教育王國
標題: 有冇媽媽選擇放棄上N班？ [打印本頁]
作者: angel-papa 時間: 13-9-26 23:06 標題: 有冇媽媽選擇放棄上N班？
因亞B一返N班就病足兩個月！醫生都睇了八丶九次！心都痛晒！經醫生建議，決定放棄返N班，等出年先讀K1。
但見亞B一個在家又好似好悶咁！有媽媽做同樣的決定嗎?
作者: obyau16 時間: 13-9-26 23:55 標題: 回覆：angel-papa 的帖子
提示: 作者被禁止或刪除 內容自動屏蔽
作者: amyzz 時間: 13-9-27 00:02
由於仔仔今年未夠年齡入讀N班， 所以打算直接明年入讀k1
作者: macmate 時間: 13-9-27 00:46 標題: 回覆：有冇媽媽選擇放棄上N班？
我有自己教我女自理，認知等……so far，佢識自己揸筷子食麵，挾餸食飯，自己著鞋著袜。因某啲原因冇俾佢返n班，不過有每星期上2-3堂私人學前準備班，每日有2小時課程中有1小時英文及1小時普通話/廣東話，主題教學，有大小肌訓練，又有phonics，茶點等，其實都等同返緊n班，不過超小班，得4個小朋友1班，不過咁返法都唔係平就真，但個人認為性價比絕對值得，而且有病假，唔洗有啲人當小朋友病都仲帶佢哋返去散播細菌。
我响出面偷睇上堂見到個個都好開心，雖然只返咗個零月，但已經見到阿女叻咗，有啲嘢我冇教都識講番俾我聽。 黎緊考k我都對佢好有信心！所以我覺得返唔返n唔係重點，但家長點幫小朋友準備先係最緊要。
講到好似賣緊廣告咁，但我唔係，所以唔洗問我喺邊間返，我唔想好似幫人賣廣告 :;pppp:
作者: Arashi_nam 時間: 13-9-27 01:59
我B係龍囡，理應張羅緊dPN班，但我先生就好反對咁細就要返學，因為佢身邊好多朋友D仔女一讀PN就病，一個月就請病假半個月，又話頭半年返都吾知做麥，返到去就一個喊完到一個，情況失控，亦都覺得咁細理應需要阿媽多於一切，（因為我遲職全程湊女），佢既堅持我都明白，只好找D play group上，等阿囡學習同人溝通，但作為阿媽既我眼見個女D性格比較牛王頭，亦都驚住吾讀PN班到時跑K1幼稚園機會會少過其他有讀既小朋友，龍B眼見真係太多啦！真係驚到時好學校難求，依家剛報左play group比佢試下反應，之後到兩歲都想報D兩歲班上，（我見到有D班好似返學咁樣，毎日兩個鈡頭，返足5日，全程英文教授，例如JollyKingdom）各位為人父母既可否分享一下意見，我驚我選擇錯誤，亦都有無一D好選擇係for兩歲小朋友學前班，比些意見。THX!!
作者: micman 時間: 13-10-20 03:49 標題: 回覆：Arashi_nam 的帖子
點解小朋友一定要返N班先係好？我大女係我自己一手一腳湊，從來無讀過N班或返過一日playgroup，因為我堅信自己湊會知道個女進度係邊？可以自己教唔駛嘥錢。
或者你自己信心不足，但我可以講係：
1.我從來無諗過要小朋友讀名校或者做資優生。所以我無報任何N班或者playgroup
2. 我只係想小朋友返學無咁攰，所以揀校時要求原區。雖然係原區，我都揀區內個人認為最好、最少雙非嘅幼稚園
3.小朋友返學係學習知識，如果你一早已經催谷佢學呢樣學果樣，只會剝奪佢學習興趣，到佢返K1時只會唔專心，因為佢已經學識咗，仲點解要返學聽老師？
我只想我嘅小朋友童年時係開開心心，掉返轉頭諗下你自童年係點過？我相信你自己都希望自己童年時唔係日讀夜讀、過一啲非人生活
我大女而家K1，但我一樣課外活動都無幫佢報，直到佢出聲想學我先會幫佢搵，因為興趣唔係迫出嚟，係要自己發掘，到時到候佢自然會話你知，你迫佢學係無用！
之於你話驚interview時會蝕底，我從來無驚過。係屋企我會自己教佢認ABC、數123、認圖形、顏色、夠佢interview用就算。最多時間係講故事，因為佢聽我講故事時可以學到詞彙、睇到繪畫，從而有邏輯思考、講故事能力。
而家細女我都係咁做，細女係兔尾B，會同龍B爭幼稚園學位，但我都無驚過。只要信自己有能力教好個女、俾最好嘅嘢佢，咁點解要假手於人？
