Charlotte_mom 發表於 13-10-30 18:43
有呀, 有REGULAR CHECKUP同開藥, 3,4個月一次掛(無留意), 應該係同一個醫生, 不過政府醫生都會轉工:nothi..
作者: olima 時間: 13-10-31 11:08
回復 flamenco 的帖子
我仔也是阿氏，8歲。
以前有上E位，上了小一就大約3、4個月見精神科一次，主要同媽咪及囝囝傾下偈，每次約一小時。如果孩子是ADHD，有需要會開藥。
我覺得要視乎精神科醫生的功力，之前的一個醫生，教曉阿囝諗野要「陽光」一些，踢走「黑雲」，佢受喎。那醫生不久前走了，另一醫生無甘到肉，但囝囝也習慣了，會跟她傾下偈，有時在去程時已跟我說︰我諗到同佢講d咩﹗當係社交練習囉﹗
作者: Charlotte_mom 時間: 13-10-31 13:28
dtsmartb 發表於 13-10-31 00:49
請問你仔仔做乜要食葯？我個仔語言能力，大小肌都比同龄差dd，專注力亦差dd....但無人提議过要阿仔要食药。 ...
http://big5.wiki8.com/litalin_32778/
作者: Charlotte_mom 時間: 13-10-31 13:30
olima 發表於 13-10-31 11:08
回復 flamenco 的帖子
我仔也是阿氏，8歲。
果然係同道中人
學校社工有次同我講, 話覺得我仔有時唔開心, 彷彿好似頭頂上面有舊烏雲跟住佢走, 同我講呢個係主要問題要解決LOR, 我唸佢地每人都有一舊烏雲
作者: flamenco 時間: 13-10-31 13:36
你地有無同小朋友講佢地自己嘅情況?
我一直無同囝囝講佢有咩問題,
但佢開始大個, 有時學校有啲相關嘅通告, 佢會知道唔係個個同學都有, 佢會問我係關於咩, 點解佢有其他同學無...
始終有一日要同佢講, 但我仲未 ready, 仲未諗到點講,
你地有無經驗可以分享下?
謝謝
作者: dtsmartb 時間: 13-10-31 14:25
OIC...其實你地覺得這年紀見政府医生覆診有用嗎(除因要取药例外)? 年零前阿仔已經無見精神科....一，佢大咗開始知你帶佢去係有d嘢, 同我講"又去嗰到做乜?見医生做乜? 以前我鍾意去,依家唔係好鍾意la, 喺度等不如返去做功課..........." ; 二, 醫生只係問兩句, 跟住就話keep 住睇啦........傾多幾句都冇
現在唯有自己同佢傾多d,幫佢踢走"鳥雲"....真係搞唔惦就即刻出去找私人兒童心理學家........
作者: LeeCC 時間: 13-10-31 14:29
我也剛剛加入了，醫生昨天跟我說，我兒子是ASD
作者: flamenco 時間: 13-10-31 15:13
回復 dtsmartb 的帖子
dtsmartb,
你囝囝幾大?
我囝都有見醫生, 半年見一次, 己見了兩次, so far 都係同一個醫生.
但我同我老公都覺得呢個醫生無乜愛心, 好似唔係好識同呢類小朋友相處/溝通,
每次見, 都要等好耐, 我囝對於等待係最無耐性,
同埋佢覺得如果係約咗時間, 就唔應該要再等咁耐, 佢覺得個醫生要佢等係唔啱嘅行為, 於是次次都搞到佢好嬲, 發脾氣.
我想問, 如果唔再去睇政府精神科, 係咪就咩都無咖喇? 我意思係學校以外政府嘅資源.
如果第二時有需要, 係咪要當新症咁排過?
