教育王國
標題: 寫給SEN家長(有關選校) [打印本頁]
作者: Charlotte_mom 時間: 13-9-24 10:14 標題: 寫給SEN家長(有關選校)
本帖最後由 Charlotte_mom 於 14-4-11 13:28 編輯
寫給SEN家長 (Special Education Needs)
呢度我係指有少少學習或社交/情緒問題果種SEN, 如果係肢體傷殘或健康有問題的, 同埋特殊學校, 因為我唔了解, 我唔在此討論了
近排發現有部分家長問有關SEN選校, 作為用家之一, 我又寫下
同上面講過一樣, 先去學校網頁睇校務報告, 前排搵左幾間東區小學俾一位家長參考(津校直資都有), 你可以睇睇人地做左d咩, 有個期望, 就知點去expect一間學校幫sen小朋友:
培僑, http://www.pkps.edu.hk/newhtml/login/gs/pdf/1112yp.pdf
p30開始
慈幼annual report一句都無講sen
http://salesian.edu.hk/manage/report2/2.pdf
(注: 有家長分享有社工及小組支援, 家長宜多了解)
嘉諾撒
http://58.64.129.28:81/CustomPage/11/學校報告2011-12.pdf
睇p20
港同
http://www.hkugaps.edu.hk/img/p/aboutus/file/plan_Annual_Report_2011-12_NEW.pdf
P14
佛教黃焯菴, 好多
http://www.bwcups.edu.hk/info/taskplan/12-13-sch-rpt.pdf
口碑好緊要, 不過想知有關SEN選校意見, 會難D, 因為好多時一間學校有SEN SUPPORT, 除左有份用的家長, 一般家長唔知做左D咩, 教育王國有特殊教育版, 可以去問下意見, 亦可以互相支持
http://www.edu-kingdom.com/forum.php?mod=forumdisplay&fid=44
無錯, 官津校係可以拎到政府資助去支援SEN學生, 但學校點用果舊錢, 政府監管都好鬆, 聽過唔少例子係隨便搵個理由就用左, 例如去買部電腦話有軟件俾SEN學生用又得, 亦聽過有學校有請ST, 但幾星期一次得半小時, 正式"鄧"都未坐暖已經夠鐘
有FUNDING唔等於肯做, 亦唔等於肯做好, 我自己係SEN家長, 亦識唔少SEN家長, 我好心痛有D所謂辦教育既咁去為難D細路, 識唔少人係俾學校玩走 (難聽講句, 有時學校收SEN學生就係為左D錢), 倒轉講, 直資私校無資助, 又唔等於唔肯俾, 真係睇學校做法
況且除左點去用果舊錢之外, 學校日常處理手法亦係重要因素, 好日常既野都係考慮, 例如治療師建議小朋友坐前D, 老師肯幫手嗎? SEN小朋友有情緒問題, 老師點處理? 最近有朋友話佢個仔個負責老師答: 佢曳我鬧爆佢
mouth:" />mouth:" />mouth:" />mouth:" />mouth:" />
學校有幾多%老師有受SEN訓練, 可以做個參考指數, 當然(唔好話我陰謀論), 亦有機會係老師自己都要進修, 學校又想profile好睇d, 所以安排老師去接受SEN訓練, 不過, 點都好過真係一個sen老師都無lor
而我上面講果D校務報告, 就係了解既第一步, 如果間學校一句都唔提, 家長都應該心中有數了
建議揀一間有網上家課冊的學校, 我有朋友試過, 個仔唔寫, 老師唔理(出到聲請老師幫手跟跟, 老師話自己好忙唔得閒), 個阿媽喊晒口, 返親學校同學就話佢仔曳成日唔交功課, 個阿媽根本無從入手
我仔讀直資, 分享下學校做過咩
學校我知有社交小組, 自理小組, 親子寫字小組, 專注小組, 資優課程推薦 (本身學校都有攪d類似興趣班搵佢地入), 讀寫家長support group, 有幫襯協康青蔥, 社工係"租"返黎日日都駐校, 訓輔組除左出事時搵細路傾計, 亦有好幾個負責同小朋友傾閒計既老師, 得閒又約下小朋友見下面聚下 (我係留意學校intranet通告8返黎, 有d唔關我事的, 秘密到我一直都唔知)
