教育王國

標題: GT 如何能夠做到愉快學習之餘, 亦能保持成績優異? [打印本頁]
作者: cacanov06    時間: 13-10-4 11:08     標題: GT 如何能夠做到愉快學習之餘, 亦能保持成績優異?

請問在教學課程上如何配合?  多謝各位前輩解答!     
作者: iamderek    時間: 13-10-4 12:08

我四年來的觀察：
1. 互動的課堂加適量的練習
2. 多姿多采的大小息活動令學生上課時更專心
3. 多閱讀、少抄寫
作者: SumSumBB    時間: 13-10-4 14:49     標題: 引用：我四年來的觀察：1.+互動的課堂加適量的練

原帖由 iamderek 於 13-10-04 發表
我四年來的觀察：
1. 互動的課堂加適量的練習
2. 多姿多采的大小息活動令學生上課時更專心
我補充：
1）學校多活動，課堂有趣，令小朋友愛上學，愛學習。
2）學生普遍主動活潑，老師在紀律上也有要求，做到嚴裡有愛！
3) 鼓勵學生思考、創作，不讀死書。



作者: 中天英    時間: 13-10-4 15:58

本帖最後由 中天英 於 13-10-7 11:35 編輯

回復 SumSumBB 的帖子

「 喜悅+卓越 」係優才教學理念嘅基石，創校之初已經確立。

究竟點解可以愉快學習之餘，又獲得優良成績呢？

呢個係優才創辨人，李業富教授嘅official answer:-

摘自「小班不只是夢想」P131
          李業富／陳家偉合著 2006

------------------------------------------------------------------------------
優才小班開創了新路向，証明只要推行小班和有熱誠專業的老師，即使不崔谷也能取得好成績。

在小班教學的體制下，老師在課堂減少管治，加強教學，減少以老師為中心，增加以學生為中心，增加師生互動和學生參予。

在優才，學生變得更愛發問，更主動學習，更積極深究。學生不用花時間操練考試，反而用更多時間閱讀思考。其結果是學習過程愉快，兼且取得優異成績，並能發展學生才華，提升品德。

學生不再為考試而死讀書，也不會為爭奪分數而互相惡鬥，反而是互相關懷，互相合作，每人充份發展才華和成長，家長、學生、老師均有愉快的感覺。
--------------------------------------------------------------------------------
摘自  李業富／陳家偉  「小班不只昰夢想」






作者: 中天英    時間: 13-10-4 18:46

本帖最後由 中天英 於 13-10-8 09:12 編輯

分享小弟體會之前，想先講下優才「喜悅」同埋「卓越」嘅現況。

1）愉快學習「 喜悅 」

- 功課量適中，貴精不貴多；輕操練／抄寫，重閱讀／思考
- 功課量指標：初小一個鐘，高小個半鐘，初中一個鐘
- 每年兩測兩考，平時小測／默書唔多；考試冇名次，學生互相比較少，只要主科合格（有幾難？），唔覺有任何壓力
- 課堂時間有約30%係非主流學術課程，包恬才華班（2x2 hrs/week), 中史，科創，生命教育，GT English等
- 大部分學生非常投入課外活動（空閒時間多？），響運動，音樂，舞蹈，話劇等，都有唔錯嘅表現

2）成績優異「 卓越 」

- 今年（2013）新高中會考（DSE), 雖然只係優中第二屆畢業生，已經攞倒優異成績，進佔Band 1 前列位置
- 今年升讀大學率已達84%(Jupas-52%／Non-Jupas-11%／海外-21%)
- 根據G8-G10歷年考IGCSE成績上升趨勢，預計未來一、兩年，DSE成績會更加好
- 響唔少全港學科競賽，優才都係名列前茅，包括2013 物理奧林匹克， 2013全港青少年精英數學邀請賽，2012恒隆數學獎，2012 International Junior Science Olympiad等
- 連一d非學術科目，優才亦獲表揚，包括2013藝發局藝術金獎，2013行政長官教學卓越獎（德育）等



作者: 中天英    時間: 13-10-4 19:11

本帖最後由 中天英 於 13-10-4 19:40 編輯

d笑容好燦爛，應該係發自內心嘅

優才書院 笑容中學習

http://dev.eastweek.com.hk/index.php?aid=25251

作者: 中天英    時間: 13-10-6 14:50

本帖最後由 中天英 於 13-10-6 16:41 編輯

綜合李教授、iamderek、SumSumBB嘅解釋／意見，加上小弟咁多年嘅觀察，以下係優才能夠做到「喜悅」同「卓越」，兩者兼得嘅主要原因：-

1）小班教學、提高效果
2）學生參與、興趣提高
3）專科專教、老師投入
4）專家辦學、中西結合
5）課程創新、不斷優化


點評
elbar  希望 ohnono 明白   發表於 半小時前


作者: 中天英    時間: 13-10-6 15:03

本帖最後由 中天英 於 13-10-6 16:43 編輯

1）小班教學、提高效果

- 每班人數少，容易管理
- 加上學生程度相若，老師可以專心教學。
- 老師花響管理秩序時間減少，教學時間增加
- 每名學生得倒嘅照顧多左，整體學習效果提高



作者: 中天英    時間: 13-10-6 15:10

本帖最後由 中天英 於 13-10-8 09:00 編輯

2）學生參與、興趣提高

- 課堂上，改變左老師單向授課模式
- 加入遊戲、搶答問題、分組討論等教學模式
- 學生有較多時間參與、思考、提問
- 學生學習興趣提高，對所教所學亦容易吸收
- 加上適量功課／温習，知識鞏固，無需不停操練

