教育王國

標題: 玩手問題 [打印本頁]

作者: lubb 時間: 13-10-6 00:18 標題: 玩手問題

BB就快八個月，有時佢扭眼瞓會玩下自己手指，攪下頭髮，每次爸爸抱佢，佢都好鐘意望佢隻錶！BB同我地有眼神交流，出到街人地聊佢玩都會笑！

見好多JM話自閉小朋友會玩手，加上BB脾氣唔係幾好，有啲擔心佢有自閉傾向，想問下咁細未可比做評估嗎？thx

作者: MaMaAU 時間: 13-10-6 09:39

本帖最後由 MaMaAU 於 13-10-6 09:40 編輯

lubb , 首先，請不用咁擔心。BB 就快8個月，對身邊的事物會充滿好奇，而且，也會透過探索自己的身體而成長，例如：原來郁手指，玩手指，會有咁既反應，而且又會發現，爸爸的手錶會郁，BB 會感到好奇，會想探索。至於有情緒發脾氣，坦白說，這是每個小寶貝都會經歷的階段，始終，他們的言語發展中，不懂得表達自己的需要，咁未唯有大叫大喊囉。

我們不會用單一玩手指而去評定小朋友是否有自閉症，自閉症的徵狀係有一系列的。其中一個最普遍的徵狀是: 缺乏眼神接觸。而你的小寶貝對他人有眼神接觸，又會對著他人會笑，識比反應。所以，暫時不用太擔心吧，慢慢再觀察下先啦。

一般而言，兩歲以上的小朋友，才合適做評估。但有個別的醫生或臨床心理學家，如果佢非常有信心的話，也會替小朋友斷症。但普遍來說，都係兩歲以上才做評估的。

媽媽，放鬆D 啦。如果日後你觀察小朋友的發展與他同齡的小朋友有明顯的分別，建議你可以致電向鄰近的母嬰健康院求助，待兒科醫生作初步screening, 並把懷疑的個案，再轉介至醫管局的兒童評估中心作正式的評估。

希望上述的資料，對你有幫助。

作者: lubb 時間: 13-10-6 09:42 標題: 回覆：MaMaAU 的帖子

多謝你既回覆，明白了，thx!

歡迎光臨教育王國 (/)