教育王國

標題: 今年幼稚園特別多人嘈 [打印本頁]

作者: icecool 時間: 13-10-7 01:10 標題: 今年幼稚園特別多人嘈

首先澄清我只是多嘴表達下，絕無固有立場。我只係唔明點解今年有咁多家長嘈，正所謂食得鹹魚抵得渴。既然你選擇去排，即你覺果個學位對你好緊要啦，點解要邊排邊嘈呢。係，安排係唔好，但各幼稚園都權衡過利敝先得出個安排，係為學校又好，為學生質數又好，為宣傳也好。明知個遊戲係咁玩又有咩好嘈。既然咁不認同鄙視學校做法，咁就唔好讀果間囉。既然覺佢貴到讀九龍塘都得，咁咪出去讀囉。不論係多左雙非也好，單非也好，龍年多bb又好。香港今時今日咁，其實大家生小朋友時已經預計到。龍年多b出世，大家又都一早知啦，咁多野嘈咁咪遲幾年先生囉。我只係覺係家長都想小朋友好，香港政府自己低能放咁多大陸人落黎，係政府問題，亦唔好太降罪於大陸人，可能你係佢地一樣會落黎搶位。香港人就一味嘈嘈嘈，嘈完咪又係屈服。有幾多個真係咁清高呀，生得仔，係香港讀，就預左係咁，咁自己盡力咪算。大家平和啲啦～～

作者: bbbetbet 時間: 13-10-7 08:04 標題: 回覆：今年幼稚園特別多人嘈

This game 是迫人玩，由生仔到而家都要同b6爭，hk Mama 都係想有個渠道發洩舒援下姐，有咩問題，你特登開一個topic叫人唔好嘈,你都好嘈，你接受唔到嘈既聲音就唔好上論壇la,但你又要攞料ar ma,人嘈你都可以選擇唔㖒,請諒解下香港mama，不要連唯一既發洩通道say"唔好嘈＂！

作者: gaarashura 時間: 13-10-7 08:48 標題: 引用：This+game+是迫人玩，由生仔到而家都要同b6

原帖由 bbbetbet 於 13-10-07 發表
This game 是迫人玩，由生仔到而家都要同b6爭，hk Mama 都係想有個渠道發洩舒援下姐，有咩問題，你特登開一 ...

作者: K722 時間: 13-10-7 09:49

回復 icecool 的帖子

排隊唔係問題重點, 重點係事實擺在眼前愈來愈多大陸人黎搶資源, 而情況只會愈來愈嚴重. 你叫香港人遲D生, logic係咩呢?如果真正o既香港人要為o左避大陸人而唔生/遲D生, 咁係本末倒置.

作者: crazymum 時間: 13-10-7 10:00

bbbetbet 發表於 13-10-7 08:04
This game 是迫人玩，由生仔到而家都要同b6爭，hk Mama 都係想有個渠道發洩舒援下姐，有咩問題，你特登開一 ...

請保持理性討論, 嘈是否能夠解決問題? 做家長的是否會教小朋友"嘈"?

作者: K722 時間: 13-10-7 10:12

我諗要先定義咩叫"嘈"o羅, 如果合情合理地發表意見/爭取公義="嘈", 做家長的是否應該教小朋友"嘈"D先o岩呢?

作者: christywong111 時間: 13-10-7 10:16

bbbetbet 發表於 13-10-7 08:04
This game 是迫人玩，由生仔到而家都要同b6爭，hk Mama 都係想有個渠道發洩舒援下姐，有咩問題，你特登開一 ...

agree,,,,我認為樓主你好冷血, 自己不用為小朋友通肖去排, 都為了他們(唔係big 6) 心痛, 你仲可以專登開一個topic叫人地唔好嘈, 你都好無聊law,你唔想看到唔該你唔好上來啦,,,發表都唔比人, 你有什麼資格唔比人發表先,, 你都好嘈, 唔該你唔好上來law,,,,,,,,

作者: mama01 時間: 13-10-7 11:33 標題: 回覆：icecool 的帖子

唔關自己事，咪唔明囉。

我d未生既朋友，個個都唔明點解我小朋友發燒病咁擔心緊張，但佢地唔會叫我收聲囉。

你開呢個post目的係咩？表達自己好清高，睇得開？我唔夠你叻，準備生B時無做功課，無搵定學校。

作者: crazymum 時間: 13-10-7 12:00

本帖最後由 crazymum 於 13-10-7 12:01 編輯

K722 發表於 13-10-7 10:12
我諗要先定義咩叫"嘈"o羅, 如果合情合理地發表意見/爭取公義="嘈", 做家長的是否應該教小朋友"嘈"D先o岩呢? ...

