教育王國

標題: 小學籌款教壞人　捐$500有得着便服　兼同校長食飯影相 [打印本頁]

作者: elbar 時間: 13-10-17 13:55 標題: 小學籌款教壞人　捐$500有得着便服　兼同校長食飯影相

http://hk.apple.nextmedia.com/news/art/20131017/18467037

■聖安多尼學校舉辦籌款活動，被斥會造成標籤效應。

中西區的津貼小學聖安多尼學校，藉便服日舉行籌款活動，學生須捐最少500元才可穿便服上學，並可與校長共晉午餐、拍照留念、享用教師親手炮製的美食；捐款不足500元者不能參與。有家長質疑會產生標籤效應，狠批學校教壞細路、製造階級觀念。經本報查詢後，該校昨晚急急更改規定。

■馬嘉健解釋，想以獎勵方式鼓勵學生參與籌款。

該校計劃籌款30萬元翻新圖書館，前日向家長發通告指，捐款500元或以上的學生，可參加下月6日的「便服日」，可穿便服上學，並參與「與馬校長有個約會」的午膳活動，享用「多位老師親手炮製的美食」，並可與校長和老師拍照留念、獲得紀念筆袋。此外，捐款500元或以上，可獲頒感謝狀；捐款100元以上，只獲收據。

家長為子女面子焗捐

活動另設「平均學生捐款最多班別」及「最高個人捐款榮譽」獎，得獎學生會接受訪問，並將家長名字刊登在學校刊物內。

學校通告上的捐款金額，選項由500元起，另有800、1,800、3,500元及其他。

「根本就係逼家長捐錢，我哋只係基層家庭，要捐500蚊梗係嫌多，但捐唔夠又驚個仔俾同學笑！」家長吳太怒指，學校有心以服裝辨識學生有否捐款，如小學生見其他同學與校長食飯，自己則要穿校服、食飯盒，一定會感到自卑；「同埋係唔係我捐50蚊就唔使感謝？完全係製造階級觀念！」

另一家長馮先生亦指活動「教壞細路仔」，設立獎項會令兒童有錯誤價值觀，「覺得捐得多就好光彩，（同學間）會有比較心」。

該校校長馬嘉健解釋指，希望以「獎勵」鼓勵同學參加活動，「以往同學交齊功課都可以同我食飯，今次籌款都係一樣」；而捐500元才可參與午餐的決定，是因為學校需控制參與人數，絕無標籤效應。

教育界立法會議員葉建源認為，「冇錢捐就會同其他同學有區分」，會出現標籤效應；籌款活動在教育界相當普遍，建議主辦者參考其他學校的做法，避免對學生有不良影響。

天主教教育事務主教代表助理葉成標表示，該校屬慈幼會管理；但原則上，學校應避免過份標榜金錢來籌款，例如有教區學校辦籌款活動時，曾有老師自行出錢贊助貧困學生，這更能體現天主教辦學的「關注弱勢」宗旨。

接受訪問後取消規定

聖安多尼學校昨日接受傳媒訪問之後，晚上即刻宣佈取消多項規定，便服日改為全校學生參與，不論有否捐款；並且取消籌款獎項及訪問，而當日的午膳，校長和老師亦會改到各課室與全校同學分享食物。

