教育王國

標題: 小一選校建議 [打印本頁]

作者: ling2106 時間: 13-9-22 22:46 標題: 小一選校建議

我仔仔今年6歲讀K3，現在要準備選小學

但是他學習的專注力不是太好，老師擔心他上小學無法跟上進度，提議多留一年K3.

我則擔心都留一年的幫助也不大，所以想找一下有沒有小學比較注重融合教育，可以幫助像他這樣的小朋友。

作者: 1仔1女 時間: 13-9-22 23:03 標題: 引用：我仔仔今年6歲讀K3，現在要準備選小學但是

原帖由 ling2106 於 13-09-22 發表
我仔仔今年6歲讀K3，現在要準備選小學但是他學習的專注力不是太好，老師擔心他上小學無法跟上進度，提議多 ...

你住邊區先？講真只係專注力問題，重讀真係浪費，小朋友上左小學真係好大改變，我個仔專注力奇差，叫佢坐定做功課叫到嘔血，上左小一一星期左右，知道功課多，都不知幾定，超讚

作者: 朱寶媽媽 時間: 13-9-23 06:10 標題: 引用：我仔仔今年6歲讀K3，現在要準備選小學但是

原帖由 ling2106 於 13-09-22 發表
我仔仔今年6歲讀K3，現在要準備選小學但是他學習的專注力不是太好，老師擔心他上小學無法跟上進度，提議多 ...

重讀有用嗎?重讀佢可能會悶，到時仲死,而且明年過了適齢兒童的資格,會冇10分.

作者: dannyyau302 時間: 13-9-23 06:59 標題: 引用：我仔仔今年6歲讀K3，現在要準備選小學但是

原帖由 ling2106 於 13-09-22 發表
我仔仔今年6歲讀K3，現在要準備選小學但是他學習的專注力不是太好，老師擔心他上小學無法跟上進度，提議多 ...

報官津學校吧！沒有宗教信仰的學校，可能某程度上無咁谷，還有大半年時間裝備，另佢改變唔太難。

作者: ling2106 時間: 13-9-23 21:59

回復 1仔1女的帖子

你個仔讀邊間小學？

作者: Bigpig_2007 時間: 13-9-23 23:49 標題: 回覆：ling2106 的帖子

重讀唔係針對問題。已經K3, 我建議你爭取這一年幫佢找機構做評估治療。如果經濟條件差，一些非謀利機構都可以申請減免，你上網look look.

選校方面，官津學校都有資助支援特別需要學童，你可以在學校概覽見到。除非你有錢，直資私小大多冇support靠自己架！你應該找小班、活動教學小學至啱！

作者: Charlotte_mom 時間: 13-9-24 08:13 標題: 引用：重讀唔係針對問題。已經K3,+我建議你爭取這

原帖由 Bigpig_2007 於 13-09-23 發表
重讀唔係針對問題。已經K3, 我建議你爭取這一年幫佢找機構做評估治療。如果經濟條件差，一些非謀利機構都可 ...

津小有support，私小直資無support呢個concept並不正確。等我開機搵資料俾你

作者: karen55407 時間: 13-9-24 08:25 標題: 回覆：Charlotte_mom 的帖子

由於螎合教育関係，官、津校的確能就學障兒童得到政府支援。私校、直資就算有支援，也是學校自己酌量恩恤。

作者: Charlotte_mom 時間: 13-9-24 09:40

http://www.edu-kingdom.com/forum ... &extra=page%3D1
POST #2

無錯, 官津校係可以拎到政府資助去支援SEN學生, 但學校點用果舊錢, 政府監管都好鬆, 聽過唔少例子, 去買部電腦話有軟件俾SEN學生用又得, 亦聽過有學校有請ST, 但幾星期一次得半小時, 正式"鄧"都未坐暖已經夠鐘

有FUNDING唔等於肯做, 亦唔等於肯做好, 我自己係SEN家長, 亦識唔少SEN家長, 我好心痛有D所謂辦教育既咁去為難D細路, 識唔少人係俾學校玩走

(難聽講句, 有時學校收SEN學生就係為左D錢), 倒轉講, 直資私校無資助, 又唔等於唔肯俾, 真係睇學校做法

況且除左點去用果舊錢之外, 學校日常處理手法亦係重要因素, 好日常既野都係考慮, 例如治療師建議小朋友坐前D, 老師肯幫手嗎? SEN小朋友有情緒問題, 老師點處理? 最近有朋友話佢個仔個負責老師答: 佢曳我鬧爆佢

所以口碑好緊要, 但好多時一間學校有SEN SUPPORT, 除左有份用的家長, 一般家長唔知做左D咩, 教育王國有特殊教育版, 可以去問下意見

而我上面條LINK講果D校務報告, 就係了解既第一步

我仔讀直資, 分享下學校做過咩
學校係ADHD, 不嬲有訓輔組老師同社工睇住, 社工係FULL TIME日日都o係度, 亦有專責老師得閒搵我仔傾計, 舊年我仔攪左場大龍鳳出黎(咩事呢度唔講了), 我主動要求見教育心理學家(EP)了解多D, 學校安排左俾我, 佢應該黎左2,3次左右, 我一毫子都無俾過, 之後EP寫左信REFER我去排政府全面評估, 而家排到了, 做8-10次下午, 每次$55, 對我呢D小市民黎講太好了, 之前曾經同懷疑sen家長傾過點去排政府精神科, 我話可以叫學校寫信加快, 家長話學校唔肯寫......其實我都唔明點解學校唔肯, 不過有家長係咁分享lor

作者: SYK 時間: 13-9-24 09:41

你可在申請表填上有支援特別需要學童, 咁就會派有支援的小學. 不過你在表填了, 唔知對自行分配有無影響.

作者: please123 時間: 13-9-24 10:48

神召第一小學

作者: Bigpig_2007 時間: 13-9-29 15:12 標題: 回覆：Charlotte_mom 的帖子

你講得啱，好睇學校。好多好谷要睇真d.

我就會去學校概覽睇清楚，再去多方面收料至選。

歡迎光臨教育王國 (/)