教育王國

標題: 返兩間幼稚園vs一間長車程名校 [打印本頁]

作者: macmate 時間: 13-9-18 05:48 標題: 返兩間幼稚園vs一間長車程名校

從另一post 引起我好奇發問以下：

case 1）識有父母都係醫生嘅小朋友，上午讀國際學校，下午本地名校，食完午餐先由婆婆揸車管接送，車程約20-30分鐘。國際近乎冇功課，本地仍唔算多每日2-3樣，每日30-45分鐘可完成。父母原本未決定國際或本地方向而要小朋友讀兩間幼稚園。但之後佢女考到幾好嘅國際小學都仲仍然要個女keep住返本地名幼話仲想睇清楚個女嘅性格先再決定。

case 2）另識家長家住新界區但小朋友係獨女考入港島龍校，而家k1父母親身管接送，有時揸車，有時坐公共交通工具，因地理位置揸車經常塞車又或要泊車令車程不短但全程secure有位坐同時可nap一陣；如坐地鐵轉的士都要個零鐘（來回咪2個幾3個鐘？！）佢哋仲打算k2時揸車送到九龍校巴尾站慳番塞車時間又可以俾小朋友响校車上小睡或多啲同其他同學互動喎！小朋友暫時每星期有2日放學後會上1個英文班同1個課外活動，另1堂游水班weekend上！

以上都唔係我嘅小朋友，唔好插我，但同樣會消好小朋友體力嘅決定，唔計錢你哋會點睇？我純粹想有理性討論，不喜勿插

作者: abby0624 時間: 13-9-18 09:27

case 2 長途讀名校都還可以理解，但放學校仲要上咁多堂，有啲過份。但 case 1 只有1個字 "CRAZY"

作者: lovebb2 時間: 13-9-18 10:07 標題: 引用：case+2+長途讀名校都還可以理解，但放學校

原帖由 abby0624 於 13-09-18 發表
case 2 長途讀名校都還可以理解，但放學校仲要上咁多堂，有啲過份。但 case 1 只有1個字 "CRAZY" ...

我間中送小朋友返學，大約1時多，在九龍塘三角公園，見有小朋友換校服，迦x轉st xxt，婆婆媽媽管接送，小朋友好想睡，婆婆話睡一陣啦，之後就要返學啦。

大家點睇？

作者: vnghk0001 時間: 13-9-18 10:29 標題: 回覆：lovebb2 的帖子

咁攰，幾無謂！婆婆都冇話事權。
其實唔淨只小朋友攰，公公婆婆接送都攰！

作者: vnghk0001 時間: 13-9-18 10:43 標題: 回覆：macmate 的帖子

Case 1, 2-3樣功課需要咁耐時間完成，已經有問題，一係深，一係小朋友唔想做，做完都差不多晚飯，沖涼，訓覺，一日真係冇乜時間玩喎！

Case 2, 車程遠但起碼自己接送，可多啲親子時間，半日班啫，訓完晏訓差足電，唔去興趣班都要去公園走走，呢個case 好好多！

其實家長有冇諗過，升上小一後，做功課嘅時間會耐左好多，仲要早訓啲（因早起返學），又要溫書，平日真係冇得玩架啦，點解幼稚園期間唔比佢地自由啲、玩多啲！

作者: japoton 時間: 13-9-18 12:26

一個形容怪獸家長, 正正就係孩子嬴在起跑線上

作者: muimuimao 時間: 13-9-18 14:03

兩個CASE小朋友都好慘，其實當你讀大學或者出黎社會做嘢時，有無人問過你讀邊間幼稚園？我知大家都係愛子/女心切，想俾最好的嘢小朋友，但不如比多少少信心自己，其實只要用心教佢做人，或者抽多些時間陪佢睇中英文書，一定好過咁樣勞心勞力地送佢去咁遠，或者走幾場去「學習」。

作者: summato 時間: 13-9-18 14:16

回復 lovebb2 的帖子

我都吾明點解要係三角公園... 係都去又一城啦!

作者: AJH 時間: 13-9-18 14:57

難為咗小朋友

作者: rainbowcov 時間: 13-9-18 15:33

何苦呢? 成世人流流長, 幾時捱到大呢?

作者: simsim118 時間: 13-9-18 15:45

太可怕, 比小朋友返兩間學校的家長真係.........
夾硬扭曲小朋友作息, 遊戲生活......
叻到識飛, 到最後......無晒學習動機.....返學好似受難咁....何苦?
幼兒階段最重要係培養學習興趣, 發展健康人格及品格.....
谷到咁,,,升左上中小學..係讀名校...但年年考中下或最尾...
無自信...比人笑...自悲....自我價值低變埋宅女/宅男...自殺..新聞都唔少...
作為家長真係要三思......

作者: macmate 時間: 13-9-18 16:24 標題: 引用：Quote:原帖由+abby0624+於+13-09-18+發表ca

原帖由 lovebb2 於 13-09-18 發表
我間中送小朋友返學，大約1時多，在九龍塘三角公園，見有小朋友換校服，迦x轉st xxt，婆婆媽媽管接送，小朋 ...

迦x同st. cxx 都係本地學校，我又唔見得同一時間返哩兩間有咩優勢喎！相反真係浪費咗小朋友嘅作息同玩樂時間

作者: macmate 時間: 13-9-18 16:29 標題: 引用：回復+lovebb2+的帖子我都吾明點解要係三

原帖由 summato 於 13-09-18 發表
回復 lovebb2 的帖子

我都吾明點解要係三角公園... 係都去又一城啦!

三角公園係中間點，又一城要嘥時間行返轉頭㗎！不過話時話，日曬雨淋要行10分鐘都幾辛苦

作者: jantan28 時間: 13-9-18 16:55

我都識人讀兩間本地幼稚園,一間本地學卷以細B身份讀,另一間系名幼英普班以超大B身份讀...即一日讀兩級… 最終小朋友講得一口流利的普通話並從容應付名校英普低一班… 家長就形容小朋友返學卷那間只是玩下, 吾辛苦甘話 @_@

作者: alanyeungsl2011 時間: 13-9-18 17:20

Case 1: 仲話父母係醫生，醫者父母心，禁樣對自己親生仔女，無人性

Case 2: 有錢搬屋，無錢租屋

作者: joysic 時間: 13-9-21 18:26

小朋友投錯胎•••慘

作者: macmate 時間: 13-9-21 18:56 標題: 引用：小朋友投錯胎•••慘

原帖由 joysic 於 13-09-21 發表
小朋友投錯胎•••慘

其實投咗胎做香港人已經慘咗一半先，仲要睇往後發展

做鬼咪好囉！乜都愉快學習行先

作者: samchan2179 時間: 13-9-21 21:53 標題: 引用：從另一post+引起我好奇發問以下： case+1

原帖由 macmate 於 13-09-18 發表
從另一post 引起我好奇發問以下：

case 1）識有父母都係醫生嘅小朋友，上午讀國際學校，下午本地名校，食 ...

識人十多年前已經係咁做，之後直資中小學，去年DSE後Jupas 入唔到，最後入私立自資學位課程

作者: 朱寶媽媽 時間: 13-9-23 06:44 標題: 引用：從另一post+引起我好奇發問以下： case+1

原帖由 macmate 於 13-09-18 發表
從另一post 引起我好奇發問以下：

case 1）識有父母都係醫生嘅小朋友，上午讀國際學校，下午本地名校，食 ...

我識得有個醫生太都係咁，上午返名幼,下午返國際，國際0功課，只係想佢同其他國藉嘅小朋友玩下,佢話反正學英文都要比

,有得學有得玩

歡迎光臨教育王國 (/)