教育王國
標題: 好差既面試經驗 [打印本頁]
作者: wrongmary 時間: 13-9-28 16:44 標題: 好差既面試經驗
分享下今日interview唔好既經驗：首先信寫9：40am去到，我地一家三口9：30到達登記，佢比左張名既貼紙貼係家長同小朋友身上，跟住就可以放低小朋友係度玩，然後有老師係度跟住你個名觀察你小朋友係度玩時既活動會紀錄底，佢地好ideal分左半個中一個section，我係第二個section，但去到已經好多人下，係多人到已經膊頭掂膊頭，咁我見係有老師係度觀察小朋友，咁等到10：30都仲未到我，但人就越黎越多登記，同我同一時段既都未有叫名，咁家長就開始有微言，話warm up都唔洗咁耐呀？就有家長去counter問，d老師就開咪答話因為d老師要逐個觀察，所以要需時1-1.5個鐘，有無搞錯呀，小朋友早起身，仲要玩到創晒先interview，佢地學校究竟有無經驗架？仲要d人有入無出，真係好多人同好嘈，d家長仲要一家大細老幼咁踩上黎，真係無跨張，好似行緊年宵咁逼，去到10：45，仲未到我地，我老公已經忟忟地想走，我就話即管等夠1.5小時，但我地都覺得就算收都唔會讀呢間，因為安排實在差，首先，你地明知要時間觀察，點解仲要安排得咁密呢？佢地根本就做唔切，亦都無理由要小朋友等咁耐個狀態差晒先黎in架嘛，我見有好多小朋友都開始唔耐煩，加上我好肯定係無人觀察過我個仔，佢地d安排真係超差，終於11：10岩岩1.5小時終於到我仔，咁佢地係小組形式進行既，亦分男女咁，我地係全男咁in，坐底晒老師講兩句就開始問家長大家覺得照顧小朋友上有咩難題呀，逐個分享啦，咁頭兩個媽媽都好正常地分享，老師都好有耐心地聽，咁去到一個媽媽既小朋友係度扭緊計發脾氣，佢就係咁易問下比佢講兩句就算，我個仔由於已經係出面玩左成個半鐘，已經玩開左，入到去都唔肯坐定定喇，個老師問我係咪平時都係咁，我話係呀，不過佢玩完會自己執返，就stop左喇！我果刻係覺得好唔公平，點解人地果d你比佢講咁耐，有係度返pg果個佢講得最耐，果刻我好肯定佢已經心中有數，根本我地家長答咩都係循例既姐，但都唔洗咁明顯呀，走果時仲頂癮，我心血來潮問佢in n定k，我係報n，但原來佢係in緊k囉，我果刻真係想爆架喇，回想起都唔知係咪因為我仔係細仔所以又無人觀察又比人斬斷我講野，好似孤兒仔咁，真係一肚火既經驗！
作者: Jane1983 時間: 13-9-28 16:57
邊間咁差？吾好太激氣，基本上年年interview都有d好離譜的事。
好似幾年前，我和老公帶小朋友去in，我地選用英文in，但佢安排左個教普通話的國內老師in我地。照用英文in，但佢d英文口音重到大人都聽吾明，何況細路。好彩吾係好心儀，但當時都覺得學校安排好荒謬。
作者: Goodway 時間: 13-9-28 16:59
N 同 K 同一組 in???
作者: ZELY1005 時間: 13-9-28 18:51 標題: 回覆：wrongmary 的帖子
請問係邊間?
