教育王國

標題: 被學校勸退 [打印本頁]

作者: hy0713 時間: 13-10-15 22:25 標題: 被學校勸退

阿仔評估係e位A仔，可讀主流學校。請問有冇家長有遭幼稚園校長比壓力勸退的經驗，你哋會退學嗎？會轉什麼學校？

作者: angels'mom 時間: 13-10-16 22:17

你話阿仔「可讀主流學校」，咁仲有咩問題﹖

我仔一直都讀主流學校，轉校的原因只是轉一間人數較少的學校，老師比較容易捉佢專注。

假如被校長勸退，有可能係小朋友有行為問題影響到其他人，應該盡快處理該問題，否則去邊間學校都一樣。

亦有可能學校不懂得處理學生的問題，留在學校亦幫唔到個小朋友。

作者: bauhiniakan2000 時間: 13-10-16 22:22

hy0713 發表於 13-10-15 22:25
阿仔評估係e位A仔，可讀主流學校。請問有冇家長有遭幼稚園校長比壓力勸退的經驗，你哋會退學嗎？會轉什麼學 ...

我無,學校包容,不過要我排到 S 位個時走,你可以唔理佢照讀,不過小朋友就不好過,可能將佢同小朋友分開坐埋一邊唔理佢,搵間能包容好過.

作者: hy0713 時間: 13-10-16 23:04

我都係咁諗，會同佢轉校。其實阿仔只係專注差D，上堂會離坐行來行去，但絶冇騷擾人嘅行為。我地亦有同佢做小組訓練，最感到憤怒係，番咗8日學就比壓力叫我地退學。其實冇比小朋友適應新環境。亦有諗過點幫小朋友。

作者: man811231 時間: 13-10-16 23:19 標題: 回覆：被學校勸退

哪間學校禁衰？

作者: chris-BB 時間: 13-10-17 10:14 標題: 回覆：hy0713 的帖子

我仔返咗3日，我同學校講希望佢包容，點知歧视我仔添。又話我仔唔識聽指令，排錯隊。又話我仔油畫油咗出台面，又話佢走去梳化玩唔專心。但我仔無傷害人，無走來走去，無發皮氣，無尖叫，只係理解我力差，都要趕我仔退學。千其唔好讀*保護兒童*果啲學校呀！

作者: bauhiniakan2000 時間: 13-10-17 10:44

回復 chris-BB 的帖子

我仔讀緊,保護兒童會,都包容到,有一個小朋友四圍走坐唔定,唔聽指令,讀左一年已很大改善,今年入去呢到讀 i 位,可能 d 校長,老師唔同喇.

作者: chris-BB 時間: 13-10-17 12:13 標題: 回覆：bauhiniakan2000 的帖子

係呀！可能校長，老師唔同。两個老師都係新入職，無經驗，連普通小朋友都睇唔緊，唔夠爱心及包容，何况係A仔…。校長好要面，幫心睇我仔，我仔唔鍾意被人拖住，突然放軟腳瞓地，校長一不留神跌地，就覺得無面。成曰用藉口話無資源，叫我搵過第二間比亞仔讀。我试過都怕怕

作者: csy_0101 時間: 13-10-17 22:00 標題: 回覆：被學校勸退

我個小朋友返左n班2個月，主任已打俾我，間接話我聽我個小朋友唔可在原校讀k1....佢打黎係一句通知，而唔係話我聽小朋友在校情況，也不是問小朋友平時的情況，更沒有提供建議如何教導小朋友方法！感覺好冷漠！

當初，唔介意辛苦些俾小朋友讀間小班教學的幼稚園，諗住可俾到小朋友多些照顧，點知好失望！！小朋友返學也不開心！！！所以我決定11月幫小朋友退學，全力5日返密集，希望佢k1前，追得幾多得幾多，只想小朋友開開心心！

作者: heiheima88 時間: 13-10-18 12:17 標題: 回覆：被學校勸退

我仔今年小一了，分享下讀幼稚園時經驗，2歲在浸xx讀N班，K1, 同一位班主任，一直無提過有任何問題，只係覺得我仔坐唔定。升k2轉左班主任，開學後幾日就叫我帶仔去健康院check下，我同老公開始留意仔問手，跟住學校仲有位新老師拎住張工作紙話阿仔唔識做，叫我返屋企教佢，當時心諗呢兩位老師包容唔到，所以決定轉校

作者: heiheima88 時間: 13-10-18 12:24 標題: 回覆：被學校勸退

搵到保護兒童會其中一間學校問k2插班, 講左阿仔坐唔定問題，咁去到見校長，主任就見我仔，覺得ok就收左仔。好彩新校當時k2位班主任好有經驗，摸索左一個月就令到阿仔合作左好多。原來校長，主任，老師的包容真係好重要。後來k3時這位好好的班主任升做主任去左第二間教，阿仔又開始蝦老師，好在大個仔左d就容易d聽話。

作者: zhfl729 時間: 13-10-18 12:29 標題: 引用：我仔返咗3日，我同學校講希望佢包容，點知

原帖由 chris-BB 於 13-10-17 發表
我仔返咗3日，我同學校講希望佢包容，點知歧视我仔添。又話我仔唔識聽指令，排錯隊。又話我仔油畫油咗出台 ...

