教育王國
標題: 過來人的感想 [打印本頁]
作者: chunyeung 時間: 13-9-15 18:17 標題: 過來人的感想
這是我第一次來本來係想問下女兒的東西
但看過大家的帖子後, 有些感想分享
我現時三十幾歲, 初中智商測試在145左右
我對個人評價係數理,幾何,推理,理解, 空間,觀察力,創造力,美術等較強, 音樂體育則是白痴, 記憶力, 領袖能力則一般
在求學時期, 我基本上遇到所有資優兒童遇到的問題
如 : 學習, 行為, 社交, 性格等等
學習 :
當然以前冇人識資優係乜
我由幼稚園至中學都被標籤為問題學生, 走堂多過留堂, 留堂多過返學
成績長期徘徊尾二和最尾, 小學的成績表評語最後果兩個字都係寫"試升"
試過一次小五全級第一, 原因係媽媽以遊戲機作引誘
但係小六又打回原形, 派去了band5中學, 都係幾乎年年考第尾, 即使中五和中七都係
在最差的學校考最差, 的確不簡單 (不過每當在重要的升班考試, 都輕易考番上中上游位置. 中四考入了最多人爭的理科班, 會考我用了兩個星期閉關極速讀了兩年要讀的課程, 雖只拎了十多廿分, 但足夠在band5順利原校升讀)
而我父母都冇乜讀過書, 所以佢地都唔知點幫我, 除了學費外, 都冇特別幫我
同埋因為我自小成日諗野唔出聲
更試過媽媽的朋友當住我的面前直接問我媽媽我係唔係有D弱智
其實媽媽到現在都覺得我係比較蠢
行為 :
本質上, 我的本性是比較溫馴沉實, 很少出現情緒問題
不過十分活躍, 好奇心十分重, 我沒有特別去見過醫生, 但特徵跟ADHA很似
記得一次在小學, 上上下堂, 覺得好悶, 很好奇其他班房在做甚麼, 便不由自主走去其他班房上堂, 當然老師叫了班長捉我返課室鬧
而咁多年嚟, 所有班主任都會把我到角落頭坐, 不要影響其他同學,但我仍然不由自主咁走去另外一個角落同其他同學玩
(我的學校是BAND5, 初中時一班內已有好多黑社會,但老師似乎覺得我的問題較黑學生更難攪).
還有,我很喜歡探險和做試驗, 回想當時一些行為, 現在的我也會覺得很危險
到初中反叛期, 行為問題便不單是坐唔定, 已變得十分惡劣
但我的行為問題不是暴力上, 而是在濫用自己的小聰明
尤其是當時看了不少心理學的書, 學會了一點原理和方法, 便想做實驗, 學校是很好的實驗室
曾經因為太悶, 貪好玩想攪亂課室秩序, 玩了一點群眾心理的小把戲, 最後得了逞
被老師當眾鬧我是始作俑者, 當然老師看得通透, 絶對鬧得啱 (我現在仍不明白佢點知我係攪事者)
但我更沾沾自喜, 因為其他同學仍然一頭霧水唔明點解老師鬧我, 而我全程都置身事外, 他也罰不了我
而這位老師自此便不再望我一眼, 不跟我講半句說話
最後, 有一次激嬲了媽媽, 令我清醒和改過
雖然媽媽只有小學程度, 但有點聰明, 人很惡,也很正義,我成日俾佢打到飛上天花板
因此我要作反, 便要跟她鬥智鬥力, 尤其係初中反叛期
果次俾佢發現我的古惑野, 激到她話我狡猾到好似魔鬼, 整整半個月不理睬我
這是她對我最差和最hurt的評語和懲罰, 簡直當頭棒喝
經深思檢討後, 便決定改過, 自此已較少過份的行為, 人定了, 也不再蠱惑
但是直至中七, 部分老師還是很討厭我, 即使我已盡量令自己在班中沒有存在感, 沒有做任何壞事,
其中一位老師仍然對全班講明針對我, 更在校長老師的內部會議特別點名指我是攪事學生
(幸好, 也有一兩位老師,在會議上幫我說好話. 至現在我還是很感激他們)
社交
由小學開始, 我已不喜歡跟同齡的人為伴, 因為覺得他們的話題好低B
