教育王國

標題: 請教過來人。。有關性格 [打印本頁]

作者: a-burberry 時間: 13-10-3 15:16 標題: 請教過來人。。有關性格

提示: 作者被禁止或刪除內容自動屏蔽

作者: Jane1983 時間: 13-10-3 15:25

其實無小朋友系吾受硬的，系家長吾用，哈哈。

你這個問題我幾年前都有問過自己，活動、傳統教學都好，守規、聽指令、服從在考學校系好重要，even考小一。吾乖、吾受教的，1st round就out，你有蓋世武功都無機會表現出來。

作者: a-burberry 時間: 13-10-3 15:42

提示: 作者被禁止或刪除內容自動屏蔽

作者: Christi 時間: 13-10-3 15:58 標題: 回覆：a-burberry 的帖子

希望你別介意我問：小朋友多唔多比父母罵、打？

作者: Jane1983 時間: 13-10-3 16:00

幾大？慢慢揾方法！

作者: man7099 時間: 13-10-3 16:30 標題: 引用：就係咁，我怕佢弟一round+已out..點算。。

原帖由 a-burberry 於 13-10-03 發表
就係咁，我怕佢弟一round 已out..
點算。。。
佢硬頸不怕我。。。我用蕂條他也不怕

這一代的小朋友遇硬愈硬，因為他們知道你的底線是什麼吧! 總相信有好的親子關係，才能有溝通，沒有孩子不愛被擁抱，被欣賞，被鼓勵和被肯定，由這些方面出發，慢慢情況會改善過來，別氣餒。

作者: man7099 時間: 13-10-3 16:40 標題: 回覆：man7099 的帖子

也可以同佢一齊睇吓學校資料，提升佢對學校嘅興趣，佢想讀，自然會認真對待面試過程。我兒幼稚園都比老師話坐唔定，去年考小學我次次入門口都忍唔住提佢坐定，直到叩門階段，第一間學校我可以一齊入課室，發現原來自己提完佢會好緊張，所有嘢識都答唔出，之後再叩我淨係同佢講，"你今日好醒目，老師問嘅嘢你一定識，只要大聲答就得啦!" 結果之後叩嘅全部都有 offer，所以有時係我哋自己太緊張，退一步海濶天空，加油呀!

作者: happy_lavender 時間: 13-10-3 17:00

Jane1983 發表於 13-10-3 15:25
其實無小朋友系吾受硬的，系家長吾用，哈哈。

你這個問題我幾年前都有問過自己，活動、傳統教學都好，守規 ...

我是制服團隊導師，曾遇過不受硬的隊員，所以無法認同你的說法。

那次事情是，該隊員與其他隊員追逐，被一名helper怒喝制止，之後該名隊員便情緒失控，四處逃竄，他媽媽到來後也要花個多小時才能使孩子平復下來！所以，我的忠告是：真的不要隨便用硬。

作者: a-burberry 時間: 13-10-3 17:09

提示: 作者被禁止或刪除內容自動屏蔽

作者: a-burberry 時間: 13-10-3 17:13

提示: 作者被禁止或刪除內容自動屏蔽

作者: Charlotte_mom 時間: 13-10-3 17:44

我信教每一個小朋友都有一套方法, 我仔同我女正係兩個相反

硬, 多數都work, 不過不能治本
反而唔好以為係專家吹水, 對付聰明+硬頸既小朋友, 可以試下贊, 佢一開turbo, 嘭嘭聲咩都爽手, 大家happy, 小兒唔硬頸不過專注力有問題, 3催4請講到口都臭埋, 踢一下郁一郁, 打佢都無用, 佢都唔想, 反而贊一贊佢飄飄然, 勁lor!

其實佢聰明, 可以講道理呀

作者: happy_lavender 時間: 13-10-3 18:00

回復 Charlotte_mom 的帖子

認同！我阿仔正是硬頸型，你鬧佢佢就同你死過！反而在他失控時抱住他，他會冷靜及聽話！我的境界已去到讚住罰，讚乜？讚他肯為自己的錯誤承擔囉！服未？！

作者: Charlotte_mom 時間: 13-10-3 18:15 標題: 引用：回復+Charlotte_mom+的帖子認同！我阿仔

原帖由 happy_lavender 於 13-10-03 發表
回復 Charlotte_mom 的帖子

認同！我阿仔正是硬頸型，你鬧佢佢就同你死過！反而在他失控時抱住他，他會冷 ...

