教育王國

標題: 好想做全職媽 [打印本頁]

作者: erniec 時間: 13-10-25 02:40 標題: 好想做全職媽

呢排幫阿囝攪升小，真係冇哂心機工作，日日爬EK文，查實由畢業出黎做野一直有停過，就算轉工都係工接工，生左囝后都成日想唔做野全職湊囝，但始終少左個人揾錢差好遠。我宜加份工比前忙，開始擔心第日阿囝升小后我會唔夠時間去take care佢，放工番屋企都過7點，每晚根本唔會有幾多時間用，我好唔想一放工番去同囝相處時就只有功課溫書。唔知呢度多唔多JM係FTM？身邊的確多左唔少朋友quit左份工湊囝，錢永遠都搵唔夠，但錢真係買唔番同囝相處嘅時間，喺香港做working mom真係幾辛苦，唔知大家有冇同感？

作者: karen55407 時間: 13-10-25 06:34 標題: 回覆：erniec 的帖子

我恨咗好耐啦！

作者: bbalau 時間: 13-10-25 07:06 標題: 回覆：好想做全職媽

你說少一個人搵錢差好遠，即是唔會唔夠用？咁咪quit 半年試下囉。少D錢冇野㗎，心靈上健康都好重要。

但FTM都有難頂時候，當因為分分鐘見住，你不其然會放大佢地既缺點，好忟。唔係放工攬一陣咁sweet 。佢地仲細，都要全天候照顧，跟出跟入，成個人變成完全為他生，無咗自己。

不過肉體雖然疲倦，但我覺得心靈健康咗，唔使在公司心掛掛佢地。

作者: reei 時間: 13-10-25 07:10

Can you find job with different working hours like 8 to 5? Then you can go home earlier. If you give up job for you son, will you shift more pressure on his studies if he didnt achieve whay you expect?

作者: Montreal 時間: 13-10-25 07:58 標題: 回覆：好想做全職媽

The best alternative is to find a part time job.

作者: sissysze 時間: 13-10-25 07:59 標題: 回覆：好想做全職媽

FTM 一定辛苦過working mom, 返咗小學都好啲，因為佢返全日，你重有啲私人時間，佢一放學返嚟就開始打仗，做功課，對功課，溫書，默書，沖涼，好彩有工人煮飯唔使煩，食完飯陪讀。有時重要揍出揍入學嘢，佢去咗學嘢你就要揾地方流浪，小則一個鐘，耐則二個鐘。做FTM 辛苦架，不過見到小朋友嘅表演，一定值得。

作者: lily233242 時間: 13-10-25 08:04 標題: 引用：呢排幫阿囝攪升小，真係冇哂心機工作，日日

原帖由 erniec 於 13-10-25 發表
呢排幫阿囝攪升小，真係冇哂心機工作，日日爬EK文，查實由畢業出黎做野一直有停過，就算轉工都係工接工，生 ...

尤其見到囡囡同學的ftm媽媽可以用好多時間教到佢哋小朋友品學兼優，成日去博物館、圖書館、玩童軍、一齊做資料搜集做功課、背書、默書…，張成績表靚到飛起，唉！我知我小朋友唔係蠢，但自己撥不到太多的時間陪她

作者: 蓮蓉包 時間: 13-10-25 08:17 標題: 引用：Quote:原帖由+erniec+於+13-10-25+發表呢排

原帖由 lily233242 於 13-10-25 發表
尤其見到囡囡同學的ftm媽媽可以用好多時間教到佢哋小朋友品學兼優，成日去博物館、圖書館、玩童軍、一齊做 ...

抱著這樣的期望做ftm會更辛苦。萬一小朋友冇乜長進，個人會好frustrate . 我曾經quit佐份好好既工諗住全職湊仔，結果兩個月我已經頂唔順出返黎做野。part time 都試過，如果錢唔係問題其實是不錯的。

作者: catcc2000 時間: 13-10-25 08:26 標題: 回覆：好想做全職媽

我放工返屋企最早7:30，仲要係帶埋嘢返去做先可以7：30。通常同細路做功課，讀書，佢地瞓唒我先食晚飯，再做野，做到around 12點。早排apply小一，一個星期4個interview d會 clash唒，真係想即刻唔做，不過唔做真係唔夠洗，希望兩個上晒小學d錢會鬆動d。我都驚上左小學唔夠時間陪佢讀書。