就算中學, 都喜歡跟高一兩屆的同學玩
所以我很少同班的好朋友
另外,不但自己有很多想法跟其他人不同
還有自己看了很多很多課外書(中學的圖書館大部分的書的借書咭都有我的名字)
我一講到一些有趣的題目, 不是他們沒興趣, 便是太新奇未聽過,以為我想昆佢地
所以一直以來自己在朋輩中都好像沒有啱傾的話題問題日積月累, 也造成我的社交能力較低
即使現在, 在舊同學眾會裡, 雖然他們都很nice, 但我仍感到無形壓力
性格
由小至大, 其他人都說我有問題
至少連我自己也覺得自己很有問題, 自我評價都是比較蠢
自然地, 自我信心十分低, 頗為內向
直至現在, 自己還是感到頗強的自卑感
而自卑洐生的其他一些問題, 便不在這裏詳述了
總結整過學校生涯, 對我的人格發展影響至深
如果有家長的子女的情況跟我接近
我認為首先不要心急為他們安排大量課程和訓練
也不要標籤佢地, 令佢地有不切實際優越感, 也不要給他們壓力
呢個時候的小朋友, 發展健全的人格和心理較學業和術科成績更重要
因為他們有較高的能力, 就算你唔幫佢地, 他們以後都會有足夠的能力靠自己去追番
只要心靈健康, 其餘的東西都會自然向好的方向發展
以現在我對自己的了解回想當初, 我最希望當時父母可以幫助我了解自己
加強優點, 改善缺點, 尤其係加強自信心
更希望父母教我待人接物, 主要係點和同齡朋友及學校老師相處
不太開心的學校生活, 一直係我的遺憾
現在的我只是一個普通至極的人
不過大家唔好覺得我好慘
雖然事業未有成就, 但家庭和諧, 生活過得很快樂
作者: zngo 時間: 13-9-15 21:06 標題: 回覆：chunyeung 的帖子
謝謝分享
作者: Radiomama 時間: 13-9-15 21:13 標題: 回覆：chunyeung 的帖子
1) 請問當日為何做智力測試？
2）同意無論孩子資優定中才，最重要是培育心靈健康和堅強。
作者: mybabycullen 時間: 13-9-15 21:29 標題: 回覆：過來人的感想
thx for sharing
作者: baby0903 時間: 13-9-16 22:34
樓主，多謝分享！普通人真的難以理解！
你現在遇到甚麼管教問題？
作者: DCMaMe 時間: 13-9-17 09:17
好多謝樓主，好好的分享，加強了我的信念，一個小孩真係要心靈，行為，自理，自信等各方面的平衡，才會好好地進步下去。
不要過分擔心‘輸在在跑線上’ ，因聰明的小孩有天一定有能力追前去。（這從樓主的分享得到了答案）。上天送我們有聰明的孩子，這已是恩典，不要浪費這份恩賜，好好哉培自己的小孩！
作者: GIPW 時間: 13-9-17 10:32
Yes. IQ is important but a balanced development including social skill + EQ are the most important factor when we are out in this world.
Many thanks for the sharing 
作者: boyboy2006 時間: 13-9-17 12:00 標題: 回覆：過來人的感想
作者: YolandaTam 時間: 13-9-17 12:19
本帖最後由 YolandaTam 於 13-9-17 17:29 編輯
睇到樓主分享, 心裏有所觸動: 我大學嗰陣為咗揾工, 做過職業測試, 又貪小便宜喺駐校心理學家嗰度測過智商, 分數咁啱又係唔知14X. 當中語文比較好, 藝術直情滿分, 運算能力較差.