最慘係不同的人因為自身利益對"公義"有不同的理解, 然後各人自以為"公義"就自以為可以"大大聲合情合理地"發表意見, 形成了今天日嘈夜嘈的局面

............文革當年紅衛兵都是有為青年, 抱有崇高理想

, 但歷史證明了他們當年用了錯誤的方法

..........其實大家可否先不論立場, 意見是否"公義", 都用合理, 合法, 溫和的態度

去表達? 請不要被政客利用

, 請不變成廿一世紀的"紅衛兵"..........

作者: icecool 時間: 13-10-7 12:14 標題: 回覆：今年幼稚園特別多人嘈

我只係想講家表達任何意見時都應該温和啲。代代家長都有唔同難題，大家唔好咁激動。

作者: icecool 時間: 13-10-7 12:14 標題: 引用：+本帖最後由+crazymum+於+13-10-7+12:01+編

原帖由 crazymum 於 13-10-07 發表
本帖最後由 crazymum 於 13-10-7 12:01 編輯

作者: K722 時間: 13-10-7 12:28

回復 crazymum 的帖子

當然"公義"o既尺度, 每個人都唔同, 但係大致上都有基本o既普世標準, 就以小朋友讀書入學為例, 香港o既資源應該留俾土生土長, 有為香港服務過, 付出過o既真正香港人, 我諗無乜人會反對. 大陸雙非人用香港法律漏洞用香港o既資源係合法的, 但係咪合情合理呢?

我唔知你所講"今天日嘈夜嘈的局面"係咪指D家長遊行抗議啦, 但係我覺得香港家長o係無奈o既情況之下用遊行向政府表達自己被忽視o既聲音, 已經好溫和, 亦都合理, 合法, 如果咁都被無限上綱叫做紅衛兵, 我諗好多香港人好快谷到痴線.

作者: 小兔子乖乖 時間: 13-10-7 12:29

掉換立場，如果HK人佔用了有限的大陸資源，而嚴重影響了大陸社會日常生活讀書等運行，大陸人是否會抱以同樣的“唔墳氣”討厭，遊行，等態度和方式發表他們的觀點，難處。我相信會的。事實上政府自己政策出漏洞，令到兩地本來關係更僵。無理由要求大家心平氣和，唔嘈，唔發聲，任命，這樣言論自由就沒有意義。希望政府儘快解決問題，無謂一拖再拖。

作者: icecool 時間: 13-10-7 12:40 標題: 引用：唔關自己事，咪唔明囉。我d未生既朋友，

原帖由 mama01 於 13-10-07 發表
唔關自己事，咪唔明囉。

我d未生既朋友，個個都唔明點解我小朋友發燒病咁擔心緊張，但佢地唔會叫我收聲囉 ...

我係有兩個小朋友嘅，我亦唔係大陸人，一龍年一虎年，我都要幫佢地搵床位生，搵學位讀。我唔係清高冷血，只係覺得點解明知要玩呢個game唔係應該有哂心理準備嘅咩。係，生仔未必人人可以有計劃地plan幾時生，但你有左果一刻已經知幾時出世架啦。點解有啲家長好似從冇預計過現在香港有咁嘅情況。或許對不起大家，我用個“嘈”字唔係咁嘅，我道歉。我只係想講呢個世界唔係樣樣政策都fit到你，一定有不公平嘅地方，意見可以發表，但可唔可以理性啲，溫和啲。

作者: crazymum 時間: 13-10-7 12:47

K722 發表於 13-10-7 12:28
回復 crazymum 的帖子

當然"公義"o既尺度, 每個人都唔同, 但係大致上都有基本o既普世標準, 就以小朋友讀書 ...

o甘我地就理性討論一下: 其實所謂"普世標準", 都係一個"公義"o既尺度, 都有可能有偏倚成份, 真正的言論自由, 係無論咩人有咩意見, 都能夠和平理性地表達, 不需要批評該意見是否"公義", 因為每個人都有和平發聲的權利, 人民會自行判斷其意見是否"公義", 但重點係每個人都有和平發聲的權利, 但似乎依家d人都不大和平..........

法律漏洞係貪曾年代, 公文袋梁xx做成, 點解d人唔去佢地屋企示威?

我覺得香港家長o係無奈, 無奈係最低工資搞到d基本物資貴o左好多, 已經影響到好多中產o既生活了.......

唔好意思, 有些離題, ANYWAY, 我都好支持家長o既遊行, 但好多其他的遊行現在一d都不和平, 說那些遊行是否似"紅衛兵", 留待歷史判斷吧.............

作者: crazymum 時間: 13-10-7 12:57

crazymum 發表於 13-10-7 12:47
o甘我地就理性討論一下: 其實所謂"普世標準", 都係一個"公義"o既尺度, 都有可能有偏倚成份, 真正的言論自由 ...

舉個極端d的例子: 我有權要求產假要加到10個月, 香港10大有錢佬要同全港市民分身家........全港99%的人都會話我crazy, 但因為香港有言論自由, 我有和平發聲o既權利, 大前題係我唔可以同人啀交同郁手打人........