作者: 中天英    時間: 13-10-6 15:22

本帖最後由 中天英 於 13-10-7 22:08 編輯

3）專科專教、老師投入

- 老師學有所長，只教最擅長嘅科目
- 教學出色，深入淺出，教學成效高
- 授權得宜，老師比較投入課程設計及日常教學
- 老師流失率低，好多老師都服務優才超過五年
- 師生關係融洽，老師主動幫助有需要學生，同學亦喜歡課餘揾老師傾偈

作者: 中天英    時間: 13-10-6 16:27

本帖最後由 中天英 於 13-10-7 21:14 編輯

4）專家辦學、中西結合

- 李教授畢業於美國教育重鎮- Teachers College(Columbia University), 獲教育博士
- 李教授洞悉東／西方教育利弊，去蕪存菁，為優才設置一個優良課程
- 保留東方教育優點，如數學及德育，引入西方重思考／輕操練嘅教學理念
- 小學打好兩文三語及數學基礎，中學集中發展學科知識

作者: 中天英    時間: 13-10-6 16:39

本帖最後由 中天英 於 13-10-7 21:17 編輯

5）課程創新、不斷優化

- 通過課程剪裁，騰出時間，引入科創、中史，生命教育、GT English等特色課程
- 提高學習興趣之餘，亦擴濶學生視野
- 每年檢討教學成效／課程結構，不斷優化
- 根據實際情況更改教學／課程，配合新學制／學生常模變化


作者: 中天英    時間: 13-10-6 17:09

本帖最後由 中天英 於 13-10-7 11:21 編輯

每年G1同埋G4, 都有開放教室活動，家長可以入去課室觀課，親身睇下真正上課嘅情况。

小弟去過4次，都見倒老師教學生動，學生投入，有問有答，學習情緒高漲，同我自已舊時上堂嘅情況，有好大分別。

作者: 中天英    時間: 13-10-6 17:14

本帖最後由 中天英 於 13-10-6 17:16 編輯

每年五月都有課程檢討會，李教授／陳校長都會出席，除左介紹來年課程改革，亦會聽家長意見。
作者: 中天英    時間: 13-10-6 17:21

本帖最後由 中天英 於 13-10-13 06:36 編輯
中天英 發表於 13-10-6 16:27
4）專家辦學、中西結合

- 李教授畢業於美國教育重鎮- Teacher's College(Columbia University), 獲教育博 ...

其實響香港有幾多間中／小學，能夠有一個Columbia University嘅教育博士坐鎮，為學校出謀獻策？
作者: 中天英    時間: 13-10-6 17:45

本帖最後由 中天英 於 13-10-6 17:45 編輯

小班教學，並唔一定會提高學習效果嘅；如果單向教學無變，小班帶黎嘅益處就唔多。

李教授響1996年創辦優才，就行小班， 係香港小班教學嘅先驅；咁多年黎，不斷改進教法，增加師生互動，增加學生參與，提高學習效果及興趣，成效彰顯。

作者: cacanov06    時間: 13-10-7 11:06

真的很感謝前輩詳盡回覆!  到目前為止, GT已是我首選的學校, 希望我仔可以在這裡渡過一個愉快的童年!  
作者: cacanov06    時間: 13-10-7 11:11

我係小一個面,  見到一間著名男校家長話該校前幾年成績落後, 但今年DSE成績進步了不少, JUPAS 係55.8%屬BAND 1B成績!  那GT 也屬 BAND 1B學校了...  
作者: 中天英    時間: 13-10-7 11:54

本帖最後由 中天英 於 13-10-7 11:56 編輯

其實無需咁在意係Band1 A or B.  優中成績已經好好，而且仍處上升軌道。

我響樓下「優中Banding」里面，已經提供大量數據／分析，可供參考。

作者: cacanov06    時間: 13-10-7 12:20

我認定了GT不會在意, 但一些只當作後備之用的家長會非常在意呢!
作者: happy_day07    時間: 13-10-7 12:21

cacanov06 發表於 13-10-7 11:06
真的很感謝前輩詳盡回覆!  到目前為止, GT已是我首選的學校, 希望我仔可以在這裡渡過一個愉快的童年!   ...

me too !!!!
作者: 中天英    時間: 13-10-7 14:22

本帖最後由 中天英 於 13-10-7 14:33 編輯
cacanov06 發表於 13-10-7 12:20
我認定了GT不會在意, 但一些只當作後備之用的家長會非常在意呢!