1) 我的童年
我被生父母半賣半送咗俾一對心地善良嘅中年夫婦. 我自小係一個"老人精", 根據父母講法, 我2歲半已經背到乘數表, 3歲左右已計到4則運算,K3嗰陣已經到鄰居讀五年級嘅姐姐計分數乘法. 父母受教育唔多, 家父只過一年半載"扑扑齋", 家母讀到小五已經讀唔上. 乘數表係家父得閒嗰陣攞住本"街簿", 佢一句我一句咁背咗, 其餘數學係睇教育電視學識. 3歲半舅父結婚, 我到今日都仲記得佢哋張帖嘅內容, 最深印象嘅係當時佢哋係冇出父母名嘅. 好似話我3-4歲左右已經睇報紙同八卦雜誌!
2)學校生活
小學至初中都十分痛苦. 我小學係近乎唔使讀書, 因為早就識晒, 我有個習慣, 就係考試之前嗰日係絶對唔會讀書. 只係食玩瞓, 加上屋企窮, 而同學多數係有錢, 仲有我應該係有啲社交困難, 拙於言辭, 結果被人排擠. 直到高中, 同學始識隠藏自己, 唔會明刀槍咁迫害人, 日子先好過少少. 學業方面, 語文比較好, 中文寫作試過攞青年文學奬, 中英文自高中起維持全級十名內.
入到大學, 乜人都有, 發覺同啲師兄師姐先傾得到, 同屆同學不乏好友, 但都係當佢哋係弟弟妹妹. 成績還可以, 出嚟做咗兩三年工再返去讀研究學位. 總括嚟講, 到大學階段我先至認真讀書.
3) 社交
從少至今, 我傾得埋嘅朋友清一色係男性, 仲要係大過我嘅. 中學本來有四五個傾得埋嘅同學, 但因為人生階段唔同, 佢哋發緊荳芽夢嗰陣我已經夾喺兩個男人之間痛苦掙扎, 佢哋開始互相為對方物色異性嗰陣我已經結婚. 到今日冇晒聯絡. 其實喺女性羣體我完全嘅格格不入, 覺得女人好"意識流", 想點就點又要人就晒佢, 好多時都唔知自己做緊乜. 當然呢啲係我嘅偏見, 但我識嘅女性好多都係咁, 當中以我99同姑仔為極品之最. 我對女性話題完全零興趣, 有興趣嘅係歷史, 天文, 文學, 政治, 經濟.
4) 教養下一代
而家我係FTM, 小女9歲, 佢都係疑似資優, 佢能言善辯, 語文方面尤其出色, 思想亦比同齡小朋友成熟, 日後志願已鎖定文科類, 鍾意文學歷史同法律. 同佢做過評估, 不過因為過程有問題而令份報告不能作準. 我好着重教佢點同人相處, 有啲嘢應該點應付, 畢竟現實就係識人過識字. 學業上唔會迫佢, 因為試過迫佢而令佢有下意識嘅反抗同搗亂行為.
作者: hy2910 時間: 13-9-17 16:56
多謝分享！真實而感人。
作者: chunyeung 時間: 13-9-17 18:49
Radiomama 發表於 13-9-15 21:13 
1) 請問當日為何做智力測試？
2）同意無論孩子資優定中才，最重要是培育心靈健康和堅強。
...
當時的教友是心理學家, 為了讓我們幾位小朋友認識自己, 便為我們做智力和性格分析
作者: chunyeung 時間: 13-9-17 19:28
baby0903 發表於 13-9-16 22:34
樓主，多謝分享！普通人真的難以理解！
你現在遇到甚麼管教問題？ ...
