教育王國

標題: 請教藍田朗思Think/ 將軍澳Boxhill/ 學之園/ 德寶/ 翠茵邊間好? [打印本頁]

作者: Silencemily 時間: 13-10-21 17:17 標題: 請教藍田朗思Think/ 將軍澳Boxhill/ 學之園/ 德寶/ 翠茵邊間好?

點比較以上5間學校?

作者: hkvdak 時間: 13-10-21 17:23 標題: 引用：點比較以上5間學校?

原帖由 Silencemily 於 13-10-21 發表
點比較以上5間學校?

我都想知

作者: Ianchan 時間: 13-10-21 18:27 標題: 回覆：Silencemily 的帖子

我都想知

作者: Silencemily 時間: 13-10-21 19:04

anyone can help?

作者: hkvdak 時間: 13-10-21 20:18 標題: 回覆：請教藍田朗思Think/ 將軍澳Boxhill/ 學之園/ 德寶/ 翠茵邊間好?

我諗都係話揀最近屋企嗰間

作者: MSKAKACHAN 時間: 13-10-22 11:02

唔知你係唔係住tko呢? 前2年我都係留意呢幾間......

藍田朗思Think - 上次交k報名表時才入去看過校舍, 比我相像中細和舊. 不過佢小班教學, 所以係貴d. 而且有個戶外playground, 但比我感覺有點像天井. 設有英普, 英粵, 全英選擇. 語境好好的! 多活動. 但pn 不是直升k.

將軍澳Boxhill - 好似只有全英, 適合上國際學校, pn 就無所謂, 但k的話就難上local小學, 所以當年我最後沒有報. 校園在適場內.

學之園 - 應該是近年tko最出名了, pn 只有英粵, k先有英普可選. pn 可直升k, 可能因為直升, 我爬文見考 pn 難的, 校舍新, 但也是比我相像中細, 位置偏僻, 一定要搭校車, 除非住日出康城. 近年考直資成績好, 著重家校合作, 透明度我覺得係咁多間學校之中最高. 雖然佢好, 但未必係你心中杯茶架, 要去openday 感受一下最好, 我自己就覺得我好似高攀唔起間學校咁 :p......

德寶 - 唔知你講邊間分校, 富康校舍好大, 有3層, 不過你要預o左pn 只用地下o個層, 高班先用上面的. 老師有愛心的, 如果想讀全日的, 我個人覺得幾好, 比起think和翠茵無咁貴 (學之園無全日). 不過佢分主流和國際. pn國際沒有普通話的, 係全eng, 一個abc做net, 一個廣東話做class teacher. k 才有普通話, 但一星期3堂, 比起翠茵, think和學之園的英普就略為遜色. 但以我所知主流銜接本地小學做得好. 因為深的. 不過n 不是直升k, 要再考的, 但優先.

翠茵 - 唔知你講邊間, 但有朋友讀新寶城的. 老師和校長都有愛心的. 國際class係金髮做class teacher, 我覺得係區內少有. 但校園在適場內. pn是直上k的. 不過呢間就區內出名, 出面無人識, 又睇下你覺得緊唔緊要.

以上tko的都沒有outdoor, 只有think 有. 看你重唔重呢點.
又看你係咪一定要直升.
n 個人認為選間近的較好, 其實呢幾間都係有質素的.
以上是我所見所聞, 唔知啱唔啱. 希望幫到你.

作者: Silencemily 時間: 13-10-22 13:19

回復 MSKAKACHAN 的帖子

Thanks MSKAKACHAN so much! The information is very useful.

學之園係唔係太著重學術? 催谷得好勁? 好多功課?

仲有聽講翠茵K都係要重新報名，反而聽說朗思係可以直升。唔緊要啦! Interview嗰日再問校長 :)

作者: 魚爸爸 時間: 13-10-22 14:27 標題: 引用：回復+MSKAKACHAN+的帖子 Thanks+MSKAKACHA

原帖由 Silencemily 於 13-10-22 發表
回復 MSKAKACHAN 的帖子

Thanks MSKAKACHAN so much! The information is very useful.

我覺得學之園唔算谷得好勁!K1唔駛寫字,功課主要係做線條練習! 到左K2,開始學寫字,每日大約兩份功課!!

佢0既課程主要係比小朋友從遊戲同體驗中學習!我囡囡宜家K2,佢好鍾意間學校0架!!

作者: hkvdak 時間: 13-10-22 16:10

MSKAKACHAN 發表於 13-10-22 11:02
唔知你係唔係住tko呢? 前2年我都係留意呢幾間......

藍田朗思Think - 上次交k報名表時才入去看過校舍, 比 ...

Very Detail and useful information,

Thanks!!