教育局指，學校籌款毋須向該局申請，但須確保學生的捐獻出於自願，學校亦不應建議捐款額。

作者: elbar 時間: 13-10-17 13:55

標籤效應挫自我形象

http://hk.apple.nextmedia.com/news/art/20131017/18467044

【家長心聲】
馮先生「咁樣標籤有少少唔合理，係教壞細路仔，家長負擔又會重咗。」

【朋輩比較】

專家指，具標籤效應的學校籌款活動，會影響學生自我形象，甚至破壞同學及家人關係。

曾為執業教育心理學家的鄧澔明博士表示，不太同意有關籌款活動的準則，「捐款應該係隨緣樂助，無需要定限額，幾多錢先可以咁樣（着便服）」。

【家長心聲】
李女士「最好唔需要限定捐幾多，（獎項設立）會灌輸咗錯誤嘅觀念。」

他解釋，8歲以上小孩子的朋輩意識會變重，同學間會互相比較，在便服日穿着校服，難免令人覺得「捐唔起錢」，影響學生自我形象，「突然間埋唔到堆，心裏面就會有條刺」。

情況若再引伸下去，他表示，除了破壞學生之間的關係，小孩子也會埋怨家人，覺得「屋企唔幫自己，令自己好瘀」；更嚴重的話，可能有小朋友會鋌而走險，學校隨時好心做壞事。

作者: grace_xian 時間: 13-10-17 16:29

校長做咗明星

作者: sukitelfold 時間: 13-10-17 18:56 標題: 回覆：grace_xian 的帖子

學校管理層敏感度很低!!!需要再培訓。

作者: Jane1983 時間: 13-10-17 19:22

回復 sukitelfold 的帖子

同意，系吾够sensitive 。

作者: awah112 時間: 13-10-17 19:56 標題: 回覆：小學籌款教壞人　捐$500有得着便服　兼同校長食飯影相

提示: 作者被禁止或刪除內容自動屏蔽

作者: paulinefll 時間: 13-10-18 11:12

捐款都係改善學校設施,有咪捐,冇咪吾捐LOR,由幼稚園到大學都係咁籌款ga la,公益金都有便服日叫人捐款,咁多年都係咁,而家d人怨氣咁大,影響埋小朋友就吾好啦......我個仔最吾鍾意我批評佢既學校同老師,因為佢好鍾意學校,我又好欣賞佢咁既態度,我自己都要向亞仔學習下

作者: toutou1024 時間: 13-10-18 11:29 標題: 引用：捐款都係改善學校設施,有咪捐,冇咪吾捐LOR,

原帖由 paulinefll 於 13-10-18 發表
捐款都係改善學校設施,有咪捐,冇咪吾捐LOR,由幼稚園到大學都係咁籌款ga la,公益金都有便服日叫人捐款,咁多 ...

捐錢唔係問题，不过呢間學校嘅捐款方式好有問題，唔關怨气大問题呢！

作者: camama.wong 時間: 13-10-18 14:19

我仔小一下月學校有個運動會, 我都要局捐小小. 因為學校講明要翻新圖書館,
有捐款的小朋友先可跟大夥學生繞埸一週行一個圈! 話晒係第一次運動會,
我都想仔能落場行下, 好無奈唯有照捐但心勁吾想!

捐100先有收據~

作者: camama.wong 時間: 13-10-18 14:27

捐款係出心, 重要是自願!　
若我吾捐，　仔就無得落埸行。。。人人有份行得佢無？怕佢吾開心嘛！
總知有條件的捐獻就吾係咁好啦～

作者: awah112 時間: 13-10-18 14:34

提示: 作者被禁止或刪除內容自動屏蔽

作者: 天瑜 時間: 13-10-18 15:05 標題: 引用：+本帖最後由+awah112+於+13-10-18+14:35+編

提示: 作者被禁止或刪除內容自動屏蔽

作者: swcon 時間: 13-10-18 17:44

我平D, 捐HK$400俾我, 我請你食埋叉燒飯

作者: fc926 時間: 13-10-21 22:07 標題: 回覆：小學籌款教壞人　捐$500有得着便服　兼同校長食飯影相

我都唔認同便服日，我寧願在其他渠道捐錢，都唔會俾小朋友參加便服日，反正套校服都好靚

作者: billysim 時間: 13-10-21 22:40 標題: 回覆：小學籌款教壞人　捐$500有得着便服　兼同校長食飯影相

呢個校長思想有問題，咁樣形式要學生捐錢，真係教壞小朋友既價值觀，真係不知所為

作者: cwhtcybb 時間: 13-10-23 06:44 標題: 回覆：elbar 的帖子

我個女間學校一年都有幾次捐款，仲指明捐唔同銀碼有唔同既禮物,攪到小朋友係因為份禮物先捐錢，仲指明要我包底:;pppp:

作者: clara1477 時間: 13-10-23 07:01 標題: 引用：呢個校長思想有問題，咁樣形式要學生捐錢，

原帖由 billysim 於 13-10-21 發表
呢個校長思想有問題，咁樣形式要學生捐錢，真係教壞小朋友既價值觀，真係不知所為

...

真的教壞細路。其實良好品德，價值觀比學業更重要呢。

作者: iloveu2 時間: 13-10-23 07:20

其實公益金捐款都要指定數目小朋友先可以著便服，同樣道理，不過佢o 既金額太大令人反感je

歡迎光臨教育王國 (/)