作者: Joe8889 時間: 13-10-7 12:57

icecool 發表於 13-10-7 01:10
首先澄清我只是多嘴表達下，絕無固有立場。我只係唔明點解今年有咁多家長嘈，正所謂食得鹹魚抵得渴。既然你 ...

你睇下地鐵搶位坐就知啦....

作者: Joe8889 時間: 13-10-7 12:59

crazymum 發表於 13-10-7 10:00
請保持理性討論, 嘈是否能夠解決問題? 做家長的是否會教小朋友"嘈"?
...

又不如問下排隊當中有幾多是大陸人?

作者: Joe8889 時間: 13-10-7 13:01

crazymum 發表於 13-10-7 12:00
最慘係不同的人因為自身利益對"公義"有不同的理解, 然後各人自以為"公義"就自以為可以"大大聲合情合理地" ...

我都是果句, 我交多D稅, 是否咩都可以優先?

作者: crazymum 時間: 13-10-7 13:01

Joe8889 發表於 13-10-7 12:57
你睇下地鐵搶位坐就知啦....

公平D, 我又見過大陸人讓位啫.................雖然少D; 但係三十年前阿媽都係教我地要"霸位"啫.............

作者: 天悅 時間: 13-10-7 13:03

本帖最後由天悅於 13-10-7 13:04 編輯

icecool 發表於 13-10-7 01:10
首先澄清我只是多嘴表達下，絕無固有立場。我只係唔明點解今年有咁多家長嘈，正所謂食得鹹魚抵得渴。既然你 ...

其實我生龍b時,我真係無諗過原來報幼稚園係要瞓街,仲可能要瞓六晚,有無人可以話我知我幾時再生係最好?

作者: crazymum 時間: 13-10-7 13:04

Joe8889 發表於 13-10-7 12:59
又不如問下排隊當中有幾多是大陸人?

我都排o左兩日, 九龍塘超過95%係香港人, 最衰係排頭幾個90後"香港人"排隊黨o係度食煙.............

作者: crazymum 時間: 13-10-7 13:06

Joe8889 發表於 13-10-7 13:01
我都是果句, 我交多D稅, 是否咩都可以優先?

o甘中產可能會要求停建公屋...........

作者: Joe8889 時間: 13-10-7 13:07

crazymum 發表於 13-10-7 13:01
公平D, 我又見過大陸人讓位啫.................雖然少D; 但係三十年前阿媽都係教我地要"霸位"啫........... ...

可能表達得唔好, 我想講香港人都好鐘意搶
亦唔見得好文明, 星期日我抱住個女坐地鐵, 企左N個站都冇人讓位, 唔通成車大陸人.
公義...是用自己把尺的....

作者: Joe8889 時間: 13-10-7 13:10

crazymum 發表於 13-10-7 13:04
我都排o左兩日, 九龍塘超過95%係香港人, 最衰係排頭幾個90後"香港人"排隊黨o係度食煙.............
...

咁點解要話少數的人呢?
有幫助嗎?
問題在於這少數人? 還是因為香港人的羊群心理?

作者: icecool 時間: 13-10-7 13:11 標題: 引用：Quote:Joe8889+發表於+13-10-7+12:57+你睇

原帖由 crazymum 於 13-10-07 發表
公平D, 我又見過大陸人讓位啫.................雖然少D; 但係三十年前阿媽都係教我地要"霸位"啫........... ...

咁我又真係講真，我揹住個女，抱住個仔果時，讓坐俾我試過有大陸人，賓賓，香港人都有，不過無論咩人真係普遍冇咩人讓坐。其實咩人都有啲好，有啲唔好架啦，無需太介懷。

作者: Joe8889 時間: 13-10-7 13:12

所以點解要歧視人?

作者: icecool 時間: 13-10-7 13:13 標題: 引用：Quote:crazymum+發表於+13-10-7+13:01+公平

原帖由 Joe8889 於 13-10-07 發表
可能表達得唔好, 我想講香港人都好鐘意搶
亦唔見得好文明, 星期日我抱住個女坐地鐵, 企左N個站都冇人讓位, ...

作者: K722 時間: 13-10-7 13:36

回復 crazymum 的帖子

1. 法律漏洞係基本法寫得唔清唔楚做成, 跟住又唔肯修改基本法
2. 物資貴o左好多主要係因為租金猛咁加
3. 我所見過最不和平o既遊行, 都似乎係"愛"字行頭的

作者: halflower 時間: 13-10-7 14:00 標題: 回覆：icecool 的帖子

提示: 作者被禁止或刪除內容自動屏蔽

作者: ssshk 時間: 13-10-7 14:28 標題: 回覆：今年幼稚園特別多人嘈

樓主就請你比香港媽媽喺呢個平台發洩吓吧

作者: bbbetbet 時間: 13-10-7 14:33 標題: 回覆：今年幼稚園特別多人嘈

算吧ignore this topic,讓它沉底...
我哋會繼續在此平台訴心聲，嫌嘈的話別看...

