教育王國
標題: 關於叩門 [打印本頁]
作者: winbun 時間: 13-9-18 12:29 標題: 關於叩門
若果自行和甲一都係誇區，甲二和乙一揀將天，請問有無叩門面試機會？
作者: lovehimhim 時間: 13-9-18 13:03 標題: 回覆：winbun 的帖子
我仔都係咁叩門入咗
作者: Snafkin 時間: 13-9-18 13:50
14/15就唔知得唔得啦！因為升小人數多左。
13/14 我仔自選係選同區第二間，到統一派位時甲一和乙一都係選將天，都可以攞到位考叩門試。
作者: anitalym 時間: 13-11-8 18:35
想問下叩門是否即係要面試?
如果係, 會甚麼形式及問乜野?
作者: Snafkin 時間: 13-11-12 13:47
回復 anitalym 的帖子
主力考卷(中、英、數) 我仔好似話係做完卷，就有老師搵你傾計，問下問題咁，重會比D圖你，再要你自己講故仔(面試)。
上年係無要面見家長的(我覺得呢樣最合我心意，求學係小朋友啫，如果比家長緊張要影响收唔收小朋友，真係對小朋友幾唔公平...)
作者: anitalym 時間: 13-11-14 11:27
回復 Snafkin 的帖子
多謝指教.
請問最後你仔仔是否入到將天?
讀成點? 開吾開心? 多吾多功課 和 默書等?
作者: Snafkin 時間: 13-11-18 14:21
回復 anitalym 的帖子
最後係考左入去的，依家佢讀得好開心。
因為我同HUSBAND都係全職工作，沒時間接佢，所以一放學就去左屋企附近的功課輔導班，1個半小時內佢可以完成晒D功課加自己預默幾次或溫好書，返到去我會幫佢對功課(因為可能補習班人太多，老師都無時間幫佢對，我仔話老師交比D哥哥姐姐對，但因為將天的SCI係比較深，D哥哥姐姐根本唔識，加上佢地不竟係小朋友，一定會走漏眼或根本沒能力幫我仔對)，然後食飯、沖涼，再幫佢做下少量EX., 再玩半小時左右，八點半多數可以上床睡了。
至於默書又唔算難，由第一次開始到依家，都係我仔自己溫跟住返學校正式默，SO FAR到依家都次次100分，係上周中默我仔自己漏溫第七課詞語，佢事後話應該錯一個字喎！其實默書唔太難，不過默左一二次中文讀默後，就開始加入左背默了，但我見佢自己HANDLE到所以我都無理過，由佢自己發揮。
反而係SCI值得你考慮，因為真係好深...好多詞滙都要查字典先識(大人):;pppp:
月初收到考試範圍先知，唔止考中英數常SCI，原來普通話、IT總之咩都要考囉...上周五家長會後重嚇人，原來小一就要開始中英 ORAL N LISTENING考試，暈~我見我仔無咩壓力，反而我壓力大D，因真係唔知要點溫...
希望以上資訊可以比你更了解將天。
作者: anitalym 時間: 13-11-19 13:02
多謝你的資料，好詳細。
作者: cowboybaby 時間: 13-11-24 00:45 標題: 回覆：Snafkin 的帖子
您好呀！ 你仔仔叩門入到將天都好勁喎，到小一又跟到，佢係咪讀程度深的幼稚園呀？
作者: Snafkin 時間: 13-11-24 12:23
回覆 cowboybaby 的帖子
你好！叻唔叻依家未知架！只係佢自己暫時搵到方法去跟啫。
我仔只係讀一般村幼架咋！程度重算淺，只係我因為自選同統一放的第一位唔同，預左要叩門，所以k3就開始自己教佢做d工作紙，所以算叫左應對到考入門試啦！
作者: cowboybaby 時間: 13-11-26 14:06 標題: 回覆：Snafkin 的帖子
謝謝回覆！仲想問下你點解自行唔選將天？而統一時又唔選返自行果間？方唔放便講自行報那一間呢？
作者: Snafkin 時間: 13-12-1 00:47
回覆 cowboybaby 的帖子
因為選自行時對TKO學校唔多認識，只有姨甥仔女同一位姪仔讀馮晴，其他侄仔女就讀梁省德，而知區內馮晴好有名，我仔又想跟表哥，爸爸又想個仔有照應，只有我一直唔鍾意呢間學校，校長甚至老師都違反教育理念，唔係學生叻就可以咁串，再加上有位舊同事入左馮晴教，冇品又冇heart，但未認識其他時，自選唯有選佢先。
到落選后至填統一表前，就同相熟老師傾，佢地推薦將天，所以我就上網搵TKO學校資料，更特別查詢將天，甚至向一位喺TKO開補習班架朋友請教，問佢教過TKO咁多學生，問佢邊幾間好，佢不約而同地推界將天，令我更關注呢所學校，再搵就讀呢間學校架小一朋友仔借書借作業了解，覺得幾合我心意，而我仔架程度應該跟到，所以就冒險一博，好彩將天只考卷，不用家長面見，因怕自己太緊張，應對唔好而拖垮機會。
作者: cowboybaby 時間: 13-12-9 14:46 標題: 回覆：Snafkin 的帖子
明白！謝謝妳回覆啊！
作者: cherryp 時間: 14-5-19 23:10 標題: 引用：回覆+cowboybaby+的帖子
你好！叻唔叻依家
原帖由 Snafkin 於 13-11-24 發表
回覆 cowboybaby 的帖子
你好！叻唔叻依家未知架！只係佢自己暫時搵到方法去跟啫。
作者: Snafkin 時間: 14-5-21 18:46
K3時比左d小一上學期中數練習（坊間隨便買的）到暑假就比小一Eng同奧數佢做，其實好多佢都唔識，只係想比佢有d概念啫！
作者: 鼠兔媽媽 時間: 14-6-11 13:27
Snafkin 發表於 14-5-21 18:46 
K3時比左d小一上學期中數練習（坊間隨便買的）到暑假就比小一Eng同奧數佢做，其實好多佢都唔識，只係想比佢 ...
上年面試上午定下午
作者: coach_LO 時間: 14-6-12 11:48
請問上年扣門家長,是否只係考試,沒有面試? 考試考幾耐架? 謝謝
作者: m628628 時間: 14-6-12 18:51
coach_LO 發表於 14-6-12 11:48
請問上年扣門家長,是否只係考試,沒有面試? 考試考幾耐架? 謝謝
| 歡迎光臨 教育王國 (/) |
Powered by Discuz! X1.5 |