作者: bebelee 時間: 13-10-25 08:37 標題: 回覆：好想做全職媽

身同感受，放工回家吃飯睇功課溫習下嗰小朋友已經夠鐘訓覺，想同佢玩下都沒乜時間，何況其他額外增進...小朋友訓左再工作至12-1時，身心俱疲...看見別的FTM可安排不同活動及花很多時間教導，就覺得自己很不行

作者: Isaacmommy 時間: 13-10-25 08:42 標題: 回覆：catcc2000 的帖子

7:30 返到屋企都不算太差，可唔可以放學後去屋企附近補習社個半小時，然後返屋企沖涼、食飯，到你回家後再同佢跟一跟或進行親子活動？

作者: mimics218 時間: 13-10-25 09:00

提示: 作者被禁止或刪除內容自動屏蔽

作者: luluhaha 時間: 13-10-25 09:09

妳'既情況唔適合放棄工作，妳要想妳己經好過其他在職媽咪，有好多10點放工，有心的話每日10分鐘己經可以好好利用，可以讓小朋友感受到愛就夠了

作者: pris626 時間: 13-10-25 09:42 標題: 回覆：好想做全職媽

個個人嘅感受唔同，有啲人好enjoy做FTM, 有啲人又覺得頂唔順。小朋友大得好快，時間過左就返唔到轉頭，襯依家小朋友仲細就陪佢、錫佢、攬佢多啲, 给佢做多啲有營養嘅食物，陪佢做多啲運動。做FTM唔係等如做工人/老師，有人覺得做FTM就可用盡時間谷小朋友學業和課外活動，如小朋友表現不如人意就失去做FTM意義，如做FTM嘅目的係為左咁，我就唔係好贊同。

作者: moonychan 時間: 13-10-25 09:44

mimics218 發表於 13-10-25 09:00
想做全職媽媽要 "教"得到小朋友先值...
身邊多人是全職湊小朋友,但咩都跟唔到(唔識教), 小朋友又唔聽話, 到 ...

絕對認同.

作者: 咖央 時間: 13-10-25 09:45 標題: 回覆：好想做全職媽

本身是全職媽，家務煮飯已佔大部分時間，錢係最大問題，真係好手緊。一想起假如2個小朋友都要入直資，跟本應付唔到。

作者: moonychan 時間: 13-10-25 09:52

仲要做定心理評估, c6 係咪好計較既人, 因為一問佢取錢就比幾句你聽都死.

仲要湊得個仔好, 唔係又有說話聽......

所以. 同c6 商量好, 有共識都好重要.

作者: 慢過蝸牛 時間: 13-10-25 09:56 標題: 回覆：好想做全職媽

我好多時返到屋企，佢已瞓咗

作者: kelly12345 時間: 13-10-25 10:00

如果可以養成小朋友放學自己做完功課&溫書,7點放工後中都還可以有親子時間.我都係放工返到屋企差唔多七點,阿囡讀小二,自己放學後已經做完功課同自己溫默書之類既簡單嘢,偶爾會有D執漏,不過這種情況很少.我地放工返去就只是同佢check d功課有無做齊同埋簽功課,如果第二日有默書就同佢默一次,通常一次可以pass.然後就可以同佢一起玩,或者睇電視睇書之類,由佢話事.當然,如果測驗考試時就會辛苦D,但都會保證佢每日有玩耍時間.(佢肯自己溫功課係因為同佢講咗,如果完成D功課就可以自己決定剩餘時間的活動)

作者: feiji 時間: 13-10-25 10:03 標題: 引用：呢排幫阿囝攪升小，真係冇哂心機工作，日日

原帖由 erniec 於 13-10-25 發表
呢排幫阿囝攪升小，真係冇哂心機工作，日日爬EK文，查實由畢業出黎做野一直有停過，就算轉工都係工接工，生 ...

做 FTM 對我來說是一件很快樂的事，仔仔和我很 close , 又聽話，有很多時間傾偈，我完全了解他的優點缺點, 可針對他的特點去教導他，陪伴他成長。不過，生活是平淡些，有些人可能覺得悶，我自己則非常享受。

作者: taktakchichi 時間: 13-10-25 10:09

FTM可能係開或者係全世界最辛苦嘅工作（因為無假期，無得收工）。睇下妳性格同心態啦

作者: Babemama 時間: 13-10-25 10:14 標題: 引用：FTM+一定辛苦過working+mom,+返咗小學都好

原帖由 sissysze 於 13-10-25 發表
FTM 一定辛苦過working mom, 返咗小學都好啲，因為佢返全日，你重有啲私人時間，佢一放學返嚟就開始打仗， ...