作者: dtsmartb 時間: 13-10-31 16:03
回復 flamenco 的帖子
dtsmartb,
你囝囝幾大? 剛剛9歲
我囝都有見醫生, 半年見一次, 己見了兩次, so far 都係同一個醫生. 其實覆診無得指定医生, 當然有人好彩撞著幾次同一個, 但我唔係, 差不多次次唔同
但我同我老公都覺得呢個醫生無乜愛心, 好似唔係好識同呢類小朋友相處/溝通,
医生, 有很好也有很差......我試過最worst case 係個年青医生一開始就問我老公"你覺得點?", 如是者一路問咗10次都有, 但佢1條問題都無問阿仔。 最後我老公有點忟, 同佢講"我覺得點唔重要, 你覺得點才重要? 你問我貢多, 不如你問吓阿仔覺得點?"
每次見, 都要等好耐, 我囝對於等待係最無耐性, 同埋佢覺得如果係約咗時間, 就唔應該要再等咁耐, 佢覺得個醫生要佢等係唔啱嘅行為, 於是次次都搞到佢好嬲, 發脾氣. yes 等得太耐, 加上有時個別一些較嚴重的個案也在等覆診, 他們或許會叫囂, 撞牆.....令他好明顯唔願逗留在那裡
我想問, 如果唔再去睇政府精神科, 係咪就咩都無咖喇?我意思係學校以外政府嘅資源. yes
如果第二時有需要, 係咪要當新症咁排過?
原則上係, 我都有考慮過呢一點, 但老公講, 齋覆診都係觀察情況, 都唔會做d乜, 有起事上嚟都要下次覆診先講......然後有需要再排隊做輔導.....真係"蚊到訓"。 與其係咁不如cut 左佢, 有起事上嚟出去找私人心理學家即刻處理唔好等。Touchwood, 我阿仔唔係情緒波動很大的case,佢學校社工尚且識得點handle, 班主任勉強算體諒, 所以so far 差不多2年, 只出動過一次私人心理學家。 Otherwise, 都好重皮及吃力。
作者: NCmama 時間: 13-10-31 18:37
Charlotte mom, 請問你囝囝讀那間小學？我囝情況跟你囝好似，五歲，最近為選小學和去面試，壓力爆煲。
作者: LeeCC 時間: 13-11-1 10:17
其實我有些不明白，亞氏三個特徵，是否三個中曬先算系，現在的asd,是否沒全中都當系?
精神科醫生說他固執，有很多routine,儀式給自己，萬一儀式規矩破壞了，就出現焦慮，社交弱，眼神交流少，但表達能力高，用詞豐富
他與醫生有問有答，但沒望過醫生一眼
作者: bobolam 時間: 13-11-1 11:41
回復 Charlotte_mom 的帖子
你個仔在學校有無朋友?
作者: bobolam 時間: 13-11-1 11:47
回復 LeeCC 的帖子
我個仔社交弱, 唔識交朋友, 內向, 怕羞,無固執行為,也評定為自閉
作者: Charlotte_mom 時間: 13-11-1 14:03
本帖最後由 Charlotte_mom 於 13-11-1 15:13 編輯
唔駛齊晒, 我仔都唔齊, 無咩固執行為, 隨便適應新環境又得, 一齊玩又得
佢話自己有朋友架, 講得出名tim, 跟住醫生問佢地會一齊做d咩? 佢答唔出, 醫生再問咁咩叫朋友先? 我仔話因為人地問: 我地不如做朋友丫, 佢話好, 所以佢地就係朋友, 醫生問: 咁其他無問既就唔係朋友咩? 我仔唔識答
佢唔係好識define咩叫朋友, 佢亦唔在乎邊個約佢玩, 或者玩完一大餐之後究竟果個人叫咩名 (佢唔排斥一齊玩架, 佢唔在乎之嘛), 亦唔覺得無人打電話俾佢有咩值得唔開心
感情方面, 最激既例子係我99過身(之前講過, 我再detail d, 你應該會O咀)
我地同6299一直同住, 99係心臟病突然走左, 62發現, call晒白車又急救又電, 屋企人又喊又打電話又發脾氣(想像到幾亂), 我出左街, 去到醫院攪左一大餐返屋企, 見到個仔, 正常做心理輔導
我: 仔呀, 麻麻死左喇
仔 (如常玩車): 哦, 我知丫
我: 佢死左唔返黎wor (哦)
我: 佢以後以後都唔再返黎wor, 無麻麻喇wor (嗯, 死左嘛, 我知丫)
我
mouth:" />mouth:" />: 你究竟知唔知咩叫死左呀究竟
我仔好冷靜(精靈樣)咁望住我: 我知~! 心臟停止跳動咪就係死左lor !
