教育王國

標題: Interview去唔到應該點同學校調時間 [打印本頁]

作者: ssshk 時間: 13-10-17 23:42 標題: Interview去唔到應該點同學校調時間

主因係份工星期六長短週，有兩個短週已經知道要interview，剛收到長週嗰個星期六咁啱又要in仲要嗰日肯定請唔到假，學校封信寫係新生面見日？即係得一日in？應該點同學校講比較好，例如唔係香港會否太誇張？
因為係細b得呢幾間有得in唔想放棄機會
大家覺得應該點處理？

作者: evilmei 時間: 13-10-17 23:57 標題: 回覆：Interview去唔到應該點同學校調時間

我勸你。。。call sick 去in 好過嘞。。。
學校太多applications 嘞。
喺好多學野嘅角度，少一個interviewee 係冇所謂，有好多直頭寫到明唔會幫你改時間。。

作者: KAKAROMAMA 時間: 13-10-18 00:02 標題: 回覆：Interview去唔到應該點同學校調時間

一係搵爸爸同佢去in啦！

作者: ssshk 時間: 13-10-18 00:04 標題: 引用：我勸你。。。call+sick+去in+好過嘞。。。

原帖由 evilmei 於 13-10-17 發表
我勸你。。。call sick 去in 好過嘞。。。
學校太多applications 嘞。
喺好多學野嘅角度，少一個interviewe ...

即係臨到嗰日先打去話病所以去唔到？
我都知學校唔會care少一個學生in，所以先想睇吓有咩好啲嘅方法

作者: ssshk 時間: 13-10-18 00:04 標題: 引用：一係搵爸爸同佢去in啦！ +

原帖由 KAKAROMAMA 於 13-10-18 發表
一係搵爸爸同佢去in啦！

爸爸嗰日都請唔到假

作者: 龍龍 時間: 13-10-18 00:19 標題: 引用：Quote:原帖由+evilmei+於+13-10-17+發表我

原帖由 ssshk 於 13-10-18 發表
即係臨到嗰日先打去話病所以去唔到？
我都知學校唔會care少一個學生in，所以先想睇吓有咩好啲嘅方法

...

唔係咁既意思，佢意思係你到時扮病同公司請sick leave去in，因為學校真係唔會為面試者改期，你諗下有咁多applicants，佢邊得閒會幫你改期再in？

作者: C蓓媽 時間: 13-10-18 00:40 標題: 回覆：Interview去唔到應該點同學校調時間

即唔知你2個返咩工星期六不可請假，學校係不會理你咩原因，只會諗，連為自己小朋友面試而請假都唔肯，會覺你都無誠意，佢多一個唔多，少一個唔少，所以我都贊成你請病假去in （如果是心儀學校）

作者: siusiuball 時間: 13-10-18 07:28 標題: 回覆：C蓓媽的帖子

有D人星期六要返工請唔到假就真係請唔到，我連sick leave都盡量唔會星期六請，何況假病。我明白樓主心情，你試下有䛋意d同學校講你難處，睇下有冇得改。

作者: Carroad 時間: 13-10-18 08:18

我有一間都係因為我不在香港但撞面試日期, 我打電話同佢地講, 態度誠懇啲, 話好想有機會見呢間學校, 仲話可以俾我不在港的証明(因我真係唔喺香港) 結果係佢地真係肯同我改呀, 所以我又覺得未必唔得, 雖然我都信有啲學校唔會就我地家長.不過如果諗唔掂, 咪打去問下間學校先囉, 祝好運~

作者: evilmei 時間: 13-10-18 08:23 標題: 引用：我有一間都係因為我不在香港但撞面試日期,+

原帖由 Carroad 於 13-10-18 發表
我有一間都係因為我不在香港但撞面試日期, 我打電話同佢地講, 態度誠懇啲, 話好想有機會見呢間學校, 仲話可 ...

不過妳真係唔喺香港就會有証明姐。。
我諗如果要扮唔喺香港搵離港證明。。仲難過去拎張醫生紙俾公司。。

作者: ssshk 時間: 13-10-18 08:42 標題: 引用：有D人星期六要返工請唔到假就真係請唔到，

原帖由 siusiuball 於 13-10-18 發表
有D人星期六要返工請唔到假就真係請唔到，我連sick leave都盡量唔會星期六請，何況假病。我明白樓主心情， ...

多謝你明白我心情
我會有誠意的打去睇吓有冇得改，或者可否in下午，真係唔係人人放到全日星期六

作者: ssshk 時間: 13-10-18 08:43 標題: 引用：我有一間都係因為我不在香港但撞面試日期,+

原帖由 Carroad 於 13-10-18 發表
我有一間都係因為我不在香港但撞面試日期, 我打電話同佢地講, 態度誠懇啲, 話好想有機會見呢間學校, 仲話可 ...

多謝你的祝福

作者: 小鼠 時間: 13-10-18 09:26 標題: 回覆：Interview去唔到應該點同學校調時間

我之前試過想改時間，同佢講要搬屋黎唔到，可唔可以轉，個staff同我個佢地好多appliciants，叫家長自己就時間，黎到就黎，黎唔到就算……

作者: macmate 時間: 13-10-18 10:18 標題: 回覆：Interview去唔到應該點同學校調時間

我覺得學校幫你改時間係人情，唔改係道理

作者: mable0901 時間: 13-10-18 10:25

正常學校唔會理你唔會換咁多人申請點換得到你都可以照打去問下我都覺得你扮病容易D 來緊間間都係星期6IN多你都避唔到幾多

作者: honthont 時間: 13-10-18 13:25 標題: 回覆：Interview去唔到應該點同學校調時間

公司請吾到半日的話,早走兩粒鐘偷時間得吾得?

作者: ssshk 時間: 13-10-18 17:39 標題: 回覆：Interview去唔到應該點同學校調時間

最後搵左同事幫我返了

希望面試成功！

歡迎光臨教育王國 (/)