作者: alison_0919 時間: 13-9-28 20:39 標題: 回覆：好差既面試經驗
邊區呀樓主，真係好離譜
作者: wrongmary 時間: 13-9-28 21:14 標題: 回覆：好差既面試經驗
灣仔小童xx會
作者: Jane1983 時間: 13-9-28 21:44
繼續努力！
作者: wrongmary 時間: 13-9-28 21:47 標題: 引用：繼續努力！
原帖由 Jane1983 於 13-09-28 發表
繼續努力！
作者: kyleebc 時間: 13-9-28 23:44
個人意見覺得如你俾得起錢，當然可以揀到最啱自己的學校給子女。所謂那些非牟利機構，旨在為草根階層能自力更生，提昇幼兒學習機會，教好D家長質素，想像下他們想揀的人不是你。從字裡行間知道你表達力不錯，深深感到你的不滿，完全貼題，。被佢揀中的，你話呢。哈哈哈••••
作者: notcool 時間: 13-9-29 00:04
>所謂那些非牟利機構，旨在為草根階層能自力更生，提昇幼兒學習機會，教好D家長質素
Many of the parents have good qualities in those 非牟利機構
作者: HealthyB 時間: 13-9-30 01:27 標題: 回覆：好差既面試經驗
我都中伏！！！從末試過貢差既interview!!
1)佢話1：30鐘等候時間有老師觀察，完全冇lor! 地方又細，人又多，但老師得幾個！
2）一個老師對7大7小，就貢比張紙bb畫畫，同時問家長一條question..就完！根本冇可能睇到d乜！
In完嬲到暈！
作者: cloudwingwing 時間: 13-9-30 08:14 標題: 回覆：好差既面試經驗
等個半鐘真的太耐
作者: j947 時間: 13-9-30 08:43 標題: 回覆：好差既面試經驗
我上年in九x靈xx（名校）要等+行上行落（行足佢成個校舍成至少4層樓）+超家長同小朋友，基本上等足1.5小時，但interview只係3分鐘都冇。
作者: humansky 時間: 13-9-30 22:19 標題: 回覆：好差既面試經驗
我舊年都in過這間，安排真係超差！門口無人睇，有d家長成架bb車擺係到，阻塞通道都無人理！我地都係等左差不多1小時才有得in,只係問得2-3分鐘，唔係個個家長有得答！今年仍無改善，超唔點！
作者: IamWongC9 時間: 13-9-30 22:42 標題: 回覆：好差既面試經驗
我舊年都有in依間，佢d安排真係超差，即係話佢完全冇改善過
作者: fredacheung 時間: 13-10-2 11:12
回復 wrongmary 的帖子
正! 講出晒我既feeling.. 我上年in n班今年in k1, 一樣咁多人,連換鞋既地方都無,叫人點換室內鞋! d人一家大細阿婆阿公哥哥姐姐一齊黎晒,間學校又細,位都無得企,叫d小朋友點玩? 上年side左30蚊,今年又side左50蚊報名費,豪比佢,當捐錢! 全程只問過我一個問題... 唉...
作者: Jessie730818 時間: 13-10-2 13:26
嘩, 安排真係好差喎, 謝謝分享!
作者: petercck 時間: 13-10-2 16:12
面試係要等架勒，
間間學校都係咁。
朋友擺酒，
主家梗會話「招呼唔到，飲多杯」，
學校面試人咁多，
「招呼唔到」都係難免既。
作者: Tzekiumommy 時間: 13-10-2 16:25
提示: 作者被禁止或刪除 內容自動屏蔽
作者: j947 時間: 13-10-2 16:54 標題: 回覆：好差既面試經驗
咁都比到家長睇清楚學校行政，管理能力，能唔能夠管理咁多人同學生，人手足唔足夠等等，總好過家長入學後先知學校的辦事能力，對大家都係好事黎。
作者: Tzekiumommy 時間: 13-10-2 19:08 標題: 引用：咁都比到家長睇清楚學校行政，管理能力，能
提示: 作者被禁止或刪除 內容自動屏蔽
作者: Tzekiumommy 時間: 13-10-2 19:11 標題: 引用：咁都比到家長睇清楚學校行政，管理能力，能
提示: 作者被禁止或刪除 內容自動屏蔽
| 歡迎光臨 教育王國 (/) |
Powered by Discuz! X1.5 |