教育王國
標題: 係咪好殘忍呢？ [打印本頁]
作者: swng21 時間: 13-9-24 21:52 標題: 係咪好殘忍呢？
事緣小兒同姨娚女係婆婆湊開，婆婆很疼愛佢地，原本打算係南區直升小學，但發覺原來小學功課比想像中深，於是打算帶小兒回自己區讀小學方便跟進功課，但婆婆好唔願意，認為由佢照顧最好，最初極力反抗，我亦為此事同婆婆嘈過，又好言相勸過，雖然係我個仔，但總覺得自己好似夾硬帶走佢，雖然已經交咗表係自己區學校，但心總覺得唔舒服，雖然婆婆無再講咩，但語氣之間好像很誨氣，到底我係咪做錯呢？
作者: 雪雪媽 時間: 13-9-24 23:02
本帖最後由 雪雪媽 於 13-9-24 23:12 編輯
swng21 發表於 13-9-24 21:52 
事緣小兒同姨娚女係婆婆湊開，婆婆很疼愛佢地，原本打算係南區直升小學，但發覺原來小學功課比想像中深，於 ...
似乎婆婆好emotionally attach to 你個仔喎！我諗佢都係一時間接受唔到，也以為自己做得不夠好（負面D講：打完齋唔要⋯⋯）。婆婆也可能冇諗過而家跟功課同N年前真係冇得比（我99當年也以為自己掂，最後咪一樣投降），況且你日日咁走去跟功課，也不是長遠辦法。㨂了一間唔啱小朋友嘅學校，之後問題更多！
不如買本補充練習，讓婆婆瞭解下而家的學習要求，可能她有另一番體會。
最後一句：兩母女邊有隔夜仇㗎？加油！
作者: swng21 時間: 13-9-24 23:39 標題: 回覆：係咪好殘忍呢？
最煩係，我姨娚女今年三年級，都係我媽同我哥教功課，佢地都清楚啲功課係點，所以我要帶佢番唻嘅理由對佢唻講唔係理由，佢同我兒講，話我唔俾佢湊，唉…我都唔知講咩好！而家想同阿媽傾下學校嘅野，我媽一句話唔駛佢搞就唔會再理，落咗閘，所以我都唔夠膽再提！
作者: 雪雪媽 時間: 13-9-25 00:07
本帖最後由 雪雪媽 於 13-9-25 00:58 編輯
swng21 發表於 13-9-24 23:39
最煩係，我姨娚女今年三年級，都係我媽同我哥教功課，佢地都清楚啲功課係點，所以我要帶佢番唻嘅理由對佢唻 ...
阿哥係姨甥女爸爸？
跟一個同跟兩個係兩回事，姨甥女出年四年級開始緊張，有D學校已經分精英班丶補底班各自各精彩，為咗跟你個仔會唔會忽略咗另一個先？呢度好多父母都話跟兩個會跟到氣咳⋯⋯冇理由佢地做到氣咳你就印印腳㗎？！希望呢D理據可説服婆婆，畢竟你都係做番你份內事，大家都想兩個小朋友得到最好嘅嘢。
唉，都係意氣用事居多，如果婆婆唔想講咪遲D先算囉，你阿哥嗰度有冇計傾呀？
作者: talent2000 時間: 13-9-25 01:34
提示: 作者被禁止或刪除 內容自動屏蔽
作者: swng21 時間: 13-9-25 01:39 標題: 回覆：係咪好殘忍呢？
我阿哥係兩個細路仔嘅舅父，超錫佢地，人地唔知仲以為係佢地爸爸，姨娚女係我家姐個女，我哥都唔想我帶走，所以無得傾，唯有等事情過一排先算啦！
作者: swng21 時間: 13-9-25 01:40 標題: 回覆：talent2000 的帖子
點解咁講呢？
作者: swng21 時間: 13-9-25 01:41 標題: 引用：你可能會發現遲啲她好像老了很多。
原帖由 talent2000 於 13-09-25 發表
你可能會發現遲啲她好像老了很多。
作者: swng21 時間: 13-9-25 01:44 標題: 回覆：係咪好殘忍呢？
其實我媽身體唔係太好，加上我都想見個仔多啲，所以先把心一橫決定帶佢番唻，但我媽覺得我望子成龍會迫死佢，又話我根本搞唔掂！唉…
作者: luluhaha 時間: 13-9-25 05:19
你們家真有愛訝，我家長輩沒一個願意湊孫的，自己看戲旅行不知幾逍遙，不過要想想小朋友的感受，小孩的意願你只字未提。妳家姐個女小三還在寄人樆下，女孩真的無所謂嗎？父母的責任又是什麽？