好有同感，有時自己都有掛住番工日子，生活所面對有多些層面，多些朋友。但都明針無兩頭利，見到孩子開心，有進步，放學時不停口講提佢校園生活時，一切都值得。大家媽咪，加油吖！

作者: teambuilder 時間: 13-10-25 10:19

首先你要明白你想解決的問題係咩；

1.放工番到屋企7點：其實你可以揀份工放6點，或搬近d office，反正你有收入，請好好善用金錢的力量。
2.放工後冇時間玩：睇你點安排，個人覺得玩係假期先玩。平時平平淡淡過一日便可。
3.沒時間教小孩：唔覺FTM會教得比較好，FTM只係多左時間上午做自己事。

我有番工，但一樣會同佢做功課，講故事同玩。放假就去食好野，去旅行，住靚酒店。其實working mum少左的只係自己時間（休息和做自己喜歡的事）。

作者: audrey420 時間: 13-10-25 10:53

i really hope to do so...

作者: sundae525 時間: 13-10-25 10:58

做半日得唔得?又可幫補下, 又多D時間陪小朋友, 我有朋友都係咁.

作者: erniec 時間: 13-10-25 11:07

回復 feiji 的帖子

我好欣賞D能夠ENJOY做FTM既JM, 其實我覺得有個好奇怪現像，生小朋友係做媽媽既天職，為何教同湊小朋友就會變成係姐姐既責任?試問邊一個小朋友唔係想媽媽湊?做FTM唔係一份工作，唔係要講效益同成果，係一程關係同過程，有苦亦有樂，見證一個小朋友既成長，呢個同佢讀書有幾好係無關係，但我明白有D好玩實既問題係要考慮，好似日本既女人，佢地係職場既地位好低，一結左婚生囝就專心做FTM，你睇就連生口百惠紅到發紫，佢係結左婚之後都係番去做FTM，因為文化同社會既價值觀唔同，日本人好重視親子關係，有人研究日本小朋友無論自理能力，自律性都高係因為佢地有好好既親子教育，呢個問題真係好值得去反思。

作者: 天瑜 時間: 13-10-25 11:10

提示: 作者被禁止或刪除內容自動屏蔽

作者: BabyYukYuk 時間: 13-10-25 11:24 標題: 回覆：好想做全職媽

最好做part time 媽咪，全曰湊小朋友同做家務係會發顛的！

作者: moonychan 時間: 13-10-25 11:25

erniec 發表於 13-10-25 11:07
回復 feiji 的帖子

我好欣賞D能夠ENJOY做FTM既JM, 其實我覺得有個好奇怪現像，生小朋友係做媽媽既天職，為 ...

你所講既, 如果唔洗 "睇送食飯" 當然係天職大過天啦.

如果你真係有個心做 ftm 點都做左先, 起碼試過~ 加油.

作者: moonychan 時間: 13-10-25 11:26

BabyYukYuk 發表於 13-10-25 11:24
最好做part time 媽咪，全曰湊小朋友同做家務係會發顛的！

yes~ 我返 pt~ 過日晨, 有5小時自己時間, 接放學後係另一世界.

我仲要2個小朋友, 一邊教一個, 幾吃力, 幸好有姐姐做家務 + 煮飯 + 帶一個返學放學.