作者: christywong111 時間: 13-10-7 14:51

樓主, 再加多句, 你那麼看不過眼, 我想問一句, 你嘈的定義是什麼, ,你說你有二個小朋友, 難道他們在家,沒有嘈, 如有, 你係未又封他們把口先,,,,,,?/自問自己多口,我都奉勸你想下辦法令自己唔好做一些黑人憎的事啦,,,唔該, 有空, ,,

作者: halflower 時間: 13-10-7 14:53 標題: 引用：+本帖最後由+天悅+於+13-10-7+13:04+編輯+\

提示: 作者被禁止或刪除內容自動屏蔽

作者: tommyxsarah 時間: 13-10-7 15:14

我作為一個媽媽,完全明白同同情北區媽媽既心情...

樓主您唔明人地心情,又或者根本唔了解實況做咩話人今年嘈丫...

您要明白捱通宵拎報名表, 簡直係荒謬既事...您估我地返返十幾年前,資訊唔發達既年代咩...

仲要係拎報名表咋wow...實入到ka....痴根ka

甘您都唔覺得有問題咩...問題唔係發生您身上,您梗係口響響la..

當年政府比大陸人落黎生已經有問題.....再者問題係政府根本無做到點保障香港媽媽既權益..資源分配無理過...其實政府一早預見到今時今日既問題..只不過當時無解決,無理,無諗...只係度諗下點搞經濟丫,搞新野, 威比阿爺目弟...呢個政府好明顯後知後覺...果個吳生...仲要話排隊好正常既事....

(我頂您丫.聽見都火滾,你係阿頭...您都唔幫返香港人....您收檔la)...

如果學額係夠既係夠比雙非bb 既,奶粉係夠比大陸人買既...我夠膽講香港人係好樂意比大陸人黎買,黎讀......但問題宜家係唔夠丫...係完全唔夠丫...!!!宜家虎黎要搶甘滯la....唔通仲要我地...笑笑口...話好歡迎您地大陸人,welcome to hong kong 咩...

作者: icecool 時間: 13-10-7 15:45 標題: 回覆：今年幼稚園特別多人嘈

唉，唔“平和”咪就係咁解囉。大家發洩舒發下冇問題，但點解無論講咩都好，兩三句就轉為攻擊，唔係理性咁討論呢。我唔係話我一定岩，但下下一講多兩句就發哂難咁，咁又好正確咩？

作者: crazymum 時間: 13-10-7 15:57

K722 發表於 13-10-7 13:36
回復 crazymum 的帖子

1. 法律漏洞係基本法寫得唔清唔楚做成, 跟住又唔肯修改基本法

基本法改唔倒咪又係D飯文阻住晒..................

作者: icecool 時間: 13-10-7 16:01 標題: 引用：我作為一個媽媽,完全明白同同情北區媽媽既

原帖由 tommyxsarah 於 13-10-07 發表
我作為一個媽媽,完全明白同同情北區媽媽既心情...

樓主您唔明人地心情,又或者根本唔了解實況做咩話 ...

我唔係幫大陸人，但佢地有身份証，唔係犯法，就算錯係我地個政府錯，點解佢地有身份証，唔好太攻擊大陸人。討厭嘅大陸人好多，但好有教養嘅亦有。

作者: K722 時間: 13-10-7 16:06

回復 crazymum 的帖子

請留意修改基本法同釋法係兩樣o野來的, 唔肯修改基本法o既, 係大陸

作者: tommyxsarah 時間: 13-10-7 16:07

您既topic 點叫人和平呀？＂今年幼稚園特別多人嘈。-->個topic 都了交嗌la.. 想人理性d 就改下個標題~

另外我講事實姐，right?請問我係邊度發難同攻擊您呢.？請指教~

作者: bbbetbet 時間: 13-10-7 16:10 標題: 回覆：icecool 的帖子

你多餘la...你嗰topic根本攻擊緊在bk平台發洩同呻兩句既HK mama...你先攻擊人，人哋回你，你又話要理性討論...你嗰目的唔係安慰d mama 唔係同情d mama 根本第一句已經話緊人有埋怨聲音...我唔覺得埋怨有什麼問題，做mama好大壓力，找個平台舒發，你又叫＂唔好嘈"...第一句你巳不懷好意，冇須掩飾,你嗰topic 同內容沒有給人討論餘地....

