教育王國

標題: 已評估為ADD, 成績合格多D，你地会食藥 [打印本頁]

作者: TTJTMaMa 時間: 13-9-23 23:46 標題: 已評估為ADD, 成績合格多D，你地会食藥

医生話升中科目多，就比較辛苦，提意現在用藥，对呈分有幫助，你地点睇？請各位比D意見！

作者: HaYi 時間: 13-9-24 15:52

我識人都係高小cfm ADD, 我覺得值得一試.

作者: giftedpig 時間: 13-10-3 15:30

我個仔 gift and adhd，小一做評估，上專注班同社交小組，到現在小三，冇食藥，成績中上，但社交超差，冇朋友，自制差，在校多投訴，我是否都要考慮食藥去減輕大家的壓力，已好累了

作者: Carriecheun 時間: 13-10-3 15:44

我初初都好抗拒食藥, 幼稚園個個小朋友都話曵, 成日俾老師投訴. 無朋友及無人肯同佢玩, 今年升小一, 暑假開始食藥, 成個人定咗, 可以抄齊手冊, 之前嘅幼稚園同學都話佢依家係個乖孩子. 所以食藥都無壞呀!

作者: giftedpig 時間: 13-10-3 15:59

但所有的投訴都是一些冇傷害別人的頑皮野(當然我唔想見到有傷害他人的行為出現)，我都日日擔心他會闖禍，在家，佢ok喎，但在校就唔得。social class 導師話百厭野啫，又唔係同誠信or 做傷天害理的事，可唔食藥，要我學會預左係要接投訴，但我真有點累了，好struggle

作者: Carriecheun 時間: 13-10-3 16:16

係呀, 係無傷害同學野, 但好多百厭野就討人厭架啦, 阿囝會騷擾同學上堂. 如同人傾計, 攪人地d野, 所以老師成日投訴. 試過有一次坐校車回家, 校長咁啱跟車, 好攰咁閉目養神, 阿囝居然走去掀起校長嘅眼皮. 校長係好耐之後有次講起. 所以食藥真係可以幫佢控制自己.

作者: giftedpig 時間: 13-10-3 16:33

真的嗎，自制能力真的好d 嗎？現在最大問題就係自制力差，都已經成日俾人罰啦，仲唔識死同收斂，係咪呢類小朋友唔怕罰？成日提佢唔好做呢樣唔好做嗰樣，有賞有罰，都仲要撞板，真係好累

作者: ReikoLau 時間: 13-10-3 17:38 標題: 回覆：已評估為ADD, 成績合格多D，你地会食藥

唔好意思，我小朋友6歲，佢只係有ADHD，但都要食藥，其實唔係小朋友想曳，想比人投訴架，佢地都好想比人讚架，但奈何佢地係完全控制唔到佢自己而去做出啲曳的行為，所以家長都要體諒下你個小朋友呀，唔好剩係識鬧佢，小朋友會好可憐架，連自己最親的家人都唔明白佢！
我其實都好唔想比我仔食藥架，但係睇住個仔成日比同學仔排擠，唔願同佢玩，成日比老師責罰，同學就認定佢係曳學生，唔同佢玩，我覺得個仔好慘，所以先決定比佢食藥，食藥後，真係定左好多，可以控制到自己，至少可以喺上堂時做到老師要求佢做的事，唔食藥，叫佢十聲，佢先會應你一聲，但食左藥，叫一聲就已經識比反應你，真係差好遠呢！不防考慮下！

作者: giftedpig 時間: 13-10-5 15:33

超讚媽媽

作者: HaYi 時間: 13-10-7 13:57

對呵, 我覺得高小了, 要守的行為更多, 大家要求又高, 如果說人大些控制能力會好, 他們已大個了, 如都冇改善, 就未必是年紀大些會改善到, 試下食藥都是一條出路, 況且此些藥不是保試有效, 成功加強到控制力而少副作用的就真是好好彩.

作者: TTJTMaMa 時間: 13-10-7 22:56 標題: 回覆：HaYi 的帖子

阿仔問題只是入得慢忘記得快，只在讀書方便，行為良好。

為了取高分而食藥值得嗎? 我好矛盾，唔想為分數而影響阿仔，但又如果佢本能係得，但因為有ADD而令成績下退而失信心，甚至放棄自己，咁又点算呢!

作者: TTJTMaMa 時間: 13-10-7 23:10 標題: 引用：真的嗎，自制能力真的好d+嗎？+現在最大問

原帖由 giftedpig 於 13-10-03 發表
真的嗎，自制能力真的好d 嗎？現在最大問題就係自制力差，都已經成日俾人罰啦，仲唔識死同收斂，係咪呢類 ...

各位媽媽，如果小朋友有AH過度活躍，多嘴，難控制情緒，就要考慮食藥，因為冇學校接受這類學生，容易被label 為壞學生，同學和家長們唔理解，社交也變成一個大問題大障礙。

作者: lillymarie 時間: 13-10-8 10:11

TTJTMaMa 發表於 13-9-23 23:46
医生話升中科目多，就比較辛苦，提意現在用藥，对呈分有幫助，你地点睇？請各位比D意見！

...