咁比佢地自已判斷喇。
作者: 中天英    時間: 13-10-7 21:48

本帖最後由 中天英 於 13-10-13 06:39 編輯
中天英 發表於 13-10-6 16:27
4）專家辦學、中西結合

- 李教授畢業於美國教育重鎮- Teachers College(Columbia University), 獲教育博士 ...

可能香港人對Teachers College有d陌生，以為係一間普通嘅師範學院；其實呢間係美國最大及歷史最悠久嘅教育學院，曾經出過杜威（John Dewey)等大教育家，推動美國教育改革，百多年離一直雄視美國教育界，經常響全美教育學院排名前三名嘅。
作者: PIG1031    時間: 13-10-8 17:18     標題: 回覆：GT 如何能夠做到愉快學習之餘, 亦能保持成績優異?

想問下優才的家長，讀優才的小朋友多不多要在外補習？



作者: 中天英    時間: 13-10-8 19:21

PIG1031 發表於 13-10-8 17:18
想問下優才的家長，讀優才的小朋友多不多要在外補習？
我兩個仔（G6/G7)就從來冇補習嘅；其他人就冇個個問，以我所知就唔多。
作者: 中天英    時間: 13-10-9 12:25

本帖最後由 中天英 於 13-10-13 06:41 編輯
中天英 發表於 13-10-4 15:58
回復 SumSumBB 的帖子

「 喜悅+卓越 」係優才教學理念嘅基石，創校之初已經確立。

如果相多了解優才，應該睇下「小班不只是夢想」；呢本書前半部講小班教學，最尾就講李教授創辦優才嘅辛酸史。
作者: janicetsang    時間: 13-10-9 16:12

我女小5，無補習。佢D同學有D有，但不算多。

朋友女讀民生，小一已補中文，佢地份卷好深!
作者: PIG1031    時間: 13-10-9 16:41     標題: 回覆：GT 如何能夠做到愉快學習之餘, 亦能保持成績優異?

現在香港的小朋友大部份要補習，似乎已是一種好自然的現象，有朋友仔女讀名校，成績ok但仍要補補補，原因是家長擔心小朋友會落後、會跟不上。另一種原因是學校教得深，不進補不行

我只要求我小朋友可以愉快學習, 好期待下年他入GT小一，現在倒數中，hehe.



作者: 中天英    時間: 13-10-9 18:50

本帖最後由 中天英 於 13-10-13 06:27 編輯
PIG1031 發表於 13-10-9 16:41
現在香港的小朋友大部份要補習，似乎已是一種好自然的現象，有朋友仔女讀名校，成績ok但仍要補補補，原因是 ...

讀優才出去補習嘅屬少數。

呢度考試冇名次，好少互相比較；只要主科合格，都幾逍遙自在嘅。

見過有名校生科科考90分，都要狂補習，因為個名次未達理想咁話。

作者: 中天英    時間: 13-10-9 18:55

本帖最後由 中天英 於 13-10-13 06:25 編輯

提醒一下，優才嘅目標係：
  
   喜悅+卓越

愉快學習之餘，亦要保持優良成績嘅。

優才係：--

-- 相對地輕鬆，唔係絕對輕鬆
-- 相對地少功課，唔係冇功課
-- 相對地少要求，唔係冇要求
-- 相對地少抄寫，唔係冇抄寫
-- 相對地少默書，唔係冇默書
-- 課程比一般學校深
-- 有d學科比一般學校教快半年以上





作者: 魚兒小寶貝    時間: 13-10-12 23:47

本帖最後由 魚兒小寶貝 於 13-10-12 23:52 編輯

我想問下小1-小6係咪都係兩測兩考? 而中英默書既次數係?
作者: 中天英    時間: 13-10-13 06:11

本帖最後由 中天英 於 13-10-13 06:20 編輯
魚兒小寶貝 發表於 13-10-12 23:47
我想問下小1-小6係咪都係兩測兩考? 而中英默書既次數係?

係，都係兩測兩考；測驗就只有中、英、數、常；考試就全部科目。

每學期（5個月）中／英各六至七次默書，每次都會提前一星期通知。



作者: 中天英    時間: 13-10-13 06:16

本帖最後由 中天英 於 13-10-13 06:21 編輯

響優才唔係叫測驗／考試嘅，全部叫做學業評估。

第一及三次學業評估，只有主科；第二及四次，全部科目。

作者: SumSumBB    時間: 13-10-13 12:19     標題: 回覆：中天英 的帖子

現在第一和第三次評估加了普通話



作者: 魚兒小寶貝    時間: 13-10-13 16:08

咁平日會唔會有特擊小測或評估呢?
作者: SumSumBB    時間: 13-10-13 17:50     標題: 回覆：魚兒小寶貝 的帖子

小四或以上才有小測，會通知的。



作者: SumSumBB    時間: 13-10-13 17:51     標題: 回覆：魚兒小寶貝 的帖子

默書唔計入考試分，所以平時無乜壓力。



作者: 中天英    時間: 13-10-13 19:02

SumSumBB 發表於 13-10-13 17:51
默書唔計入考試分，所以平時無乜壓力。
我兩個仔英文默書，就算唔溫習，都攞倒八十幾九十分嘅；所以響過去兩年，都唔再溫英文默書喇。
作者: 中天英    時間: 13-10-13 19:17

