教育王國

標題: 老師投訴-上課唔專心 [打印本頁]

作者: sumyau1012 時間: 13-9-27 08:36 標題: 老師投訴-上課唔專心

老師話阿女上課唔專心，成日聽漏野，今年二年級。同一日與一年級班主任通電話，都係阿女成日上課時好似唔專心，但叫佢答問題時，又明白，其實好似唔專心，但又聽到老師講課，可能佢可以一心二用。成績中上。有無人有經驗，我應該點處理。

作者: JJDBB 時間: 13-9-27 12:53 標題: 回覆：老師投訴-上課唔專心

我小朋友系可以一心兩用，老師冇打來投訴，只是見面有傾兩句，可能問書時又答到....其實由k2時老師已講過這情況。
現在，我每天提佢專心，上課時識都要尊重别人，聽老師講，這是礼貌。

作者: 囝囝mama 時間: 13-9-27 13:00

本帖最後由囝囝mama 於 13-9-27 13:03 編輯

回復 sumyau1012 的帖子

我大囝都試過比老師話佢唔專心!!!無用眼晴望住老師!!只用耳仔聽書!!比人感覺唔專心!!成績中游!!!!我教佢要望住老師!!!再無投訴!!!

作者: aeiou_drm 時間: 13-9-29 17:15

本帖最後由 aeiou_drm 於 13-9-29 17:16 編輯

我仔小四, 年年都有老師話他上課唔專心，但又聽到老師講課，成績上游. 果日我見兒科醫生, 就問下啦, 因為唔知會不會專注力有問題, 點之醫生話

我又唔見他走來走 ..... 可能他上堂時個樣比老師覺得發緊夢....

小朋友專注力一般只有 15 mins ... 所以不太擔心. 而且一般老師都是比較嚴.

作者: ngkwaiyee 時間: 13-9-29 20:31

我大仔由細到大上堂都唔專心,小一上堂時曾經上上下堂除咗隻鞋玩腳趾,又試過無端端企起身望窗外風景,見家長由小學見到中學,成績中上,問過家庭醫生唔係過度活躍,其實係佢覺得上堂既嘢太淺,可能15分鐘佢經已明晒,但老師講成個鐘,仲可能一星期重覆幾次,其實都要問返佢點解會咁,其實當佢大個少少會好D......

作者: jojoplanet 時間: 13-9-30 09:59

JJDBB 發表於 13-9-27 12:53
我小朋友系可以一心兩用，老師冇打來投訴，只是見面有傾兩句，可能問書時又答到....其實由k2時老師已講過這 ...

我個仔又係呀. 先生無投訴但上星期見到班主任問佢佢話阿仔唔專心但問佢又識答, 理解能力都幾好. 我問佢做乜唔專心, 佢話佢有聽架但搞其他野啫, 因為佢話佢己識喎,

佢之前話佢成日舉手答問題但數學老師成日唔比佢答, 我咪話你要尊重老師要專心人地先會尊重你啦..

我個仔由KG到而家, 先生話佢係比較活動形.

作者: debby1328 時間: 13-9-30 12:49 標題: 回覆：老師投訴-上課唔專心

我仔仔二年班，又係比老師話吾專心，吾係老師特登講，而係我問佢嘅。手冊永遠寫吾齊，手冊課本又成日留低係柜桶吾記得帶返企....

幾次默書都搞到溫習吾到。

作者: sumyau1012 時間: 13-9-30 13:14 標題: 回覆：jojoplanet 的帖子

我個女三課主課老師都話唔專心，上課時成日周圍望，又玩文具，老師又係話理解能力高。不過近排就話佢抄漏手冊，聽漏功課。中文老師係投訴tim

作者: zooweemama 時間: 13-10-4 01:22

sumyau1012 發表於 13-9-27 08:36
老師話阿女上課唔專心，成日聽漏野，今年二年級。同一日與一年級班主任通電話，都係阿女成日上課時好似唔專 ...

你們所說的不專心等等，甚至倒蛋行為，我小朋友小學一直有這問題，他二年級時問題十分嚴重。檢查過發現他有ADHD，要藥食，不過極少服用。詳細你參考一下我的帖子「KTS九小」，希望能幫到你。

作者: zooweemama 時間: 13-10-4 01:24

回復 zooweemama 的帖子

我歸咎於吃奶粉大就是這樣的，哈哈，很hyper!

作者: sumyau1012 時間: 13-10-4 20:46 標題: 回覆：zooweemama 的帖子

好多謝你的回覆，我睇左你的分享。在k3時已經在政府睇過，醫生說她沒有影響學業，而且回答醫生的問題很有智慧，比起同年好。所以不認為有病，只是比較好動，不能停手。我係咪應該再找醫生睇下？
另外可唔可以分享多小小你當時的處理方法。我實在唔知點好，又唔想成日話佢，攪到失去自信，佢自專心好強。

歡迎光臨教育王國 (/)