作者: swng21 時間: 13-9-25 08:47 標題: 回覆：係咪好殘忍呢？
其實較早前我已經同小兒好好傾過，佢話係邊度讀都無所謂，我亦將我嘅理由儘量簡單地告訴佢，當然我明白有表姐陪佢，又有咁錫佢嘅家人24小時陪佢會比較開心，但私心下都希望帶佢番唻，我倆一樣好錫佢，會盡力照顧佢。至於我姨娚女，的確較難，因為我姐兩公婆返工工時長兼唔定時，係婆婆度湊的確係萬全。我都唔會咁自私，一啲都唔顧小朋友嘅感受！
作者: tsimtsim 時間: 13-9-25 08:48 標題: 回覆：swng21 的帖子
我大仔細個都是跟奶奶住，因晚放工，個時星期六日先帶個仔返屋企，好掛住個仔之餘，也好內疚！到k2終於決定請工人，同個仔一齊住！你阿媽唔捨得個外孫，難道你成日和個仔分開住，你又捨得嗎？
作者: swng21 時間: 13-9-25 09:11 標題: 回覆：係咪好殘忍呢？
我都唔捨得，但婆婆花咗咁多心機湊佢，我就好似一下子要帶佢走，我自己心裡面不舒服！很矛盾……
作者: IloveJJ 時間: 13-9-25 09:14 標題: 引用：其實較早前我已經同小兒好好傾過，佢話係邊
提示: 作者被禁止或刪除 內容自動屏蔽
作者: swng21 時間: 13-9-25 09:17 標題: 回覆：係咪好殘忍呢？
其實係阿媽含辛茹苦，唔忍心見佢唔開心！
作者: 雪雪媽 時間: 13-9-25 09:31
swng21 發表於 13-9-25 08:47
其實較早前我已經同小兒好好傾過，佢話係邊度讀都無所謂，我亦將我嘅理由儘量簡單地告訴佢，當然我明白有表 ...
如果你願意付出精神與時間（在職媽是很辛苦的全天候工作），我相信對整個家庭長遠是好的！
作者: swng21 時間: 13-9-25 09:37 標題: 回覆：係咪好殘忍呢？
其實我有心理準備會辛苦好多，都有諗過縮沙，但好似雪雪媽話齋，係長遠嘅事情，對小朋友亦有很大程度影響，所以唯有狠心一點去做啦！心裡面對媽媽很內疚，因為媽媽實在無私幫咗我太多太多！
作者: CHIULHJ 時間: 13-9-25 10:19
子女跟父母一起生活是理所當然的，照顧子女也是父母不可逃避的責任，我認為若非不得巳，才會把子女交給別人照顧。
婆婆和舅父固然會不捨小孩搬回你家，唯有假日時多去探望他們。
作者: swng21 時間: 13-9-25 11:10 標題: 回覆：係咪好殘忍呢？
唉…唯有係咁啦！我會努力㗎！希望日後媽媽會睇得開！:;pppp:
作者: ha8mo 時間: 13-9-25 11:33
提示: 作者被禁止或刪除 內容自動屏蔽
作者: swng21 時間: 13-9-25 12:18 標題: 回覆：係咪好殘忍呢？
我明嘅，仔係我要生，我責無旁貸，只不過掉番轉阿媽唔想啫！
作者: tsimtsim 時間: 13-9-25 13:53 標題: 回覆：swng21 的帖子
老人家，過一排就會接受啦！
作者: tsimtsim 時間: 13-9-25 13:55 標題: 引用：老人家，過一排就會接受啦！
+
原帖由 tsimtsim 於 13-09-25 發表
老人家，過一排就會接受啦！
作者: Jane1983 時間: 13-9-25 15:46
仔女梗係自己帶好，感情都吾同，老人家遲早會get over。
我自己吾係父母揍大，都好遺憾，你在做正確的事，支持！
作者: Truemum 時間: 13-9-25 18:32
同阿媽講, 你都係為咗d仔女好. 仔女始終要跟番父母. E+年代唔同以前, 學校覺得d學生唔同父母住, 會以為佢家庭有問題, 會對個學生有唔好既影響. 另外, 將來個子女可能會怪父母點解唔同佢住, 係咪唔愛錫佢, 到時親子關係就有問題! 我支持樓主接回子女同住.