本帖最後由 中天英 於 13-10-13 19:17 編輯
SumSumBB 發表於 13-10-13 12:19
現在第一和第三次評估加了普通話

講起普通話，前幾日G7出左通告，要求部份學生響放學後及星期六補課，加強普通話。

睇下份名單，大部分係d陌生名字，應該都係插班生；相信優小嘅普通話程度都幾高。

作者: SumSumBB    時間: 13-10-13 19:23     標題: 引用：Quote:SumSumBB+發表於+13-10-13+17:51+默

原帖由 中天英 於 13-10-13 發表
我兩個仔英文默書，就算唔溫習，都攞倒八十幾九十分嘅；所以響過去兩年，都唔再溫英文默書喇。 ...
我仔都唔駛點溫英文默書，有時默書那朝問下他便算，但中文就要黙一默。



作者: huba    時間: 13-10-13 21:55     標題: 引用：小四或以上才有小測，會通知的。 +

原帖由 SumSumBB 於 13-10-13 發表
小四或以上才有小測，會通知的。
今年小三數學科開始加入了小測。



作者: 中天英    時間: 13-10-13 22:08

本帖最後由 中天英 於 13-10-14 09:20 編輯
SumSumBB 發表於 13-10-13 17:50
小四或以上才有小測，會通知的。

只有數學有小測，其他科就冇。

大約一個月有一次，不過我兩個仔都係唔會溫習嘅，就算空槍上陣，都坐底超過80分。



作者: 中天英    時間: 13-10-13 22:16

huba 發表於 13-10-13 21:55
今年小三數學科開始加入了小測。
今年取消左邁向奥數，以前果十分會分響小測度。
作者: 中天英    時間: 13-10-14 09:23

本帖最後由 中天英 於 13-10-14 09:24 編輯

可能因為教學效果高，學生吸收好，所以響英文默書、數學小測等，唔駛點溫，都有唔錯成績嘅。
作者: 魚兒小寶貝    時間: 13-10-14 21:30

但會唔會係你兩位既囝囝比較聰敏呢?
作者: AFSL2007    時間: 13-10-14 23:15     標題: 引用：但會唔會係你兩位既囝囝比較聰敏呢?

原帖由 魚兒小寶貝 於 13-10-14 發表
但會唔會係你兩位既囝囝比較聰敏呢?
我囝囝考試只是靠考試前一星期老師在課堂的溫習，考試成績中等，不過默書一定要温二、三遍，否則亦試過不合格要補默。



作者: 中天英    時間: 13-10-15 01:23

魚兒小寶貝 發表於 13-10-14 21:30
但會唔會係你兩位既囝囝比較聰敏呢?
我大仔響優才算中上，細仔就係中下，唔算特別聰敏嘅。
作者: 中天英    時間: 13-10-15 01:24

AFSL2007 發表於 13-10-14 23:15
我囝囝考試只是靠考試前一星期老師在課堂的溫習，考試成績中等，不過默書一定要温二、三遍，否則亦試過不合 ...
中文默書一定要溫。
作者: 中天英    時間: 13-10-15 01:37

本帖最後由 中天英 於 13-10-15 01:43 編輯
中天英 發表於 13-10-14 09:23
可能因為教學效果高，學生吸收好，所以響英文默書、數學小測等，唔駛點溫，都有唔錯成績嘅。 ...

當然如果花d時間溫習，分數會更高；但係我覺得八十幾分已經OK, 節省溫習嘅時間，用離練波、捉棋會更有得著。
作者: huba    時間: 13-10-15 01:42     標題: 引用：但會唔會係你兩位既囝囝比較聰敏呢?

本帖最後由 huba 於 13-10-15 01:48 編輯
原帖由 魚兒小寶貝 於 13-10-14 發表
但會唔會係你兩位既囝囝比較聰敏呢?

誠然有學生在不同學科有超前的水準，但我只見過老師們提醒溫習，卻從未見校方鼓吹不需溫習或以此作為標榜愉快學習或教學高效。

在校內認識的家長在孩子默書、小測及評估前都會督促孩子溫習及準備。


作者: 中天英    時間: 13-10-15 02:03

本帖最後由 中天英 於 13-10-15 14:10 編輯

係呀，老師絕對冇鼓吹唔溫習嘅，我只係講下我兩個仔嘅情况啫。

雖然平時英默同數學小測好少溫習，但中文默書就一定溫；當然每次評估前就一定要全部溫習喇。

作者: 中天英    時間: 13-10-16 13:38

尋日啱啱見倒細仔（G6)派番英默及數學小測, 都係完全冇準備嘅，結果係英默93分，數小測就25／30。

細仔響班里面算中下游份子。
作者: 中天英    時間: 13-10-16 13:40

仲有兩個幾禮拜，就係第一次評估，各位記緊要同小朋友溫習呀。
作者: AgapePa    時間: 13-10-16 17:25

沒有名次, 請問有無考試分數?
作者: huba    時間: 13-10-16 18:18     標題: 引用：沒有名次,+請問有無考試分數?

