教育王國

標題: 港大文學院畢業禮　限制學生帶嘉賓　兩老只能嚟一個 [打印本頁]

作者: elbar 時間: 13-10-14 09:30 標題: 港大文學院畢業禮　限制學生帶嘉賓　兩老只能嚟一個

http://hk.apple.nextmedia.com/news/art/20131014/18462899

見證仔女大學畢業，係唔少父母嘅心願。不過，香港大學文學院下個月校內畢業禮，就因為地方淺窄，畢業生只可以帶父或母其中一人去觀禮。父母兩難全，搞到同學仔就慨嘆：「唔通要阿爸阿媽打交咩？」

遲到要入房睇直播

港大文學院喺11月23號搞畢業禮，今日開始網上登記搶門票。仲要首次喺百周年新校園嘅李兆基演講中心大會堂搞。不過呢，𠵱個新場地只係坐得942個人咁大把，扣除啲同學、老師之後，剩番550個位畀畢業生嘅親友觀禮。如果太遲先去到，大會會安排680個嘉賓入去另一間房睇直播。有啱啱畢業嘅同學仔，見到大會限制每人只能帶一位嘉賓，見證自己被「扑頭」嘅一刻，內心真係好掙扎。究竟請阿爸定阿媽好呢？有同學仔「好葡萄」，話社會科學院都去灣仔會展搞畢業禮啦，位位畢業生可帶3名親友去觀禮，做乜文學院畢業生只可帶一位親友咁少，好唔公平囉。於是咪同文學院講吓數，點知文學院又唔理畢業生，搞到同學仔一肚氣。

不過同學仔又唔使太愁，港大喺11月仲有場全校畢業禮，喺亞洲博覽館搞，每名學生可帶兩個親友去。場地咁大，「三個字」：綽綽有餘啦。

作者: ANChan59 時間: 13-10-14 12:44

點解會有個文學院畢業禮？我都算大鄉里，三次畢業禮都是全校性。

家人數目有多有少，多數三人，最高試過十人，當然有特殊理由才可以。

作者: item 時間: 13-10-14 14:09

ANChan59 發表於 13-10-14 12:44
點解會有個文學院畢業禮？我都算大鄉里，三次畢業禮都是全校性。

家人數目有多有少，多數三人，最高試過十 ...

從未聽過，去年朋友公子在港大畢業父母都有留位，不過他是商學脘畢業生。

作者: Yanamami 時間: 13-10-15 08:07

如屬事實就好離譜~

作者: Bluegene 時間: 13-10-15 19:27

畢業禮限嘉賓人唔出奇，不過一個就真係少，好心唔好咁慳

歡迎光臨教育王國 (/)