教育王國

標題: 孖仔，ADHD 一個食藥中，另一個排期中 [打印本頁]

作者: cae688 時間: 13-9-17 05:52 標題: 孖仔，ADHD 一個食藥中，另一個排期中

細孖剛剛九月見了政府兒童精神科，醫生建議食藥，開了尼達林，早，午各半粒。食藥後計90分鐘，非常靜，定定地。
藥力一過，又顛過。。唉
見佢畫畫係好到不得了。
但串字，計數真係好惡教！
大孖就好像不會聽人講野一樣，加埋濕疹，成日周身R,
每次同佢兩個講野，落指令，一定要重覆講三次，
有時甚至要叫佢講多一次俾我聽，我先可以肯定到佢地有無聽我講。
學校剛上小一，老師話要等到一月先有心理學家為佢地評估。
幼稚園時，老師又話唔覺佢兩個有ADHD，只是比較百厭。
自己又離婚，一個人湊，仲要喺精神科覆診。
有時真係覺得自己生了兩個出來，連累了佢地。
心灰，下下出街佢地有佢地周圍攪事，去到邊都俾人鬧，自己又控制唔到自己情緒，覺得好醜，個個話我寵越佢地。。。
好難受

作者: lillymarie 時間: 13-9-17 07:35

cae688 發表於 13-9-17 05:52
細孖剛剛九月見了政府兒童精神科，醫生建議食藥，開了尼達林，早，午各半粒。食藥後計90分鐘，非常靜，定定 ...

做ADHD仔仔的媽媽真的一點兒也不容易呀！妳還要做孖仔的媽媽！
妳已經好叻啦！揍到囝囝們讀小一，相信最困難的日子已過了一大半。細孖對藥的反應好好，實在是福氣！

忍耐多一陣吧！醫生替囝囝調較好藥，他的情況會更好的。妳細孖似乎是右腦較發達的人，充滿藝術細胞，真是恨唔到。

好好照顧自己呀！對住不受控的ADHD仔，真是天使變惡魔.......妳隨便問下ADHD家長就會發現，大家都在同一條船！

作者: cae688 時間: 13-9-17 09:16 標題: 回覆：lillymarie 的帖子

最慘係我離了婚，好怕係因為咁令到佢有影響。
其實，係咪真係大大下會好？而

作者: lillymarie 時間: 13-9-17 09:52

cae688 發表於 13-9-17 09:16
最慘係我離了婚，好怕係因為咁令到佢有影響。
其實，係咪真係大大下會好？而

...

離婚已是事實，驚唔到咁多。起碼佢地有妳為佢地緊張，有妳關心佢地。四個人之中有三個成年時唔使再食藥。
ADHD係個腦天生構造有少少不同，小朋友成長的過程中，會學習控制自己的行為。食藥唔會“醫好”他們的病，但會幫佢地定下來，收到媽媽的教導，同埋學習點樣去控制自己。佢地天天成長，個腦漸漸成熟，就會識得避重就輕。

作者: szenana 時間: 13-9-17 13:16 標題: 回覆:孖仔，ADHD 一個食藥中，另一個排期中

我都是未婚媽媽，我仔是輕度a仔，我好佩服你湊2個，你已经好叻，加油丫妈媽

作者: cae688 時間: 13-9-17 13:58 標題: 回覆：szenana 的帖子

真係好痛苦，兩個仔加埋，真係攪到自己寧願收埋喺房，唔想理

作者: heismama 時間: 13-9-17 14:09

我都係近排睇左幾本關於ADHD既書, 自己心情先好D
其中有本書佢話:唔好怪自己或小朋友個天比得個ADHD既小朋友你證明你有能力去HANDLE 只要你肯用心 ADHD也可以教得好好我而家都成日提自己呢句說話

作者: bigfoothk 時間: 13-9-17 18:07

提示: 作者被禁止或刪除內容自動屏蔽

作者: cae688 時間: 13-9-17 23:14 標題: 回覆：bigfoothk 的帖子

朋友我反而不擔心，因佢一向朋友多。
但情緒控制不了。

作者: cae688 時間: 13-9-17 23:14 標題: 回覆：heismama 的帖子

但當他失控的時候，無理得過份
自問真的沒耐有性，講到自己都失控

作者: tiffanykym 時間: 13-9-18 00:11

回復 cae688 的帖子

好明白你的感受因我囝囝都係A仔，成日都控制唔到自己，今日先見完學校社工同主任投訴佢比較暴力，真的很難攪，你已經做得好好架啦！繼續努力呀，千祈唔好放棄呀！你都比我好排到期搵心理專家評估，我仔還在等呢！做人父母已不易，更何況是A仔父母，一齊努力啦！