作者: icecool 時間: 13-10-7 16:32 標題: 回覆：今年幼稚園特別多人嘈

都係果句，食得鹹魚抵得渴。

作者: icecool 時間: 13-10-7 16:33 標題: 回覆：今年幼稚園特別多人嘈

世界無論去到邊都係弱肉強食

作者: puipui20030910 時間: 13-10-7 16:36 標題: 引用：世界無論去到邊都係弱肉強食 +

原帖由 icecool 於 13-10-07 發表
世界無論去到邊都係弱肉強食

其實我認同你

作者: icecool 時間: 13-10-7 16:41 標題: 回覆：今年幼稚園特別多人嘈

今時今日為學位大動肝火，以後還有升學，工作機會，結婚對象，其實做人一生都要競爭架啦。點解

作者: icecool 時間: 13-10-7 16:42 標題: 回覆：今年幼稚園特別多人嘈

點解要咁勞氣呢。

作者: tommyxsarah 時間: 13-10-7 16:43

我可以話您開呢個topic 預左比人圍ka la..都係用您果句"食得鹹魚抵得渴"

仲有丫..鬼唔知呢個世界無論去到邊都係弱肉強食咩...~~~

作者: crazymum 時間: 13-10-7 16:47

icecool 發表於 13-10-7 16:42
點解要咁勞氣呢。

呢個世界D歪理愈來愈多..................

作者: Joe8889 時間: 13-10-7 16:56

icecool 發表於 13-10-7 16:41
今時今日為學位大動肝火，以後還有升學，工作機會，結婚對象，其實做人一生都要競爭架啦。點解

...

唔會啦.....到時老闆/結婚對象可能就似今天的敵人

作者: tommyxsarah 時間: 13-10-7 16:57

人地回返您, 您又答唔返人...只係又話人甘勞氣做咩, 又話人地大動肝火....

其實您好好笑~~~都唔知您想表達d 咩

不過最難得有d 有同您一樣甘有質數既fans buy 您...

作者: Joe8889 時間: 13-10-7 16:57

我在另一個topic寫, 點解大家用淘寶, 買國貨?
重點在"利益"....

作者: 天悅 時間: 13-10-7 16:59

tommyxsarah 發表於 13-10-7 16:57
人地回返您, 您又答唔返人...只係又話人甘勞氣做咩, 又話人地大動肝火.... 其實您好好笑~~~都唔知您 ...

認同

作者: K722 時間: 13-10-7 17:18

弱肉強食係人都知, 但係香港父母最不滿o既係當自己o係自己屋企俾人咬緊果時, 自己屋企人都唔出o黎幫手, 重話係咁架啦, 你做多D gym第時咬返佢咪得o羅.

如果弱肉強食係咁金科玉律, 咁之前香港父母搶唔到奶粉都只應該怪自己, 弱肉強食呀嘛, 香港父母坐多幾轉的士走哂全香港搶咪得o羅. 仲有生B搶唔到床位都應該怪自己, 弱肉強食呀嘛, 香港父母自己無用搵唔夠錢移民或者去養和生姐.

但係, 個社會係咪真係要扭曲到咁呢?如果係, 呢個香港真係好陌生

ps. 我D post全部都無一隻字批評任何人的

作者: icecool 時間: 13-10-7 18:04 標題: 回覆：今年幼稚園特別多人嘈

即政策係應該改善，但提意見時冷靜啲係咪好啲呢。好似奶粉咁，除人奶外基本隻隻一樣，係咪真係要為左某幾隻牌子咁大反應。咁其實香港人咁樣，我地同大陸人有咩分別。我唔係話我一定岩，我都係講下自己睇法，咁難道互搶互鬧，人多勢眾就會搞得好件事咩。大家發洩下係可以，但太多埋怨又好岩咩。講真個個排隊都辛苦架啦。

作者: icecool 時間: 13-10-7 18:14 標題: 回覆：今年幼稚園特別多人嘈

即我極端啲咁講，有啲人本身已經搵餐食餐，餐餐清，仲要生幾個出黎，之後又怨政府支援唔到，咁又好岩咩。作為家長一早之養仔難，要洗好多錢，咁咁多怨言點解生之前唔諗清楚。等於依家啲攞綜援仲話唔夠錢去外國遊學，咁難道佢地又好應該要幫？可能我有啲離左題，但係我只覺現在社會大多數人只識怨怨怨。

作者: Maggiebbchan 時間: 13-10-7 18:17 標題: 引用：This+game+是迫人玩，由生仔到而家都要同b6

原帖由 bbbetbet 於 13-10-07 發表
This game 是迫人玩，由生仔到而家都要同b6爭，hk Mama 都係想有個渠道發洩舒援下姐，有咩問題，你特登開一 ...