其實ADHD藥只是短暫性的，若沒出現問題，可食可唔食。如果是我的孩子，我會試藥三個月看看前後效果如何。若副作用太大，又或者學習進步不顯著，可以立即停藥。

作者: HaYi 時間: 13-10-8 12:57

對呵, ADD 比ADHD 稍好的是他們不會動來動去, 起碼少影響他人, 但不集中而引發的成績差會令已大左的小朋友很辛苦, 有的會引致消極, 有的會引致對抗性. 尤其是升中後. 如是我都會選擇食下試下, 過左升中此階段, 如果有效就繼續, 無效就停.

其實照計大的比小的小朋友相對較少受負作用影響, 例如可能引致體重輕, 細的小朋友已好輕, 再輕好似好慘, 但大的小朋友會相對不太覺.

作者: HaYi 時間: 13-10-8 13:29

giftedpig 發表於 13-10-3 15:30
我個仔 gift and adhd，小一做評估，上專注班同社交小組，到現在小三，冇食藥，成績中上，但社交超差，冇 ...

我其實好懷疑社文小組可以做D咩,
我個仔而家小二亦是在幼稚園時己check出輕微ADHD, 因為了解最有效的可能是食藥, 但又想拖得就拖小三之後先再睇要不要食, 所以而家一路又排番政府再跟進, 一路又自己安排社交小組同一些其它的野去幫下佢處理情緒控制的問題.

只是社交小組導師次次對我們大人說他好乖又好有進步, 其實我知道他是很叻, 可以叻到"怕煩"不想去此些活動, 就在那兒扮乖仔, 結果返家又是一個樣. 你說此些訓練有用嗎, 我真的不知, 只希望佢扮下扮下真是無形中可以控制自己多些.

作者: TTJTMaMa 時間: 13-10-8 22:33 標題: 回覆：HaYi 的帖子

其實精神科藥物对每個人都有幫助，正常的你和我食後，我們做事和讀書都有良好反應，效果好明顯，所以外国D學生常用。

相信用藥一定有用，停藥就和平常一樣，所以年齡越大，体重加，藥的份量就越多，這就是我的困擾！

老實說阿仔問題不多，甚至不太明顯，做事大意和容易忘記而導致成績欠佳！我擔心我的決定影響他一生呢!

作者: dobbybabie 時間: 13-10-8 23:08 標題: 回覆：TTJTMaMa 的帖子

其實如果你接受他的成绩便可唔吃藥,我仔都是踩界,但我在最後一次呈分試开始吃,吃咗佢走神的情況改善了,一放學都马上做功課,而知識是要累積的,我個人支持吃藥,以免錯過了學習的黄金時期.

作者: TTJTMaMa 時間: 13-10-8 23:46 標題: 引用：其實如果你接受他的成绩便可唔吃藥,我仔都

原帖由 dobbybabie 於 13-10-08 發表
其實如果你接受他的成绩便可唔吃藥,我仔都是踩界,但我在最後一次呈分試开始吃,吃咗佢走神的情況改善了,一放 ...

多謝你的意見！
現在他讀F1 嗎？科目多了也可以輕鬆掌握嗎?
阿仔p3—4成績後退，先發現問題，p5見了多個專業人員，佢自我控制能力強了，學業成績有進步，本來把問題放下，誰不知瑪丽医生约見，又把病情牽起，提及呈分和升中，用藥先幫倒佢，目前我用多兩個月觀察，12月再見医生再決定！

作者: lillymarie 時間: 13-10-9 02:21 標題: 引用：其實精神科藥物对每個人都有幫助，正常的你

本帖最後由 lillymarie 於 13-10-9 08:08 編輯

原帖由 TTJTMaMa 於 13-10-08 發表
其實精神科藥物对每個人都有幫助，正常的你和我食後，我們做事和讀書都有良好反應，效果好明顯，所以外国D ...

“外國學生常用“ 是誤會。

或許外國較多家長接受小朋友ADHD要食藥，又或者較多家長帶小朋友睇醫生確診。

沒此病的學生用此藥，多從非法途徑，有時是有人為了賺幾個錢賣自己的藥，因這藥必須由醫生處方。濫藥的學生就無得好講，我睇新聞訪問考試前食呢隻藥的學生，他們不只食此藥，更普遍的是飲energy drink來提神。講真呢D學生最終考出來的成績如何真是不得而知了。
醫生曾解釋，如果小朋友本身叻，但被ADHD影响表現，咁食藥就會幫佢做返原本可以做到的。但唔會令小朋友更加聰明。

但專注亦需要訓練的。我家一個食藥一個無食，無食藥的比食藥的表現更差，皆因訓練不足.........