作者: szenana 時間: 13-9-18 00:20 標題: 回覆:孖仔，ADHD 一個食藥中，另一個排期中

我仔天日反学我都驚，佢係課室坐唔定，一放学就要第一個走先，呢兩樣成日比班主任投诉

作者: cae688 時間: 13-9-18 09:08 標題: 回覆：szenana 的帖子

唉。我都排了10個月。有時見到佢藥力發個時，真係好乖,好抵錫。但，藥力過了，又打回原狀。
唔知點解，雖然自己都食緊精神科藥，但都係一諗到個仔都同我一樣食呢類藥，又諗起佢藥力到時咁乖，我就覺得係我累的，自己當初唔生咪得囉，一個adhd，另一個又濕疹，兩個小朋友就咁辛苦。
我自己又成日鬧佢地，又唔願陪佢地，自己做唔好。點解要累埋人

作者: szenana 時間: 13-9-18 12:57 標題: 回覆:孖仔，ADHD 一個食藥中，另一個排期中

我之前都好似你噤諗，生左佢出黎好像累左佢，但佢地都唔想噤，你仔仔都好起碼有藥食，我仔仔要出年三月先睇精神科，而家先得三歲幾，有时同佢去街食反，一見到人地有三星手机，佢就失控，攪人手机，教佢又唔聽，但係小朋友係上天賜比你，D小朋友一定有佢既優点

作者: cae688 時間: 13-9-18 16:11 標題: 回覆：szenana 的帖子

我咪又係排左成年。
最慘係佢未夠6歲個時我已經發現到問題，去母嬰健康院度睇，咁佢地有張評估表交幼稚園填，個時老師話唔覺佢有問題，話只係可能佢蝦我。
結果健康院咪唔接受排期囉。攪到依家岩岩升小一，我講晒d好細微既小動作俾老師知，叫老師再細心留意囉

作者: lui 時間: 13-9-20 00:15 標題: 引用：細孖剛剛九月見了政府兒童精神科，醫生建議

原帖由 cae688 於 13-09-17 發表
細孖剛剛九月見了政府兒童精神科，醫生建議食藥，開了尼達林，早，午各半粒。食藥後計90分鐘，非常靜，定定 ...

你試下共振音樂，打去能量站，佢地應該幫到你，食薬不太好對身體。

作者: lui 時間: 13-9-20 00:17 標題: 引用：唉。我都排了10個月。有時見到佢藥力發個時

原帖由 cae688 於 13-09-18 發表
唉。我都排了10個月。有時見到佢藥力發個時，真係好乖,好抵錫。但，藥力過了，又打回原狀。
唔知點解，雖然 ...

濕疹你試食及楂椰子油，媽媽你都要平靜

作者: DON1112 時間: 13-9-21 23:22 標題: 引用：細孖剛剛九月見了政府兒童精神科，醫生建議

原帖由 cae688 於 13-09-17 發表
細孖剛剛九月見了政府兒童精神科，醫生建議食藥，開了尼達林，早，午各半粒。食藥後計90分鐘，非常靜，定定 ...

樓主，先為你打氣一下，加油呀。
我都係A仔單親媽媽，我覺得教導A仔先要條件係要知道自己容忍度有幾多，要係未發情緒之前先離遠小朋友一點冷靜自己，不應用情緒去教導小朋友。
之前我既情緒都好波動會郁手打囝，呢類小朋友心靈比較脆弱，容易傷害佢內心自尊，但回想打佢果一刻非常心痛。所以已經無在用打既方式，而家用多鼓勵佢做正確既事情，錯既事就要慢慢講解，一次唔明講多幾次，總有一次會做到。

作者: baubaulee 時間: 13-9-22 00:05 標題: 引用：Quote:原帖由+cae688+於+13-09-17+發表細孖

原帖由 lui 於 13-09-20 發表
你試下共振音樂，打去能量站，佢地應該幫到你，食薬不太好對身體。

可以分享分些嗎?

作者: lui 時間: 13-9-23 12:09 標題: 引用：Quote:原帖由+lui+於+13-09-20+發表你試下

原帖由 baubaulee 於 13-09-22 發表
可以分享分些嗎?

我沒有直接經驗，我沒有小孩有相關問題，看書知道吃藥不好，共振音樂是世衛確認有醫療效果的音樂治療。我自己俾小朋友聽，大人及朋友也有聽，我看能量站有關個案，自閉過動也有成功個案。另嚴浩也提及用阿麻子醫纇似病症，大家可探討一下。

作者: cae688 時間: 13-9-23 14:30 標題: 回覆：lui 的帖子

嚴浩的書，我都睇過，但佢每一個治療方法都話一定係先死而後生。我真係唔敢。
食藥可能唔好，但我自己情緒都好大問題，學醫生話齋，食藥竟然係可以暫時解決到，點解唔試左先，解決左當前問題先。。。

歡迎光臨教育王國 (/)