我
: 無野喇你繼續玩啦
到夜晚, 我老公燒衣紙, 一路喊一路叫阿媽返黎, 我仔企o係隔離望住, 平靜理性地講左句: 下, 我覺得佢唔會返黎喇下話, 佢死左架喇wor (衰仔, 我即刻扯埋佢一邊)
咁lor! 咪就係呢d小事小事夾埋, 醫生覺得佢ASD lor, 佢表面非常正常, 我d朋友個個話佢乖tim呀, 拎住本書/遊戲機就可以安安靜靜, 睇唔出lor
作者: LeeCC 時間: 13-11-1 14:22
本帖最後由 LeeCC 於 13-11-1 14:32 編輯
我個仔5歲，醫生問他有冇朋友，他答:有
醫生:你的朋友叫咩名呀？
仔吾講嘢
醫生:咁你地一齊做咩？玩咩？
仔答:吾知
他表面都係好正常，但講嘢吾知好嬲定好笑
人哋問他:你搭咩車來㗎
他答:在xx站搭xx巴士xx站落車，xx站搭x號月台xx線往xx方向，？個站，xx站xx月台左（或右）手車門落車，xxexit
人哋聽到一頭霧水，死未？假如嗰次要轉車，講埋邊個月台落車，邊個月台上車
怕改變，轉堂喊，去新地方喊，搭的士喊 （話未搭過呢架的士，好驚喎，激死！）
但好中意講嘢，人哋覺得他talkative, 講嘢o力，好可愛
係餐廳吾會四圍跑，自己四圍望，咪餐牌！人哋覺得他好乖
朋友覺得他好正常，話我做乜要帶個仔四圍評估睇醫生
作者: LeeCC 時間: 13-11-1 14:58
仲有，個醫生話而家剛5歲，6歲後可能會睇到多啲，未必只係asd，請問大家的經驗．仲有啲咩通常6歲後先睇到？ 搞到我有啲擔心吾知係乜？
作者: dtsmartb 時間: 13-11-1 15:10
本帖最後由 dtsmartb 於 13-11-1 15:10 編輯
"咁lor! 咪就係呢d小事小事夾埋, 醫生覺得佢ASD lor, 佢表面非常正常, 我d朋友個個話佢乖tim呀, 拎住本書/遊戲機就可以安安靜靜, 睇唔出lor"
我好明白.....我個仔都係唔會有同學仔打俾佢, 佢亦無興趣打俾人。他只有紙上好朋友(當作文時要寫一個朋友), 但實際又唔覺佢地有交往mouth:" />
他的表面非常正常同乖, 其他人不瞭解的, 當他百分百正常。mouth:" />但我很擔心當他長大後, 不知就裡,開口"及"著脷得罪人, 而我們不在他身邊幫忙解話......他會被人打 mouth:" />
作者: LeeCC 時間: 13-11-1 15:17
dtsmartb 發表於 13-11-1 15:10
"咁lor! 咪就係呢d小事小事夾埋, 醫生覺得佢ASD lor, 佢表面非常正常, 我d朋友個個話佢乖tim呀, 拎住本書/ ...
我都驚他開口得罪人，他試過問點解鄰居90幾歲婆婆咁老仲未死嘅？
作者: Charlotte_mom 時間: 13-11-1 17:56
咁好彩我仔係marginal, 睇住佢對眼兩頭碌, 好彩忍得住, 不過有時見佢面容扭曲忍笑忍到爆咁LOR
作者: LeeCC 時間: 13-11-2 14:45
ADHD?