呢d问题正常的小朋友都有可能出现啦呢间幼儿园真系无爱心

作者: zhfl729 時間: 13-10-18 12:30 標題: 回覆：heiheima88 的帖子

请问保护儿童是米s位？

作者: chris-BB 時間: 13-10-18 15:07 標題: 回覆：zhfl729 的帖子

保護兒童會唔係S位，係一間普通幼兒園有兼收位咋！

作者: 芒果米池 時間: 13-10-18 16:31 標題: 引用：我都係咁諗，會同佢轉校。其實阿仔只係專注

原帖由 hy0713 於 13-10-16 發表
我都係咁諗，會同佢轉校。其實阿仔只係專注差D，上堂會離坐行來行去，但絶冇騷擾人嘅行為。我地亦有同佢做 ...

你好呀，請問係咪你個仔反左8日，學校自己發現呀仔嘅問題？定係你自己同學校講的？

作者: hy0713 時間: 13-10-18 19:37

學校發覺的，我冇同學校講。
亞仔之前番另一間幼稚園，有類似的行為問題，但學校可以包容，最多叫我請影子老師一段時間，幫佢適應。但後來後補入了依家呢間所謂九龍名牌幼稚園，諗住亞仔自己考到，比佢試下，點知?........

作者: 芒果米池 時間: 13-10-18 20:07 標題: 引用：學校發覺的，我冇同學校講。亞仔之前番另一

原帖由 hy0713 於 13-10-18 發表
學校發覺的，我冇同學校講。
亞仔之前番另一間幼稚園，有類似的行為問題，但學校可以包容，最多叫我請影子 ...

如果係D出名嘅學校，佢地一定會收一啲佢地認為係出色嘅學生，感覺係依家嘅教育都變晒質，以前樣樣都每位學生著想，而家好多都變得商業化，向錢看。

作者: 芒果米池 時間: 13-10-18 20:15 標題: 回覆：被學校勸退

之前我個仔開學無幾耐，我都有同學校睇過佢撞頭脾氣大四圍跑坐唔定，我真係唔應該咁快咁早同學校講，因為見到哩一度好多媽媽都話其實比學校知道冇乜大問題，但當時我根本就未曾知道學校嘅諗法同取向。俾我揀多次嘅話，我情願等學校自己發現，依家攪到自己好大壓力，雖然我間學校唔係乜嘢出嚟學校，但我都好驚總會有一天，好似你咁嘅情況出現。今日班主任走來問我，幾時會做評估個報告出咗佢地都好想睇下。我真係好後悔，依家唯有見步行步啦。因為我個仔只係評估得出交際能力較弱、有自閉特徵，你兩樣嘅評語。我唔想兩頭唔到岸。其實我個仔嘅自閉行為特徵，係時好時差的，有一排佢好似減退到近乎無，你兩個星期又開始出現返，我就嚟俾佢搞到抑鬱，學校覺得佢而家係n班入面，唔太坐定，聽故事嘅時候都會四圍跑，我都唔知點講啦

作者: hy0713 時間: 13-10-18 22:16

回復芒果米池的帖子

講到report, 我講咗亞仔被評有亞氏保加，只可有e位，但校長竟然叫我考慮下轉I位，我話唔會有l位學校收。於是佢絶到話叫我考慮比學校轉介政府再做評估（因亞仔係私人做評估），會客觀D，咁即係佢唔信我地做咗評估，想企圖用政府report迫我退學

作者: 芒果米池 時間: 13-10-20 13:10 標題: 引用：回復+芒果米池+的帖子講到report,+我講咗

原帖由 hy0713 於 13-10-18 發表
回復芒果米池的帖子

講到report, 我講咗亞仔被評有亞氏保加，只可有e位，但校長竟然叫我考慮下轉I位，我 ...

