教育王國

標題: 幼稚園師資及師生比例問題 [打印本頁]

作者: monkeydiary    時間: 13-9-18 17:24     標題: 幼稚園師資及師生比例問題

好奇問,其實有幾多人幫仔仔女女揀幼稚園時會真係睇師資及師生比例? 定還是主要考慮幼稚園出唔出名?




作者: minirat    時間: 13-9-18 17:55

我好重視師生比例
當然除了這個都有其他重要考慮點(例如,語言環境,近不近屋企)
要睇手頭有的offers,衡量,比較,再做決定
作者: chitchitboy    時間: 13-9-18 21:16

我覺得師生比例好重要,試想下1:7和1:14的分別?

老師的壓力有多大?有多少関注每個小朋友?
作者: kufubaby    時間: 13-9-18 22:54

會睇, 但並不是多一定唔好少一定好, 因為重有好多參考因素, 包括學劵/ 私校, 學生普遍成績(唔計自己出外補習).

教育局規定最多1:15, 拿私校講會比較具體明白.
AM多人鍾意好多時比例係1:10-1:13; 但同校PM可能1:7. 事實上, 除非家長意願係PM, 否則學校揀學生入AM/PM係按學生的性格能力, 通常點解D人都話大仔入AM多, 主要原因佢地比例上真係定D,理解同表達都高D, 所以師生比較大D都OK, 不用太多concentration. PM就不用我多講我估大家都明白.

其次, 師生比例大而學生成績又OK, 咁間學校同老師就係good match. 在此唔點校名講啦. 但確實學生係有其能力, 所以銜接小一個個都話卓卓有餘就係咁.  需知道幼稚園最多係1:15, 但小學少極都1:25, 1:30或3x重多. 小朋友本身ok, 其實係唔需要個老師咁多時間關注既. 咁當然, 學生本身ok而又小班教學, 出來既效果係相得益彰, 我都唔點校名講啦.

總結, 揀學校(無論學劵/私校/師生比例/ 有無net)主要都係睇同自己個小朋友夾唔夾.  夾的話就天衣無縫, 唔夾就只會係拉牛上樹.

作者: meowymeowy    時間: 13-9-18 23:08     標題: 回覆:幼稚園師資及師生比例問題

曾經有朋友分享幼稚園的「偽小班教學」,指不少學校play on numbers,美其名小班,實質係打散學生分為小組分頭在學校不同地方上堂,次次小組combination 不同,很難幫小朋友之間create bondings,結果朋友嬲到幫囝囝轉學校。

我都好想bb在小班環境長大,不過好似好難/好貴。




作者: monkeydiary    時間: 13-9-18 23:33     標題: 引用:曾經有朋友分享幼稚園的「偽小班教學」,指

原帖由 meowymeowy 於 13-09-18 發表
曾經有朋友分享幼稚園的「偽小班教學」,指不少學校play on numbers,美其名小班,實質係打散學生分為小組 ...
都唔係架,我住緊個區都有小班(1:8),但係有學卷的學校,所以小班的,未必一定貴




作者: kufubaby    時間: 13-9-19 11:25

回復 monkeydiary 的帖子

有學卷的學校師生比例細真係好少有, 1:8 是怎樣出來?  
一般所謂出名D的區內村校都好多人報, 收30-33個學生不等 2-3個老師睇.  他們多都真係"偽小班", 即一班本來30人, 有兩個老師所以比例變成1:15.
當然有見過1:10的學劵校, 那是因為收生率不足而非學校故意做小班.


1:8, 咁會唔會32人一班4個老師負責睇?






作者: monkeydiary    時間: 13-9-19 13:28     標題: 引用:回復+monkeydiary+的帖子 有學卷的學校師

原帖由 kufubaby 於 13-09-19 發表
回復 monkeydiary 的帖子

有學卷的學校師生比例細真係好少有, 1:8 是怎樣出來?  
唔知,因為我都係睇chsc網頁知既,我知道有一間學校就係一班有30人,但由2個老師睇,其實真正小班同"偽小班"對小朋友的影響有咩分別?




作者: MASAYA    時間: 13-9-19 13:45

我女讀緊1:6.7有學券學校,一班30人有3-4個班主任,應該另加英語老師、普通話老師、宣教士、主任黎除開
作者: monkeydiary    時間: 13-9-19 14:47     標題: 引用:我女讀緊1:6.7有學券學校,一班30人有3-4個

原帖由 MASAYA 於 13-09-19 發表
我女讀緊1:6.7有學券學校,一班30人有3-4個班主任,應該另加英語老師、普通話老師、宣教士、主任黎除開 ...
咁我之前所提及的學校,每班30人有2位班主任(即1:15),個比例應算正確呢?

p.s. 有關師生比例資料,我係由在該校任教的老師處得知




作者: kufubaby    時間: 13-9-19 16:00

monkeydiary 發表於 13-9-19 13:28
唔知,因為我都係睇chsc網頁知既,我知道有一間學校就係一班有30人,但由2個老師睇,其實真正小班同"偽小班 ...
影響唔敢講, 只可以分析偽小班同真小班的分別.

偽小班 : 一班30人3個老師睇, 師生比例即係11:10. 但上堂唔一定係將小朋友分開3小組, 而係1個老師講課, 另外3個老師監督住所有學生, 遇有唔明或問題學生老師會埋去協助.  人多自然病菌多, 另外因為要照顧多D人, 如果大部份學生吸收力強就無問題, 如遇三五七個需要特別照顧, 上課氣氛及教授速度都會慢D,

真小班: 一班20人內, 最少2個老師睇. 個別標榜小班教學K校做到, 其餘多數係PM CLASS出現因為D家長多數揀曬AM, PM CLASS收生不足所以師生比例細,

作者: MASAYA    時間: 13-9-19 16:38

本帖最後由 MASAYA 於 13-9-19 16:39 編輯
monkeydiary 發表於 13-9-19 14:47
咁我之前所提及的學校,每班30人有2位班主任(即1:15),個比例應算正確呢?

p.s. 有關師生比例資料,我係由 ...

我個比例係睇教署得黎,我唔知點計先算正確
學校實際上課情況係有d時間一班分兩組15人一組唔同活動區,有d時間學生分散自選課室,課室有老師駐場


作者: monkeydiary    時間: 13-9-19 23:51     標題: 引用:Quote:monkeydiary+發表於+13-9-19+13:28+

原帖由 kufubaby 於 13-09-19 發表
影響唔敢講, 只可以分析偽小班同真小班的分別.

偽小班 : 一班30人3個老師睇, 師生比例即係11:10. 但上堂唔 ...
請問有沒有方法可分辨心儀的學校是真小班還是偽小班?








歡迎光臨 教育王國 (/) Powered by Discuz! X1.5