作者: Maggiebbchan 時間: 13-10-7 18:21 標題: 引用：Quote:原帖由+mama01+於+13-10-07+發表唔關

提示: 該帖被管理員或版主屏蔽

作者: tommyxsarah 時間: 13-10-7 18:29

樓主...呢個政府好似一隻豬甘...後知後覺..我想問...如果我地唔嘈..唔發表意見...甘佢會聽咩,會理咩...:;pppp:..唔通您係度冷靜討論,問題會解決?而您既意見係話呢個世界弱肉強食,個rule 就係甘, 我明...但係我地發表緊既係我地不滿既聲音時候...就係想改變呢個rule..保障返香港媽媽..你又話我地嘈..又話我地大動肝火...唉

同埋我講既都係事實..我真係無意圖攻擊您,或者發難....

仲有丫...其實可能您太偉大...您只係餵人奶....但係你餵過您d小朋友食奶粉未架...話就話隻隻奶粉成份差唔多...但係您知唔知每個小朋友食奶粉唔係隻隻都食到ka....有d 食左某隻痾唔到屎,有d食左又容易嘔,又或者容易出濕疹...食開果隻如果要轉奶粉..對個小朋友唔係甘好....因為要夾奶粉...

作者: icecool 時間: 13-10-7 18:32 標題: 引用：Quote:原帖由+icecool+於+13-10-07+發表我

原帖由 Maggiebbchan 於 13-10-07 發表
你都低能！係米當我有咗又知佢係龍年出世，為咗要開你所講的＂嘈＂，就去落咗個仔！低B！

...

我唔係話要落仔，但你應該預左龍年就係多人。既然係龍b咪唯有準備多啲，準備得好啲囉。一味怨其他人又有幫助咩。

作者: bbbetbet 時間: 13-10-7 18:42 標題: 回覆：tommyxsarah 的帖子

"我地發表緊既係我地不滿既聲音時候...就係想改變呢個rule"

Totally agree with u ,
為何用＂嘈＂形容我哋？

亦好同意你講佢開嗰post 既目的何在..

作者: kittyland06 時間: 13-10-7 18:45 標題: 回覆：今年幼稚園特別多人嘈

我真係鄧北區家長陰公，要咁排法，生仔有咩錯？住北區有咩錯？點解學校要咁折磨家長？培正上年都收6千幾個報名，唔明點解唔網上 download 郵寄遞表？收得多表咪 group interview 或者好似 spn 咁唔收報名表就唔一定有得 in，點解要家長排通宵？

作者: icecool 時間: 13-10-7 18:48 標題: 引用：樓主...呢個政府好似一隻豬甘...後知後覺..

原帖由 tommyxsarah 於 13-10-07 發表
樓主...呢個政府好似一隻豬甘...後知後覺..我想問...如果我地唔嘈..唔發表意見...甘佢會聽咩,會理咩...:;pp ...

我唔係話全部人都嘈，我都講左我可能用字不當，我之前已經道歉左。我支持表達意見去改善，人但太激動，將問題發洩係其他人（如大陸）身上亦唔見得有用。我認同某啲家長係理性嘅，但當中亦不少係只識怨同發洩而自己冇做過準備。只係人講人嘈我又嘈，根本都冇諗過自己應該嘈之前都應該檢討下自己。係，政府的確低能，所以今時今日咁亦唔可以只歸咎於人。我唔係偉大，我大仔食左8個幾月人奶都有食奶粉，人奶亦係係阿媽都有（除左有特別醫療原因唔餵得），餵人奶係開頭好辛苦，咁盡左自己力去餵就算。食奶粉時我亦從冇食死一牌子，我次次都轉。我bb亦冇問題，研究亦做過其實隻隻奶粉差冇幾，即你食開中餐轉西餐都要少少時間適應。係bb適應唔到一或係大人適應唔到佢係要時間去適應。

作者: Maggiebbchan 時間: 13-10-7 18:48 標題: 引用：樓主,+再加多句,+你那麼看不過眼,+我想問一

原帖由 christywong111 於 13-10-07 發表
樓主, 再加多句, 你那麼看不過眼, 我想問一句, 你嘈的定義是什麼, ,你說你有二個小朋友, 難道他們在家,沒有 ...

作者: icecool 時間: 13-10-7 18:51 標題: 引用：Quote:原帖由+christywong111+於+13-10-07+

原帖由 Maggiebbchan 於 13-10-07 發表

我講嘈的意思應該係指果啲只識怨怨怨嘅人

作者: Maggiebbchan 時間: 13-10-7 18:53 標題: 引用：都係果句，食得鹹魚抵得渴。 +

原帖由 icecool 於 13-10-07 發表
都係果句，食得鹹魚抵得渴。

所以你而家米俾人圍插緊！出得咁既post ，就預咗會俾人插！學你話齋，食得鹹魚抵得渴！

作者: bbbetbet 時間: 13-10-7 18:54 標題: 引用：Quote:原帖由+Maggiebbchan+於+13-10-07+發

原帖由 icecool 於 13-10-07 發表
我唔係話要落仔，但你應該預左龍年就係多人。既然係龍b咪唯有準備多啲，準備得好啲囉。一味怨其他人又有幫 ...

