教育王國

標題: 是資優? 專注力失調? [打印本頁]

作者: vienchan 時間: 13-10-4 10:06 標題: 是資優? 專注力失調?

提示: 作者被禁止或刪除內容自動屏蔽

作者: 浩霆豬豬 時間: 13-10-4 15:51 標題: 回覆：是資優

其實你個仔嘅情況同我個仔好似，起初老師都懷疑佢係專注力不足同過度活躍症，你有無同老師傾過，老師睇學生會準確啲，我就因為我仔開始有情緒問題先同佢check㗎！

作者: vienchan 時間: 13-10-4 20:00

提示: 作者被禁止或刪除內容自動屏蔽

作者: 浩霆豬豬 時間: 13-10-4 20:25 標題: 引用：回復+浩霆豬豬+的帖子未同班主任傾過呢方

原帖由 vienchan 於 13-10-04 發表
回復浩霆豬豬的帖子

未同班主任傾過呢方面，不過怕佢係老師心目中印象唔好

行為異常更加要同班主任傾啦！我仔上咗三年級後情緒問題嚴重咗，我出咗報告交俾學校，學校都好快做嘢，老師知我仔情形亦體諒多啲，包容多啲，做父母心態及管教上都要調整，我覺得做評估重點唔係要知佢係咪資優，而係資優會衍生出嘅情緒及行為學習上嘅問題，了解佢哋多啲，知道要點教導同培養佢哋！呢個先係最重要。我都努力中呀！

作者: vienchan 時間: 13-10-4 21:00

提示: 作者被禁止或刪除內容自動屏蔽

作者: 浩霆豬豬 時間: 13-10-4 21:07 標題: 引用：回復+浩霆豬豬+的帖子我擔心阿仔個班主任

原帖由 vienchan 於 13-10-04 發表
回復浩霆豬豬的帖子

我擔心阿仔個班主任太年輕，未必有太多呢方面經驗

我係資優教育學院做評估，佢淨係Check IQ，唔做其他，不過係test過程中，心理學家有留意我仔，話佢唔似ADHD，至於學校，真係要好睇你仔學校鍾唔鍾意呢啲學生，有啲一知你資優就叫你轉校

作者: vienchan 時間: 13-10-4 21:24

提示: 作者被禁止或刪除內容自動屏蔽

作者: vienchan 時間: 13-10-4 21:39

提示: 作者被禁止或刪除內容自動屏蔽

作者: 浩霆豬豬 時間: 13-10-4 22:13 標題: 引用：回復+浩霆豬豬+的帖子其實就算冇評估，我

原帖由 vienchan 於 13-10-04 發表
回復浩霆豬豬的帖子

其實就算冇評估，我地覺得佢叻仔，只係評估報告到底會有咩用處呢？

我無俾我仔知自己係資優，我check咗阿仔係，我就報堂上學點同佢相處，點輔助佢發揮自己長處，最重要係學處理佢情緒，老實講如果無做評估，我會以為佢曳，我情緒心態上會無咁包容，會成日鬧佢，，但而家我會體諒佢，嘗試了解佢心態，起碼唔會覺得佢好曳，我亦會不厭其煩成日同佢講道理，知道佢係邊一方面專長會重點栽培佢，其實我都係初學咋，因為阿仔份報告上個月先出，而家報咗資優家長學堂都未開始上，我都要時間適應，揾個第二個方式去同佢相處

大家努力

作者: vienchan 時間: 13-10-4 22:27

提示: 作者被禁止或刪除內容自動屏蔽

作者: 浩霆豬豬 時間: 13-10-4 22:48 標題: 引用：回復+浩霆豬豬+的帖子多謝你不停回覆呀！

原帖由 vienchan 於 13-10-04 發表
回復浩霆豬豬的帖子

多謝你不停回覆呀！

我攞報告當日問教育心理學家，需唔需要俾佢知自己係資優生呢，佢同我講其實佢自己都知嘅，因為佢做過評估嘛！不過我唔需要直接講佢知佢分數，只需要講佢知佢係比一般小朋友聰明小小，上堂時叫佢包容吓啲唔明嘅同學仔，體諒老師講書要講幾次，教佢唔好因為悶就搗亂