作者: MUMREDBB 時間: 13-10-25 11:33 標題: 回覆：moonychan 的帖子

日日我都唔想返工，真的很想做全職媽媽！但是無奈現實是唔返工就養唔起咁多人! 所以如果有條件可以做FTM, 真是幸運的一群啊！

作者: Truemum 時間: 13-10-25 11:41

對子女成長做FTM一定較好, 你會有多d時間跟佢学業＋課外活動. 我d兄弟姊妹既F丅M照顧既子女好叻, 琴琪書畫樣樣掂, 我要番工既, 我果d就⋯

作者: 魚兒小寶貝 時間: 13-10-25 11:44

咁你又唔好為將來未發生既事咁擔心，睇下係咪真係有需要先。我家姐返工，但教得個仔好好，而我自己個case就真係好需要喇。

我細個既時候，媽咪都冇乜理我地，所以我就諗，第日生左B，一定要自己湊，如果企響小朋友立場，一定係最好（識唔識，湊得好唔好係另一回事）。因為供樓既関係，所以生左都係比99湊，諗住小一至自己湊番。囝囝係屬於怕羞得黎又好活躍果隻，BB開始已＂唔好湊＂，歲半開始已經曳得好緊要，而62, 99, 及C6又勁縱佢，直頭唔比我閙個仔，身為媽媽竟然唔可以教自己個仔! 我果陣真係好沮喪，有好大既無力感。。。

見身邊朋友或家人因子女問題，造成婆媳関係惡劣，或小朋友行為愈來愈差，成績唔理想等。。。睇我囝囝既情況，已續漸成為＂港孩＂，時間係返唔到轉頭既，就算我搵幾多錢，都彌補唔返。。。我亦唔想埋怨人地，埋怨自己，所以辭左份好工，K1開始自己湊。

做左FTM已兩年，PN時同學仔既媽媽話我仔依家完全唔同晒，好似變左另一個人咁，朋友同屋企人都話幸好我自己湊返。少一個人搵錢，真係差好遠，但只係物質方面，我地依家冇出國旅行，冇話出新手機，囝囝盡量著2手衫，我d衫上淘寶買幾十蚊一件，好耐至可以食一次自助餐。。。但我覺得好值!

我地唔算好窮，應駛既地方我都會駛，而且做FTM要識得平衡，有時我會放低個仔出去同舊同事、朋友食飯、玩，亦要扮下靚，唔好一做FTM就失去左自己。

作者: ViolaKin 時間: 13-10-25 11:50

生第一個仔時, 真係日日唔想返工, 好想做FTM媽媽, 無奈C6唔贊成. 到之後工人對阿仔唔好至第二個仔出世, 本原打算唔做, 自己揍. 但其間發現一個揍兩個真係好大壓力, 加上一人搵錢4人使, 開支好大, 最後都係決定出返來做野. 始終比阿仔上興趣班 / 上直資學校, 都唔晒計住就住。
如果錢唔係問題 + 埋有工人幫手, 其實做ftm真係唔錯, 否則真係忙過返工.

作者: Jane1983 時間: 13-10-25 12:36

如果經濟許可，好想做ftm，就即管做。

做ftm，多些時間親子，教得小朋友叻系錦上添花，在我來說，最緊要系建立深厚的感情，第日即使有什麼沖突，都吾容易反面成陌路人。

人與人之間，好似銀行儲定多d 錢，第日draw 極都有。

作者: IloveJJ 時間: 13-10-25 12:52 標題: 引用：Quote:原帖由+lily233242+於+13-10-25+發表

提示: 作者被禁止或刪除內容自動屏蔽

作者: 天瑜 時間: 13-10-25 13:09 標題: 回覆：teambuilder 的帖子

提示: 作者被禁止或刪除內容自動屏蔽

作者: hoihoima 時間: 13-10-25 13:13

回復 erniec 的帖子

我都很明白你的感受，因為確確實實要花很多時間在小朋友身上，尤其升小以後，尤其如果你不只一個小朋友。

不過我覺得如果我放棄了工作，整天看著他們，那他們就會變成了我的百分百，我生活的全部。他們的一舉一動都會牽動我的情緒和刺激我的神經。例如，如果他們考試不合格，那是否等於我不合格？到時我一定會想，我的犧牲是否值得？好容易鑽牛角尖。同時，其實孩子到了小學階段也不一定喜歡你分分秒秒在身邊。

同意其他媽媽說，番半職是最佳選擇。他上學時你上班，你也可以利用上班的時間當給自己透透氣。財政上也有幫助。不過可惜，香港非常不鼓勵母親番半職，鮮有這樣的機會。就算有，都不是什麼專業行業了。我都有想過到超市當收銀員。很無奈。

作者: skhyear 時間: 13-10-25 15:23

回復 hoihoima 的帖子

好同意！PRE - FTM 好多會有 "教得更好" 的期望及預期，萬一事與原違，可能承受更大壓力，往牛角尖裏鑽！

作者: 魚兒小寶貝 時間: 13-10-25 19:05

taktakchichi 發表於 13-10-25 10:09
FTM可能係開或者係全世界最辛苦嘅工作（因為無假期，無得收工）。睇下妳性格同心態啦 ...