我仔個班主任都搵位贊，大人一聽就知流野（例如話佢食飯食得又快又乾淨，有幾快幾乾淨丫講真），但細路就受wor！下次仲快d tim呀。我仔小4喇，你話「嘩好彩有你咋如果吾係我都咩咩咩呀」佢仲信以為自真係好有建樹架

作者: Cindyjasper 時間: 13-10-3 18:53 標題: 引用：其實無小朋友系吾受硬的，系家長吾用，哈哈

原帖由 Jane1983 於 13-10-03 發表
其實無小朋友系吾受硬的，系家長吾用，哈哈。

你這個問題我幾年前都有問過自己，活動、傳統教學都好，守規 ...

唉。。。都唔知邊套啱，如果我發惡，我仔好驚我，完全唔敢同我唱反調，第一時間就係say sorry, 因我會比佢更癲，我講得出一定做得到，所以佢唔敢挑戰我低線；但佢成日挑戰daddy 低線，除非要daddy 狠狠地鬧佢一獲金，否則睬daddy 都傻。

佢不斷長大，我就不幾摸索點教佢，因我依家用嘅方法佢再大d就會反抗，到時就仲煩

作者: Jane1983 時間: 13-10-3 19:08

Cindyjasper 發表於 13-10-3 18:53
唉。。。都唔知邊套啱，如果我發惡，我仔好驚我，完全唔敢同我唱反調，第一時間就係say sorry, 因我會比佢 ...

軟硬兼施，好多時間講道理，解釋清楚原因。平時好錫好錫，但曵時會嚴厲。佢say sorry，知道自己做錯也野，承諾吾再犯。

吾敢教人教仔，純粹分享。

作者: notcool 時間: 13-10-3 19:49

>>呢D性格，是否啱活動式教學？還是傳統迫下佢等佢乖D？

Choosing the school is important. But it's more important for you to address his 硬頸、不受軟也不受硬

作者: piyohk 時間: 13-10-3 19:49 標題: 引用：Quote:原帖由+Jane1983+於+13-10-03+發表其

原帖由 Cindyjasper 於 13-10-03 發表
唉。。。都唔知邊套啱，如果我發惡，我仔好驚我，完全唔敢同我唱反調，第一時間就係say sorry, 因我會比佢 ...

Same here

作者: 魚兒小寶貝 時間: 13-10-3 20:12

回復 a-burberry 的帖子

講真, 呢幾年響d家長處88埋埋, 我認為 - 麻煩, 唔受教, 愛駁咀, 愛挑戰大人, 其實去到邊都唔受歡迎. 本身紀律唔太好既小朋友, 去到一d比較hea既活動教學學校, 可能會仲曳; 去到傳統既學校d老師亦可能會郁d就見家長寫手冊. 但相反亦有. 活動定傳統, 都要睇吓係邊間學校.

作者: 魚兒小寶貝 時間: 13-10-3 20:21

我覺你最好多d睇育兒書, 針對囝囝既弱項遂點改善, 我都係不斷睇書去教囝囝.

作者: chunyatmama 時間: 13-10-3 20:44 標題: 回覆：請教過來人。。有關性格

我都分享下。
我有兩名子女，哥哥性格溫馴話，是老師心目中的好學生。細女，活潑，跳皮，自尊心超強，愛挑戰權威。但我教他們兩個方法是大同小異。
1.細時比較嚴，但好少打。未懂事前，如果玩火，入廚房，去露台及玩窗簾繩，一定打。其他事情由得他們。
2. 3歳後,以上事情已不會發生。但有一件事情一定打---講大話。每次只打手板，並且清楚説明罪狀。總之要咁心受罰。