CAC醫生說他專注力好喔，老師也覺得他專注力沒
作者: Vichang 時間: 13-11-2 18:03 標題: 引用：+本帖最後由+LeeCC+於+13-11-1+14:32+編輯+
原帖由 LeeCC 於 13-11-01 發表
本帖最後由 LeeCC 於 13-11-1 14:32 編輯
我個仔5歲，醫生問他有冇朋友，他答:有
作者: Capricorn2521 時間: 13-11-2 19:14 標題: 引用：Quote:dtsmartb+發表於+13-11-1+15:10+"咁l
原帖由 LeeCC 於 13-11-01 發表
我都驚他開口得罪人，他試過問點解鄰居90幾歲婆婆咁老仲未死嘅？
作者: Charlotte_mom 時間: 13-11-2 21:12
Vichang 發表於 13-11-2 18:03
我都係ASD 家長，不過我個囝只係兩歲半，嘢都未識講，我而家已經好煩，未來都唔知會點。
...
會進步既, 阿Q d唸, 早d知, 早d搵個適合既方法教, 咁咪好lor
作者: LeeCC 時間: 13-11-2 22:30
我個仔4歲半發現問題，5歲才確診 ，姑娘同我講6歲前是黃金時間，但排政府精神科要一年，不要講訓練真不知該怎做
作者: olima 時間: 13-11-4 09:53
回復 Charlotte_mom 的帖子
Charlotte_mom 及其他媽咪,
關於「陽光」及「黑雲」概念，我試試在此解釋，睇下你們可否向孩子灌輸。
當時阿囝剛升一年級不久，我同精神科的CP說他的思想很負面，她就同阿囝傾起一個囝當時擔心的topic︰擔心功課做吾完。當時她問我孩子大約多久做完功課，我說一小時內必完成。於是她跟囝話︰媽咪說你一小時完成，即使不能一小時完成，最多1.5小時，或者2小時，一定會做完的。跟著拿起一幅印有「黑雲」的圖畫，跟孩子說擔心功課做不完的諗法，就是「黑雲」想法，要掉左去(她真的跟手扔掉那圖咭在地上)。然後拿出太陽圖咭，就話我們要「陽光」些︰功課一定做得完的。
回家後我照上網download「陽光」及「黑雲」圖咭，過埋膠，得閒就同阿囝講，佢慢慢好似明白多了。
個CP仲同我講，我係阿囝的case manager，有好多東西都要為佢安排或設想，以前係，而家係，以後都係。
努力。
作者: olima 時間: 13-11-4 10:03
回復 Capricorn2521 的帖子
我囝都有類似的經歷，在太婆96歲的生日宴上，佢爸爸恭喜太婆長命百歲，阿囝就對太婆話︰你仲有四年就死喇﹗
平日，佢鍾意指著化了濃粧的女士話好醜樣，我教佢如果想講，細細聲在媽咪耳仔講，人地聽到不喜歡。有時work,有時吾得。
呢套書(龍仔樂園故事集)都啱我地的孩子看，是小童群益會阿氏課程姑娘介紹的︰
http://www.jollyisland.net/book.html
另一本叫波仔日記，都OK架。
作者: Capricorn2521 時間: 13-11-4 11:17
本帖最後由 Capricorn2521 於 13-11-4 11:35 編輯
回復 olima 的帖子
謝謝你呀! 我會研究吓D書，我相信呢類書好有用。我之前賣咗D德育書當故事講比亞仔聽，佢牢牢記住。
我仔係高功能自閉，上年ST話佢說話內容吾夠靈活，即使好多野講，但都有言語遲緩。其實我有D吾同意，佢個腦只係諗到佢鐘意嘅野，可以長遍大論。如果講到佢冇興趣嘅野，佢吾會好似一般小朋友咁試試估吓。佢好穩陣，吾識就吾答，想像力也差。除非你講咗個答案比佢聽，佢又問完你一倫問題，確定個情況先會講。所以我通常會用引導嘅方法同佢講野，點知佢又用引導嘅方法同我講野。依家我要按TOPIC有時用直接的方法，有時用引導嘅方法！同佢講野真係好攰 ！
作者: 魚王 時間: 13-11-4 11:18 標題: 回覆：正式加入ASD家長行列
想問你們小朋友的大少肌肉發展有無問题？
作者: Charlotte_mom 時間: 13-11-4 11:57
olima 發表於 13-11-4 10:03
回復 Capricorn2521 的帖子
我囝都有類似的經歷，在太婆96歲的生日宴上，佢爸爸恭喜太婆長命百歲，阿囝就 ...
thanks!