她現在一歲三個月, 很活潑開朗
問題是她對每樣物件的擁有人十分執著 (我們沒有教她邊樣東西是誰的)
如我的公事包其他人不能掂, 爺爺的電話其他人也絶不可以用, 媽媽的拖鞋姑姐不能著等等
若有人碰, 她一定要搶回俾返擁有人, 如搶不到便會發脾氣又哭又叫
這個情況在六個多月時已一直出現
當時嫲嫲留了手袋在酒樓的椅子上, 離開時她便一邊叫一邊向椅子手指指
但在差不多一歲時她識行識走, 便變得十分麻煩了
問過一些朋友, 也沒有這個情況, 如這情況不普遍, 便讓我有點擔心
作者: chunyeung 時間: 13-9-17 19:36
YolandaTam 發表於 13-9-17 12:19
睇到樓主分享, 心裏有所觸動: 我大學嗰陣為咗揾工, 做過職業測試, 又貪小便宜喺駐校心理學家嗰度測過智商, ...
其實我經常聽人講, 不用讀便一早識晒, 是怎樣的一種情況呢?
我沒有試過這種情況, 不讀便考零分, 只是在讀完後, 比較會舉一反三
作者: chunyeung 時間: 13-9-17 19:45
DCMaMe 發表於 13-9-17 09:17
好多謝樓主，好好的分享，加強了我的信念，一個小孩真係要心靈，行為，自理，自信等各方面的平衡，才會好好 ...
始終父母就是愛惜子女
擔心呢樣, 擔心果樣, 希望乜都安排得妥妥當當, 等佢地條路易行d
但我想最重要是, 識得乜野真的要幫, 乜野應放手俾佢地自己撞板和學習, 令佢地活得快樂
作者: YolandaTam 時間: 13-9-17 21:54
chunyeung 發表於 13-9-17 19:36
其實我經常聽人講, 不用讀便一早識晒, 是怎樣的一種情況呢?
我沒有試過這種情況, 不讀便考零分, 只是在讀 ...
唔知其他人點, 我嘅情況係:
中文: 所有字都識晒點讀點寫, 背默都近乎唔使温, 我嗰代小學啲課文好簡單, 明咗內容, 喺適當位置放番好啲"的" "嗎" "了" "吧" 就得, 雖然唔會一百分, 但九十分冇走雞.
英文: 我嗰代香港唔興PHONICS, 我唔知點解自己聽到個音就大概知個字點串, GRAMMAR就總之嗰句讀落順嘅就算數. 我由小一至中六從來都冇温過英文.
數學: 呢個比較得意, 我唔係冇讀, 而係勁超前, 如之前分享講, 我K3已經識分數乘法, 平時又有個相當變態嘅嗜好就係做數學補充. 可以講, 我係自己谷自己.
社會/科學/健教: 我份人比較八卦, 睇好多無厘頭書,當時啲八卦週刊都會有健康專欄, 我又每日睇報紙, 成份港聞同娛樂版睇晒, 仲有睇兒童百科全書, 所以呢啲科唔成問題.
作者: mandytanghk 時間: 13-9-18 10:55
本帖最後由 mandytanghk 於 13-9-18 10:56 編輯
回復 YolandaTam 的帖子
好多謝你地既分享... 想問你地小時候會唔會好敏感, 比人話下都唔得... 又是否會好硬頸呢?! 同埋你地覺得應該點教社交呢..
我個囝只係k3, 內向又硬頸到不得了, 比老師話點都唔屈服, 只係哭, 其實佢只要稍為讓步會好好多.. 呢家日日係學校都唔開心 
作者: YolandaTam 時間: 13-9-18 11:18
mandytanghk 發表於 13-9-18 10:55
回復 YolandaTam 的帖子
好多謝你地既分享... 想問你地小時候會唔會好敏感, 比人話下都唔得... 又是否會好 ...
俾唔俾得人話就真係好睇個人本身嘅性格, 因為我係有情緒病嘅, 發作嗰陣真係話兩句都會諗埋一邊, 冇事嗰陣就"窒兩句, 濕濕碎".