希望你睇完會明白，母愛勝於一切。只要我地有能力，點解要俾小朋友咁快受苦去讀書？佢有心讀自然會努力、否則只會浪費自身氣力，得不償失！
媽媽之路不易行，共勉之！
作者: tsangnamnam 時間: 13-10-20 08:59
返n班返冇幾耐就要考k, 其實對考k幫助唔係咁大。
返n好處我覺得係可以有機會同其他小朋友相處，喺一個大家都冇家長在場嘅地方相處。n同playgroup唔一樣，喺n有好多時間唔係學緊知識，而係學緊相處，自理。喺學校，要去廁所，要排隊等，唔可以等到last minute先講要去，到時又趕唔切。喺屋企，玩到最急先去都仲得。哩少少分別，屋企setting好難做到。
作者: hkbabiesBB 時間: 13-10-21 22:09 標題: 回覆：有冇媽媽選擇放棄上N班？
如果樓主唔需要返工,可選擇唔上n 班,自己教或只報出面的playgroup校也可~現在很多人報n係因為媽咪要返工不能親自教自理才把小孩送進n班學野,獨立及自理(好過留在家被嫲嫲/婆婆/工人姐姐寵壞)有得揀既話,寧願自己身為阿媽自己教番~小朋友都乖d ~
作者: wan_sosin 時間: 13-10-21 23:41
支持唔返n班!我仔仲要大仔,都等到3歲幾先返K1!我返而好珍惜唔洗返學嘅日子,小朋友一旦返學,就要返十幾二十年,真係無憂無慮嘅時間好少!
作者: dell-bk 時間: 13-10-22 14:47
題外話：其實 N 班係 K1，樓主應該係講緊 PN﹖
作者: fafapot 時間: 13-10-23 01:03 標題: 回覆：有冇媽媽選擇放棄上N班？
我都放棄左唔讀 pn：
1· 見到個個响校車釣魚……好明顯唔夠瞓
2· 個個都話三兩日又要睇医生
3· 小女比較容易同其他大人細路溝通，冇急切需要提升技能
4· 自理 ok
5· 對答如流，有時大人講野佢識答咀
6. 認知 ok, 佢成日問人咩黎，做乜野去了解唔同人和事。其實佢好多野都知係咩，當我反問佢，佢會識講反出黎
7· 甘早返學，我自己都起唔到身，何況我個囡要瞓十二個鍾
8· 唔想呢頭食完奶，果頭就上車，會呕
9· 褓母教得佢好好
10· 可以去多幾次旅行
由於以上因素，我選擇比佢玩下先，大家 happy
作者: maylulu 時間: 13-10-23 11:50
回復 fafapot 的帖子
Are you a working mom? If so, could you share your experience in teaching your daughter during your off-work time? Thanks!
作者: ballg 時間: 13-10-24 12:57 標題: 回覆：有冇媽媽選擇放棄上N班？
返同唔返都有好處！如果返得唔好，成日病，咁就停啦，好返怕悶就上pg，一樣學到嘢！
作者: Englandbaby 時間: 13-10-24 13:58 標題: 引用：因亞B一返N班就病足兩個月！醫生都睇了八丶
原帖由 angel-papa 於 13-09-26 發表
因亞B一返N班就病足兩個月！醫生都睇了八丶九次！心都痛晒！經醫生建議，決定放棄返N班，等出年先讀K1。:to ...
我是支持返N班，小朋友可接觸不同的教育方法，多元化的玩具教材，同輩之間的接觸等。大家共勉之！
作者: CC816 時間: 13-10-24 18:24
micman 發表於 13-10-20 03:49 
點解小朋友一定要返N班先係好？我大女係我自己一手一腳湊，從來無讀過N班或返過一日playgroup，因為我堅信 ...
作者: fafapot 時間: 13-10-25 19:21 標題: 引用：回復+fafapot+的帖子
Are+you+a+working+m
原帖由 maylulu 於 13-10-23 發表
回復 fafapot 的帖子
Are you a working mom? If so, could you share your experience in teaching your ...
| 歡迎光臨 教育王國 (/) |
Powered by Discuz! X1.5 |