我仔係ADHD, 不嬲有訓輔組老師同社工睇住, 社工係FULL TIME日日都o係度, 亦有專責老師得閒搵我仔傾計, 舊年我仔攪左場大龍鳳出黎(咩事呢度唔講了), 我主動要求見教育心理學家(EP)了解多D, 學校安排左俾我, 佢應該黎左2,3次左右, 我一毫子都無俾過, 之後EP寫左信refer我去排政府全面評估 (私家千千聲我邊有咁多個千啊!), 而家排到了, 做8-10次下午, 每次$55, 對我呢D小市民黎講太好了, 之前曾經同懷疑sen家長傾過點去排政府精神科, 我話可以叫學校寫信加快, 家長話學校唔肯寫......其實我都唔明點解學校唔肯, 不過有家長係咁分享lor
而我仔學校無的, 就係ADHD無調適, 我聽到人地學校唔止讀寫有, 連ADHD, 小肌肉無力都有調適, 呢D都係家長可以向學校了解的
暫時唸到咁多, 等我post埋去特殊教育果邊睇下有無家長補充先! 我自己仔仔好幸運入到一間識欣賞佢既學校, 衷心希望所有sen小朋友都可以搵到適合佢地既學校
之前有關討論:
http://www.edu-kingdom.com/forum.php?mod=viewthread&tid=2641912&highlight=SEN
http://www.edu-kingdom.com/forum.php?mod=viewthread&tid=2586027&highlight=SEN
http://www.edu-kingdom.com/forum.php?mod=viewthread&tid=2459010
http://www.edu-kingdom.com/forum.php?mod=viewthread&tid=1669442
http://www.edu-kingdom.com/forum.php?mod=viewthread&tid=2559226&extra=&page=1
資優生選校:
http://www.edu-kingdom.com/forum.php?mod=viewthread&tid=2695597&extra=page%3D1
專業人士之言:
http://www.hkcs.org/cnews/c252/c2520200.htm
補充一點，協康會家長資源中心會經常安排參觀一些小學，不妨多加留意，抽空去參觀一下
作者: nicksonma 時間: 13-9-27 10:19
Charlotte_mom 發表於 13-9-24 10:14 
寫給SEN家長 (Special Education Needs)
呢度我係指有少少學習或社交/情緒問題果種SEN, 如果係肢體傷殘或 ...
想請教下 Charlotte_mom,
太古小學學校報告有以下文字, 係咪即係有支援?
http://www.tps.edu.hk/pdf/11-12%A9P%A6~%AE%D5%B0%C8%B3%F8%A7i.pdf
4. 學生支援
- 聘請專業機構，組織不同社交及學習小組，支援學生，提升他們的自信及社
交能力。
- 聘請專業導師，為學生提供言語治療服務，改善發音及表達能力。
- 善用外界資源，如協康會、社會福利署家庭服務中心、中華基督教會康怡會
所等，組織不同學習小組及訓練班，支援學生成長。
- 積極爭取資源，讓有需要學生參與，提升個人自信與溝通技巧。
- 參與「成長的天空」計劃，協助學生建立自信及責任感。
- 舉辦資優訓練營以提升資優學生的社交及領導能力。
- 組織「大哥哥、大姐姐」照顧低年級學生。
- 積極邀請家長義工參與，協助帶領活動。
我仔有自閉傾向, 但現在我覺得佢改善了不少, 佢入學前個評做仲未有消息,
係咪要自行打去催評估中心? 我自行揀左太古, 希望無揀錯. 但我無剔到特殊編號,
我都唔知係咪要剔自閉, 聽講做評估時如果同意將資料比學校等同剔特殊編號, 係咪呢?
作者: CKCKmom 時間: 13-10-2 00:40 標題: 引用：Quote:Charlotte_mom+發表於+13-9-24+10:14
原帖由 nicksonma 於 13-09-27 發表
想請教下 Charlotte_mom,
太古小學學校報告有以下文字, 係咪即係有支援?
12網軒上又如何呢?
麻煩指教一下！謝謝!