其實只要父母一致同沒有例外，小朋友總不難學識守規舉。只是如果有時我們容許有例外，孩子就不能理解何時有例外。

另外，由於性格，我們對細女更嚴。他們都在一間另人眼中較嚴同傳統的幼稚園讀書。大仔已升小。兩個對學校及學習態度都十分好。

我諗培養孩子尊重別人及有良好的做人及做事態度是為首要。

作者: Charlotte_mom 時間: 13-10-3 20:58 標題: 回覆：請教過來人。。有關性格

我算比較自由，會set個界限，你吾出界，點做隨便，我都係一齊傻，一齊低能哈哈哈無所謂，有意見可以傾可以商量，規矩雙方了解。但一出界我即時變癲狗。所以d細路會知道我惡親總係有理由，亦吾駛挑戰我因為一定無好下場

，好快就可以控制場面

作者: happy_lavender 時間: 13-10-3 21:32

回復 Charlotte_mom 的帖子

我個仔K3啫，不過我都有用類似招數，例如想佢去廁所，就話自己或媽媽想去，要佢陪；事實當然是他比我們更有需要！星期六下午我出外做嘢，便叫佢在家照顧媽媽，佢就好開心咁答應！都幾可愛架！

作者: Charlotte_mom 時間: 13-10-3 22:11 標題: 引用：回復+Charlotte_mom+的帖子我個仔K3啫，

原帖由 happy_lavender 於 13-10-03 發表
回復 Charlotte_mom 的帖子

我個仔K3啫，不過我都有用類似招數，例如想佢去廁所，就話自己或媽媽想去，要 ...

原來你係爸爸？無留意Tim

作者: a-burberry 時間: 13-10-3 22:13

提示: 作者被禁止或刪除內容自動屏蔽

作者: dannyyau302 時間: 13-10-3 22:19 標題: 引用：佢曳時，一定有閙，好小打佢，上星期常試買

原帖由 a-burberry 於 13-10-03 發表
佢曳時，一定有閙，好小打佢，
上星期常試買蕂條咋，嚇佢都唔驚！> <
可能之前小管佢，又比老人家“種“慣 ...

妳都唔捨得打，講乜都無符。只有吃過點苦頭，才會反思言行舉止有否改變的必要。早廿年前，校長咪一樣以體罰不聽教學生，雖然打完未必有效，但可警惕其他學生要檢點及守規矩。

作者: dannyyau302 時間: 13-10-3 22:25 標題: 引用：我明白了、贊美、鼓勵是最好方法鬧只會関係

原帖由 a-burberry 於 13-10-03 發表
我明白了、
贊美、鼓勵是最好方法
鬧只會関係更差。。。

軟硬兼施只是拖延，或利用第三者角度探索一下，他會怎樣才學乖及坐定定聽教導。我亦會贊成多用鼓勵的方式去推動，只是做得太差必須處罰。

作者: Charlotte_mom 時間: 13-10-3 22:37 標題: 引用：Quote:原帖由+a-burberry+於+13-10-03+發表

原帖由 dannyyau302 於 13-10-03 發表
軟硬兼施只是拖延，或利用第三者角度探索一下，他會怎樣才學乖及坐定定聽教導。我亦會贊成多用鼓勵的方式去 ...

嗯嗯，賞罰分明。隨住小朋友大，做父母可以開明d但要set bottomline

作者: kitmantsoi 時間: 13-10-3 23:17 標題: 引用：阿仔性格活潑、好動、硬頸、不受軟也不受硬

原帖由 a-burberry 於 13-10-03 發表
阿仔性格活潑、好動、硬頸、不受軟也不受硬、
慢熱、聰明，腦筋轉得快、多問題提出
兼嚴重缺乏安全感〈包括 ...

我會選小班包容的學校，小學唔處理好行為問題到初中進入反叛期仲難改。

作者: 魚兒小寶貝 時間: 13-10-4 00:03

噢~ 唔應該打, 唔關捨唔捨得事, 其實仲有好多方法, 想小朋友講理有愛心, 父母亦要做比佢睇, 而且點可以教佢用暴力去解決事情呢!?
剛巧今朝聽個家長講佢囝囝打人, 媽咪問佢做乜打人, 佢話: 你教既, 學你之麻!