本帖最後由 huba 於 13-10-16 18:21 編輯
原帖由 AgapePa 於 13-10-16 發表
沒有名次, 請問有無考試分數?

在評估報吿上每科都有分數，不過沒有總平均分。另外，每一科全級頭5名的名次是會顯示的。



作者: SumSumBB    時間: 13-10-16 20:33     標題: 引用：+本帖最後由+huba+於+13-10-16+18:21+編輯+

原帖由 huba 於 13-10-16 發表
本帖最後由 huba 於 13-10-16 18:21 編輯
每科全級的平均分也會知道。



作者: huba    時間: 13-10-16 22:49     標題: 引用：Quote:原帖由+huba+於+13-10-16+發表本帖最

原帖由 SumSumBB 於 13-10-16 發表
每科全級的平均分也會知道。
我們在說兩個不同的東西。

我所指的總平均分是為每一位學生計算他/她包括所有科目成績在內的一個平均分數，是用來排每一位學生在級上的總名次。

在孩子的學術評估報告裏，沒有總平均分也沒有總名次，同學間互相比拚成績的習慣和壓力也很小。



作者: enidchiu    時間: 13-10-16 23:26

Is there an 'elite' class in secondary school?
作者: enidchiu    時間: 13-10-16 23:27

Is there any 'elite' class in secondary school?
作者: ngkf    時間: 13-10-17 00:23

enidchiu 發表於 13-10-16 23:27
Is there any 'elite' class in secondary school?
無。
作者: chma    時間: 13-11-6 17:20

前輩們,我仔仔都在優才讀小二, 但眼見入讀兩年, 功課量及催谷情況愈來愈嚴重, 好多時, 考試壓力也大, 那些挑戰題全部唔識, 有點打擊, 看到學校為求分數而增加考試難度, 卻沒協助有差異的同學(只交波給家長), 差幾分都沒有人情講, 不給時間和機會孩子改進。這方面我有點害怕越高班越嚴重, 請你有高年級的家長前輩可以分享下你的情況嗎?
孩子在中游, 上課不是十分專心那種, 有心散, 每次考試都好怕他會失手。

作者: janicetsang    時間: 13-11-6 21:09

小女小5，但不覺大壓力。
功課小3開始多左，但仍算好少。
挑戰題，我一直唔理的。既然無範圍，就不溫習，唔識也唔出奇。反正挑戰題佔好少分。即是搞掂課本一定合格。
我覺得挑戰題是比有大量課外閲讀／探究的孩子的bonus point.


作者: SumSumBB    時間: 13-11-6 21:37     標題: 回覆：chma 的帖子

小兒小四，成績算中上，挑戰題⋯我都唔理的，識左當bonus，不過，評估時都唔多唔少有壓力，驚他失手，尤其是最後一次評估，如果學校計分是計全年評估的平均分，並非只睇最後一次，咁壓力相對會少很多了！
如果成績不達標，是會有努力小組的，應不會只交個波俾家長！記得我仔小二有次數學評估時，不入頭五名，只跌到落平均線，數學老師都有跟進，老師好有心，認為他不應只攞這成績，和我們了解原因後，便日日午飯後的大息，叫我仔去她那裡做功課俾佢睇，又叫我們不用在家幫他對功課，以訓練他小心做數，結果阿仔成績追返上去。阿仔話老師好好，用自己的休息時間去教他和很多其他同學仔，他很感激老師的付出。



作者: 中天英    時間: 13-11-6 22:14

初小功課量指標係一個鐘，高小就係個半鐘；當然偶然會多少少，但通常第二日又會少好多。

如果經常超標，係可以向班主任／老師反映；我大仔都試過比一個新老師教，功課超多，咁我就揾個機會同個老師講，之後功課量就回復正常。
作者: 中天英    時間: 13-11-6 22:22

本帖最後由 中天英 於 13-11-6 22:23 編輯

挑戰題佔五至十分，唔容易攞嘅，通常攞倒兩、三分已經好好。

但係又唔影響合格／達標喎，所以我都唔理挑戰題嘅。

作者: AFSL2007    時間: 13-11-6 23:32     標題: 回覆：chma 的帖子

請問你說「只交波給家長」是什麼意思呢？學校有幾個小組包括努力小姐去幫助成績不太理想的同學，你是認為努力小組沒法幫到小朋友還是其他意思呢？小兒初小時是沒有努力小組的，可能由於有家長向學校反應，所以後來增設了，現在還有一些小組，如另加一點練習在家做，幫助同學追回成績。