作者: nicksonma 時間: 13-10-2 10:12 標題: 回覆：CKCKmom 的帖子
呢几間都係新資助模式學校，一定有支援。官立更加有, 不過支援有几多就要睇學校報告同打去問
作者: CKCKmom 時間: 13-10-2 11:02 標題: 回覆：nicksonma 的帖子
謝謝你的回覆呀!
其實軒小咁popular, 會唔會冇咁support, 所以揀冇咁熱門的好d呢?
作者: Charlotte_mom 時間: 13-10-2 12:08
今日忙, 無時間去睇報告, 睇左再俾意見
世事真係無絕對, 我有朋友特登揀左區內收生不足果間, 唸住小班仲好啦, 照顧得好, 點知讀左2個月都無, 鬧住咁走
而我仔果間(港同), 3000人考收120人, 都算熱門丫, 年年都有人考插班唔係無人要wor, 佢如果要淘汰d SEN學生再收D叻既返黎, 真係so easy, 但佢無咁做
真係要睇學校有無心去攪
作者: papajelly 時間: 13-10-2 13:24
回復 Charlotte_mom 的帖子
Charlotte mom,
請問你有冇研究過港同中學對於sen嘅支援是否和小學一樣? 非港同小入港同中困難嗎? Thanks!
作者: Charlotte_mom 時間: 13-10-2 14:41
papajelly 發表於 13-10-2 13:24 
回復 Charlotte_mom 的帖子
Charlotte mom,
咁又無, 因為阿仔未升中
, 得閒研究下
外來生一般band one會ok, band two真係要睇表現(唔係完全唔得, 要睇lor)
作者: monkeylam 時間: 13-10-8 13:49
提示: 作者被禁止或刪除 內容自動屏蔽
作者: kenwong888 時間: 13-10-8 14:47
I am SEN parent
作者: miriam 時間: 13-10-8 19:37
nicksonma 發表於 13-9-27 10:19
想請教下 Charlotte_mom,
太古小學學校報告有以下文字, 係咪即係有支援?
教師資料(包括校長) |
| | 教師人數 (核准編制內) | : | 44 |
| | 教師人數 (核准編制外) | : | 5 |
| | 學歷 (佔全校教師人數%) |
|
|
| | 教育文憑 | : | 100% |
| | 學士 | : | 95% |
| | 碩士、博士或以上 | : | 31% |
| | 特殊教育培訓 | : | 10% |
| | 年資 (佔全校教師人數%) |
|
|
| | 0-4年 | : | 5% |
| | 5-9年 | : | 28% |
| | 10年或以上 | : | 67% |
呢一部份得 10%, 老師未必夠經驗去處理 SEN 學生問題.
成份報告未見提及有幾多學生參與左咩培訓囉.
我囡學校係好詳細咁講到各項培訓有幾多個學生參加左.
作者: kaka1128 時間: 13-10-9 11:06
回復 Charlotte_mom 的帖子
Hi Charlotte_mom,
我個仔有自閉徵狀既, 佢既行為情緒語言表逹已經進步左好多, 我想比佢讀農圃道官小, 但係學校既特殊教育培訓只有3%, 咁讀唔讀得過呢?? 當填統一派位表時, 填唔填"特殊學習編號"好呢? 我明白呢個編號係可以比佢地入讀合適既學校, 但又好怕, 支援太好既學校, 呢類學校會太雜, 校風唔好, 所以宜家好矛盾, 請比d意見.
作者: bobbob 時間: 13-10-9 11:44
kaka1128 發表於 13-10-9 11:06
支援太好既學校, 呢類學校會太雜, 校風唔好
作者: nicksonma 時間: 13-10-9 14:08
咁要大概有幾多% 特殊教育培訓 既先至好D?