作者: Charlotte_mom 時間: 13-11-4 11:57
魚王 發表於 13-11-4 11:18
想問你們小朋友的大少肌肉發展有無問题？
我仔小肌唔得, 寫字似打風
作者: Vichang 時間: 13-11-4 12:09 標題: 引用：Quote:Vichang+發表於+13-11-2+18:03+我都
原帖由 Charlotte_mom 於 13-11-02 發表
會進步既, 阿Q d唸, 早d知, 早d搵個適合既方法教, 咁咪好lor
作者: 魚王 時間: 13-11-4 21:31 標題: 回覆：正式加入ASD家長行列
想問去到陌生地方，見到陌生人就有過份焦慮，可怎train 和改善？
作者: bobolam 時間: 13-11-5 10:43
本帖最後由 bobolam 於 13-11-5 11:39 編輯
回復 olima 的帖子
請問你們有無安排課程去改善他們的社交問題?
作者: Charlotte_mom 時間: 13-11-5 11:52
有呀咪上D社交班咁lor, 不過我仔講就天下無敵, 上堂時咩model answer都俾晒, 做就有心無力, 一係喊一係嬲
作者: bobolam 時間: 13-11-5 12:15
回復 Charlotte_mom 的帖子
系邊度上社交班?
作者: dtsmartb 時間: 13-11-5 15:08
LeeCC 發表於 13-11-1 15:17
我都驚他開口得罪人，他試過問點解鄰居90幾歲婆婆咁老仲未死嘅？
作者: dtsmartb 時間: 13-11-5 15:27
Charlotte_mom 發表於 13-11-4 11:57
我仔小肌唔得, 寫字似打風
Charlotte_mom, 你仔仔會否不喜歡作文功課?
我仔大、小肌都爭d d, 協調又稍遜, 學游水比人慢。 小學頭兩、三年d字體係 "惨不忍睹"....唔知寫乜，亦不大願意寫字。自從暑假參加了個玩票性質的書法班，今年d字有較明顯進步。但都係唔多願做作文, 中、英文都唔願作, 唔知係咪同本身呢种小朋友創意及聯想力低有關...........
次次叫佢作多幾隻字，費事老師要佢重做........佢就發忟憎又喊
作者: Charlotte_mom 時間: 13-11-5 16:13
dtsmartb 發表於 13-11-5 15:27
Charlotte_mom, 你仔仔會否不喜歡作文功課?
我仔大、小肌都爭d d, 協調又稍遜, 學游水比人慢。 小學頭兩 ...
好明顯啦
岩岩做評估CP都有問, 問佢有無想像力呀, 肯唔肯作呀
我個仔....哎, 叫佢寫便封信表哥去游水, 死都話咁小事寫便條就得
"快樂的一天"叫佢唔識寫遊戲機就寫公園, 佢話咁佢的確係O係屋企玩遊戲機丫嘛
作者: dtsmartb 時間: 13-11-5 17:01
Charlotte_mom 發表於 13-11-5 16:13
好明顯啦岩岩做評估CP都有問, 問佢有無想像力呀, 肯唔肯作呀
我個仔....哎, 叫佢寫便封信表哥去 ...
咁CP有冇suggest d 方法俾佢去improve 呢? 唉……..
阿仔做作文, 數夠唔夠字數的時間仲多過寫作時間…..C未?!
作者: Charlotte_mom 時間: 13-11-6 09:13
我仲等緊報告, 不過預左不外乎建議參加D表達, 講故事訓練
尋晚開始溫考試, 溫數, 個衰仔做練習, 睇到我嘆為觀止 (27x7心算都知係189, 其他題目佢D運算方式我睇極都唔明但又岩wor, 全部**題無中招仲鬼咁快靚正), 但我一路對卷一路叫佢執好個中文folder (已經幫佢分好晒單元1.1, 1.2...等等, 只係一疊疊擺入去), 攪成半個鐘都攪唔掂, 哎.............