作者: swng21 時間: 13-9-25 21:17 標題: 回覆：係咪好殘忍呢？
多謝各位嘅支持同意見，但每次見到阿媽嬲爆爆咁，唔想瞅唔想睬咁，好唔開心！
作者: kwokbobo 時間: 13-9-25 22:39
swng21 發表於 13-9-25 21:17
多謝各位嘅支持同意見，但每次見到阿媽嬲爆爆咁，唔想瞅唔想睬咁，好唔開心！
...
明白老人家會唔捨得, 但我覺得你媽媽有d自私, 點解要你地母子常分開, 小朋友的關係要從小建立, 時間過左就追唔番。你地細個時係咪你媽媽照顧??還是比人湊??如果你地小時都係你媽媽自己湊, 點會唔明做媽媽的, 會更想見自己的仔女。你媽媽的行為, 我覺得係自私。
作者: hadwinboy 時間: 13-9-25 22:41 標題: 引用：多謝各位嘅支持同意見，但每次見到阿媽嬲爆
原帖由 swng21 於 13-09-25 發表
多謝各位嘅支持同意見，但每次見到阿媽嬲爆爆咁，唔想瞅唔想睬咁，好唔開心！
...
作者: candy_kiki2005 時間: 13-9-25 22:56
回復 swng21 的帖子
不如用軟功，買份禮物話係你同囝囝一齊送畀婆婆，報答婆婆甘多年既辛苦照顧.
作者: luluhaha 時間: 13-9-25 23:14
kwokbobo 發表於 13-9-25 22:39
明白老人家會唔捨得, 但我覺得你媽媽有d自私, 點解要你地母子常分開, 小朋友的關係要從小建立, 時間過左就 ...
作者: Jane1983 時間: 13-9-25 23:23
咁如果婆婆長期都吾捨得，你成世都吾接個仔返去一齊住？
可以氹佢、可以講道理求佢理解，再不瞅不睬，老人家亦太不近人情，就唯有遲d再算。
作者: swng21 時間: 13-9-25 23:39 標題: 回覆：係咪好殘忍呢？
其實可以講嘅，我都講晒！怪就怪我兒入幼稚園呢年幾我從來無諗過湊番唻，對媽而言，我臨報入小一前半年先改決定就如一個炸彈一樣毫無心理準備，我自問脾氣烈，我媽有過之而無不及，我都儘量低聲下氣緩和氣氛，但係好像無咩成績，可能我媽見最後都勸唔服我，我又遞咗表無彎轉，所以嬲我囉！我唔想咁，但真係唔知可以點！有時夜欄人靜時，個腦就不斷係度左諗右諗，再係咁，睇怕係我會抑鬱多過我媽有！
作者: swng21 時間: 13-9-25 23:41 標題: 回覆：係咪好殘忍呢？
我媽原本話叫我中學先帶佢番唻，但係小學係關鍵，如果中學先執佢嘅進度，恐怕太遲！唉…總之就煩啦！
作者: swng21 時間: 13-9-26 08:32 標題: 回覆：係咪好殘忍呢？
不過話時話，如果唔係得我媽對小兒無微不至嘅照顧，我亦唔可以專心番工同讀書，我自問一定無媽媽做得咁好，只求盡力，但求媽媽會早日釋懷！
作者: happy_lavender 時間: 13-9-26 17:04
人總要成長，你媽媽要學懂放手，你將來亦然，不然對大家都不好。
作者: 新地 時間: 13-9-27 11:51
只係時間問題姐, 唔好話係婆婆, 我囡囡出世後由媬母ee揍大, 每日放工才接囡囡返來, 到將近小一, 囡囡同ee講讀小一就唔駛佢揍, 因放學後會去補習社, ee都忍唔住喊, 畢竟對住6年, 有感情架, 同埋好認同揍小朋友係佢嘅精神寄託, 樓主你俾多d時間媽咪去消化啦, 可以每個星期五, 六去婆婆度住一晚, 令婆婆, 仔仔同你都好
作者: kmpurin 時間: 13-9-27 16:17 標題: 回覆：係咪好殘忍呢？
我係全職媽媽湊2 個無工人，婆婆由細佬出世開始日日過黎幫手，星期六日就唔黎，幫咗成年啦，佢有時星期六都會話好無聊唔知做咩好。因為婆婆都習慣咗日日見到個孫呀！
比時間你媽咪啦
| 歡迎光臨 教育王國 (/) |
Powered by Discuz! X1.5 |