其實令公子因乜事幹俾老師話? 會唔會只不過係一啲做法問題, 佢唔明自己錯乜? 我囡就係嘞, 佢如果肯定自己啱係會堅持到底, 即使對方係老師/長輩, 得我搞得佢掂咋!
作者: mandytanghk 時間: 13-9-18 11:31
本帖最後由 mandytanghk 於 13-9-18 11:34 編輯
回復 YolandaTam 的帖子
佢知自己錯的, 但佢話老師大聲話佢, 佢係唔會聽, 佢要唔理老師. 佢話自己最唔仲意人講野大聲.
例如佢行得快, 老師唔比, 會大聲話"come back and walk", 佢企係到唔番轉頭, 佢要企硬, 但又要喊. 人地稍為大聲, 佢會接受唔到, 佢覺得大聲話人係錯既,
佢認為冇原因既佢又唔會做,, 之前試過小學interview, 老師要求小朋友手要放係前面小朋友膊頭, 佢係百幾個小朋友入面唯一一個唔放既.. 因佢揾唔到原因為什麼要放... 
佢既堅持度真係好高, 如佢行山, 要行3公里, 佢好累, 佢都唔會放棄既...
作者: chunyeung 時間: 13-9-18 12:22
YolandaTam 發表於 13-9-17 12:19
睇到樓主分享, 心裏有所觸動: 我大學嗰陣為咗揾工, 做過職業測試, 又貪小便宜喺駐校心理學家嗰度測過智商, ...
大概明白你的意思
我想只是learning curve 比較快吧
我對一些有興趣的東西, 只要用心一點學和思考, 便很易到比較高的水準
只是未試過"不學有術"的情況
我好奇的是很多人話未學過卻忽然懂的那種情況
好似我周不時都聽唔少傳聞話有些小孩只學一陣子鋼琴, 甚至有d話未學過
但只要聽一次首歌, 便可以彈成首歌出來..
對我來說真的很神奇
作者: MASAYA 時間: 13-9-18 13:23
唔駛讀就識係咪指唔跟學校流程同唔駛聽老師講解？
一開學就買晒書，有d細路好奇就開學已經睇晒d書，到老師教個陣咪會已經識晒覺得上堂悶
未學過琴就識彈個d應該有阿哥家姐，日日睇日日聽，一上手就識彈，不過真係好神奇，聽得多但未遇過呢d細路
作者: chunyeung 時間: 13-9-18 14:46
mandytanghk 發表於 13-9-18 10:55
回復 YolandaTam 的帖子
好多謝你地既分享... 想問你地小時候會唔會好敏感, 比人話下都唔得... 又是否會好 ...
我對別人的 眼神, 表情,動作, 語氣, 措辭等都敏感
好的方面是富同理心, 以前(強調是以前)有不少女孩子喜歡跟我談心事
壞的方面是, 加上自尊心強, 對唔啱聽的東西容易唔開心
直到現在都會有d因心理引起的生理負面反應, 不過已經較小時候改善很多很多
我自小硬頸倔強, 自尊強
如以前在街玩或去機鋪俾d 死飛仔恰或 r 錢
我一定抵抗到底, 唔會俾佢地兇到, 加上我機警
所以高小和初中班中很多不良份子, 都沒有人恰我, 反而有些有偈傾
另外學習上當遇到唔識的地方, 媽媽叫我落堂要去問老師
我都絶對唔問, 會自己思考和去圖書館找答案
一個問題會花很多時間去諗, 唔信自己諗唔到
可是因為功課很多, 攪到其他功課都亂做, 或返學校才抄
另外, 自己都唔係好講得笑, 好容易嬲
覺得自尊被侵犯
要到中四五時因為遇到一d事, 經過深思和看過一些佛教的書後才開竅,先識得睇開d, 學識自嘲
聰明的孩子唔會俾自己重複犯錯, 會自己諗辦法解決
只是怕他們會諗歪, 用錯方法, 走入歧路