作者: AFSL2007    時間: 13-11-6 23:48     標題: 回覆：chma 的帖子

又請問何解說「差幾分也沒人情講，沒給時間小朋改進」？是否有不如快經驗呢？小兒已經是G7,對初小情況的認知有一定距離，不過也曾聽有哥哥在高小弟弟在初小的家長說初小的教學程度比以前深咗，可幸小朋友還享有愉快學習，沒覺壓力和辛苦。小兒成績一向只是中游，所以也怕他失手，挑戰題從來也只能拿幾分，有時也全錯的，不過也能每年順利升班。如果初小已經發現有壓力甚至追不上成績，我想應該好好同班主任了解情況，看看怎樣可以補救，因上到高小，程度更深，初小打不好基礎，會更感吃力。



作者: RSZ    時間: 13-11-7 05:01     標題: 回覆：GT 如何能夠做到愉快學習之餘, 亦能保持成績優異

小兒也就讀G2，今次評估中文科考得深，一班有近三份一同學不達標，對于部份家長第一次子女不達標感到震驚及担心，這可理解的，我小兒也考得差，但當我知道有好多同學仔也考得不好時，就理解到這次不是小兒學習上有什麼問題了，也覺得家長或學校不需要也不應該就這一次就標籤學生有問題，需要協助，需知道這才是壓力的由來。



作者: RSZ    時間: 13-11-7 05:10     標題: 回覆：GT 如何能夠做到愉快學習之餘, 亦能保持成績優異

初小學習剛開始，放鬆點，一次評估少幾分不需太緊張，留意就可了，學校也不會次次要半班不達標，全部人去努力小組吧



作者: SumSumBB    時間: 13-11-7 06:40

回復 chma 的帖子

Chma,

四次評估其實是兩測兩考，根據經驗，測驗通常會比考試深，特別是挑戰題，有時真係深到嚇c人，升上高小就漸漸被嚇慣了。記得低小時常識、數學和普通話，都試過遇有好深的卷，以致不達標的同學很多，但其後經過老師調整試卷的深淺，和同學的努力下，情況又回復正常了！
作者: SumSumBB    時間: 13-11-7 07:32     標題: 引用：初小學習剛開始，放鬆點，一次評估少幾分不

原帖由 RSZ 於 13-11-07 發表
初小學習剛開始，放鬆點，一次評估少幾分不需太緊張，留意就可了，學校也不會次次要半班不達標，全部人去努 ...
同意，小二下次中文份卷應該會相對易好多，如果小朋友長期不達標，才需要擔心！我朋友仔仔讀神校，考試不達標的比率長期比GT大很多，跟據我仔那級過往三年的數據來看，各科不達標的平均百分比只是個位數，相對其他學校來說，原來是很低。



作者: cwclsh    時間: 13-11-7 08:07

本帖最後由 cwclsh 於 13-11-7 08:17 編輯

回復 RSZ 的帖子

我的是小一生, 我地各班都有家長跟高年班的家長一起睇過今年的教材, 真的比去年和往年深很多. 班中有的是有哥哥姐姐分別讀2-4年班, 都說壓力大了許多, 而且校長在早會中都有時會加以壓力, 大家都很緊張呢.
不過跟舊KG家長傾過, 他們的小孩在其他學校都不是好過! 我們雖比別人教得深和快, 但原來我們已經算不錯了 =.=" 相信這是香港的教育.   

作者: janicetsang    時間: 13-11-7 10:09

昨晚我再問女女，返學壓力大嗎?她答我，無壓力!
我問辛苦嗎，功課多嗎?難嗎?她說唔多，好容易!
我話，今年同學仔都勤力了，因為呈分。
她說，我無咁諗過。
然後我放下心。查實她考試前我同老公都對她說，成績點都無所謂，daddy mummy點都唔會鬧。
從來無比佢去補習，平日功課她自己做，極少要問我。老公完全唔理她學業。平日默書她自己搞掂。
成績中上。
其實大人愈relax,小朋友就少D壓力。
作者: janicetsang    時間: 13-11-7 10:23

本帖最後由 janicetsang 於 13-11-7 10:30 編輯

另外，有時大人覺得D野深，係小看了小朋友。
我們只以兒時的自己與現在的小孩子比較，比如，我們可能中學才學科學、歷史，就覺得而家小朋友學D野深、難。
其實，小孩子是一張白紙，你比咩佢佢就得到咩。只是知識範疇不同，佢根本唔覺深，係大人覺得自己都唔識，所以深。
放手比小朋友去試，去經歷失敗，努力，進步。
大人不用咁緊張。
我們細時自己選中學，因為上一代唔識，想番起果時才10、11 age.咁咪一樣咁難。
但是而家D人如果見個小朋友醒少少有D求知慾問下宇宙數學，D人已認為自己的孩子資優，好特別。
可能其實我們細個一樣想知一樣會問，只是以前的父母要搵食，費時啋我們。
所以，我們是忘了以前自己可接收很多知識，杞人憂天。
作者: RSZ    時間: 13-11-7 11:17     標題: 回覆：cwclsh 的帖子

