教育王國

標題: 方方interview分享（有點長） [打印本頁]

作者: YINYIN630 時間: 13-10-13 02:52 標題: 方方interview分享（有點長）

阿女六月尾B，in11點。一去到已經好多人，職員話要等一個鐘。等候期間可以在play area自由玩耍。

地方算大（我見到有室外泳池?），但殘舊，鋪了殘舊的地毯，感覺污糟。要除鞋，雖然有拖鞋提供，仍有大人同小朋友赤腳周圍行。下一輪in的，著／帶定襪好啲。

等了約60-70分鐘便到我地。好彩我個女係電兔，不停玩個幾鐘都唔攰。由一個長髮金毛負離子大圈耳環的女職員（定老師? 無意批評，只係佢造型突出，俾我留下深刻印象）帶入課室。氣氛突然由非常熱鬧變得有點嚴肅。我feel到阿女有啲怯。

入到課室後老師叫阿女坐中間，父母坐兩旁。然後正式同阿女打招呼（阿女冇反應）。問阿女今日同邊個黎（阿女只係望下我冇出聲）。跟住老師攞個Hello Kitty電話出黎，叫阿女打電話俾爸爸。個電話又音樂又閃燈，阿女即刻攞過黎猛㩒，但冇擺在耳邊扮聽。

之後問阿女早上有冇刷牙洗面，然後拎把梳出來俾阿女梳頭。阿女冇同自己梳，但同咗我梳。

然後老師拎咗啲生果出來，叫阿女俾蘋果我食，俾橙爸爸食。呢part我個女有做齊。

再跟住老師拎咗熊貓公仔出來問係乜嘢（阿女冇答，但平時會大聲講panda），握手（阿女冇握但hug），同埋指出熊貓五官（阿女亂指一通，但平時係識架!）

然後砌puzzle，木製，狗仔圖案，有問我個女係乜。阿女唔識砌，老師有幫手話呢個頭，係咪擺呢度etc。

最後攞本書出來隨便揭下，要阿女指下車，雀仔等。完後有貼紙送俾阿女，當然唔識講thank you啦。走時一家三口都唔記得推返埋啲凳仔。但阿女有揮手bye bye。

全程約15分鐘，冇問過家長問題。老師都有花點心機氹阿女開金口，奈何不成功。
一個月後書面通知得唔得。

作者: mv_lee 時間: 13-10-13 08:53 標題: 回覆：方方interview分享（有點長）

請問邊間分校？

作者: aliashk 時間: 13-10-13 12:01

我都係琴日in方方（海濱）依你形容，應該都係海濱，因為我都見到載大圓耳環的嗰位Miss,
我得咗2個鐘...我阿B係細B，同你嘅面試內容有啲唔同，簡單啲，都有叫比蘋果同橙，但無叫打電話同梳頭
係叫佢指眼耳口鼻，個老師都好好，問咗佢識唔識先，同你個B一樣，平時喺屋係識指鼻同耳，去都就唔做.....

作者: ssshk 時間: 13-10-13 12:52 標題: 引用：我都係琴日in方方（海濱）依你形容，應該都

原帖由 aliashk 於 13-10-13 發表
我都係琴日in方方（海濱）依你形容，應該都係海濱，因為我都見到載大圓耳環的嗰位Miss,
我得咗2個鐘...我阿 ...

我阿b都係細b，下個月in，坦白講，好多嘢佢都未識

作者: ssshk 時間: 13-10-13 12:52 標題: 引用：我都係琴日in方方（海濱）依你形容，應該都

原帖由 aliashk 於 13-10-13 發表
我都係琴日in方方（海濱）依你形容，應該都係海濱，因為我都見到載大圓耳環的嗰位Miss,
我得咗2個鐘...我阿 ...

其實海濱方方係收幾多人？

作者: CapricornO 時間: 13-10-13 13:46

提示: 作者被禁止或刪除內容自動屏蔽

作者: kvvvcheung 時間: 13-10-13 14:53 標題: 回覆：方方interview分享（有點長）

我個囡2·11 in 呀！預左攞經驗呢

作者: littlebtong 時間: 13-10-13 16:13 標題: 引用：Quote:YINYIN630+發表於+13-10-13+02:52+阿

原帖由 CapricornO 於 13-10-13 發表
同你IN既差唔多....呀女表現都差唔多... 其實好多野呀女識做, 但係個老師都無比時間呀女唸下...好似見你第 ...

agreed with you, same case for my bb

作者: YINYIN630 時間: 13-10-13 18:42 標題: 引用：請問邊間分校？ +

原帖由 mv_lee 於 13-10-13 發表
請問邊間分校？

係海濱方方呢

作者: IamWongC9 時間: 13-10-13 23:09 標題: 引用：阿女六月尾B，in11點。一去到已經好多人，

原帖由 YINYIN630 於 13-10-13 發表
阿女六月尾B，in11點。一去到已經好多人，職員話要等一個鐘。等候期間可以在play area自由玩耍。

地方算大 ...

果個應該係教英文既老師

作者: ssshk 時間: 13-10-13 23:11 標題: 引用：我個囡2·11+in+呀！預左攞經驗呢 +

原帖由 kvvvcheung 於 13-10-13 發表
我個囡2·11 in 呀！預左攞經驗呢

我都係

作者: kvvvcheung 時間: 13-10-14 19:11 標題: 回覆：ssshk 的帖子

我1200呀

作者: Cavebaby 時間: 13-10-15 12:18

老師叫阿仔比個橙我，阿仔掉落地tim~

!!!
指眼耳口鼻都算係咁，但佢坐到唔耐煩，最後老師攞本書出黎叫佢指野，阿仔話知佢，起身想走人。前後攪左兩個鐘。
您地講果個講英文，大耳環姐姐，我都見到。

作者: ssshk 時間: 13-10-15 14:15 標題: 回覆：方方interview分享（有點長）

不過等咁耐我驚bb等到眼瞓

作者: 龍龍 時間: 13-10-15 19:42 標題: 引用：老師叫阿仔比個橙我，阿仔掉落地tim~+!!!指

原帖由 Cavebaby 於 13-10-15 發表
老師叫阿仔比個橙我，阿仔掉落地tim~ !!!
指眼耳口鼻都算係咁，但佢坐到唔耐煩，最後老師攞本書 ...

果個金毛大耳環姐姐令人好印象深刻

作者: Monicalau 時間: 13-10-16 20:46

呢個係N班定K1啊???

作者: 龍龍 時間: 13-10-17 01:02 標題: 引用：呢個係N班定K1啊???

原帖由 Monicalau 於 13-10-16 發表
呢個係N班定K1啊???

N班interview呀

作者: ballg 時間: 13-10-17 01:21 標題: 回覆：方方interview分享（有點長）

我未收到信去in

作者: vip1114 時間: 13-11-2 21:14 標題: 回覆：YINYIN630 的帖子

yr interview conducted in English?

作者: ssshk 時間: 13-11-2 23:36 標題: 回覆：方方interview分享（有點長）

今日in完了，都幾多人

作者: vip1114 時間: 13-11-3 10:26 標題: 回覆：ssshk 的帖子

interview in English or Chinese?

作者: YINYIN630 時間: 13-11-3 13:44 標題: 回覆：vip1114 的帖子

我係用中文in架，聽講有啲申請國際班係用英文in

歡迎光臨教育王國 (/)