所以家長要適時教導
介入時機是在佢地撞板後, 在他們自信心最脆弱的時候
這時父母才引導佢地向正確方向思考會較有效
如果佢地都唔聽, 就由得佢再撞板, 然後再教
最後開唔開到竅便要睇佢地自己了
很多父母都唔想孩子撞板
對我而言, 愈早撞板愈好, 撞板是很好很好的學習過程和生活經驗
性格呢樣野, 一部分是自身基因, 另一部份是後天
自身基因關父母事. 冇得改
後天那部份父母也有責任, 有得改, 就是身教
諗番自己部份的性格, 很大程度是模仿父母
如果子女有行為問題, 先以身作則, 日常生活中刻意做俾佢地學
社交能力和方式, 我諗都係來自父母
小時候, 生活較困難, 父母平時忙於工作, 早出晚歸, 假日社交活動也少
所以沒有從大人身上學到社交技能
我見一些社交能力較高的朋友和親戚, 他們的父母長輩也是社交能手
我認為耳濡目染是有影響的
以上都係我用現時角度, 根據自己細個時的情況所述
唔知啱唔啱
作者: MASAYA 時間: 13-9-18 15:57
想請教一下，細個時既觀察力同而家大個分別大唔大？
作者: chunyeung 時間: 13-9-18 19:11
MASAYA 發表於 13-9-18 15:57
想請教一下，細個時既觀察力同而家大個分別大唔大？
我細心想想, 觀察力是無分別
較強的觀察力是來自較高的警覺性, 本能地在尋常中尋找不尋常
這很大部分是天生的, 當然後天也可以訓練
但觀察後的一連串反應則分別很大
細個時, 好奇心強, 但知識不多, 見識少, 乜都新奇, 乜都有興趣, 乜都想知,
觀察後的思考較直接, 理解可能只浮於現象上
簡單講就是單純
個人而言, 現時好奇心可能下降了, 觀察到一些東西後, 可能更加人為地壓抑本能的好奇心
因為時間不夠用, 只能集中在感興趣的範疇進行鑽研
(可能遇到了一份需要運用各式知識的工作, 每天都有新鮮事, 每天都有挑戰與難關, 幾乎花掉我所有時間和心思, 以至無暇去找其他更有趣的東西. 以前見到一單無聊的新聞, 只要感興趣, 也可花上整天去找資料)
人大了, 知識增多, 聯想, 歸納, 推理等能力更強, 而且經歷多了, 思考時會加入人性或其他形而上的考量
作者: YolandaTam 時間: 13-9-18 19:14
我自己對人嘅觀察力隨年齡增強。
作者: chunyeung 時間: 13-9-18 19:16
剛見到娛樂版有這新聞, 值得父母跟子女討論
李純恩彈歌詞差辣㷫Wyman
http://hk.apple.nextmedia.com/entertainment/art/20130918/18427491
以前的我受到批評, 第一件事做的也是㷫, 然後自辯
作者: shareholder 時間: 13-9-18 20:33
所以果D IQ test 係害死人, 無咩邊個高IQ分數的人有好成就
作者: 圍棋周教練 時間: 13-9-19 01:10
提示: 作者被禁止或刪除 內容自動屏蔽
作者: zngo 時間: 13-9-19 12:51
圍棋周教練 發表於 13-9-19 01:10
我當年測都差不多，都係果Ｄ心理問題，幾次差不多自殺，哈，總算捱到牛高馬大。 ...
作者: zngo 時間: 13-9-19 12:53
圍棋周教練 發表於 13-9-19 01:10
我當年測都差不多，都係果Ｄ心理問題，幾次差不多自殺，哈，總算捱到牛高馬大。 ...