作者: walalala 時間: 13-10-23 02:44 標題: 引用：唔知你係唔係住tko呢?+前2年我都係留意呢幾

原帖由 MSKAKACHAN 於 13-10-22 發表
唔知你係唔係住tko呢? 前2年我都係留意呢幾間......

藍田朗思Think - 上次交k報名表時才入去看過校舍, 比 ...

謝謝你的分享！意見很中肯

作者: enjoypp 時間: 13-10-23 07:31 標題: 回覆：MSKAKACHAN 的帖子

咁南豐綠茵如何?好唔好?

作者: MSKAKACHAN 時間: 13-10-23 16:12

回復 enjoypp 的帖子

南豐綠茵我知又係eng語境好, 但係我上過playgroup唔係咁鍾意, 包括老師和地方......

反而常寧道綠茵裏面環境好d喎, 因為新.

其實好多野要自己親身去看一看才知適唔適合自己架. 可能其他人去又覺得好鍾意. 哈哈!

作者: Amiringo 時間: 13-10-24 17:14 標題: 引用：回復+enjoypp+的帖子南豐綠茵我知又係eng

原帖由 MSKAKACHAN 於 13-10-23 發表
回復 enjoypp 的帖子

南豐綠茵我知又係eng語境好, 但係我上過playgroup唔係咁鍾意, 包括老師和地方......

咁翠茵同藍田迦南比你會點揀？我只知道藍田迦南有戶外playground.我果個係11月細b,如果咁好彩2間都收我真係唔係好識揀……

作者: MSKAKACHAN 時間: 13-10-24 18:02 標題: 回覆：Amiringo 的帖子

邊間近你D？比我會考慮地奌，上下午班和邊間可直升。。。

作者: Amiringo 時間: 13-10-25 14:12 標題: 回覆：MSKAKACHAN 的帖子

我住將軍澳站，藍田會遠少少，但其實都唔係差好遠。如果我小學想考直資/私小，其實邊間會好d?

作者: lamonni 時間: 13-10-25 21:34 標題: 引用：唔知你係唔係住tko呢?+前2年我都係留意呢幾

原帖由 MSKAKACHAN 於 13-10-22 發表
唔知你係唔係住tko呢? 前2年我都係留意呢幾間......

藍田朗思Think - 上次交k報名表時才入去看過校舍, 比 ...

多謝資料

作者: lamonni 時間: 13-10-25 21:38 標題: 回覆：請教藍田朗思Think/ 將軍澳Boxhill/ 學之園/ 德寶/ 翠茵邊間好?

直資係咪要考嫁？有無派？
我都有翠欣offer，等緊其他幼稚園結果

作者: sakbbjaijai 時間: 13-10-25 22:44 標題: 回覆：請教藍田朗思Think/ 將軍澳Boxhill/ 學之園/ 德寶/ 翠茵邊間好

如果係英普班：學之園>翠茵>德寶>Think >Boxhill

主流班：學之園>德寶>翠茵>Think>Boxhill

課程深：學之園>翠茵>德寶>Think>Boxhill

名氣大：學之園>其他

直升K1: 學之園，翠茵。( Boxhill 唔知。德寶同Think無直升)

作者: sakbbjaijai 時間: 13-10-25 22:46 標題: 引用：Quote:原帖由+MSKAKACHAN+於+13-10-23+發表

原帖由 Amiringo 於 13-10-24 發表
咁翠茵同藍田迦南比你會點揀？我只知道藍田迦南有戶外playground.我果個係11月細b,如果咁好彩2間都收我真係 ...

兩間課程都深，但名氣就迦南大D, 如果住TKO, 我會揀翠茵，similar level 嘅學校。

作者: sakbbjaijai 時間: 13-10-25 22:48 標題: 引用：唔知你係唔係住tko呢?+前2年我都係留意呢幾

原帖由 MSKAKACHAN 於 13-10-22 發表
唔知你係唔係住tko呢? 前2年我都係留意呢幾間......

藍田朗思Think - 上次交k報名表時才入去看過校舍, 比 ...

totally agree ..... 但翠茵而家越來越出名，其他區都好多人識

作者: Ianchan 時間: 13-10-26 16:48 標題: 回覆：sakbbjaijai 的帖子

翠茵係新都城個間？

作者: cathleenli_0704 時間: 13-10-26 23:50 標題: 引用：唔知你係唔係住tko呢?+前2年我都係留意呢幾

原帖由 MSKAKACHAN 於 13-10-22 發表
唔知你係唔係住tko呢? 前2年我都係留意呢幾間......

藍田朗思Think - 上次交k報名表時才入去看過校舍, 比 ...

我想問下你意見，如果九龍塘啓思am offer同德寶國際pm offer 你會點選擇？？邊間程度會深d??

