教育王國

標題: 想問香港教育制度，什麼是TSA, DSE, IB？ [打印本頁]

作者: longlong0422 時間: 13-10-19 02:19 標題: 想問香港教育制度，什麼是TSA, DSE, IB？

我是個新手媽咪，對於一些教育制度，考試完全不懂，想了解下有關各考試，形式計分方法等，請大家比些意見！

作者: Charlotte_mom 時間: 13-10-19 10:51 標題: 引用：我是個新手媽咪，對於一些教育制度，考試完

原帖由 longlong0422 於 13-10-19 發表
我是個新手媽咪，對於一些教育制度，考試完全不懂，想了解下有關各考試，形式計分方法等，請大家比些意見！ ...

TSA係全港系統性評估，個分係for學校，吾係for學生自己，小3、6考。學校吾可以公佈學生banding但可以公佈TSA咩「水位」，所以就死谷爛谷務求令成績標青可以好威

作者: Charlotte_mom 時間: 13-10-19 10:53 標題: 回覆：想問香港教育制度，什麼是TSA, DSE, IB？

DSE係文憑試。中六考。而家無會考無高考，本地學生會讀到中六然後考文憑試

作者: Charlotte_mom 時間: 13-10-19 10:57 標題: 回覆：想問香港教育制度，什麼是TSA, DSE, IB？

順帶一提，NSS係新高中課程咁解。而IB係international baccalaureate，係一個非本地學制，簡單講似以前國際學校吾考會考，考IGCSE, o level果d，如果吾打算揀，略知一二可以了，可以去www.ibo.org睇睇

作者: Charlotte_mom 時間: 13-10-19 11:01 標題: 回覆：想問香港教育制度，什麼是TSA, DSE, IB？

升中派位程序:
P5, 老師會開始提醒家長同學生, 呈分喇, 要著緊D, 小5會有第一次呈分，共3次。今次呈分試真係影響自己喇（校內試）

而派位學生就跟政府程序遞表揀中學同面試, 直到畢業時7月至知結果

BANDING而家制度係由升中學生參加PRE S1決定日後師弟師妹BANDING, 譬如(例子咋)今年升中係靠2年前果界PRE S1決定有幾多人BAND ONE TWO THREE, 再靠3次呈分試(校內試)將學生排序, 所以呈分試深唔深並無影響, 因為係用自己校內成績將自己學校學生排序, 就知邊個係BAND ONE, TWO, THREE

作者: wendywaiwai 時間: 13-10-19 14:33 標題: 引用：升中派位程序: P5,+老師會開始提醒家長同學

原帖由 Charlotte_mom 於 13-10-19 發表
升中派位程序:
P5, 老師會開始提醒家長同學生, 呈分喇, 要著緊D, 小5會有第一次呈分，共3次。今次呈分試真 ...

請問，咁如果我覺得自己個仔讀書會好叻，所以我送佢入二、三線學校，會不會好容易成為Band 1 學生？相反，如去D勁學校，個個都叻，以同一個成績，反而會成為band 2,3 學生呢？

作者: penguin_chick 時間: 13-10-19 16:31

回復 wendywaiwai 的帖子

因TSA考同一份卷，所以應不會出現你的問題，但我沒深入探討，還請知情人士指教。
不過學生讀書很受同學影響，如同學太差，自己不費力也考得好，不用競爭，很自然不會盡力；但如果資質低，如何努力都包尾，也會失去動力。有人說最好在上三分一的程度，即100人考第33名，程度中上，會較自信，又有三分一人做自己的模範，推動自己進步。
我認為︰如果是BAND 1 尾，不如轉往BAND 2 頭的學校。事實證明。BAND 2 學校精英多可考進大學，但BAND 1 尾的學生則相反！

歡迎光臨教育王國 (/)