算La 你,愈講愈冇point,只會引起更加多人圍插，我建議你開個新account,我怕㖒時冇人答你問題...你又要上黎攞料，又要教訓人，著數你要唒...

難道我哋家長無做好準備咩...
係咪係平台找同聲音既人交流下，唔得咩？

作者: icecool 時間: 13-10-7 18:55 標題: 引用：我真係鄧北區家長陰公，要咁排法，生仔有咩

原帖由 kittyland06 於 13-10-07 發表
我真係鄧北區家長陰公，要咁排法，生仔有咩錯？住北區有咩錯？點解學校要咁折磨家長？培正上年都收6千幾個 ...

佢地係慘，但住北區應就預計到係咁。唯有準備好如何作戰。

作者: 小洪寶 時間: 13-10-7 18:59

我好唔認同"去得排隊就唔好嘈" 既諗法，家長為子女申請果間學校係覺得好，但而家"嘈" 係佢既收生方法，點解我想去報某間學校就唔可以叫佢改善一下收生方法? 收生方法無得揀，如果佢有得郵寄又有排隊，我自己揀左排隊轉頭又投訴既就話無理姐

作者: Starrylau 時間: 13-10-7 19:00 標題: 引用：Quote:原帖由+kittyland06+於+13-10-07+發

原帖由 icecool 於 13-10-07 發表
佢地係慘，但住北區應就預計到係咁。唯有準備好如何作戰。

好可悲的觀點。

作者: Maggiebbchan 時間: 13-10-7 19:02 標題: 引用：Quote:原帖由+kittyland06+於+13-10-07+發

提示: 該帖被管理員或版主屏蔽

作者: icecool 時間: 13-10-7 19:05 標題: 引用：Quote:原帖由+icecool+於+13-10-07+發表我

原帖由 bbbetbet 於 13-10-07 發表
算La 你,愈講愈冇point,只會引起更加多人圍插，我建議你開個新account,我怕㖒時冇人答你問題...你又要上黎 ...

呢啲咪就係激囉，人地意見不同就要唔出聲。

作者: Maggiebbchan 時間: 13-10-7 19:07 標題: 引用：Quote:原帖由+bbbetbet+於+13-10-07+發表算

原帖由 icecool 於 13-10-07 發表
呢啲咪就係激囉，人地意見不同就要唔出聲。

你米又係一樣！自己意見不同就話人嘈！

作者: Maggiebbchan 時間: 13-10-7 19:08 標題: 回覆：今年幼稚園特別多人嘈

過主啦你！

作者: icecool 時間: 13-10-7 19:09 標題: 引用：Quote:原帖由+icecool+於+13-10-07+發表呢

原帖由 Maggiebbchan 於 13-10-07 發表
你米又係一樣！自己意見不同就話人嘈！

發表意見叫“發表”，一味識怨同鬧果啲叫“嘈”

作者: icecool 時間: 13-10-7 19:10 標題: 引用：Quote:原帖由+icecool+於+13-10-07+發表佢

原帖由 Starrylau 於 13-10-07 發表
好可悲的觀點。

可悲，但亦係現實

作者: bbbetbet 時間: 13-10-7 19:11 標題: 引用：Quote:原帖由+bbbetbet+於+13-10-07+發表算

原帖由 icecool 於 13-10-07 發表
呢啲咪就係激囉，人地意見不同就要唔出聲。

首先，我冇叫你唔出聲，我只是說你愈講愈冇point ,開account既提議係你可以繼續"利用＂lee個平台...攪清楚，唔好乘機...人講一你答二....

作者: Maggiebbchan 時間: 13-10-7 19:13 標題: 引用：Quote:原帖由+icecool+於+13-10-07+發表呢

原帖由 bbbetbet 於 13-10-07 發表
首先，我冇叫你唔出聲，我只是說你愈講愈冇point ,開account既提議係你可以繼續"利用＂lee個平台...攪清楚 ...

作者: icecool 時間: 13-10-7 19:15 標題: 回覆：今年幼稚園特別多人嘈

我只係講左啲某部份家長嘅睇法，我唔代表全部，但的確有人同我有相同睇法。或許是否某啲人自己接受唔到現實就係咁。

作者: Maggiebbchan 時間: 13-10-7 19:18 標題: 引用：我只係講左啲某部份家長嘅睇法，我唔代表全

原帖由 icecool 於 13-10-07 發表
我只係講左啲某部份家長嘅睇法，我唔代表全部，但的確有人同我有相同睇法。或許是否某啲人自己接受唔到現實 ...