作者: MSKAKACHAN 時間: 13-10-27 00:43 標題: 回覆：cathleenli_0704 的帖子

應該德寶程度深D，但我唔清楚九龍塘啟思沒有了學卷程度加深成怎樣。但朋友在藍田啟思就說淺和太hea.

作者: jshho1018 時間: 13-11-5 15:30

啟思是 happy school, 當然是 hea 啦...

想唔 hea, 以上幾間就以學之園最深了...

作者: Cajes 時間: 13-11-5 16:05

我自己最BUY學之園, 活動教學程度亦深. 如果上升直資, 我覺得非常好.
至於德寶翠茵THINK, 對我來說分別不大, 但我覺得THINK 名氣大少少. THINK亦講明唔會淨FOCUS 英文...N1/K1都係中文為主..
BOXHILL唔係唔好, 不過佢FOCUS好少係中文係一個問題. 學校環境亦相對局促.

其實入到呢幾間是但一間都唔錯了. 小朋友最緊要有開心童年

作者: Silencemily 時間: 13-11-7 10:13

回復 Cajes 的帖子

請問你個小朋友有IN 14-15年嘅THINK N班嗎?
我囡4月出世，IN完感覺麻麻地，個老師一輪咀問囡囡問題，好似期望佢好似大人咁可以對答自如，小朋友都未WARM UP，之後又拎幾張圖俾小朋友問佢圖裡面嘅人做乜嘢，我覺得對於啱啱歲半嘅小朋友嚟講太難喇! 唔知佢想揀咩學生。

作者: helenmelody 時間: 13-11-7 11:38

本帖最後由 helenmelody 於 13-11-8 14:10 編輯

回復 MSKAKACHAN 的帖子

你好熟行情啊, 我都想請教你呀....我自己住油塘, 大B首選藍田的THINK和靈糧堂, 因為近, 對於PN三歲以下的小朋友會好D。
上星期阿女IN THINK面試表現都唔錯, 靈糧就下星期19號IN....呢兩間, 我唔知點揀好....??

另外都有報ST CAT, TKO 學之園同新開的油塘救世軍, 但首選都係朗思同靈糧

小學我想阿女讀直資, 讀邊間幼稚園會著數D??

謝謝

作者: MSKAKACHAN 時間: 13-11-7 15:01

回復 helenmelody 的帖子

helenmeloday, 我唔係好熟架咋, 只係我早你地一年, 我之前報n, 現在報k, 所以先知道多少少, 而呢幾間都是我當初報n時有留意的咋!!!

你住油塘, target 直資, 個人認為 think 和學之園會較優勢, 尤其學之園近年受家長追捧, 而成績又真係唔錯, 我覺得今年所公佈的成績比think好添. 2個價錢又差不多. 2個語言環境都好好. 如讀此兩間, 基本上係唔駛再出去報語文, 上下興趣class就ok.

如果靈糧堂, 口碑好呀, 但係語文環境一定不及以上2間, 你要預讀呢間就要多花時間和金錢額外再出去補囉. 不過其實就算st cat, 以我所知考到入名小學的都是靠家長自己谷架......

至於st cat, 你怕唔怕 2歲人仔就坐校巴? 有d人係怕的, 我就是, 所以我連學之園都沒有選, 到k先來考, 但係就會更難囉. 其實以我所知學之園考n已經難架啦, 可況k......

以上小小意見唔知有冇用:p

作者: helenmelody 時間: 13-11-7 15:09

多謝你的回覆呀, 我都係一樣, 唔想BB咁細個去九龍塘返學, 報N純粹比BB見識下, 操練下面試, 玩下咁解, 佢地咁細, 其實都係當自己去上PG之嘛....我見到個女上星期傻更更去面試, 先响天井玩(好似平日去公園咁), 之後GROUP IN玩玩具, 咪同平日PG一樣囉...

N班會優先考慮藍田, 同你一樣, 可能K至比佢IN下TKO學之園

作者: helenmelody 時間: 13-11-7 15:10

正確黎講, 係我地班家長見識下...佢地咁細識乜鬼....得啖笑:;pppp:

作者: Silencemily 時間: 13-11-17 11:27

thanks everyone's comment. My daugther got am offer from Think finally. will wait for LH's interview

作者: vvik 時間: 14-5-13 11:11

回覆 MSKAKACHAN 的帖子

如果朗思vs德寶國際, 邊間學術及語境好? 我希望多活動, 而且重校合作. 請俾o的意見.