咁我又唔覺喎，湊一個其實好輕鬆，況且子女係兩公婆都有份架嘛，唔係同老公溝通好至生既咩，我唔會容許老公就手旁觀，亦唔會厭老公做得＂冇咁好＂而攬晒上身，咁樣對3方面都唔好。

作者: erniec 時間: 13-10-25 19:34

回復魚兒小寶貝的帖子

係lor, 我都覺得媽媽點會係一份工作？而係一個角色，包含好多既責任，生仔只係一個好短既過程，養育佢地係一生一世，由决定生果一刻就係life committment, it so happened 係現今發達既社會可以將呢份"職責"搵人幫手share, 我堅持無請姐姐，幸運係我白天有家姐幫手湊，夜晚放工一定自己湊番，housework都zip時間做，d朋友個個都鄧我辛苦，係有點疲倦，但我仍覺得值得，唉，點會咁容易可以搵到一份你話幾點放工就放工既job, 我本身做緊mgt level, officially 都係話放6:00,但無可能，日日要lead住team同事，已經好exhausted, 都真係想有番d自己加take care 囝既時間

作者: OxBB 時間: 13-10-25 21:52 標題: 回覆：erniec 的帖子

我都想做 ftm, 我自己都有二個小朋友，我做製衣日日要ot不在講，有時仲要北上。唉，如果有多d 時間可以陪到小朋友成長係好事。有時唸揾到錢又冇時間，為咩？

作者: heidicyli 時間: 13-10-25 22:25

做FTM沒有好或不好，最重要是自己性格是否合適。

作者: Oceania 時間: 13-10-26 07:53 標題: 回覆：heidicyli 的帖子

Agree. I also want to be FTM. But due to economy and my personality, I'm still a working mom. In order not to extend my working time, I work a job that I am familiar with, and not much challenge.

作者: 魚兒小寶貝 時間: 13-10-26 11:19

erniec 發表於 13-10-25 19:34
回復魚兒小寶貝的帖子

係lor, 我都覺得媽媽點會係一份工作？而係一個角色，包含好多既責任，生仔只係一 ...

＂由决定生果一刻就係life committment＂，你呢句講得超好，同我諗法一樣

。以前拍拖老公見到d小朋友就流晒口水，我本身就唔係幾想生，我同佢講，你要記住，制造一個生命出黎係一件好大既承諾，佢唔係一件玩具，佢係一個人，唔係佢話要黎呢個世界，可以話係為左滿足我地自己而生佢出黎（不要討論宗教問題），你要花時間同佢玩，比心機教

。。。（下刪一萬字）

朋友話我偉大，話我肯為個仔犧牲。。。我話我唔偉大，亦唔覺犧牲，我只係做應當做既事，個仔係黎豐盛我地生命，唔係真係黎討債（講笑就會講

）。。。

講開又講，所以我有時見d亞媽對個仔唔好，或唔多願理佢地，尤其生兩個果d，我就有d火，究竟點解要生? 對打仔果d父母我又諗，係，係個仔叫你生佢出黎比你打既?:;pppp:

作者: kitmantsoi 時間: 13-10-26 11:40 標題: 回覆：魚兒小寶貝的帖子

明白做FTM既吸引處，但前半生努力所得既理想工作，要放棄亦不容易。
要孩子努力做人學習，讀好書完成夢想。我媽媽曾經如此，而我亦慶幸得到有所發揮的工作。但到我做媽媽，我放不下，唯有選擇工時稍短既工作。。。

作者: baby330 時間: 13-10-26 21:19 標題: 回覆：好想做全職媽

無日返到屋企都9點過後，個囡差不多日日都瞓咗覺，每朝返工前只能相處20分鐘，有時嗰囡同你講昨晚等唔到你返嚟，聽到都幾心孫㗎，各位認為小朋友幾大去做FTM好啲呢?

作者: tws2010 時間: 13-10-26 22:30

回復魚兒小寶貝的帖子

我經常同朋友講, 生育是一件重要決定, 小朋友不是玩具, 是life commitment, if can't commit, can't do it, don't leave your kids unattended...