作者: GIPW 時間: 13-9-20 12:22
The riche might not have high IQ - but they will have high EQ and they know how to manage people. No of high IQ is working for them
作者: hayhay2007 時間: 13-9-22 08:12
hi 樓主和各位家長:你們好
我是一位護士,有一名六歲P1的囝囝,在二三歲時巳被評為"自閉傾向",由不足二歲時巳開始做一些專業訓練直到現在,今年是上小一,不幸入了本地小學,因本人一心想入讀國際,由小到大囝囝都是說英文,中文他不懂,但在短短二星期的小一生活上,老師跟我見面,他向我說:我囝囝是"亞氏保加"不是"自傾",當時的內心有很多很多問題,老師說為何囝囝的言語DELAY ,是因為我們一開始替他轉了台,不伯他的母語。
行為: 跟樓主一樣.常常不坐在位上,經常走出黑板。
情緒: 每天他都很開心,不亂發脾氣。
學習: 對任何事物都非常之好奇,像經過他捉摸後,他巳知道這是什麼,在兩三歲時巳自己上網找自己喜歡的歌或故事,自己 在網上學了拼音,西班牙語和日語,全是透過佢喜歡的東西才學會了。
現在去了一間不錯的本地學校,老師相當的支持和鼓勵他去學中文。又在佢桌上貼上溫馨提示,又怕別人孤立佢,所以小一四班,每班都有十個同學的桌上貼上此標語。
作者: 超人baby 時間: 13-9-22 11:28
回復 hayhay2007 的帖子
你仔仔間學校好好,可否PM告知學校資料,我仔仔情況同你仔仔有少少似,但冇你仔聰明.
如果遇到唔體諒佢哋學校,佢哋會跌入谷底,冇人理
作者: MASAYA 時間: 13-9-23 13:08
hayhay2007 發表於 13-9-22 08:12
hi 樓主和各位家長:你們好
我是一位護士,有一名六歲P1的囝囝,在二三歲時巳被評為"自閉傾向",由不足二歲時 ...
作者: hayhay2007 時間: 13-9-23 23:42
St Michael 炮台山，但都是剛剛開始，起碼他們會想辨法去幫囝囝，上星期要在學校打預防針，我已一早向囝囝洗腦，我知佢驚，但一直鼓勵佢，佢是勇敢聰明的star student ，不用怕，放學後老師來電才知針無打，原來佢一直哭在說要打針，但又不被人打，老師都放棄，但他哭著話要打，最後老師用筆扮打了，他即收聲。在這次又証明學校真的在幫他。
作者: MASAYA 時間: 13-9-23 23:53
hayhay2007 發表於 13-9-23 23:42
St Michael 炮台山，但都是剛剛開始，起碼他們會想辨法去幫囝囝，上星期要在學校打預防針，我已一早向囝囝 ...
作者: hayhay2007 時間: 13-9-24 01:20
有次囝囝躺在地上，叫我一齊做，我就範，他說又要我起來，做什麼？原來他用手掌當pillow 被我，當然sweet ，但心想為何他會有這種同理心！不是一倆個老師跟我說：亞仔見到別人弄傷就算是發出胃氣的聲音，他都會ask 人有事嗎？需要去醫院嗎？要不要膠布等。
講真我從來沒有教他，朋友說可能就是你之前就是這樣對佢。所以各位我們對這些孩子，我們的言行舉止都要三思。
作者: bingzileung 時間: 13-9-25 11:26
多謝分享
作者: girlsmama 時間: 13-9-25 13:30
未學識彈，只靠聽應該是auditory learner 再加perfect pitch.
其實唔少人可以做到
作者: lillymarie 時間: 13-9-25 18:15
講真IQ130﹣144的人，是百人中有一個。
香港8百萬人口，即是說有8萬人是資優啊！
又或者學校每級會有一至兩個學生。
作者: chunyeung 時間: 13-9-29 11:04
hayhay2007 發表於 13-9-22 08:12
hi 樓主和各位家長:你們好
我是一位護士,有一名六歲P1的囝囝,在二三歲時巳被評為"自閉傾向",由不足二歲時 ...
