教育王國

標題: 老師話似資優，多數準吾準？ [打印本頁]

作者: Capricorn2521 時間: 13-10-14 16:54 標題: 老師話似資優，多數準吾準？

想問吓各位，如果學校老師話小朋友似資優，其實多數評估出來係定吾係多呢？

作者: zngo 時間: 13-10-14 22:39 標題: 回覆：Capricorn2521 的帖子

幼稚園不太準，小學幾準確的！

作者: brjhome 時間: 13-10-15 19:58 標題: 回覆：老師話似資優，多數準吾準？

如果係中學呢?

作者: Capricorn2521 時間: 13-10-17 11:20

本帖最後由 Capricorn2521 於 13-10-17 12:35 編輯

回復 zngo 的帖子

多謝你回覆。事原係我仔2歲被評自閉傾向，一路都有跟進及訓練。今年小一剛入學，學校都知佢問題。我也常問老師小朋友在校情況，希望能互相配合，老師有話佢守規舉弱，吾專心，社交弱，但同時老師話佢好聰明，學術好強，外籍老師話佢能閱讀P3英文圖書，我自己覺得佢自學能力高。雖然上課吾專心，但回家可以完成大部份功課，又會同我講返老師上堂嘅說話。老師話佢可能係資優，叫我同佢去評估，但我覺得剛剛才上小一，很多野都在適應中，我同老師講，不如遲D先去評估，但老師話早D發現佢專長，早D培訓，令佢進步快D。佢又舉例一個校內2年級嘅數理資優生，依家在外面讀緊代數。

所以我想問吓，依家check同1、2年後先去check 有咩分別? 吾做野又有小小驚老師覺得我冇全力幫亞仔。

作者: lillymarie 時間: 13-10-17 21:40

Capricorn2521 發表於 13-10-17 11:20
回復 zngo 的帖子

多謝你回覆。事原係我仔2歲被評自閉傾向，一路都有跟進及訓練。今年小一剛入學，學校都 ...

純綷討論。老師建議你帶囝囝去check IQ，若check到是資優，學校有甚麼資源可提供呢？而這些資源是否一定要證明是資優才可使用呢？
做評估費用不菲，做之前要先了解做的目的囉。

我朋友的孩子因為學校需要一份報告才讓佢跳級，所以去做評估。點知6歲多的小朋友因担心自己的表現而在評估時發脾氣，測驗結果不如預期的好。好在學校根據其它觀察還是讓佢跳一級。

我的結論是，如果不急，等小朋友大些性情定些先做，測驗結果會無咁受環境影响。

作者: Capricorn2521 時間: 13-10-18 11:12

回復 lillymarie 的帖子

明白，好多謝你的意見。我老公都有考慮到評估費的問題，有時當局者迷，真係要問吓過來人的意見，謝謝！

歡迎光臨教育王國 (/)