作者: erniec 時間: 13-10-26 22:51

回復 baby330 的帖子

我覺得冇話小朋友幾大個先做FTM,最理想一定係由生佢果日開始，let alone 經濟嘅問題，如果一個媽媽要佢全日對住小朋友而覺得係一件苦差，我會覺得代表呢個媽媽未ready去做一個真正嘅媽媽，所以真係好睇個人嘅價值觀，有人會將工作放係一個較高嘅位置，全因工作帶來嘅滿足感遠高於一切，係一個相對性嘅問題，可能我係工作上真係搵唔到果份滿足感，反宜我覺得同囝囝共處嘅時間，even係屋企做家務時果份感覺更實在，更滿足，只係要放低份工作將經濟負擔放晒係另一半身上亦係一個好實在嘅考慮，人不能自私，要平衡各方面，所以做女人難，做媽媽更難，大家加油！

作者: 魚兒小寶貝 時間: 13-10-27 11:02

baby330 發表於 13-10-26 21:19
無日返到屋企都9點過後，個囡差不多日日都瞓咗覺，每朝返工前只能相處20分鐘，有時嗰囡同你講昨晚等唔到你 ...

我倒認為係由BB一出世開始，我以前冇諗過個重要性，成日覺得話小朋友0~6歳既生長期好重要呀，乜乜乜，物物物，以為係d商家吹出黎。生左之後，不斷睇育兒書，不斷驗證，原來0~6歳真係好重要，佢好多習慣呀，能力呀，都係由呢個時候形成。。。天生既性格，湊佢既人及生長環境等等因素，影響好大。例如我仔性格懶散，在99家只係食殘廢餐，我仔唔啱發脾氣，99仲同佢say sorry，我閙仔62就話我。。。如果囝囝再係響呢個環境生長落去，最終只會成為廢人，亦會日日家嘈屋弊。家人及朋友中我算遲生，可以見到好多借鏡及聽到好多抱怨（或叫呻啦），我唔想咁，同上面講既一樣，時間係返唔到轉頭，我認為自己湊一定可以教好佢，事實証明係冇錯。雖然我上面講過家姐返工，但個仔好好，呢個其實亦要配合好多方面（最重要佢仔天生性格定及乖）。

作者: Gihoho 時間: 13-10-27 11:17

呢個念頭愈來愈強烈！因為家有2個蕃薯，大蕃薯明年小一，細蕃薯後年小一。連續2年攪升小一的事已頭大，希望2個蕃薯升小一順順利利。始終幼稚園同小學程度不同，如果可以，等佢地升小一、小二時，做ftw，等佢地適應晒再做番野。

作者: chung222 時間: 13-10-27 15:41 標題: 回覆：好想做全職媽

錢永遠都係不夠！如你心不在工作！就試下FTM la

作者: Gooblovebb 時間: 13-10-27 17:44 標題: 回覆：好想做全職媽

我自己由大仔出世開始已係FTM，宜家細女已一歲半，一直冇工人，呢排超忙，一方面照顧細那個，另方面忙大仔小一面試。一路以來，好多路人甲乙丙丁話讀咁多書考得咁好走去湊仔好浪費，但我唔覺，雖然我會呻攰呻辛苦，但我係好享受，講真，如果我番工，冇錯可以換大D的屋，買車、成日去旅行，但同子女相處的時間呢?所餘無幾。呢排老公公事忙，好幾晚都夜番見唔倒囝囝，囝囝仲靜鷄雞同我講話鍾意我多D，因為我成日陪佢。細路仔好簡單，佢地的世界好細，若父母成日在身邊，佢地安全感大好多，成長也會更健康!

作者: Gooblovebb 時間: 13-10-27 17:47 標題: 回覆：好想做全職媽

補充一句：千祈唔好以能培養子女好叻為做FTM的目的，應該以大家的關係為目標。我見過有些FTM太過以子女的成就為自己的責任，push 得D子女好緊要，咁就唔健康了。

作者: erniec 時間: 13-10-27 18:26

回復 Gooblovebb 的帖子

我同你既諗法一樣，好坦白講我搵得仲多過我c6,我估唔做野個living standard 唔多唔少一定有影響，但始終同小朋友既時間係無價，孩童呢段黄金時間就係父母同佢地建立一段好close relationship既時間，第日到佢地踏入青春期就好睇同佢建立既關係有幾穩紮，同小朋友相處，無論質同量都同樣重要

作者: Gooblovebb 時間: 13-10-27 18:34 標題: 引用：回復+Gooblovebb+的帖子我同你既諗法一樣

原帖由 erniec 於 13-10-27 發表
回復 Gooblovebb 的帖子

我同你既諗法一樣，好坦白講我搵得仲多過我c6,我估唔做野個living standard 唔多 ...