暫時都ok嘅！

作者: vienchan 時間: 13-10-4 23:10

提示: 作者被禁止或刪除內容自動屏蔽

作者: 浩霆豬豬 時間: 13-10-4 23:15 標題: 回覆：是資優

其實學校係一定要知㗎！除非你去私人機構做評估，中大同資優教育學院係要老師寫一份資料，由學校fax返俾佢哋，報告出咗證實係資優後，學院會有啲suggest俾學校，所以想check就要同老師商量，不過亦要考慮學校接唔接受！

作者: 浩霆豬豬 時間: 13-10-4 23:19 標題: 引用：回復+浩霆豬豬+的帖子個心理學家家好好喎

原帖由 vienchan 於 13-10-04 發表
回復浩霆豬豬的帖子

個心理學家家好好喎

係ok㗎！我講講吓會講埋我擔憂啲乜，有時好氣餒，佢都會有啲建議俾我，又教要我發掘阿仔專長，重點栽培佢，因為開中佢個瓣，佢會有無限潛能

作者: Starrynite 時間: 13-10-5 01:18

浩霆豬豬發表於 13-10-4 22:13
我無俾我仔知自己係資優，我check咗阿仔係，我就報堂上學點同佢相處，點輔助佢發揮自己長處，最重要係學處 ...

想請問你邊度有資優家長學堂可上？謝謝！

作者: vienchan 時間: 13-10-5 08:08

提示: 作者被禁止或刪除內容自動屏蔽

作者: 浩霆豬豬 時間: 13-10-5 08:40 標題: 引用：Quote:浩霆豬豬+發表於+13-10-4+22:13+我無

原帖由 Starrynite 於 13-10-05 發表
想請問你邊度有資優家長學堂可上？謝謝！

我係資優教育學院度報名㗎！

作者: vienchan 時間: 13-10-5 09:35

提示: 作者被禁止或刪除內容自動屏蔽

作者: 浩霆豬豬 時間: 13-10-5 13:28 標題: 引用：Quote:浩霆豬豬+發表於+13-10-5+08:40+我係

原帖由 vienchan 於 13-10-05 發表
幾錢? 同埋排左幾耐呢？
如果學校話佢冇咩特別行為問題咁點呢？因為我知個仔好努力抑制自己係學校嘅表現， ...

家長學堂我係網上報，有啲要錢有啲免費。阿仔評估4200由會見家長，小朋友評估到出報告全程大約三個月

作者: 魚王 時間: 13-10-5 18:45 標題: 回覆：是資優

對於資優兒童來說，成日比日擦字實在太難頂了，我個仔不是資優，但我都好少擦佢的字，我覺得只要筆劃啱，看得到就可以了，大個又不是電腦輸入？重複的練習，小朋友會覺得浪费時間和浪费了他的智慧，所以佢形容為無聊。去做了評估，證實後，父母上多些堂，多了解，幫小朋友改善行為心理質素更重要。

作者: terrylyy 時間: 13-10-5 20:06 標題: 引用：Quote:原帖由+vienchan+於+13-10-04+發表回

原帖由 浩霆豬豬 於 13-10-04 發表
我無俾我仔知自己係資優，我check咗阿仔係，我就報堂上學點同佢相處，點輔助佢發揮自己長處，最重要係學處 ...

請問做完評估後，心理評估專家係吾係好正面咁話比你知，confirm係資傻，定係輕輕帶過，比啲数字你，你自己去估？

作者: 浩霆豬豬 時間: 13-10-5 21:29 標題: 引用：Quote:原帖由+浩霆豬豬+於+13-10-04+發表我

原帖由 terrylyy 於 13-10-05 發表
請問做完評估後，心理評估專家係吾係好正面咁話比你知，confirm係資傻，定係輕輕帶過，比啲数字你，你自己 ...

有好詳細貿料，分四個項目做test，每項都有一個分數，再有一個總分，明確表示係資優，無嘢隱瞞唔使估估吓

作者: vienchan 時間: 13-10-5 23:01

提示: 作者被禁止或刪除內容自動屏蔽

作者: 浩霆豬豬 時間: 13-10-6 09:26 標題: 引用：對於資優兒童來說，成日比日擦字實在太難頂

原帖由魚王於 13-10-05 發表
對於資優兒童來說，成日比日擦字實在太難頂了，我個仔不是資優，但我都好少擦佢的字，我覺得只要筆劃啱，看 ...