作者: kenwong888 時間: 13-10-9 14:36
回復 nicksonma 的帖子
香港道教聯合會圓玄學院石圍角小學
| 教師資料(包括校長) |
| | 教師人數 (核准編制內) | : | 33 |
| | 教師人數 (核准編制外) | : | 3 |
| | 學歷 (佔全校教師人數%) | | |
| | 教育文憑 | : | 100% |
| | 學士 | : | 94% |
| | 碩士、博士或以上 | : | 26% |
| | 特殊教育培訓 | : | 78% |
| | 年資 (佔全校教師人數%) | | |
| | 0-4年 | : | 11% |
| | 5-9年 | : | 6% |
| | 10年或以上 | : | 83% |
作者: Charlotte_mom 時間: 13-10-9 16:12
4. 學生支援
聘請專業機構，組織不同社交及學習小組，支援學生，提升他們的自信及社
交能力。
聘請專業導師，為學生提供言語治療服務，改善發音及表達能力。
善用外界資源，如協康會、社會福利署家庭服務中心、中華基督教會康怡會
所等，組織不同學習小組及訓練班，支援學生成長。
積極爭取資源，讓有需要學生參與，提升個人自信與溝通技巧。
參與「成長的天空」計劃，協助學生建立自信及責任感。
舉辦資優訓練營以提升資優學生的社交及領導能力。
組織「大哥哥、大姐姐」照顧低年級學生。
積極邀請家長義工參與，協助帶領活動。
其實都睇到有外聘資源, 睇黎都OK, 當然詳情就真係要向學校同用家了解一下
作者: Charlotte_mom 時間: 13-10-9 16:15
kaka1128 發表於 13-10-9 11:06
回復 Charlotte_mom 的帖子
Hi Charlotte_mom,
講左咁耐, 岩岩去小一概覽睇下, 發現原來我仔間學校, 特殊教育培訓老師係得2%, 出乎我意料之外
我理解係特殊學習編號, 係方便小學安排支援, 但唔代表會在派位時特別安排小朋友入某一類(間)學校
絕對不是專家, c9仔分享下, 有錯請指正
作者: kaka1128 時間: 13-10-9 16:24 標題: 回覆：bobbob 的帖子
我之前參觀過一間小學， 一班係sen， 一班係正常， 一班係聯合國， 我唔係太接受到太多南亞裔小朋友， 所以我覺得會雜。
定係其實我擔心過多呢？ 會唔會就算多支援都未必校風差？
作者: kaka1128 時間: 13-10-9 16:29 標題: 回覆：Charlotte_mom 的帖子
對對對，我一時轉左入牛角尖， 好彩你提一提， 我將本來既意思諗錯左， thanks
作者: miriam 時間: 13-10-9 17:00
Charlotte_mom 發表於 13-10-9 16:12
4. 學生支援聘請專業機構，組織不同社交及學習小組，支援學生，提升他們的自信及社交能力。聘請專業導師， ...
作者: miriam 時間: 13-10-9 17:06
本帖最後由 miriam 於 13-10-9 17:07 編輯
nicksonma 發表於 13-10-9 14:08
咁要大概有幾多% 特殊教育培訓 既先至好D?
真係好難講, % 多會更易睇到同處理 SEN 學生, 亦都要睇返學校將呢批教師編去教高定低小, 好難一蓋而論.
以我囡學校為例, 佢讀 P.1 個年有 5x%, 到 P.2 我無睇, 但學校輔導主任九月都未去到尾, 已經叫家長義工盡快畀期埋位去幫已經揀到出黎既學生, 真係快到我都估唔到, 完全唔使等小一學童識別計劃已經開始做野.
有時間最好去心儀學校既講座, 順帶問下對 SEN 支援係點, 因為未必個個家長願意係網上講返自己學校既野, 真係好易畀學校認出係邊位學生黎囉.
作者: miriam 時間: 13-10-9 17:24
Charlotte_mom 發表於 13-10-9 16:15
講左咁耐, 岩岩去小一概覽睇下, 發現原來我仔間學校, 特殊教育培訓老師係得2%, 出乎我意料之外 ...
若果填左個 SEN no. 會係方便左學校可以提早識別, 唔使等到小一學童識別計劃時先慢慢再搵出黎, 因為搵出黎再約教育心理學家做評估都需要一段時間, 填左可以減省左呢段時間, 亦都方便學校向幼稚園或相關機構拎到報告.
你仔學校支援真係好好, 我都有介紹過朋友帶個仔去考插班架.
作者: miriam 時間: 13-10-9 17:32
kaka1128 發表於 13-10-9 16:24
我之前參觀過一間小學， 一班係sen， 一班係正常， 一班係聯合國， 我唔係太接受到太多南亞裔小朋友， 所以我覺得會雜。
定係其實我擔心過多呢？ 會唔會就算多支援都未必校風差？
其實你著眼返心儀學校係咪勁谷, 如果小朋友唔谷得既入左去未必係好事.
