教育王國

標題: 有過度活躍及自閉症小朋友怎樣可換遷大單位 [打印本頁]

作者: jodiechan1981 時間: 13-10-18 12:06 標題: 有過度活躍及自閉症小朋友怎樣可換遷大單位

我小朋友證實有自閉症及過度活躍症，如想換遷大的公屋單位，應怎樣申請？我問過精神科醫生，若想要一份小朋友醫生証明書，就要申請份醫療詳細報告紀錄，此份報告紀錄要需繳付六百幾蚊，那若想去房署要求申請大單位的話，是否要做呢份報告呢？

作者: pollybell 時間: 13-10-18 12:58

呢D都叫理由！　

作者: lmc640 時間: 13-10-18 14:54

Hellojodiechan1981:
你所指600元那醫療報告，係政府定係私家醫生㗎？我小朋友睇開政府醫生幫我寫左證明信，不用收錢的。另外，若要調大D的單位，係要參加一個叫“改善空間“的計劃，而唔係今期的“擠迫户調遷“，請留意這一點。我現在也等緊下年的“改善“計劃，我仲未入紙。
仲有，你現在的單位係供幾人住？因為這情況可當這家庭多一人，若不超人，不可申請。

作者: lmc640 時間: 13-10-18 15:06

補充一下:

改善居住空間調遷計劃
「改善居住空間調遷計劃」於2005年推出，為公屋租戶提供更多改善居住環境的機會；所有居住密度低於每人7平方米 (以室內樓面面積計算) 的公屋租戶，均可申請。符合「紓緩擠迫調遷計劃」資格 (即居住密度低於每人5.5平方米) 的租戶，也可同時參加「改善居住空間調遷計劃」；因此等家庭有更迫切的需要，在自選單位時，可獲較優先選樓次序。

作者: jodiechan1981 時間: 13-10-18 22:21 標題: 回覆：lmc640 的帖子

我係睇政府嘅精神科咖，琴日就係去完政府醫院的精神科覆完診，但唔記得同醫生講寫張證明書，之後今日打番去醫院佢就係咁回答我，仲叫我去入院處問下可唔可以幫我寫？
我住緊嘅單位係屬二至三人的，但我現住二人，咁係咪即係無得申請呢？

作者: lmc640 時間: 13-10-19 09:45

回復 jodiechan1981 的帖子

若你現已共三人住，因佢有過度活躍，房署會視作多一人計算，即變成四人，條件上係可以申請。你可以再去辦事處，搵你那座樓的主任問一下，有關“改善空間“計劃的申請辦法，你會更清楚。

作者: jodiechan1981 時間: 13-10-19 11:44 標題: 回覆：lmc640 的帖子

即單位是供二至三人居住的，但現共住我和小朋友二人，那麼是否不合資格申請換遷呢？

作者: lmc640 時間: 13-10-19 19:27

本帖最後由 lmc640 於 13-10-19 19:29 編輯

我諗應不合資格，我也住2-3人,(原本3人)但此情況下，我就可申請。但你可問下主任先

作者: jodiechan1981 時間: 13-10-19 22:18 標題: 回覆：lmc640 的帖子

那怎樣叫精神科醫生寫張證明？我打去問過，佢話只能寫張醫生紙比你係話證明你當日幾時幾點有嚟到應診，但就唔會詳細紀錄埋小朋友患有咩病徵的，咁如果係，呢張算唔算係證明書呢？

作者: jodiechan1981 時間: 13-10-20 16:09 標題: 回覆：lmc640 的帖子

怎樣同醫生講寫張證明書？

作者: jodiechan1981 時間: 13-10-20 16:10 標題: 回覆：lmc640 的帖子

咁個計劃幾時會有表格攞？

作者: mosquito_chu 時間: 13-10-21 22:20 標題: 回覆：有過度活躍及自閉症小朋友怎樣可換遷大單位

過度活躍症寫明可以當多一人對待,但無包括自閉症也是,所以最好問清楚!

作者: lmc640 時間: 13-10-22 08:08

mosquito_chu 發表於 13-10-21 22:20
過度活躍症寫明可以當多一人對待,但無包括自閉症也是,所以最好問清楚!

...

說得對

作者: ac_ca0806 時間: 13-10-22 12:40

係每人有7平方米計算，如你的單位已每人多過7平方米就不能轉大單位，唔係計二至三人單位變做4人，因現在新公屋二至三人都有三百幾呎，已每人都過7平方米。再講自閉症係無這改善計劃，過度活躍症（有暴力傾向）先有機會有。最好搵屋屯主任問下得唔得同埋你家的呎數是否付合申請

作者: irenelaw 時間: 13-10-22 20:32

回復 jodiechan1981 的帖子

揾社區議員。

歡迎光臨教育王國 (/)