係呀！我仔好憎寫字㗎！我都好少擦佢，求其佢唔出界唔錯就算啦！佢温默書都係為咗唔使改正咋！

作者: vienchan 時間: 13-10-6 09:52

提示: 作者被禁止或刪除內容自動屏蔽

作者: 魚王 時間: 13-10-6 13:42 標題: 回覆：是資優

咁佢自己要擦就等佢自己擦，自己再寫過。

作者: vienchan 時間: 13-10-7 10:27

提示: 作者被禁止或刪除內容自動屏蔽

作者: 浩霆豬豬 時間: 13-10-7 13:04 標題: 引用：回復+浩霆豬豬+的帖子其實我想請問，係咪

原帖由 vienchan 於 13-10-07 發表
回復浩霆豬豬的帖子

其實我想請問，係咪根本絕大部分小一小朋友都會覺得D野好容易，好悶呢？

不如我講我仔情形俾你參考吓，因為大家有啲唔同，我唔敢一概而論。首先我仔學校係深啲，一開學本中文書已經教1上B册，所以初初追得好辛苦，一年級唔覺佢叻㗎，不過老師話佢上堂好唔專心！當時覺得佢有專注力不足，成績都係中上，全級名次都係得43，到咗二年級，由於都係同一個班主任，所以都好了解佢，知佢上堂係坐唔定，所以由得佢去洗手間，佢嚴重時可以半個鐘一次㗎，不過唔係真係疴，老師話佢係去旅行，次次去完返嚟都同老師講其他班嘅情況，話佢觀察力好強，只要佢明白內容會由得佢，最重要唔好騷擾同學，到咗下學期第一次測驗完，班主任就同我講覺得佢係資優......

作者: 浩霆豬豬 時間: 13-10-7 13:16 標題: 回覆：是資優

因為佢由二年級開始個級名次已經係十名內，老師話以佢咁樣上堂法應該成績係麻麻嘅，但佢一路進步，而且堂上成日問啲深問題，當老師重覆教時佢會好唔耐煩，所以老師同我講佢應該係資優，我就開始留意佢，上網揾資優生特徵，發覺佢好好記性，背默一段中默內容，字連標點約50字，佢可以唔使三分鐘，可以啱曬，而且成日問啲關於生死問題，問得好深入，有時會諗諗吓喊，對科學同恐龍開始着迷，會自己上youtube揾有關嘅片睇，睇魔術有時會拆解到個竅門，可以做返一個簡單嘅出嚟。

作者: 浩霆豬豬 時間: 13-10-7 13:23 標題: 回覆：是資優

其實如果你仔情形佢會覺得就算唔check IQ，都應該尋求個問題所在，可能佢真係覺得返學好悶，覺得有壓力，你可以打去中大問吓，佢哋有埋心理醫生睇㗎！我個時問過1100元見45分鐘，你亦可以問埋check IQ 要點做，個時電話評估我仔有資優特徵加輕微焦慮症，你都可以初步問咗先，好過自己估估吓

作者: rakui 時間: 13-10-7 15:36 標題: 回覆：是資優? 專注力失調?

我小朋友今年k1，兩歲前發現佢有d特別，三歲被CAC評估有自閉症特徵，但中大臨床心理學家覺得佢冇特別問題，只是眼神接觸比同齡兒童少（大部分時間都有眼神接觸）。現於私人機構做密集訓練，但老師們都不覺得好有問題，大部分時間都有問有答，係比較心急，老師話佢fast learner。