其實唔係私人機構做評估應該比較仔細D咩？既然學校出到聲真係要再諗方法，但係如果學校嗰邊幫你轉介去政府做評估，都要從新再排期先有得做，希望都要等六至九個月，咁你短時間會唔會有野可以幫到小朋友改善呢？

作者: 芒果米池 時間: 13-10-20 13:14 標題: 引用：回復+芒果米池+的帖子講到report,+我講咗

原帖由 hy0713 於 13-10-18 發表
回復芒果米池的帖子

講到report, 我講咗亞仔被評有亞氏保加，只可有e位，但校長竟然叫我考慮下轉I位，我 ...

咁你自己有乜嘢想法啊？你呢間學校真係一啲人情味都冇，其實我而家都好心煩，因為上個星期班主任要求想睇我系政府過分評估報告，我當時真係好驚好驚，我心諗死緊啦，點解起初我會咁魯莽竟然講比佢地知！我即時講左一個大話，我同佢地講上個月我咁講係諗住自己出去外面等私人機構做，講真我唔鍾意講大話既人講完之後我個心好唔舒服，返到屋企忍唔住大喊出來，同老公講佢又幫唔到我D咩，其實我而家即係前言不對口語，遲早都會出事，我真係唔想學校的我個仔退學，但我又可以做到啲咩呢

作者: Chaochao 時間: 13-10-20 22:55 標題: 回覆：heiheima88 的帖子

提示: 作者被禁止或刪除內容自動屏蔽

作者: hy0713 時間: 13-10-20 23:00

芒果米池發表於 13-10-20 13:10
其實唔係私人機構做評估應該比較仔細D咩？既然學校出到聲真係要再諗方法，但係如果學校嗰邊幫你轉介去政府 ...

係私人做好詳細，但校長冇問我攞report,浄係提議我去政府做多次，話學校轉介，個幾月就有期咁話喎！佢只係想俾壓力，等我地退學。

作者: hy0713 時間: 13-10-20 23:09

做功課冇問題，對於我個仔係絶對應付到。校長同班主任重話我個仔認知同學術，甚至高過班裏好多同學㖭

作者: christytsui 時間: 13-11-24 15:14 標題: 回覆：hy0713 的帖子

會唔會你諗多左，比我會比政府做多次，睇下同私人夾唔夾

作者: chowqv 時間: 13-11-24 23:30 標題: 回覆：被學校勸退

阿仔係升k2前暑假出評估，我都喊住問校長要唔要先退學去排e/i位；感恩！校長淨係話有排服務，佢地唔會要學生退學。重點：家長自己要出多幾分力去跟進。
今年k3先有e位，我就2邊返。

作者: sochi81 時間: 13-11-25 09:44

我都想請問九龍區有無學校介紹
仔讀N班，會離座，遊雲，但無攪人，
本來話直升K1,點知上月通知後備，因返緊的下午校會唔辦
排緊S位，但下年開學未有位。想找間幼稚園學下群體
佢有上午返密集。
自從上下午都要返，佢累但可以訓天光
之前唔得的

作者: celia1606 時間: 13-11-26 14:29

提示: 作者被禁止或刪除內容自動屏蔽

作者: angels'mom 時間: 13-11-26 18:36

回覆 csy_0101 的帖子

好贊成你的做法，希望小朋友返密集有進步。

作者: lindajustinho 時間: 13-11-26 23:27 標題: 引用：阿仔評估係e位A仔，可讀主流學校。請問有冇

原帖由 hy0713 於 13-10-15 發表
阿仔評估係e位A仔，可讀主流學校。請問有冇家長有遭幼稚園校長比壓力勸退的經驗，你哋會退學嗎？會轉什麼學 ...

有

作者: eloihk 時間: 13-11-28 09:35

提示: 作者被禁止或刪除內容自動屏蔽

作者: dyan11 時間: 13-12-20 02:24

k1 study half year 學校不懂得處理學生的問題，留在學校亦幫唔到個小朋友

作者: 王王爸爸 時間: 13-12-20 16:12 標題: 回覆：dyan11 的帖子

小心了解包容到學校怎樣處處理小孩的情緒，如只係isolate or 比份玩具佢玩成個鍾，對小朋友係沒幫助的，要多啲同校方了解。

作者: dyan11 時間: 13-12-22 00:34

eloihk 發表於 13-11-28 09:35
我選擇主動告訴學校，若果學校包容不到，勉強留下只會令小朋友辛苦。情願轉去一間願意包容但可能沒有名氣的 ...

support

作者: ching_800322 時間: 13-12-26 15:18

my boy also go to normal kindergarten, School haven't told me any problem. But I think he may not able to catch up the schedule.

歡迎光臨教育王國 (/)