教育王國

標題: 今天是排隊日.... [打印本頁]

作者: Deniseleung 時間: 13-9-27 21:24 標題: 今天是排隊日....

一早八點去排綠楊，三個鐘又曬又熱；再走去海濱排迦南兩個半鐘，焗到有d暈,真的累死了。

最陰公係見到d公公婆婆幫孫排，又多人又熱又曬，佢哋排到腰骨都伸唔直，鬈住腰咁企；大肚媽媽又係，個肚又大，又攰，一邊抹汗一邊撐住個肚....點解d學校咁安排㗎？？

作者: vip1114 時間: 13-9-27 21:32 標題: 回覆：今天是排隊日....

學校為了配合自己行政需要,唔理家長感受！過份！

作者: JoyceNgYY 時間: 13-9-27 21:56 標題: 引用：一早八點去排綠楊，三個鐘又曬又熱；再走去

原帖由 Deniseleung 於 13-09-27 發表
一早八點去排綠楊，三個鐘又曬又熱；再走去海濱排迦南兩個半鐘，焗到有d暈,真的累死了。:thinkin ...

恕我直言，那些要老人家排的，係不滿學校行政手法之前，是否亦應檢討自己點對待自己或另一半的父母？為什麼要老人家如此辛勞？我明白好多人要搵食未必請到假，但另一方面，又是否一定要非讀呢間不可？所以要老人家日曬雨淋？

所以，我更加敬佩那些陀住bb既媽媽都不辭勞苦都堅持自己排的。

作者: popomama2012 時間: 13-9-27 22:21

回復 JoyceNgYY 的帖子

我都同意，如果我同老公去唔到排隊又或者係要排通宵，我寧願唔報! 我接受唔到要家中的老人家去排隊!

作者: Deniseleung 時間: 13-9-27 22:41 標題: 回覆：今天是排隊日....

今年係第一次報學校，荃灣區都搞到咁，果間乜鬼嘢think,我已決定放棄

另，真係覺得呢d要排的學校別有用心，之前報過聖文嘉，寄去，欠咗d咩佢會寄返嚟話我知，幾好，唔駛咁辛苦；另外，啓思都安排得好，網上報又得，親身去填表又得，報名期又夠長，唔會製造人龍做勢

作者: margret_mama 時間: 13-9-27 23:40

思博 (Swindon) 都唔使排隊，安排得好好。

作者: Filang 時間: 13-9-28 10:17 標題: 回覆：今天是排隊日....

我都覺得工作安排許可就自己去排，始終係父母既責任，但pn既選擇真係唔多，排隊某程度上在所難免。。。
不過，如果連攞form都要排，我情願唔報，因為學校操守有問題，上網download咁簡單既方法都唔用，肯定好commercial....

作者: Potato001 時間: 13-9-28 17:55 標題: 回覆：Deniseleung 的帖子

我唔知其他學校係點，不過星期五下午去迦南交表，全程只用了五分鐘，收表前有個老師會睇下張表，見到有問題會提醒家長，如有啲人住得遠，但想有校車，會提你校車最遠去到邊度。上下午都有揀，叫你填番priority，都幾有用。當然，有得上網交會方便啲，但會多咗好多係又報唔係又報嘅家長。

歡迎光臨教育王國 (/)