教育王國

標題: 仔仔面試唔肯講嘢，咁係咪會唔收？ [打印本頁]

作者: mandy8415 時間: 13-10-20 12:33 標題: 仔仔面試唔肯講嘢，咁係咪會唔收？

本帖最後由 mandy8415 於 13-10-20 12:33 編輯

話說今日12：00面試，11：45分就到左學校，等左一陣就叫名入房面試，點知阿仔企係班房門口，唔肯入去，我同爹哋就入去坐低叫仔仔入來，由於有一位老師企係門口叫仔仔同佢一齊入去，但仔仔都企左係度，跟住爹哋就叫仔仔過去，仔仔可能見到老師企佢隔離覺得驚，於是就跑去爹哋度，企左係爹哋隔離，唔肯坐低。

兩位老師問仔仔：你係咪叫風風呀？仔仔又唔答老師。跟住老師攞左D Lego叫仔仔砌，點知仔仔答老師：屋企有，無去玩啲Lego。然後老師又攞左一籃玩具水果、粟米，麵包等等，問仔仔：你鐘意食邊樣，攞俾老師，但仔仔都無理老師。後來老師攞起個提子，問仔仔：呢樣係咩？老師俾左個提字，仔仔都唔答埋過子字，後來老師叫仔仔將提子放返入籃，仔仔就有放。後來老師叫仔仔攞條香蕉俾爹哋，仔仔都有攞，老師再攞起個蘋果問仔仔：呢個係咩？仔仔做口形，冇答出聲，但老師見到仔仔個口形，老師就話仔仔其實想講，跟住老師叫仔仔跟佢講一次蘋果，仔仔終於開口講蘋果，面試就完結了，臨走時老師俾左個禮物仔仔，問仔仔要講咩，又唔講，老師再問仔仔要唔要，仔仔話要，老師教仔仔講多謝老師，仔仔淨係講多謝，老師再講要講多謝老師，仔仔先講多謝老師，最後我叫仔仔同老師講byebye，仔仔都有講。

老師都有問仔仔平時講唔講嘢，我話佢平時好多嘢講，老師又問仔仔平時有冇同D同齡的小朋友玩，同埋肯唔肯同人溝通，我話仔仔有過表妹，成日都一齊玩，就算平時去公園都會同D唔識的小朋友玩。

問題：

1.仔仔唔多肯講嘢，係咪多數唔收？
2.老師連仔仔叫咩名都冇問,係咪覺得再問都係浪費時間?
3.仔仔過程中冇喊過,其實係咪都算ok?

作者: cscsmlkyh 時間: 13-10-20 13:18 標題: 回覆：仔仔面試唔肯講嘢，咁係咪會唔收？

我都想知咁叫ok 定唔ok. 我果個完全唔會理會陌生人.....

作者: tkinwong 時間: 13-10-20 13:30 標題: 回覆：mandy8415 的帖子

唔係間間會問小朋友姓名，無須估咁多。

作者: valerielee 時間: 13-10-20 14:40 標題: 回覆：仔仔面試唔肯講嘢，咁係咪會唔收？

阿仔當年一歲九個月去見K1 interview，未識講嘢，北衛、靈糧堂、維多利亞都收佢。佢坐得好定，合作，老師叫佢做嘅嘢佢全部做，只不過唔識講嘢。我一坐低就同老師講佢未識說話，老師很明白。

作者: reneemama0118 時間: 13-10-20 15:15 標題: 回覆：仔仔面試唔肯講嘢，咁係咪會唔收？

比我係個老師…… 我會考慮收因為係成場小朋友咁被動既情況下爹地媽咪仲咁信任並繼續由老師引導證明你們不怪獸其實面試係老師考小朋友既同時亦是家長觀察老師的經驗同耐性既時候……… 如果我係你我會好想呢間學校收小朋友因為聽起上黎老師好落力同耐心去引導……… 希望你小朋友愈in愈好

作者: picture 時間: 13-10-20 15:23 標題: 回覆：仔仔面試唔肯講嘢，咁係咪會唔收？

Interview 從來都是

作者: doggy2013 時間: 13-10-20 15:28 標題: 引用：+本帖最後由+mandy8415+於+13-10-20+12:33+

原帖由 mandy8415 於 13-10-20 發表
本帖最後由 mandy8415 於 13-10-20 12:33 編輯

話說今日12：00面試，11：45分就到左學校，等左一陣就叫 ...

好蝕底

作者: cloudwingwing 時間: 13-10-20 15:53 標題: 回覆：仔仔面試唔肯講嘢，咁係咪會唔收？

希望你到時上黎分享下呢間學校最終有冇收你小朋友，我都想知

作者: rosebb 時間: 13-10-20 19:51

其實佢好叻啦

作者: SaTsang 時間: 13-10-20 19:56 標題: 回覆：mandy8415 的帖子

我覺得interview主要睇小朋友嘅反應。怕陌生人都好正常。你仔仔已經係有反應，只係慢熱d. 我反而覺得個老師好有耐心! 我上年同阿女in n 班，阿女只有13 個月大，仲要係第一次in. 佢成日抱住我，老師問問題冇反應。但係個老師完全冇耐性，見阿女冇反應就算囉。
希望你有好消息啦。

作者: katie112 時間: 13-10-21 01:00 標題: 回覆：仔仔面試唔肯講嘢，咁係咪會唔收？

其實今年間間都爭崩頭，唔肯講野真係有d危，可能會waiting list

作者: anniehah 時間: 13-10-21 10:51

一樣仔仔面試可以完全沒有反應,
就算平時佢識個D都唔答,
但離開現常又會做返老師叫個D野, 或自己答返晒...

唉....

作者: babychinglok 時間: 13-10-21 11:06 標題: 回覆：mandy8415 的帖子

算係甘架啦正常架有反應老師都知佢識都唔需要太擔心收唔收真係估唔到有時即使答哂都會唔收所以平常心啦

作者: myemmie 時間: 13-10-22 23:26 標題: 回覆：babychinglok 的帖子

你個仔已經叻過我嗰個！我個仔本身已經未識講嘢，仲要老師叫佢砌Logo，佢就將D Logo放入玩具箱！老師問顏色又唔啋人！老師講故事又唔理人！一眼都唔望！最後老師話一齊起身跳舞，佢就繼續坐响度玩玩具，完全唔理老師！最後送禮物，佢不知幾有性格，唔要添！所以你仔仔比起佢已經好叻！

作者: mothercare100 時間: 13-10-24 16:41

睇下係咩幼稚園啦!普通學校都可能會收，因為大把位,但係名校就唔會收,有得選擇學校就更係收表現好個d先啦!

歡迎光臨教育王國 (/)