我以為你的問題是唔知道食藥對囝囝有無好處。如果你好相信藥一定會有效，只是猶疑要不要為分數而叫囝囝食藥。暫時不吃也是明智的，因為藥始終是藥，副作用一定有。如果無需要真係唔好食。講真，睇住阿囝因食藥而出現的副作用，個心好赤架！如果佢可以唔食，我一定會停藥。

作者: HaYi 時間: 13-10-9 14:33

藥不一定有效的, 它們是興奮劑, 是用來喚起失調的自控系統, 所以可以自控多左, 變相集中左, 但副作用人人不一, 有些人又食左都無幫助, 醫生亦只是邊試邊較.

作者: overcomer 時間: 13-10-10 00:34

http://hk.apple.nextmedia.com/news/art/20130325/18206763
ADHD 女仔吃藥後入中大

作者: giftedpig 時間: 13-10-17 17:08

各位，這幾天又收學校電話了

我真的好困擾，我停地重覆又重覆地看這個post, cry many times,同老公思前想後，最後都打了電話去醫生再約時間跟進呀仔的adhd情況，因已困擾了兩個學年，日日擔心接電話，擔心佢在學校撞板，亦擔心佢傷害到其他同學，擔心佢冇自信，冇朋友，惡性循環，行為同情緒會仲差，尋晚我同佢講 i love you, 佢回覆我 i hate myself ! 佢在校撞板，我地都包容同體諒佢，教番佢要點做，都覺得佢好惨，其實佢在家ok, 出街都冇問題，但在校就唔得，好多 naughty 野，自制差，我成日唔face reality,因我知佢係gift, gift 都有行為同情緒問題啦，但醫生話gift 同 adhd 係可以併全，上了專注同 social class 一段時間，係時候要考慮再跟進和食藥了，約了醫生聽聽他的意見，一心只想幫佢，唔想佢冇朋友，自我形象低落，唔想佢連 gift 的潛能都發揮唔到，其實佢成績ok, 在某些興趣上有天份的，呢幾天為了這事心情十分低落，請同我打打氣啦！

作者: lillymarie 時間: 13-10-17 19:54

giftedpig 發表於 13-10-17 17:08
各位，這幾天又收學校電話了我真的好困擾，我停地重覆又重覆地看這個post, cry many times,同老 ...

妳囝囝說 I hate myself，他講得出這句話，我相信小朋友是有付出努力去做好自己的。支持妳見醫生跟進！
藥唔係永遠有效架，亦唔係每個人都一定有效。如果醫生認為可以一試，你地就考慮下啦。

作者: HaYi 時間: 13-10-18 12:39

吃藥如果能令他發揮得更好, 是一個好的選擇, gifted child 比其它的小朋友更煩, 加油, 希望佢受藥有進步!

作者: 123BB 時間: 13-10-18 15:01

我女十歲, 社交完全冇問題, 學業成績中上, 只係因為上堂成日傾計、中意係學校跑, 同埋甩漏唔記得帶呢樣個樣,咁既情況, 你地會俾佢食藥嗎??

作者: poem4 時間: 13-10-18 15:34

死蠢的聰明藥
http://farumradio.com/untoldtruth/untoldtruth_ep10/

http://www.medtoday.com.tw/35919.htm

http://forum.baby-kingdom.com/fo ... =8565604&page=2
#27 #32 #33 #34

作者: lillymarie 時間: 13-10-18 16:28

123BB 發表於 13-10-18 15:01
我女十歲, 社交完全冇問題, 學業成績中上, 只係因為上堂成日傾計、中意係學校跑, 同埋甩漏唔記得帶呢樣個樣 ...

如果我囝囝好似你囡囡咁，老師無投訴，小朋友又開心，我唔會俾佢食藥。ADHD小朋友遇到的問題不只在學業成績，還有好多社交問題、行為問題和對抗性態度才是最叫人担心的。

作者: 123BB 時間: 13-10-18 16:33

回復 poem4 的帖子

謝謝你!!!1

作者: 123BB 時間: 13-10-18 16:42

回復 lillymarie 的帖子

老師就係有投訴, 由一年班到依家都未停過, 我一直唔想俾佢食藥, 到左今年五年班, 學校又要求阿女做一個全面既評估再決定食唔食藥!

作者: lillymarie 時間: 13-10-18 16:56

123BB 發表於 13-10-18 16:42
回復 lillymarie 的帖子

老師就係有投訴, 由一年班到依家都未停過, 我一直唔想俾佢食藥, 到左今年五年班, ...

如果係學校要求你地考慮讓她食藥又唔同講法喎，因為學校老師見咁多小朋友，心中有數。值得去做一做評估。老師給她的操行分如何？這已可以話到你知她在學校大概情況如何。我囝當年是B﹣（他只是坐唔定和多口，無搞人）。

評估可以做，食藥等結果出咗再算啦。（我就會咁處理。）

作者: 123BB 時間: 13-10-18 17:19

我女操行都係b-.我都是先做評估再作決定。

歡迎光臨教育王國 (/)