佢一歲前已經認得a-z，好多英文生字都認得，例如身體部位(eye，ear，mouth，nose elbow etc)，動物(elephant, polar bear, raccoon, lion, tiger etc)，水果(pineapple, apple, orange, dragon fruit etc)，動作(clap, wave, shake, roll over, crawl etc)等。兩歲已經睇ORTstage2/3, 三歲睇小學程度英文書例如好厚嘅disney princess collections等，自己睇書可以睇一個鐘以上不會悶。最近開始對中文書有興趣，有一天到書局看書，她說媽咪，我要睇「公主小福星」呀。我問佢係咩書，佢行埋去本書度，指比我睇，我好奇怪點解佢會認得個書名，回家問家人，有冇人同佢睇過呢本書，或者教過佢書名，但冇一個人睇過／教過佢。

K1開咗學冇耐，就俾老師投訴，話佢排隊唔專心，見到玩具就走咗去，睇書聽故事就好專心，玩其他嘢就未必專心，有興趣就玩，冇興趣就自己走咗去睇書／字，叫佢又未必應，連叫佢自己攞書包，著鞋等都要叫三次，老師話佢情况好嚴重。好唔開心，我唔知到底係自閉，ADHD，定係資優，但係俾K1老師話好嚴重，成日打俾我投訴佢，我都唔知點幫佢。有冇人可以提點下呢？謝謝。

作者: vienchan 時間: 13-10-7 15:39

提示: 作者被禁止或刪除內容自動屏蔽

作者: 浩霆豬豬 時間: 13-10-7 16:39 標題: 引用：回復+浩霆豬豬+的帖子好多謝你呀!!+你好

原帖由 vienchan 於 13-10-07 發表
回復浩霆豬豬的帖子

好多謝你呀!! 你好詳盡咁話我知個仔嘅情況，我可以參考倒，判斷下

不如你揾個兒科醫生睇吓先啦，心口痛係咪真係有壓力呀！可能要揾人同佢傾吓！

作者: 浩霆豬豬 時間: 13-10-7 16:42 標題: 引用：我小朋友今年k1，兩歲前發現佢有d特別，三

原帖由 rakui 於 13-10-07 發表
我小朋友今年k1，兩歲前發現佢有d特別，三歲被CAC評估有自閉症特徵，但中大臨床心理學家覺得佢冇特別問題， ...

自閉同ADHD可以打去協康會問吓，佢哋好似有得做評估，仲可以順便check埋資優

作者: sayang_twin 時間: 13-10-7 19:09

回復 rakui 的帖子

我囝囝3year 3mth 讀 K1, CAC評係自閉普係. 有speed delay.同你囡囡一樣認識好多生字,記憶力好強. 上年讀N班都比老師(Local school)話佢專注力差, 成日走出位. 經過這大半年的training後,佢進步左好多.今年同佢轉讀 International school ,我冇話比學校知佢係ASD. 暫時樣樣嘢都OK,冇投訢.
我覺得自閉兒係記性好, 唔係資優. 資優範疇內佢地全部都唔達標. 所以現在只好發掘佢的長處,補足佢的短處.

作者: rakui 時間: 13-10-7 20:57 標題: 回覆：浩霆豬豬的帖子

謝謝你的意見。

作者: vienchan 時間: 13-10-7 21:25

提示: 作者被禁止或刪除內容自動屏蔽

作者: rakui 時間: 13-10-7 21:29 標題: 引用：回復+rakui+的帖子 ++我囝囝3year+3mth+讀

原帖由 sayang_twin 於 13-10-07 發表
回復 rakui 的帖子

我囝囝3year 3mth 讀 K1, CAC評係自閉普係. 有speed delay.同你囡囡一樣認識好多生字 ...

謝謝你的分享。其實佢係屬於自閉定資優（對我來說兩種都是非一般情況）都不太重要，重要嘅係我可以點幫佢呢？已經有一星期兩天的密集訓練（雖然五月才開始，七、八月又放暑假），好似都未如理想咁，又擔心佢會唔會K1都未讀完就俾人趕出校呢⋯

作者: 浩霆豬豬 時間: 13-10-7 21:59 標題: 引用：Quote:原帖由+sayang_twin+於+13-10-07+發

原帖由 rakui 於 13-10-07 發表
謝謝你的分享。其實佢係屬於自閉定資優（對我來說兩種都是非一般情況）都不太重要，重要嘅係我可以點幫佢呢 ...