家長說校長覺得近年收的學生叻咗，但無咁勤力，這不知是否影響了出卷的標準，不過正如sumsumbb 說，要是要入努力小組，長期不達標，才需要担心



作者: muichujamie    時間: 13-11-7 13:22

回復 SumSumBB 的帖子

我反而覺得測驗淺過考試喎，呀女每次測驗都高分過考試，又可能係少D野讀掛。
作者: Minnie_Mickey    時間: 13-11-7 13:29

比孩子一個機會面對逆境，自我反省努力温習及定下目標，父母在旁默默協助，到下次考試看看自己的成果才是對他們最好的安排
作者: muichujamie    時間: 13-11-7 13:32

呀女三年班，我都覺二年班D卷明顯比一年班深好多，尤其中文同常識科，所以好明顯分數低左。而家都慣左，又唔太擔心。
同埋，中文默書挑戰題真係好大挑戰，D字又深，又要用普通話讀，呀女好多時都唔明老師講咩野。
作者: cwclsh    時間: 13-11-7 14:21

回復 RSZ 的帖子

Hahaa...btw, 雖然深同教得快, 的確又唔算十分吃力. 相信考試絕大部份人都達標(考前1天溫習) !
作者: SumSumBB    時間: 13-11-7 15:42     標題: 引用：回復+SumSumBB+的帖子 我反而覺得測驗淺過

原帖由 muichujamie 於 13-11-07 發表
回復 SumSumBB 的帖子

我反而覺得測驗淺過考試喎，呀女每次測驗都高分過考試，又可能係少D野讀掛。
我覺得考試比測驗淺，原因係我級前兩年被「大屠殺」，都咁啱係測驗吧！接著就見到份考試卷淺了，由人心惶惶變為皆大歡喜！



作者: iamderek    時間: 13-11-7 17:46

老師曾說過小一升小二和小二升小三的中文考試分別是很大，最重要是開始有作句和作文，而且比分很高。另外，閱讀理解也不再是搬字過紙。

老師也曾說過最理想的分數分佈是鐘型（bell-shaped)，但未必每次考試也能控制深淺水平達致理想分佈。如果小朋友長期不達標，才需要擔心。
作者: muichujamie    時間: 13-11-7 17:54

回復 iamderek 的帖子

what is bell-shaped?
作者: Minnie_Mickey    時間: 13-11-7 18:32     標題: 回覆：muichujamie 的帖子

Normal distribution



作者: 中天英    時間: 13-11-7 18:55

本帖最後由 中天英 於 13-11-7 23:18 編輯

老師係會根據實際情況，調整評估難度嘅。

我細仔今年小六，上星期五考完數學；之前都有d擔心，因為睇過d「速率」問題，連我呢個大學讀Science嘅，都要唸一陣先明白點計；上兩個禮拜小測「速率」，好似好多人唔合格；結果真正評估時，「速率」出好少，我細仔應該達左標喇。

我細仔數學係下游份子，如果佢都到標（＜70分），咁應該大部份人都有八字頭。

作者: 中天英    時間: 13-11-7 19:05

本帖最後由 中天英 於 13-11-7 19:05 編輯

回復 Minnie_Mickey 的帖子

Normal distribution即係一頭一尾只佔幾個%, 大部份人響中間位置。

如果太淺，好多人都攞好高分，顯示課程未夠挑戰；如果太深，好多人唔合格，代表課程難度過高。

Normal distribution就最理想，代表課程深淺適中。

作者: SumSumBB    時間: 13-11-7 19:22     標題: 引用：老師曾說過小一升小二和小二升小三的中文考

原帖由 iamderek 於 13-11-07 發表
老師曾說過小一升小二和小二升小三的中文考試分別是很大，最重要是開始有作句和作文，而且比分很高。另外， ...
另外，記得校長講過小三和小四學生的英文成績會有好大的變化，最容易有急降的情形，這段期間要睇緊d!



作者: chma    時間: 13-11-8 08:50

好多謝大家的分享，因孩子成績突降擔心，他甚至說不明白問題和聽不明白老師說什麼（普通話），而現在小二的功課量需時2-3小時完成，間中一天特別少。老師常説不要幫他對功課，試過放手卻大量改正，差不多要全部做過，尤其造句，數學文字題，往往做到9時好忟憎，擔心他上課不明白。
試過成績差但學校說唔夠老師開努力小組，叫自己出去補。
那些非一般的常識題和挑戰題都令大人好有壓力，不知如何協助他。