暑假前我同囡囡返左幼稚園探老師, 同校長傾偈時佢話有一位學生自行時派左去我囡學校, 校長亦好有心咁同家長講呢間學校唔係咁適合佢小朋友, 事關小朋友係 SEN, 而我囡學校都谷架, 校長知道情況先同家長講, 但佢都無可能左右到家長決定.
所以係揀學校前都可以問問幼稚園校長同老師意見, 佢地都會知區內小學係點, 盡量畀意見家長架.
作者: Charlotte_mom 時間: 13-10-9 17:37
拋磚引玉, 引左幾多野出黎
作者: miriam 時間: 13-10-9 20:28
Charlotte_mom 發表於 13-10-9 17:37
拋磚引玉, 引左幾多野出黎
作者: nicksonma 時間: 13-10-10 09:26
Charlotte_mom 發表於 13-10-9 16:15
講左咁耐, 岩岩去小一概覽睇下, 發現原來我仔間學校, 特殊教育培訓老師係得2%, 出乎我意料之外 ...
特殊學習編號應該係方便學校早D認識到小朋友的特殊需要
作者: nicksonma 時間: 13-10-10 09:30
miriam 發表於 13-10-9 17:32
我囡學校有 35%, 校風唔錯, 學生成績亦不賴.
其實你著眼返心儀學校係咪勁谷, 如果小朋友唔谷得既入左去未 ...
SEN 學生係咪唔適合谷既學校?
我仔校長都係咁同我地講唔好報Ｄ谷既學校， 佢話谷既學校著重學業成績， 未必會留意到小朋友既情緒需要。
我仔好乖，放學自動做完功課唔使煩， 上堂都好專心，係有自閉傾向， 易喊。
校長話佢讀書一定無問題， 但唔好揀谷既學校。 所以我揀左太古。
作者: miriam 時間: 13-10-10 10:14
本帖最後由 miriam 於 13-10-10 10:16 編輯
nicksonma 發表於 13-10-10 09:30
SEN 學生係咪唔適合谷既學校?
我仔校長都係咁同我地講唔好報Ｄ谷既學校， 佢話谷既學校著重學業成績， ...
你係一位好媽媽 
小朋友係唔係受谷形, 幼稚園校長同老師真係可以畀到意見, 你願意聽從意見揀一間適合小朋友既學校真係好好, 我識唔少只偏重成績, 無諗過小朋友係咪適合, 最終唔使我講你會估到.
我識既 SEN 小朋友入面有成績好好架, 只係情緒上可能較難控制, 最重要就係學校有支援, 父母亦加倍努力去幫.
曾經聽聞有學校係有支援, 但更著重拔尖, 對 SEN 係有堂上, 事關要交報告畀教局, 但小朋友上完好似無上咁囉.
作者: nicksonma 時間: 13-10-10 14:08
miriam 發表於 13-10-10 10:14
你係一位好媽媽
小朋友係唔係受谷形, 幼稚園校長同老師真係可以畀到意見, 你願意聽從意見揀一間適 ...
呢個我都聽過, 所以揀學校都著重老師態度, 有耐心愛心既, 其實有無特殊教育我都唔係十分care.
希望揀到啱到學校啦.
作者: Charlotte_mom 時間: 13-10-10 14:45
nicksonma 發表於 13-10-10 09:30
SEN 學生係咪唔適合谷既學校?
我仔校長都係咁同我地講唔好報Ｄ谷既學校， 佢話谷既學校著重學業成績， ...
我會覺得, SEN又好, 唔SEN又好, 每一個小朋友都有自己條路, 做家長要時時留意自己個仔需要D咩, BUY邊種管教/學習方式, 再安排最好既俾佢, 咁自己觀察, 聽家長口碑, 問老師/社工意見等, 每樣都有幫助
所以我成日都話SEN家長雖然要花多D心力, 但一定會REWARDING, 因為我地會好努力去了解自己小朋友
作者: nicksonma 時間: 13-10-10 18:25 標題: 引用：Quote:nicksonma+發表於+13-10-10+09:30+SE
原帖由 Charlotte_mom 於 13-10-10 發表
我會覺得, SEN又好, 唔SEN又好, 每一個小朋友都有自己條路, 做家長要時時留意自己個仔需要D咩, BUY邊種管 ...