作者: olima 時間: 13-11-7 10:02
回復 魚王 的帖子
對不起，好忙，囝又測驗了......
見到陌生人好焦慮，我囝都係咁，細個時，人地派傳單俾佢，佢會驚，有陌生人搭訕佢又驚，連出入地鐵大閘機發出的聲音都驚，到海旁看煙花試過要「速逃」，上台表演更扭番落台......
這些都與感統有些關係，聲音、本體感等。
我囝都訓練了二年多感統，社交班也有(小童群益會)，還有曾經做臚胝骨治療(再找相關的看吧)，而家做緊脊醫(脊醫話幫到佢無咁驚，我不太肯定)，加上長大了，俾多些機會他嘗試，他現八歲幾人仔，終於可跟別人上台一起表演，可自己去七仔增值，去M記買野等。
俾多些時間及機會他們吧﹗
我仔大小肌都偏弱的。
作者: LeeCC 時間: 13-11-7 16:08
olima 發表於 13-11-7 10:02
回復 魚王 的帖子
對不起，好忙，囝又測驗了......
社交也較弱，人地和他講嘢不會望人
老師說他想玩的玩具俾同學攞先，他不會問人可吾可以一齊玩，他只係死跟住個同學，望住人玩
最中意幫老師收拾用品，老師話他從冇擺錯位
作者: dtsmartb 時間: 13-11-7 16:57
本帖最後由 dtsmartb 於 13-11-7 16:57 編輯
Charlotte_mom 發表於 13-11-6 09:13
我仲等緊報告, 不過預左不外乎建議參加D表達, 講故事訓練
尋晚開始溫考試, 溫數, 個衰仔做練習, 睇到我嘆為 ...
似乎唔賴唔閒唔緊唔要係佢地的通病, 明知有能力做到, 但佢唔會同你急, 運動, 測驗, 比賽叫佢俾d心機，俾d力做; 佢啋你都儍, 只跟自己步伐做(即係按章), 摧又摧唔到, 推又推唔到。為免家嘈屋閉, 血壓上升......今年開始我同老公嘗試放手了; 除非老師/教練話唔收貨(作文就一定唔收貨) ；否則, 由得佢自由發揮。
有時俾佢激嘔血時, 我會唸佢身体健康已好好了,唔好求太多.......道火會易熄d.........係咪好 阿Q呢
作者: Charlotte_mom 時間: 13-11-7 17:13
LeeCC 發表於 13-11-7 16:08
我個仔又係有焦慮，驚乾手機，洗手間有人用乾手機，會驚到喊，多人地方驚到喊要走
社交也較弱，人地和他講 ...
我仔細個驚個乾手機驚到
, 成個飛出街咁滯
希望你仔仔好似我仔咁, 大個會好d, 我仔而家唔驚lu
作者: 魚王 時間: 13-11-7 18:05 標題: 回覆：正式加入ASD家長行列
唉我個仔陌生及密失恐惧，一歲時去洒樓吃飯狂哭，成晚要出去先停哭，出多了肯玩。但去不同酒樓每次定格15分鐘，之後無野。去playgroup,所有野不follow,全定格，不動不講，到等十堂就會肯同人玩，但我知佢識唱哥的歌，在家可跟洒做動作。到反pn頭十天都哭，不拿玩具，不同人玩，第十一天正常了。老師話佢好ok,自理好，無問题，外藉老師話佢好有自信，都有些stuborn.如自己唱歌，唔比同學唱其他歌！最近帶佢interview, 未入班房己經哭，circle time 定格，十分緊張，我就無奈！！返了幾個月pn完全無進步。
作者: LeeCC 時間: 13-11-7 18:50
大家有沒有這樣經驗，跟外藉老師談這問題，他們較多提議，本地老師較被動，只問我想怎樣配合，她們會盡力配合
作者: chongamy 時間: 13-11-11 11:36
回復 Charlotte_mom 的帖子
hi Charlotte_mom
我個仔八歲剛評估係亞氏保加，大致上同你地情況相似‧
請問有可否介紹社交訓練班給亞仔讀呀?