其實自閉嘅都可能係資優㗎！我識人就係咁！兩樣都有！所以係要check㗎！

作者: rakui 時間: 13-10-7 22:48 標題: 回覆：浩霆豬豬的帖子

但係咁細個有冇得check 呢？啲人話要最小五、六歲check先準確⋯

作者: 浩霆豬豬 時間: 13-10-7 23:17 標題: 引用：但係咁細個有冇得check+呢？啲人話要最小五

原帖由 rakui 於 13-10-07 發表
但係咁細個有冇得check 呢？啲人話要最小五、六歲check先準確⋯

韋氏兒童智力測試第四版，係俾六至十六歲做㗎！

作者: 超人baby 時間: 13-10-8 00:23

回復浩霆豬豬的帖子

可否講述一下你這位朋友的狀況?我仔可能係,好苦惱唔識點幫佢.

作者: miriam 時間: 13-10-8 00:31

rakui 發表於 13-10-7 22:48
但係咁細個有冇得check 呢？啲人話要最小五、六歲check先準確⋯

我識得個小朋友特徵同你小朋友一樣, 佢係五歲左右經 CAC 做評估證實係資優 (IQ140).

個小朋友細個時又係自己睇好多書, 唔使人教識併音, 總之好多意想不到既野出現左, 之後由健康院轉介 CAC, 先知係資優.

自閉症小朋友都可以係資優兒, 但可能有部份能力畀自閉特徵遮蓋左.

但好老實一句, 教識情緒控制同人際交住, 重要過資優問題.

作者: hoching2011 時間: 13-10-8 03:08 標題: 回覆：vienchan 的帖子

我小朋友今年K3,上年K2既時候老師這佢上堂好唔專心成日攪攪震，寫字又無心機，久而久之，情況無改善，起初有懷疑係HD，都有建議我同佢去check下，後尾去左政府做左次評估，但因為結果要等大半年，我地等唔切，所以搵左個兒童心理學家去評估，初步為AD，同數理及語言資優，數學認知等同一個8歲小童，而AD情況唔算嚴重，係情緒管理同社交認知又偏差，之後一直同佢做遊戲治療，依家大約一年，情況已經有改善，最近已經著手睇下點樣發展佢資優方面，期間我只係同佢報左數學班，點知佢勁鍾意，而數學班亦都有同佢評估過從咩level開始，評估後佢已經可以做小一既數學。今年開始要考小學，同心理學家傾過有邊幾間小學適合佢同有有關資優既支援及經驗。

作者: 浩霆豬豬 時間: 13-10-8 07:16 標題: 引用：回復+浩霆豬豬+的帖子可否講述一下你這位

原帖由 超人baby 於 13-10-08 發表
回復浩霆豬豬的帖子

可否講述一下你這位朋友的狀況?我仔可能係,好苦惱唔識點幫佢.

其實我無詳細問過佢，只知道佢仔經評估後係兩樣都有，只知佢仔係語文方面好叻

作者: rakui 時間: 13-10-8 07:56 標題: 引用：Quote:原帖由+rakui+於+13-10-07+發表但係

原帖由 浩霆豬豬 於 13-10-07 發表
韋氏兒童智力測試第四版，係俾六至十六歲做㗎！

所以我小朋友未得住呀，佢得三歲。

作者: rakui 時間: 13-10-8 07:59 標題: 回覆：miriam 的帖子

係呀，好同意！所以我都覺自閉定資優都唔係最重要，重要嘅係情緒控制同與人相處的交流。我都唔知點教佢好！

作者: vienchan 時間: 13-10-8 08:55

提示: 作者被禁止或刪除內容自動屏蔽

作者: lillymarie 時間: 13-10-8 09:59

rakui 發表於 13-10-8 07:59
係呀，好同意！所以我都覺自閉定資優都唔係最重要，重要嘅係情緒控制同與人相處的交流。我都唔知點教佢好！ ...

用教自閉兒童的方法去教小朋友關於社交的技巧啦！如果小朋友是資優兒，他好快就會學懂。若是有自閉傾向，更加唔會教錯。
如果小朋友喜歡睇書，搵一些關於怎樣與人相處的故事書和德育書給他看。記性好的話，睇過的書勝過媽媽講一百次。

作者: 浩霆豬豬 時間: 13-10-8 11:58

vienchan 發表於 13-10-8 08:55
回復浩霆豬豬的帖子

佢現在學校成績點呀?