作者: ruby_leung 時間: 14-5-13 11:35 標題: 回覆：請教藍田朗思Think/ 將軍澳Boxhill/ 學之園/ 德寶/ 翠茵邊間好

你好好人呀，d資料好幫到手，想請教如果常寧綠茵vs德寶國際，你會點揀？吾該曬

作者: MSKAKACHAN 時間: 14-5-13 14:43

本帖最後由 MSKAKACHAN 於 14-5-13 14:46 編輯

回覆 vvik 的帖子

VVIK, 我沒有讀過朗思think, 但有去過交form時參觀過, 我就麻麻地個環境, 雖然有個小戶外playgroup, 但感覺似天井, 如輪環境比較, 雖然德寶沒有戶外playgroup, 但感覺大些(雖然pn 只在地下層活動), 環境好些.

輪語境, 前面有jm 話think n和k1都重中文, 咁我會較熟德寶國際, 德寶國際係1個 abc + 1個local 做class teacher. abc class teacher 為主, local 為副. 但我class 那個 abc 係完全local 樣子的, 不過係流利英文. 睇下你介唔介意, 我知翠茵國際 even pn class 也是金髮人的. 在我小朋友上了德寶國際大半年pn, 聽英文係ok的, 你用英文指令叫佢做野佢係聽得明, 但叫佢講, 就under我expectation, 可能仲細o瓜......佢返黎常唱英文歌, 有時會攞住本書講一大堆英文但沒有意思的, 係亂講的, 但以我所知他們與同學之間都係用中文溝通, 沒有講英文的. 以上是講德寶國際富康分校, 我唔知寶盈是否一樣.

另外, 德寶國際pn 半日係全英, 沒有中文學的, 呢一點要留意. 要學中文只有全日class另付費13xx一學期才有得下午上中文, 但也不是天天上的......他們並沒有英普, 要去到k1先有1星期3堂的.

作者: MSKAKACHAN 時間: 14-5-13 15:26

vvik, 補充下先, 我唔清楚think pn 多唔多活動, 家校合作做成點. 但想重家校合作既, 德寶國際唔算好重, 佢比我感覺唔係咁open, e.g. pn 和k1(好似)係沒有觀課活動. 我好多時都要自己主動打比老師問小朋友情況(而我確實是幾緊張小朋友在學校的事, 好想知多d的家長來). 國際班活動比主流的多, 除了生日會及節日外, 還會有animal party, world book day party, career party, national day party 等等. 但聖誕節有d學校都會安排 pn 小朋友表演節目, 德寶是沒有的. 另外2月時有過一次學校旅行, 4月時有過一次運動日, 人人期望都不同, 我唔知咁樣算唔算多. 如果你係全職媽媽自己湊小朋友放學可能會同老師接觸多d會好d, 我呢d在職父母, 無咩機會同德寶老師溝通.

作者: vvik 時間: 14-5-13 15:36

回覆 MSKAKACHAN 的帖子

你的資料超詳細, 好感動!! 我剛發現德寶的收據有間investment 公司名 "Superfund Investment Limited".. 上網又搵唔到呢間公司的資料, 有點奇怪!
你小朋友讀緊國際班? 讀得開心嗎? 學術程度比普遍幼稚園較深定淺.. 淺即C for cat 深即C for caterpillar
另外, 小學會讀IS 嗎?

作者: MSKAKACHAN 時間: 14-5-13 16:10

聽d舊家長講德寶係呢年定上年先轉寫比investment公司. 我問過其他朋友, 他們說九龍塘的學校有d都會咁做, 寫另一間公司名的. 不過有人家長說寫o左比呢間公司後d野貴晒, 但又可能只是物價通脹係咪都加唔關間公司事.

他們讀pn國際都ok la, 但佢唔係話咁鍾意返學, 但又不會很抗拒, 只是知道第二天放假佢會好開心. 我知佢like d 同學仔. 老師, 我覺得真係一dd好, 唔係全部都好, 但呢樣, 好多學校都有呢個問題. 個人想我小朋友上英普, 而德寶國際不是真正英普班, 所以我k1會轉走呀!

你就算pn讀國際班, k1也可以轉讀主流班架.

作者: MSKAKACHAN 時間: 14-5-13 16:15

我小朋友的eng書 a for apple, b for boy, c for cat 架咋, 但佢既主題就唔淺, e.g. 佢有教 hong kong, keep the enviornment clean, recycle, reuse 呢類.

作者: TKO_NANA 時間: 14-5-13 17:03

想考直資小學,學之園較好,如果要用英文面試的小學,如蔡繼有,可能boxhill較有優勢,因為佢英文語境真係做得好好,阿囡之前在boxhill讀n,果時佢唔怕講英文,聽也不致明白,而家k1轉咗讀靈糧堂,英文退步了很多。

作者: blueberry613 時間: 14-5-13 17:19

Thanks for sharing.

歡迎光臨教育王國 (/)