看完大家的分享，知道原來我仔的情況是常態，成績會有高低起伏，難道你們不擔心一個失手就升唔到班嗎？因有些小一同學轉去冇教快的學校後成績非常好，立即找回自信，始終經常在下游的6、70分或緊緊達標，小朋友本身不好受。亦有家長說到了4、5年班，考試分數低，想轉校有困難，被迫留級，聽完我很擔心。
怎樣才能在小朋友有限的時間裏再看課外書呢、學樂器和運動呢？
作者: chma    時間: 13-11-8 09:00

我知道我們己較名校舒服，不知道其他學校也一樣要谷。愉快學習是我們選優才的原因，老師也很友善，我只是擔心這兩年有點變質，但無論如何，都會教孩子做好現在的本份，不要只看分數，盡力去學習。多謝大家。
作者: 中天英    時間: 13-11-8 09:43

本帖最後由 中天英 於 13-11-8 09:47 編輯

2-3小時功課的確太多，有d唔正常，你有冇問過同級其他同學係咪一樣？

每次評估除左學生本身分數，都重有資料顯示中、英、數、常四科嘅分數分佈及平均分，低分（60-70分）嘅多唔多？每科平均分係幾多？

作者: chma    時間: 13-11-8 11:01

好多家長反映功課量多咗好多的問題，大家傾計說開學呢兩個月都冇時間看課外書，看閲讀紀錄冊可反映。今次考試其中一班eng write有8人不合格，令家長好擔心，是教法問題、孩子不吸收、太深。應如何配合學校，讓孩子跟上進度？還是應懷疑孩子的能力和學校不配呢？
作者: iamderek    時間: 13-11-8 11:26

chma 發表於 13-11-8 11:01
好多家長反映功課量多咗好多的問題，大家傾計說開學呢兩個月都冇時間看課外書，看閲讀紀錄冊可反映。今次考 ...
如果功課時間長不是個別問題，可以在家長日向老師和校長反映。
作者: ngkf    時間: 13-11-8 12:17

中天英 發表於 13-11-8 09:43
2-3小時功課的確太多，有d唔正常，你有冇問過同級其他同學係咪一樣？

每次評估除左學生本身分數，都重有資 ...
功課比以前多咗。應該咁講，有時一星期有某一兩天特別多。
作者: iamderek    時間: 13-11-8 12:30

以前校長說初小最重要是語言訓練，學校的重點是小二普通話，小三英語。小二除了中文用普通話授課，也安排班主任說普通話處理班務。我覺得家庭也應配合，讓小朋友多看多聽，不竟語言是一生受用的技能。

英文寫作不單要構思，也要顧及文法。小兒現在也經常出錯，所以我要求他寫完之後，要把句子當做Grammar Practices一樣改正文法和標點符號。
作者: cwclsh    時間: 13-11-8 12:35

回復 chma 的帖子

其實我地一年班一開學已經有5-9樣功課, 少就1個鐘, 多既要2個零鐘. 係臨近考試先少許多!
我果個已經係快手專心的, 且在功課堂都做得不錯.
以上未計中英數常普網上練習, 所以平日無咩可能看圖書或玩.
作者: lulubobo    時間: 13-11-8 12:42

請問大家的仔女是否仍是很喜歡返學，仍是"愉快中學習"呢?
作者: cwclsh    時間: 13-11-8 12:47

回復 cwclsh 的帖子

幸好的是我果個追到節奏, 亦懂得忙裡偷閒.
而同班, 確是有些追唔到很吃力 (指是每天功課和作息).
也有個別今次四科唔合格的小朋友.
btw, 佢地還小...只返了2個多月可能未習慣.
但亦唔代表好輕鬆.
作者: cwclsh    時間: 13-11-8 12:54

回復 lulubobo 的帖子

又好奇怪, 佢地超喜歡的!
我果個幾唔舒服都一定要上學.
每天都好開心學習, 且在堂上很專心投入.
同埋我地既功課都算有趣味,
但對於某些小朋友就會覺得要思考的話就變難.
相信老師學校自有方法.
在我看, 學校是很用心的,
且在校時嚴厲下亦有足夠時間俾學生放鬆同玩.
可說是有收有放!
作者: cwclsh    時間: 13-11-8 12:57

回復 lulubobo 的帖子

老實講, 我跟幼稚園的家長傾過.
我地在眾學校來講已算不錯.
隔離真x都原來不是太輕鬆.
要成績, 一定有代價.
整體來講, 小學係辛苦的.
作者: janicetsang    時間: 13-11-8 14:04

不如利用今次家長日，同學傾下，看看問題係邊?
我記得小女1至3年級超軽鬆，不過都有個別老師分派多功課。
但以前她真是半至1小時完成。
作者: NeoMom    時間: 13-11-8 14:38

本帖最後由 NeoMom 於 13-11-8 14:58 編輯

回復 janicetsang 的帖子

多功課亦有個可能性係好些功課應該平時續日比但老師冇咁做, 結果在臨考試前才一次過要做番晒, 如真係咁就一定要同學校反映, 以前都試過, 反映之後立即改善



歡迎光臨 教育王國 (/) Powered by Discuz! X1.5