教育王國

標題: in 九龍靈糧堂好定又一城村幼稚園好呀？ [打印本頁]

作者: kumiso 時間: 13-10-21 11:23 標題: in 九龍靈糧堂好定又一城村幼稚園好呀？

大家請比啲意見啦，撞左期呀！

作者: cherrybeepbeep 時間: 13-10-21 11:32

又一村, 純粹個人意見, 環境師資都好過0糧堂

作者: kumiso 時間: 13-10-21 14:15 標題: 回覆：in 九龍靈糧堂好定又一城村幼稚園好呀？

仲有人比啲意見我呀？？:;pppp:

作者: 小兔子乖乖 時間: 13-10-21 14:16

又一有學劵，校園靚，校車覆蓋廣，兩間學校教學程度差唔多，個人覺得都系輕鬆式。

作者: koox1 時間: 13-10-21 15:21

請問你係幾時收到又一村的面試通知,因為我收未收到

作者: Fionayim 時間: 13-10-21 16:07

從上年見識過靈糧堂的亂,去了會後悔,除非你是信敎,一定又一村

作者: louiseter 時間: 13-10-21 18:34 標題: 回覆：in 九龍靈糧堂好定又一城村幼稚園好呀？

我就1:30又一村，4:30九龍靈糧堂，2間可以見晒，但要煩囡囡休息時間。如真的撞，都會揀又一村

作者: isolg_ying 時間: 13-10-21 19:11 標題: 回覆：koox1 的帖子

我都未收到，今日打去問，校務處個男職員態度惡劣，話啲信寄晒出去喇，有就有冇就冇，我話怕寄失，問可唔可以check下，佢就話有咁多form，check唔到，跟住我要求負責老師黎聽，個老師態度好啲，但都堅持唔幫我check有冇收到form，只係叫我等信，但見bk啲jm講啲老師好好，唔明點解咁簡單幫家長check下，令家長安心等都唔肯做，咁將來若果對仔女嘅校園生活有擔心的時候，老師係咪都一樣敷衍了事

作者: vickychan0118 時間: 13-10-22 03:01

九龍靈糧無學券咩?我報咗全日。

作者: 2010YL 時間: 13-10-22 03:09

上年我都有in, 我覺得唔可以用個"亂"字, 只係校舍細, 人又多, 咁細間學校, 我已覺得安排尚可, 崇真咪安排得仲亂

作者: may0928 時間: 13-10-22 08:02 標題: 回覆：in 九龍靈糧堂好定又一城村幼稚園好呀？

又一村地方大，小朋友開心D

作者: tkinwong 時間: 13-10-22 08:33 標題: 回覆：kumiso 的帖子

坦白說，又一村是好學校，但我認為未去到名幼級。我住長沙灣，又一村以前唔算難入，但看新聞學校話今年有幾千份伸請，我有些擔心了，小朋友是細b

作者: elainetong616 時間: 13-10-22 10:19

我見各位都覺得又一邨比較好, 咁如同佐敦德信比較呢? 我反而又一邨同德信撞期呀, 希望你地都比D意見? 謝謝 !

作者: clipso 時間: 13-10-22 10:24

又一邨

作者: j914k403 時間: 13-10-22 15:34

我就靈糧堂撞迦南, 大家又俾的意見,謝謝。

作者: BebeeYY 時間: 13-10-23 17:12

我女係KLLC 畢業的, 學校上至老師, 下至校工都好有愛心. 阿女讀得好開心. 但如果你想學術深的KLLC一定吾係你杯茶~~

作者: kumiso 時間: 13-10-23 17:44 標題: 引用：我女係KLLC+畢業的,+學校上至老師,+下至校

原帖由 BebeeYY 於 13-10-23 發表
我女係KLLC 畢業的, 學校上至老師, 下至校工都好有愛心. 阿女讀得好開心. 但如果你想學術深的KLLC一定吾係 ...

我要學術高

作者: 2299 時間: 13-10-23 18:16 標題: 回覆：in 九龍靈糧堂好定又一城村幼稚園好呀？

我覺得又一村學校硬件好好，但輪德育我覺得靈糧好啲，睇你想要求啲咩學校

作者: 2299 時間: 13-10-23 18:17 標題: 引用：Quote:原帖由+BebeeYY+於+13-10-23+發表我

原帖由 kumiso 於 13-10-23 發表
我要學術高

如要學術高，呢兩間都未必係你杯茶，因呢兩間係happy school.

作者: tkinwong 時間: 13-10-24 00:14 標題: 引用：Quote:原帖由+BebeeYY+於+13-10-23+發表我

原帖由 kumiso 於 13-10-23 發表
我要學術高

咁就要搵教育王國最多人講的無學卷私校……SC, LH, VICTORIA, KV,KM,ETC.

作者: kumiso 時間: 13-10-24 08:07 標題: 回覆：tkinwong 的帖子

SC,LH,KV 都有報，KM 趕唔切報，ETC 唔知邊間?

作者: cherrybeepbeep 時間: 13-10-24 09:51

ETC唔係幼稚園嚟架

作者: kumiso 時間: 13-10-24 12:49 標題: 引用：ETC唔係幼稚園嚟架

原帖由 cherrybeepbeep 於 13-10-24 發表
ETC唔係幼稚園嚟架

係喎ETC 係等等咁解，但通常係用細楷既etc .........

作者: ckhmama 時間: 13-10-26 17:57 標題: 回覆：in 九龍靈糧堂好定又一城村幼稚園好呀？

Of course 九龍靈糧堂啦，老牌出名幼稚園，論口啤一定係靈糧 win,但校舍就無得同又一村比喇。始終又一村以前有小學，校舍一定夠大，但又一村出名商業化，同埋收生率高，見親都收，就係因為校舍夠大，開班多，所以收既機會率一定大過靈糧好多，想當年我兩間都有in, 又一村interview 時老師。校長好似做 show 咁，態度勁nice, Nice 到有d假，因我係第二輪既interview, 我去到問主任亦都話第二輪只收pm 班，am已第一輪收哂，即係遲報既就一定要讀下午，但當時主任已講可in 左先，好大機會可轉番上午，因到注冊時好多家長會放棄的，咁同我講咪即係話自己學校都係做後備多，因好多人最後都會放棄唔讀

之後隔日就通知收左Pm 班，但最後我真係有另一間心儀既收左，所以唔讀又一村，但就已比唒注冊費，校車，書簿費⋯ 跟住打番去學校取消入讀，佢地既熊度就360度變哂，又唔理我，淨係叫我寫信同等，但又唔講清楚資料同埋要得幾耐，打親去d態度好唔好咁hea 左我就算，最後通知我去學校攞番可退款時支票，但去到佢地職員d熊度真係仲衰過乜，好似我問佢地攞錢咁，咁個日咁啱撞到朋友個朋友去in呢間，但想同佢打招乎講多一句都唔得，即時要我走，話唔好係度騷擾interview D 人

係咪有問題呀，所以對此學校感覺唔係幾好，咁假，點比我小朋友入去讀呀！至於靈糧，因為佢校個舍冇咁大同埋都算多人去in,我個年應該係一仠六佰幾人去in, 但位就只收上下午班各四十零人，都知道機會微，難過仲六合彩，但in 完呢間感覺良好，覺得教師職員態度真誠d同埋認真d, 都好想自己小朋友可以係度讀，但都係只得後備，但而家兩間都有朋友讀緊，聽朋友講靈糧堂真係一間唔錯既幼稚園，老師出名有愛心，所以簡邊間in, 都唔駛講啦～

歡迎光臨教育王國 (/)