教育王國

標題: 帝寶城啓思面試 [打印本頁]

作者: fanho 時間: 13-10-12 22:03 標題: 帝寶城啓思面試

本帖最後由 fanho 於 13-10-12 22:11 編輯

外甥女面試時大部份指令都做到八九成，佢説話好叻，有say hello同bye，老師話佢好醒，好得意，著得好靚，老師叫佢笑，佢笑住做鬼臉，氹得老師好開心，但佢坐唔定，週圍走，老師問五官名稱，只識答英文，臨走前有同老師抱抱同飛吻，面試完結老師只話「得架喇，bye bye」無問會唔會考慮pm班，亦無講幾時有面試結果，請問外甥女係咪機會好微或衰左？

作者: hohoma16 時間: 13-10-12 22:11 標題: 回覆：帝寶城啓思面試

這校喜歡收坐定定的小朋友，坐不定的取錄機會較低

作者: 小貓1124 時間: 13-10-12 22:15 標題: 回覆：帝寶城啓思面試

啟思注重母語教學，唔係咁鍾意小朋友用英文回答問題〜

作者: fanho 時間: 13-10-12 22:20

hohoma16 發表於 13-10-12 22:11
這校喜歡收坐定定的小朋友，坐不定的取錄機會較低

但等左成35分鐘先in，真係好難唔走開玩

作者: fanho 時間: 13-10-12 22:22

小貓1124 發表於 13-10-12 22:15
啟思注重母語教學，唔係咁鍾意小朋友用英文回答問題〜

我哋都知啓思用母語教學，但工人揍大，講慣英文，都無辦法

作者: ferferfer 時間: 13-10-12 22:36 標題: 引用：+本帖最後由+fanho+於+13-10-12+22:11+編輯

原帖由 fanho 於 13-10-12 發表
本帖最後由 fanho 於 13-10-12 22:11 編輯

外甥女面試時大部份指令都做到八九成，佢説話好叻，有say hel ...

我囡in完老師都無問這些問題，因為張通靠已經寫咗11月1日前通知，同埋如果想考慮pm主動同老師講。

作者: fanho 時間: 13-10-12 22:54

回復 ferferfer 的帖子

哦，原來係咁，thx

作者: sm111 時間: 13-10-12 22:56 標題: 回覆：ferferfer 的帖子

我老公入去in, 都等左40分鐘，真係呆晒。同埋成枱玩具，阿仔更加無心機in , 安排in的方式都幾差。應該都無望

作者: dcdc2525 時間: 13-10-12 23:18 標題: 引用：這校喜歡收坐定定的小朋友，坐不定的取錄機

原帖由 hohoma16 於 13-10-12 發表
這校喜歡收坐定定的小朋友，坐不定的取錄機會較低

happy school woo,鍾意bb坐定定,但活潑小朋友總會行開ga woo,唔收?

作者: HauMiranda 時間: 13-10-12 23:46 標題: 回覆：帝寶城啓思面試

其實我地掌握唔到每間學校既收生標準，無謂人十

作者: HauMiranda 時間: 13-10-12 23:49 標題: 回覆：帝寶城啓思面試

無謂估估下，諗住唔收又唔開心，諗住收點知最後唔收又空歡喜一場.... 平常心，小朋友今次有咩做得唔好就train下裝備好去下一次面試

作者: mikemike509 時間: 13-10-12 23:52 標題: 回覆：帝寶城啓思面試

我仔今日都in得好差，在課室等起碼30分鐘，d玩具都玩到厭，成日想周圍走。終於等到in，老師好似比較fresh, 唔會引導小朋友，一味叫佢做呢樣果樣，阿仔又唔多彩個老師，我都打定輸數

作者: Wing0903 時間: 13-10-13 08:47 標題: 回覆：帝寶城啓思面試

我比較早in.唔駛等好耐，枱面同櫈都有玩具，小朋友實會走來走去，唔坐定定
到老師來interview，拎住一籃物品，就開始問問題，但我覺得老師攬住d野，阻礙小朋友專心，一方面要你做指令，一方面佢有咁多野，小朋友實好奇，加上冇野同家長講，好似欠缺溝通，比我既印象好一般