三年級未考試唔知成績呀！淨係知佢而家上堂唔專心，注專力最多五分鐘，考試都唔知點算。

作者: vienchan 時間: 13-10-8 13:18

提示: 作者被禁止或刪除內容自動屏蔽

作者: piggylily 時間: 13-10-13 01:50 標題: 回覆：是資優

我仔8歲，成日上堂唔專心，個人又唔定，初初以為佢係過度活躍，剛去了CAC做檢查，心理學家同佢做IQ test，證實係資優，課堂上東西滿足唔到佢，搞搞震，情緒又差，所以我唯有課堂外滿足佢，學深D的野，睇多D課外書，多玩其他活動，如羽毛球，跆拳果D，希望幫到佢

作者: piggylily 時間: 13-10-13 01:56 標題: 回覆：是資優

我小朋友溫書只用眼看，中英讀默望5分鐘左右，之前唔知成日鬧佢冇心機溫書同懶，心理學家後來同我講，叫我接受佢多D，佢地係可以咁樣温習，同埋佢係學校行為方面一定成日俾人鬧，感覺不被接纳，所以叫我要多了解同正面同佢講道理，但我仲未做到

作者: 浩霆豬豬 時間: 13-10-13 08:50 標題: 引用：我小朋友溫書只用眼看，中英讀默望5分鐘左

原帖由 piggylily 於 13-10-13 發表
我小朋友溫書只用眼看，中英讀默望5分鐘左右，之前唔知成日鬧佢冇心機溫書同懶，心理學家後來同我講，叫我 ...

咁學校知唔知佢係資優？其實我哋做父母嘅真係要俾啲時間去消化同接受㗎，我初初都係咁，仲覺得佢係資優令我覺得好煩，因為情緒行為上我接受唔到佢嘅轉變，淨係心理學家要我接受佢温書做功課時會自言自語同唱歌，話係佢思考模式係咁樣喎！

我都忍住唔出聲鬧佢，忍得好辛苦，成日諗係咪㗎？佢咁唔專心點識呀？但其實佢又可以喎！

佢仲可以一路同人傾偈，一路背書，都係三分鐘就可以背默一段50字中文

所以而家我都學緊接受！加油呀！

作者: piggylily 時間: 13-10-13 21:40 標題: 回覆：是資優

簡短報告俾佐學校，其實做之前部分老師都估到D，所以佢地都包容，只係我自己接受唔到，同埋佢D情緒好大好波動，我有時都唔知佢想點

作者: lillymarie 時間: 13-10-13 22:02

piggylily 發表於 13-10-13 21:40
簡短報告俾佐學校，其實做之前部分老師都估到D，所以佢地都包容，只係我自己接受唔到，同埋佢D情緒好大好波 ...

我最近同囝囝睇咗好多本關於社交的圖畫故事書，原來對十歲的他也有作用。聰明記性好的小朋友，有時透過故事可讓佢地從另一個角度去思想和學習。你也可以試下。
另外，可嘗試教他情緒的字詞，例如開心，還可以是驚喜，興奮，滿足，感激，安慰，滿懷希望等等。小朋友懂得多幾個形容詞，可透過說話去表達自己的感受，就會少些發脾氣。有時，我們做家長的亦需要放下手上的事，抽時間去聽他們講話。（其實靜心聽他們講心事的時間，可能仲短過處理他們發脾氣的時間。）

作者: vienchan 時間: 13-10-15 08:44

提示: 作者被禁止或刪除內容自動屏蔽

作者: brjhome 時間: 13-10-15 20:19 標題: 引用：我小朋友溫書只用眼看，中英讀默望5分鐘左

原帖由 piggylily 於 13-10-13 發表
我小朋友溫書只用眼看，中英讀默望5分鐘左右，之前唔知成日鬧佢冇心機溫書同懶，心理學家後來同我講，叫我 ...

你的小朋友同我的十份相似(在學業)，但巳中學了，他說在課堂上專心+睇課外書，就能取得高分

歡迎光臨教育王國 (/)