我建議你可計下真係唔番工的話會點，如果okay的，不妨試下做FTM，免得自己將來後悔嘛

作者: tungsfamily 時間: 13-10-27 21:42

本帖最後由 tungsfamily 於 13-10-27 22:07 編輯

我係FTM, 從前是工作牛，做FTM初期，係有膽心過經濟。
不過現在我覺得，人不在職場，反而多了時間留意社會發生既事。
從孩子同學認識唔同行業既家庭，唔同人既想法，反而會見到好多工作太忙錯過了的i投資機遇。

香港真係唔係一個用手搵錢既地方，一個家，一份穩定收入是須要的，兩份只係兩個死做，幫老版搵錢，又失去親子，何苦呢？

作者: ELJCHL 時間: 13-10-28 10:13 標題: 引用：你說少一個人搵錢差好遠，即是唔會唔夠用？

原帖由 bbalau 於 13-10-25 發表
你說少一個人搵錢差好遠，即是唔會唔夠用？咁咪quit 半年試下囉。少D錢冇野㗎，心靈上健康都好重要。

但FT ...

我都試過quit 左份工1年做FTM, 但最後都請工人做返野，因為我覺得自己脾氣越來越差，同小朋友／老公relationship 差左，可能我性格急，要求高。

作者: 進爸爸 時間: 13-10-28 10:20

支持！因為目下小朋友的功課實在太多。靠補習，根本是不行的。

作者: joys 時間: 13-10-28 12:10

提示: 作者被禁止或刪除內容自動屏蔽

作者: NANAAU 時間: 13-10-30 10:07

我一個凑两個，大仔就5歲下年小一，細女1歲，無工人要一脚踢
大仔出世時係6299凑，个仔越大發現佢性格發展上問題越多，老人家追住餵飯，我教仔老人家喊住阻止我，眼見個仔越黎越似生番，我心好驚，未夠兩歲時我辭工做FTM
我仲即搬，遠離6299果區，方便我教仔，唔想他們日日走上黎阻住我教好個仔
因为無工人，咩都自己做係好忙，但係應付到，只要时间分配得好d就一定掂，而大仔不到半年已经正常好多，自理方面好左，变返個有禮貌嘅人，我已经覺得好值得.
個仔越大見佢越鍾意同街上的小孩玩，就諗好唔好生多個，對佢性格發展又有正面幫助，经濟上又再緊d，要供樓加養两個bb真係唔易，不過老公俾到好多信心我，而我就盡我能力慳家d，諗過度過先買
凑仔辛苦过返工好多，24小時全天候，但得到的一定俾失去的更多！下年小一大仔有直資Offer，我好開心，証明我都凑得個仔唔太差姐！不过我知道我仲有地方要改善，要多d耐性，唔好咁急
FTM條路好長，老公支持好重要，緊密的親子関係的確係$買不到的，FTM加油！

作者: erniec 時間: 13-10-30 11:31

回復 NANAAU 的帖子

好羨慕你可以做一個知足FTM, 其實要教好小朋友最緊要係個教法要consistent,香港好多小朋友係grand parents or maid湊，佢地用既方法同媽媽通常都唔同，小朋友經常會面對double standard同埋好confusing messages,佢地自自然然一定會take 對佢地有利果一方，咁媽媽幾努力都好，係事倍功半，所以一定係自己湊係最理想，做得媽媽係要放棄好多，但一定係值得同需要，加油呀!

作者: pris626 時間: 13-10-30 14:45

本帖最後由 pris626 於 13-10-30 14:58 編輯

世界上最難的工作

職位：全職媽媽
工作時間：365天每分每秒隨時待命
條件：不談代價，沒有任何怨言

能勝任這份工作的那個人，
她永遠笑得比你快樂，哭得比你難過......

歡迎光臨教育王國 (/)