作者: Charlotte_mom 時間: 13-10-11 23:31 標題: 引用：Quote:Charlotte_mom+發表於+13-10-9+16:15
原帖由 miriam 於 13-10-09 發表
我聽咋, 有錯請家長指正.
若果填左個 SEN no. 會係方便左學校可以提早識別, 唔使等到小一學童識別計劃時先 ...
作者: miriam 時間: 13-10-12 02:20
nicksonma 發表於 13-10-10 14:08
呢個我都聽過, 所以揀學校都著重老師態度, 有耐心愛心既, 其實有無特殊教育我都唔係十分care.
希望揀到啱 ...
作者: miriam 時間: 13-10-12 02:24
Charlotte_mom 發表於 13-10-11 23:31
頭先家長會問左老師點解特殊訓練老師%咁低，佢話原來教育局只count某一項性質較general的訓練課程。而我仔學校就安排老師出去教育學院上返自己果科既課程（即例如中文老師學點去幫中文學習力弱學生），每人上30小時，而教育局吾計果方面訓練，所以「受訓老師」%就好低。副校長解釋平均有60-70%老師曾經受訓，咁聽完我放心了
（我就奇怪學校吾似咁孤寒丫
）
我囡 P.1 時有 5x%, P.2 時跌到好似係 3x%, 個年只係有三位舊老師離任再聘新老師代替, 所以 % 無可能會跌得咁勁.
專項培訓唔係間間學校肯畀老師去讀, 你仔學校真係一流.
作者: Charlotte_mom 時間: 13-10-12 10:56 標題: 引用：Quote:Charlotte_mom+發表於+13-10-11+23:3
原帖由 miriam 於 13-10-12 發表
我極度懷疑早幾年先轉係只 count 某一項.................
我囡 P.1 時有 5x%, P.2 時跌到好似係 3x%, 個 ...
主任話為左上呢d培訓，要等登請代課。要付出既資源的確吾少。尋晚聽左樣都幾shock既野，原來學校一直無ST，今年有了。此其一。最震驚係因為之前無ST所以家長帶小朋友出去做訓練會有資助（詳情無時間問）而家無了。
究竟學校仲包d咩？！
作者: nicksonma 時間: 13-10-15 11:51
Charlotte_mom 發表於 13-10-11 23:31
頭先家長會問左老師點解特殊訓練老師%咁低，佢話原來教育局只count某一項性質較general的訓練課程。而我仔 ...
唔講真係唔知. 唔該晒!
作者: nicksonma 時間: 13-10-15 11:56
Charlotte_mom 發表於 13-10-12 10:56
有D感動架真係主任話為左上呢d培訓，要等登請代課。要付出既資源的確吾少。尋晚聽左樣都幾shock既 ...
你講緊係港同? 好難得喎!
抵讚!
我之前一直都無考慮直資或私立就係驚呢類學校因為自行收生, 會唔願意收SEN 學生, 估唔到學校咁SUPPORT.
可惜, 我都無報, 又無參觀過. 如果早D 知, 我都會去試下睇學校收唔收.