謝謝
作者: dtsmartb 時間: 13-11-11 18:08
Charlotte_mom 發表於 13-11-7 17:13
我仔細個驚個乾手機驚到, 成個飛出街咁滯
希望你仔仔好似我仔咁, 大個會好d, 我仔而家唔驚lu
...
有人專業人仕跟我說過, 有ASD小朋友對聲音很敏感, 我仔小時都係，機械大聲d會嚇到喊.........後來, 有一年暑假, 他做了一個好像是甚麽聲頻治療....一星期大約三、四天到中心帶住headphone 聽一d 嘢,聽甚麼我不知道.....(你知啦.....那個時候可以令自己仔仔有改善的,勉強afford 到都會試。)....後來, 我又覺得佢改善左d.......都唔知係咪那樣野真的work
作者: rakui 時間: 13-11-12 14:33 標題: 回覆：正式加入ASD家長行列
有冇小朋友係做ADOS個評估呢？ADOS同CAC嘅評估有何分別呢？有人說CAC的評估未必準確。
作者: eerr 時間: 13-11-12 21:23 標題: 引用：ASD即Autism+Spectrum+Disorder。今日問左
提示: 作者被禁止或刪除 內容自動屏蔽
作者: 小B仔 時間: 13-11-18 10:34 標題: 回覆：Charlotte_mom 的帖子
我個仔同你小朋友一樣情形，今年剛上小一，情緒開始出現問題，想請教你在什麼機構訓練？ 你小朋友情緒會否好衝動或突然情緒高漲？ 謝謝分享。
作者: miukili 時間: 13-12-4 10:23
我仔快六歲, 剛剛診斷有亞氏保加, 有點徬徨, 六歲先知好似好遲咁
作者: Charlotte_mom 時間: 13-12-4 12:09
miukili 發表於 13-12-4 10:23
我仔快六歲, 剛剛診斷有亞氏保加, 有點徬徨, 六歲先知好似好遲咁
唔遲, 我仔9歲至確診
阿Q d睇, 咁遲發現即係唔明確lor
不過我成日覺得, 係ASD又點, ADHD又點, 無原因又點? 做得阿媽, 見到佢邊方面唔好就要去幫, 好似我大女, 正正常常呀不過數學低B, 佢無咩障礙啊, 做父母咪一樣搵最適當既課程/導師去幫佢, 好straight forward架咋, 學樓上話齋, 負擔得起, 試得就試, 最緊要幫到, 大家都加油
我仔以前上過小童群益會專注社交, 最後去健苗軒, 都唔錯的
之前小童群益會(灣仔成長發展中心)個姑娘好好, 試過有堂cancel左我唔記得, 去左, 佢得閒, 同我傾左成個鐘關於我個仔d問題, 個姑娘不慍不火又治到班仔好掂, 我可以放心個仔跟佢去camp的
而家我仔就上健苗軒(聖基道兒童院), 係學校社工介紹話家長覺得唔錯, 我上左一個term, 係教小朋友點去正面思考事情, 去到唔如意時點去整理情緒, 導師每堂下課後都有review, 佢話覺得我仔有明顯進步, 無初初黎咁郁d就喊, 同學掂下佢就阿之阿左唔鐘意, 而家好好多, 當然都要繼續train以求令佢"上晒腦"就會更進步
余德淳我無上過(因為以前只有九龍有中心), 但識2個人包括我妹, 上完都勁讚好, 話好睇到每個小朋友唔同之處, 而且導師比例高, 佢暑假尾開左灣仔中心, 但我問佢時佢又好似未定開咩course, 我又報到健苗軒, 就無考慮了 (順帶一提, 健苗軒應該好快出新一期, 我上次第一日下午去已經好多full左, 想報就襯手)
作者: LeeCC 時間: 13-12-4 12:10
姑娘話呢類通常較輕微，不用太擔心
我個都五歲才知
作者: miukili 時間: 13-12-4 17:48
太好了, 有大家可以分享經驗, 去CAC個醫生都唔多講, 只係叫我自己出去搵小組做治療, 有時想問野又唔知可以問邊個
作者: bbstart 時間: 13-12-5 13:17 標題: 回覆：正式加入ASD家長行列
我仔11歲高能亞氏保家，4歲確診！
你地講全部都有。4歲時去政府上堂約半年，之後講唔需要啦！所以只有record. 佢細時，我用好多時間睇書，上堂，為左幫仔改變他們獨特的方式，每改一個習慣需要的時間由三個月至幾年不等！！！但相信他會成長後更加容易明白其他人的意思！最傷心嗰次係6歲時話我係假mami，我當場哭出來(街)，EQ很高的我都忍不了！到現在，仔改變好多，雖然社交都是像三年級，但相信越來越好！
-對聲音敏感，最怕行雷-哭
-小肌肉差，但已改善很多-現玩劍擊
要返工啦，再續，大家努力，可以改善的，只要大家處理好自己的心態去面對！！一定ok!
