教育王國

標題: 想問下小朋友係adhd既家長 [打印本頁]

作者: heismama 時間: 13-9-21 18:52 標題: 想問下小朋友係adhd既家長

今日見私家醫生終於試藥
醫生話叫我放鬆 adhd既小朋友比較難搞
你只可以降低自己要求唔好expect佢同一般小朋友有得比
我由以前寫字唔靚到錯筆順到而家1概不理佢寫到個字就算我都唔好太高要求
你地都係咁嗎？？

作者: DON1112 時間: 13-9-21 22:52 標題: 引用：今日見私家醫生終於試藥醫生話叫我放鬆+adh

原帖由 heismama 於 13-09-21 發表
今日見私家醫生終於試藥
醫生話叫我放鬆 adhd既小朋友比較難搞
你只可以降低自己要求唔好expect佢同一般小 ...

我囝囝6歲今年小一，有專注力不足，過動症，讀寫障礙，對立反抗問題。家長先唔好對小朋友噤緊張先，其實adhd小朋友都有可愛既時候，先唔好同其他小朋友比較，因為呢類小朋友其實心靈比較脆弱。先要多d鼓勵，就算你眼見寫字肉酸都唔好直接話佢，你反而要用d方法去講。(平時我就會講-e 呢個生字寫得幾好喎，不過呢一橫好像同書既唔一樣，叫小朋友望下，不如下一個再試下寫靚過岩岩個個呀)。同埋適當時每十五分鐘休息五分鐘。
不過每個小朋友都可能要有唔同方法，樓主要嘗試下咩方法岩自己小朋友啦。
加油呀！

作者: chowqv 時間: 13-9-22 17:36

我個仔仲細，得5歲，佢除左adhd，仲係A仔。

有時佢對自己有一定既要求。所以我都係提佢自己之前承諾既野。做阿媽既我，不嬲都無要求，佢自己認為ok既，我都由得佢。總之做得唔好，唔到老師要求，都係佢自己去面對。

作者: hoveypan 時間: 13-9-22 21:54 標題: 回覆：heismama 的帖子

我個仔初中，都係有adhd，專注力同對立性行為。為有多包容多體諒。5好要求咁高囉。佢地5壞已經好好架啦。

作者: wan_sosin 時間: 13-9-23 01:49

回復 hoveypan 的帖子

我仔4歲已評估佢有活躍及反叛行為!可否講下你囝囝到青少年的對立行為是如何的!
我唔太驚個仔活躍,反而覺得對立仲麻煩D!有D怕將來日子不知如何!

作者: lillymarie 時間: 13-9-23 09:58

heismama 發表於 13-9-21 18:52
今日見私家醫生終於試藥
醫生話叫我放鬆 adhd既小朋友比較難搞
你只可以降低自己要求唔好expect佢同一般小 ...

係呀！我接受阿囝寫字係有困難，只要佢寫出來我睇到就算了。若果變咗第二個字當然唔得啦。我後來發現，原來自已放鬆咗後，有時囝囝無壓力下都會寫到D靚字，驚喜！

歡迎光臨教育王國 (/)