作者: Charlotte_mom 時間: 13-10-18 10:10
呢個SEN POST搬左新屋呀
, 希望幫到其他SEN家長
作者: Charlotte_mom 時間: 13-10-18 10:14
另一相關POST: 亞氏寶寶選校分享
http://www.edu-kingdom.com/forum ... p;extra=&page=1
作者: 恩盈 時間: 13-10-18 13:57
作者: miriam 時間: 13-10-18 22:06
擺埋呢條 link 去 "送給新手家長 (特別送給SEN家長請看POST #2 LINK)" 啦~~~
作者: Charlotte_mom 時間: 13-10-18 23:24
擺鳥~~
作者: Charlotte_mom 時間: 13-10-30 09:49
我覺得呢段新聞絕對要加返落呢個POST
http://std.stheadline.com/yesterday/edu/1030go01.html
小學教師涉體罰學生被捕
星島日報 – 3小時前
小學教師涉體罰學生被捕
(綜合報道)繼特殊學校真鐸學校被揭發有教師體罰學生後，主流學校亦發生疑似體罰事件。一名九歲的學障學生疑被訓輔主任體罰，身體多處骨折，涉事教師被警方拘捕，獲准保釋候查，並繼續在校內任教。校長陳翠珍強調已取消涉事教師的輔導及行政職務，並確保不會與涉事學生接觸，但立法會議員張超雄質疑做法不妥，要求教育局堵塞漏洞，明確要求教師須停職受查。
去年曾獲「最關愛教職員團隊」大獎的藍田循道理小學，輔導教師涉嫌體罰學生。該校家長曾女士的九歲兒子患有讀寫障礙及過度活躍症，四月底她接兒子放學時，發覺他左手發燙，送院求醫發現身體多處骨折及瘀傷，須留院四日。翌日她向警方報案，兒子稱自己弄髒學校廁所，被罰清潔廁所期間，懷疑被老師體罰。
警方證實，經調查後在四月以涉嫌襲擊致造成實際身體傷害為由，拘捕一名四十四歲李姓男子，他獲准保釋候查，須在十一月中返警署報到；案件由觀塘警區刑事調查隊第七隊跟進。曾女士接受電視台訪問指，不滿教育局以校本管理為由，把事件交給校方處理，質疑有所包庇。
校長陳翠珍接受本報查詢，證實涉事教師已停止訓導及行政工作，但迄今仍在校任教，而涉事學生則已復課，「我相信教師負責任，放心他繼續任教，但為保護學生，已安排涉事師生在不同樓層，平日沒有見面機會；家長是得悉安排的，而學生近來表現亦如常。」她以警方調查為由不透露事件詳情，但強調屬個別個案。
立法會融合教育小組委員會主席張超雄質疑，校方容許涉事教師繼續在校任教有不妥，「警方已調查及拘捕涉事教師，繼續讓他留在學校任教是不適當，而教育局亦無作出規範，令學校無權要求教師停職，處理無所適從。」他促請當局從政策堵塞漏洞，確保涉及欺凌個案的教師在受查期間停職，保障學生安全。
《教育規則》指明教員不得向學生施行體罰，教育局的《學校行政手冊》亦列明，學校處理屬刑事性質的教師行為不當個案時，須「考慮在必要時暫停有關教師的正常職務」。教育局回應指，四月知悉事件後，已即時聯絡學校跟進，學校已啟動危機處理程序，為有關學生輔導，局方會繼續密切關注事件的進展，提供適切支援。至於教師的註冊資格，則待個案完結後檢討
作者: ihv2kids 時間: 13-10-30 10:20 標題: 引用：我覺得呢段新聞絕對要加返落呢個POST+http:
原帖由 Charlotte_mom 於 13-10-30 發表
我覺得呢段新聞絕對要加返落呢個POST
http://std.stheadline.com/yesterday/edu/1030go01.html
所以，選校真係睇到深入。有時好明白做父母好想有個優質教育環境下，讓小朋友有好好的學習環境，成績一來有保証，二來出路可以更順利。但無可否認，對SEN小朋友真的要有取捨，究竟要好成績（谷既學校）定重後援訓練好（但成績一定唔谷）呢？ 老師經驗和耐性都非常重要啊！（「鬧爆」哩個用詞～一稔起都好擔心）所以，選定學校之後，唔好怕個小朋友會否被label變得唔敢問。講真，如果學校有因為咁而回避既，合乎SEN小朋友需要都有限。要問真問清楚呀！睇埋老師、主任和校長既態度就知一、二。當然，問埋讀緊既家長攞意見啦！
另外咋日，阿仔（6歲）聽到哩單新聞，都好緊張。即刻問我，係咪有位老師打小朋友，打到去醫院，之後有警察拉左個老師。不停問點解會打個小朋友，點樣打佢？唉…幾敏感呀！
作者: pocoyo123 時間: 13-10-30 10:47
以上這所小學, 我都識一位SEN媽媽, 她的小朋友正在識,佢 讀左一年已經同我講佢簡錯學校, 叫我不要考慮.