咁你去返你自己既世界繼續沈醉！

作者: icecool 時間: 13-10-7 19:20 標題: 回覆：今年幼稚園特別多人嘈

冇話要做蟻民，但我地係咪都應知道認清現實亦唔係可以話改就改

作者: icecool 時間: 13-10-7 19:39 標題: 引用：Quote:原帖由+icecool+於+13-10-07+發表我

原帖由 Maggiebbchan 於 13-10-07 發表
咁你去返你自己既世界繼續沈醉！

如果完全接受唔到有其他聲音嘅人存在，咁陶醉是否是你自己

作者: Maggiebbchan 時間: 13-10-7 20:18 標題: 引用：Quote:原帖由+Maggiebbchan+於+13-10-07+發

原帖由 icecool 於 13-10-07 發表
如果完全接受唔到有其他聲音嘅人存在，咁陶醉是否是你自己

唔知而家係邊個接受唔到其他聲音呢？如果你接受到別人＂嘈＂的聲音，就唔洗出post話人啦！自打咀巴！

作者: POSM 時間: 13-10-7 20:53 標題: 回覆：今年幼稚園特別多人嘈

試左好耐終於都有bb但原來係龍b, 唔通我就要唔要佢？有幾多人會諗到d雙非係會不斷咁搶閘生仔？然後不斷搶我地既資源？樓主成日都話要做多d功課，咁請問如果你係北區既父母你會點做功課及準備？

作者: icecool 時間: 13-10-7 21:02 標題: 引用：Quote:原帖由+icecool+於+13-10-07+發表如

原帖由 Maggiebbchan 於 13-10-07 發表
唔知而家係邊個接受唔到其他聲音呢？如果你接受到別人＂嘈＂的聲音，就唔洗出post話人啦！自打咀巴！

...

我已講嘈係只盲目怨嘅人，你唔係亦唔駛對號入座

作者: icecool 時間: 13-10-7 21:26 標題: 引用：試左好耐終於都有bb但原來係龍b,+唔通我就

原帖由 POSM 於 13-10-07 發表
試左好耐終於都有bb但原來係龍b, 唔通我就要唔要佢？有幾多人會諗到d雙非係會不斷咁搶閘生仔？然後不斷搶我 ...

我已經講左冇叫人落仔，只係應該有充足準備。咁住北區嘅，咪早啲了解定各幼稚園派表時間囉，再計劃邊間首次選，準備定點樣排隊換更，接間囉。如果要取捨，諗定要邊間排邊間。邊間要排，邊間唔駛，又評估下自己有幾多人力物力去排隊報名。我唔係住果區，但無論住邊區，呢啲野都要做架啦。

作者: bbbetbet 時間: 13-10-7 21:32 標題: 回覆：今年幼稚園特別多人嘈

唔斷氣..

作者: Maggiebbchan 時間: 13-10-7 21:33 標題: 引用：試左好耐終於都有bb但原來係龍b,+唔通我就

原帖由 POSM 於 13-10-07 發表
試左好耐終於都有bb但原來係龍b, 唔通我就要唔要佢？有幾多人會諗到d雙非係會不斷咁搶閘生仔？然後不斷搶我 ...

我絕對明白大家為何出聲！為的只是爭取我們土生土長的香港人所應有的福利！
但我們都是算巴啦！唔好再同這種人講！浪費氣力！

作者: icecool 時間: 13-10-7 21:36 標題: 回覆：今年幼稚園特別多人嘈

唔係我唔斷氣，只係有啲人接受唔到社會上不同意見就唔憤氣。

作者: bbbetbet 時間: 13-10-7 21:37 標題: 回覆：今年幼稚園特別多人嘈

That is U

作者: sunshine_820630 時間: 13-10-7 21:37 標題: 引用：Quote:原帖由+POSM+於+13-10-07+發表試左好

原帖由 icecool 於 13-10-07 發表
我已經講左冇叫人落仔，只係應該有充足準備。咁住北區嘅，咪早啲了解定各幼稚園派表時間囉，再計劃邊間首次 ...

睇到我眼火爆

只怪我地唔及得阿樓主你成個聖人咁款,又早知又乜都預計到嘅!

作者: bbbetbet 時間: 13-10-7 21:40 標題: 回覆：今年幼稚園特別多人嘈

我開始懷疑佢係......

作者: icecool 時間: 13-10-7 21:49 標題: 引用：Quote:原帖由+icecool+於+13-10-07+發表我

原帖由 sunshine_820630 於 13-10-07 發表
睇到我眼火爆
只怪我地唔及得阿樓主你成個聖人咁款,又早知又乜都預計到嘅!

...

我唔係聖人，只係大陸人雙非單非唔係今年先出現，亦應冇人天真到以為佢地只係為左一個身份証而唔會攞其他野。

作者: JoJo 時間: 13-10-7 22:03

版主按: 此帖已跟標題不符, 現將此關上, 請會員能冷靜及理性, 切勿作出人身攻擊, 討論就此作罷, 切勿再重覆開帖, 否則視作漠視版主提醒, 會收警告牌/禁言, 敬請注意!

歡迎光臨教育王國 (/)