教育王國

標題: 嬰幼兒時期可否看出是否adhd/asperger? [打印本頁]

作者: kyobi 時間: 13-9-24 00:10 標題: 嬰幼兒時期可否看出是否adhd/asperger?

我個仔15個月大, 出世無耐就已經係郁得好多, 可以食飽奶之後瞓喺床keep住踢一個鐘腿完全無停, 然後哎食下一餐奶, 中間完全唔瞓, 初生只瞓10-12個鐘一日, 日頭只瞓1-2次晏覺, 每次30-60分鐘, 而家都係瞓差唔多時間。

佢各樣發展都慢少少, 識轉身識坐識爬識放手企都遲一兩個月, 而家仲未可以唔扶住行, 但係就超級活躍一日爬嚟爬去爬到黑。

行為方面, 如果佢做唔到既嘢（例如開唔到樽蓋, 攞唔到盒入面既嘢就會發好大脾氣, 掉嘢）, 未識講嘢, 間唔鐘講「媽」, 「嗲」, 「爸」呢啲單字, 但唔肯定佢係唔係有意識定咁啱撞彩。

叫佢會比反應, 會有eye contact, 舉機影相9成笑, 見人都多數笑, 鍾意轉既嘢會, 但唔係特別沉迷。

我咁問可能會俾大家覺得我係怪獸家長, 但因為個仔樣樣發展都慢人少少 , 又大脾氣, 所以好擔心佢係咪有咩問題, 如果有, 想早啲開始治療幫下佢。

唔該晒各位媽咪先, 希望你地啲仔女越來越乖越來越聽話。

作者: chowqv 時間: 13-9-24 10:32

kyobi 發表於 13-9-24 00:10
我個仔15個月大, 出世無耐就已經係郁得好多, 可以食飽奶之後瞓喺床keep住踢一個鐘腿完全無停, 然後哎食下一 ...

以我個仔為例：

ADHD-未確診，就算確診左，都睇唔出，佢學校既老師都唔多覺。

自閉-一樣係，到家下我就算講，人地都未必信。如果自閉伴隨有智力問題，先會bb時期就睇得出。

作者: llam1210 時間: 13-9-24 18:51 標題: 回覆：嬰幼兒時期可否看出是否adhd/asperger?

15個月未能扶住行係有少少慢，我仔9個人已扶住sofa行來行去。不過健康院會有check肌肉有冇太硬太軟，如冇講可能只係慢少少。

作者: kyobi 時間: 13-9-24 20:24 標題: 引用：15個月未能扶住行係有少少慢，我仔9個人已

原帖由 llam1210 於 13-09-24 發表
15個月未能扶住行係有少少慢，我仔9個人已扶住sofa行來行去。不過健康院會有check肌肉有冇太硬太軟，如冇講 ...

15 個月可以扶住行, 但唔識放手自己行

作者: llam1210 時間: 13-9-24 22:50 標題: 回覆：kyobi 的帖子

咁又唔係遲喎媽媽，等待佢ready啦

作者: HaYi 時間: 13-9-26 15:01

應該未睇得出, 最好由家長加強觀察住先.

作者: bearclub 時間: 13-10-4 02:38 標題: 回覆：嬰幼兒時期可否看出是否adhd/asperger?

咁佢小肌肉如何？例如識唔識疊高三粒積木、穿珠、放野入杯等等。

作者: kyobi 時間: 13-10-4 22:51 標題: 引用：咁佢小肌肉如何？例如識唔識疊高三粒積木、

原帖由 bearclub 於 13-10-04 發表
咁佢小肌肉如何？例如識唔識疊高三粒積木、穿珠、放野入杯等等。

放嘢入杯ok , 穿珠未穿過, 疊高疊到, 但唔整齊

歡迎光臨教育王國 (/)