作者: monlingling 時間: 13-10-13 14:29 標題: 回覆：帝寶城啓思面試

我囡尋日都in完，唔係等左好耐，桌面放哂其他一藍藍玩具，阿囡想玩積木但老師噤住要佢擺低，要考阿囡砌拼圖，跟住俾本布書俾阿囡睇，阿囡都無心機睇，因為佢想玩桌面上的玩具。其實咁樣安排唔太好，加上無論面試的老師和其他見到的教職員俾我的感覺都很冷漠，木口木面居多（我地麵算早見，應該都唔係開工好耐都咁？）只有學校環境課室果d我覺得幾好，睇番幼稚園概覽pn只收四十幾人，都無咩機會，當去玩下算！

作者: TabbyDong 時間: 13-10-14 00:45 標題: 回覆：帝寶城啓思面試

雖然老師係同家長冇咩交流，in完同我講走得我都打左個突，但我覺得咁樣反而真係純睇小朋友既能力同表現，我同個女in過其他幼稚園，老實講來來去去咪又係問你點解揀呢間呀，平時邊個湊，答案好standard。

我算滿意佢地既安排，我同小朋友仲有其他家長係一個班房等見老師，一個班房唔算多人，都係五個小朋友倒，有空間各自玩，然後老師會走埋黎做面試，又唔駛轉另一個班房，suppose小朋友都適應左嗰個環境先，好過其他幼稚園安排到好多人一齊黎，人逼逼，又要等叫名去另一個班房面試，咁樣仲令小朋友唔慣啦

作者: karenyeung0616 時間: 13-10-14 01:20 標題: 引用：雖然老師係同家長冇咩交流，in完同我講走得

原帖由 TabbyDong 於 13-10-14 發表
雖然老師係同家長冇咩交流，in完同我講走得我都打左個突，但我覺得咁樣反而真係純睇小朋友既能力同表現，我 ...

Agree with you

作者: monlingling 時間: 13-10-14 10:42 標題: 回覆：TabbyDong 的帖子

我地唔係老師走來坐緊張桌，係要放低玩緊的野去老師坐果張張桌，而老師果張桌又放左兩三藍與面試無關的玩具，聽你咁講，即係做法都不統一！

作者: 準父母 時間: 13-10-14 12:57 標題: 回覆：Wing0903 的帖子

我同意你嘅講法，in完之後對呢間幼稚園印象麻麻，其中有一個女老師仲態度非常之劣㖭。

作者: TabbyDong 時間: 13-10-14 14:16 標題: 引用：我地唔係老師走來坐緊張桌，係要放低玩緊的

原帖由 monlingling 於 13-10-14 發表
我地唔係老師走來坐緊張桌，係要放低玩緊的野去老師坐果張張桌，而老師果張桌又放左兩三藍與面試無關的玩具 ...

其實我個case都係咁，因為我地嗰張枱未計我已有兩pair細路家長，冇位再做interview, 所以都要放低玩具去第張枱，不過我見佢地盡可能都用同一張枱。至於要小朋友放低玩具做interview間間幼稚園都係咁，只係我覺得係同一間房做甚至同一張枱做已可盡量減低對小朋友既影響

作者: summersuen 時間: 13-10-14 15:38 標題: 引用：雖然老師係同家長冇咩交流，in完同我講走得

原帖由 TabbyDong 於 13-10-14 發表
雖然老師係同家長冇咩交流，in完同我講走得我都打左個突，但我覺得咁樣反而真係純睇小朋友既能力同表現，我 ...

雖然時間方面安排得唔好（但我上午係冇大問題，等咗唔太耐），職員方面態度亦一般。但我比較欣賞既係我覺得佢唔係主要想考你小朋友識幾多，有幾叻~面試老師其實唔算真係考咗我囝識咩，我諗住等老師發問，老師反而同我講叫我同囝囝玩下玩具，佢可以觀察下媽媽點同小朋友溝通~

作者: hohoma16 時間: 13-10-16 16:27 標題: 回覆：帝寶城啓思面試

我感覺同大家面試感覺一樣很差，成班一齊in...能坐定定的得幾人，在旁老師不斷寫符號，tick and cross or circle,每一次見同學動一動都會揮筆。校舍又細，太活潑點得

歡迎光臨教育王國 (/)