作者: Christi 時間: 13-10-4 00:21 標題: 回覆：請教過來人。。有關性格

其實樓主所描述小朋友的問題，包括硬頸、唔受軟唔受硬、嚴重缺乏安全感，我最關注既反而係嚴重缺乏安全感呢一部分，所以先至問你那問題。安全感對小朋友成長極重要，有安全感通常比較有自信，敢去嘗試，比較可以擁有正面情緒。而安全感呢樣野，主要係父母先比到佢地。

有冇諗過，一啲負面行為會唔會係嚟自嚴重缺乏安全感呢個心理因素？所以，無論以前如何，希望將來都可以幫小朋友建立番佢地既安全感，像其他媽媽所講，多睇育兒書係好有幫助。樓主其實好有心，好愛錫個小朋友，希望你加油！父母（特別係媽媽）係小朋友最大既靠山，要佢地夠膽去面對新環境，首先要佢地感覺到呢座靠山好穩陣。

作者: chunyatmama 時間: 13-10-4 00:30 標題: 引用：其實樓主所描述小朋友的問題，包括硬頸、唔

原帖由 Christi 於 13-10-04 發表
其實樓主所描述小朋友的問題，包括硬頸、唔受軟唔受硬、嚴重缺乏安全感，我最關注既反而係嚴重缺乏安全感呢 ...

同意同意。有時父母太保謢，也會適得其反。讓孩子係安全環境下冒險，或可提升自信。

作者: happy_lavender 時間: 13-10-4 00:34

本帖最後由 happy_lavender 於 13-10-4 00:49 編輯

回復 Cindyjasper 的帖子

其實無話邊套正確，只在乎小朋好受那一套！但若然用硬，之後一定要輔導，教導何為正確，並加以鼓勵，以免孩子心靈受創而影響關係或欠缺自信。此外，亦要留意不可在盛怒下用硬，否則很易做出令自己後悔的事！請先冷靜！

無論軟、硬，均有後遺症，我們只能不斷調試，或交替使用，直至找到最合適的方法。要留意的是，隨著孩子成長，所用的方法也要轉變，做家長也要不斷upgrade。另外還可考慮將硬的部分外判，自己不忍，就嘗試交給別人鬧，自己充當輔導安慰的角色，可避免傷感情。但若能自己做，當然最好一手包辦。

作者: Christi 時間: 13-10-4 00:50 標題: 回覆：請教過來人。。有關性格

我每晚都會同囡囡睡前傾偈，我好重視呢段時間，將每晚傾偈既機會視為幫囡囡傾倒情緒垃圾既機會，等佢講下今日最開心既事、最唔開心既事之類。對於唔開心既事，比佢發洩下，發洩完先說教；有時佢唔開心係因為我日間教訓過佢，咁晚上我又會錫番。

仲有一招，對於我好有用，都係睇書學釋嚟。就係我好相信，父母經常點樣形容小朋友，就會成為小朋友既自我形象，小朋友就容易成長成為呢類人。所以，我成日同囡囡講，你係最乖既小朋友；如果嗰日佢做得好好，我會讚你係全世界最乖既小朋友，如果嗰日佢曳，我晚上同佢傾偈時會講：哎呀，你明明係好乖架，今日好似唔記得咗喎。呢招佢好受。

作者: zooweemama 時間: 13-10-4 01:04

a-burberry 發表於 13-10-3 15:16
阿仔性格活潑、好動、硬頸、不受軟也不受硬、
慢熱、聰明，腦筋轉得快、多問題提出
兼嚴重缺乏安全感〈包括 ...

活潑好動，有ADHD傾向嗎？硬頸不受軟不受硬，他有很多人照顧他嗎？（祖父母輩、父母、加工人姐姐？）
慢熱有機會是他思維、解讀、處理問題有其特別的方法。你說的「不喜歡就不做」，會否有機會他解讀不了、或仍處於思維中。你和老師多加留意觀察吧。
他在校園的人際關係怎樣？有改善空間嗎？

作者: whl3868 時間: 13-10-4 01:35

小朋友既性格表現好大程度係父母塊鏡~~~

作者: twinsprimary 時間: 13-10-4 08:34 標題: 回覆：請教過來人。。有關性格

其實小朋友可塑性很高，好似我女比較男仔頭，鍾意跟男仔玩，考學校時話鍾意男女校多D，後來派位派左間很好嘅女校，我們當然幫她選擇這所女校，放棄手上的男女私校位，到我女返左一個月女校後我問她是否喜歡她的女校，她說很喜歡

歡迎光臨教育王國 (/)