作者: luluhaha 時間: 13-10-30 10:50
本帖最後由 luluhaha 於 13-10-30 10:57 編輯
不要以為國際、私校直資可以幫到小孩，有支援的話津校也可以，首先要必免盲婚啞嫁，只靠包容和愛心也是不夠的，因幫唔到佢進步，我仔同學仔有自閉，英文小寫都唔識寫，老師也幫晤到，只是靠愛心想點辦法讓他上課時安靜
作者: LeeCC 時間: 13-10-30 11:45
luluhaha 發表於 13-10-30 10:50
不要以為國際、私校直資可以幫到小孩，有支援的話津校也可以，首先要必免盲婚啞嫁，只靠包容和愛心也是不夠 ...
作者: Charlotte_mom 時間: 13-10-30 15:05
最理想當然樣樣都train到, 又包容又錫, 幫到小朋友仲幫埋家長啦, 不過現實邊有咁正!
正如有家長講, 寫唔到字要搵OT, 如果老師學下就可以攪得掂, 仲點需要咁多ST OT CP EP, 個個charge幾舊水一個鐘呢, 社交課程, 情緒管理, 大小肌肉, 感覺統合, 言語治療, 好多野都係專門, 家長要識對症下藥至幫到小朋友, 呢d訓練學校未必做得足, 因為真係好貴
我之前分享, 我仔學校肯俾老師去上專項培訓, 就係果一科老師去學返點去幫果一科需要幫助的小朋友, 好多學校都未必肯俾呢d錢出黎......老土講句, 錦上添花就多人做, 雪中送炭有幾多個丫, 肯有心去幫至係最重要, 當學校有一舊錢, 用去邊? 買電腦? 買圖書? 好多學校排隊都唔會排到sen用途啦, 俾人知道有sen學生, 唔好聽, 陣間吸引到d sen黎讀仲弊, 最好擺明唔鐘意, 唔收仲免麻煩.........試想下, 如果學校連收都唔想收, 提都唔想提, 又點會改善到照顧sen學生既能力?
作者: LeeCC 時間: 13-10-30 15:38
同意啊，我真的打去心儀學校問，得到是冷淡的回答:我們沒有收過這類學生，沒有支援
同班主講，她說我不是第一個有此經驗的家長
作者: LeeCC 時間: 13-10-30 15:39
他們根本不想我交表給他們(自行階段)
作者: 我係女仔 時間: 13-11-10 12:35 標題: 引用：我之前參觀過一間小學，+一班係sen，+一班
原帖由 kaka1128 於 13-10-09 發表
我之前參觀過一間小學， 一班係sen， 一班係正常， 一班係聯合國， 我唔係太接受到太多南亞裔小朋友， 所以 ...
作者: dtsmartb 時間: 13-11-11 17:55
本帖最後由 dtsmartb 於 13-11-11 17:56 編輯
唔係成日上BK, 見到忍唔住加兩筆。
我仔仔唔係讀津校。因為有前輩說除非那些學校開宗明義主收SEN為賣點, 其他津校為跑"業績",都只會將SEN小朋友放埋一邊, 好d 會讓你自生自滅, 衰d 把他們趕出課室
我好信有些小學真的完全唔正視SEN。因為當年我去九龍城某小學聽小一講座,我好記得一位家長問學校有冇provide 支援 to SEN 學生; 那個校長碌大對眼望住那家長, 然後說"無!因為無需要, 我地冇學生要!"
Anyway, 有時學校有支援都要睇運氣, 我仔那間算有, 放學後有些可安排輔導,但始於部份老師没有受訓, 平常上堂未必懂 handle....都可以搞到一鑊粥
作者: taylortse 時間: 13-11-17 16:17
我想問,我仔有發展遲緩，讀左兩年k1,今年讀k2進步左好多，而家只係認讀方面未跟得上，應該揀邊種小學?
作者: Charlotte_mom 時間: 13-11-17 16:57 標題: 引用：我想問,我仔有發展遲緩，讀左兩年k1,今年讀
原帖由 taylortse 於 13-11-17 發表
我想問,我仔有發展遲緩，讀左兩年k1,今年讀k2進步左好多，而家只係認讀方面未跟得上，應該揀邊種小學? ...
作者: bbfruit 時間: 14-10-28 18:47 標題: 回覆：Charlotte_mom 的帖子
t
| 歡迎光臨 教育王國 (/) |
Powered by Discuz! X1.5 |