作者: LeeCC 時間: 13-12-5 16:19
我個仔明天開始上小童群益會社交班，希望可幫到他
作者: annew1128 時間: 13-12-6 09:23
bbstart 發表於 13-12-5 13:17
我仔11歲高能亞氏保家，4歲確診！
你地講全部都有。4歲時去政府上堂約半年，之後講唔需要啦！所以只有recor ...
作者: bbstart 時間: 13-12-6 17:42 標題: 回覆：正式加入ASD家長行列
社工講:夾衫夾，幫你“浪“襪！數筷子，用左手拿住近底所有筷子，用右手母子及食指數！對小肌肉有幫助！如喜歡塗顏色又可！其實可以用不同型式可以練到！喜歡做的，效果更好！
作者: bigeyeye 時間: 13-12-7 23:46
唔好俾個病名框框左自己同細路，每個孩子都係UNIQUE既，佢地只係唔同於一般人，唔代表佢地有所缺失！
D 心理醫生同 CAC 既兒科醫生成日亂咁斷左症，信佢地一成都死。
作者: bbstart 時間: 13-12-8 16:06 標題: 回覆：正式加入ASD家長行列
都係嫁，仲知弱的要加強，強的就繼續law! 仲有各位留意，他們有強的地方就要發掘下啦！
作者: LITTLESPICY 時間: 13-12-8 16:50 標題: 引用：我仔11歲高能亞氏保家，4歲確診！ 你地講全
原帖由 bbstart 於 13-12-05 發表
我仔11歲高能亞氏保家，4歲確診！
你地講全部都有。4歲時去政府上堂約半年，之後講唔需要啦！所以只有recor ...
作者: LeeCC 時間: 13-12-8 18:26
即智力正常
我個仔開始上俾亞氏的社交班，報名前社工問過學習能力，表達能力，是否喜歡同人玩等問題，結果去到，其他小朋友眉精眼企，積極答問題，一啲都晤似有問題，最似嗰個係我個仔，晤望過人，要導師不停提先望一下，跟住又晤望，要叫名先答問題，答最多2個字，
所以都係ASD，差距可以好大
作者: LeeCC 時間: 13-12-8 18:31
bbstart 發表於 13-12-8 16:06
都係嫁，仲知弱的要加強，強的就繼續law! 仲有各位留意，他們有強的地方就要發掘下啦！
天生我才必有用！
作者: Ononma 時間: 13-12-8 20:17
「小童辟益會社交班」，是自己可以報名，還是要轉介的？
作者: LITTLESPICY 時間: 13-12-8 22:25 標題: 引用：即智力正常我個仔開始上俾亞氏的社交班，報
原帖由 LeeCC 於 13-12-08 發表
即智力正常
我個仔開始上俾亞氏的社交班，報名前社工問過學習能力，表達能力，是否喜歡同人玩等問題，結果 ...
作者: LeeCC 時間: 13-12-8 23:35
自己報名，但姑娘問得好清楚情況，再介紹課程
作者: celia1606 時間: 13-12-17 01:32
提示: 作者被禁止或刪除 內容自動屏蔽
| 歡迎光臨 教育王國 (/) |
Powered by Discuz! X1.5 |