現時老師和家長漸漸對小朋友遇到各種不同的先天困難有更深入的認識和分辨
小朋友更易得到合適的輔導了
快樂的學校生活可能較課本上的知識更重要
學術知識就算60歲也可以學 (娛樂圈中, 印象中也有好幾位在中年才修讀並成為執業律師)
但是人格一旦塑造完成, 便難以改造
我相信要形成較健全的人格, 快樂的學校生活是關鍵
你兒子已確診亞氏保加? 主要有溝通理解上的困難?
另外, 最初為甚麼選擇只教他英語呢? 因為是你和丈夫的母語?
作者: chunyeung 時間: 13-9-29 11:15
hayhay2007 發表於 13-9-24 01:20
有次囝囝躺在地上，叫我一齊做，我就範，他說又要我起來，做什麼？原來他用手掌當pillow 被我，當然sweet ...
以你兒子的行為表現看, 又不太似是亞氏保加或自閉, 有專業人士確診嗎?
作者: 超人baby 時間: 13-9-29 16:44
回復 hayhay2007 的帖子
讀到本地校可能係上天嘅安排,我現在也很難決擇,究竟讀英小定中小?我的小孩也有如類似你的寶貝這樣的同理心,最怕佢哋被欺凌,唔識處理,我現在在家教佢.
作者: hayhay2007 時間: 13-9-29 22:52
回復 超人baby 的帖子
我都是這樣想,一切都由上天安排,可能真的要他學好中文,現在我跟他一起努力。
作者: hayhay2007 時間: 13-9-29 23:00
回復 chunyeung 的帖子
以前三歲時去評估過一次,就說"自傾",當時專家說,叫佢十次有三次回應,有多次看到佢身體有反應想回應你,但又好像不想回應,智力方法, 反而簡單的I AM A BOY, 就寫不好,WHERE AND WHEN 都亂來,但一些好難好深的字佢又慬,我不但無教,連我都不慬, 不過佢很顧及別人,別的小朋友在CRY, 佢要到處找是什麼一回事,那麼多年間,我沒再去評估,因為見到佢每天在進步中,我就不理了,就當他平常的小朋友看待。而且我有位跟囝囝三年的ABA私家老師,每星期來家三次,幫他補習,其實是看他近期布什麼不對,想方法幫他去克服和面對,不過全程都是英文。
作者: hayhay2007 時間: 13-9-29 23:05
回復 chunyeung 的帖子
囝囝的情況,跟我們溝通無問題,因為我們會知他想怎樣,但當然比六歲的小朋友慢,以前因想他定定吃東西,就用PORP UP 書去引他,又用VCD, DVD,兒歌,抱著他一起上網,所以他很細巳懂自己上網,我也沒有什麼限制,不過總有人在旁GARDE 住佢, 老公跟我都是香港人,不過老公工作上很多時間都是英文的。
作者: hayhay2007 時間: 13-9-29 23:28
回復 chunyeung 的帖子
很同意,學術,專長,才華,可以遲些自己覺得有需要或READY ,才學都不遲,但人的天性就不能改,所以我高興不知囝囝有幾叻,而是那麼細就有這份同理心。才是重要,本是巳在BK這網絡上消失三年多沒發言,又在這TOPIC 上發現有很多家長,在SHOW OFF 自己的囝囡有幾聰明,現在巳是2013年了,現在出世的BB多是聰明人,這個定律是一必然,因為一代一定聰敏過上一代,這才會進步,在這資優教育上看到, 很多家長問別人, 這間名校怎樣那間又怎麼, 我深信,如果孩子是叻去到那處都是叻。
又可以跟大家分享一個我病人的故事,病人是一位伯伯,都巳八十歲了,有一位囝囝跟新抱,每天兩段探病時段都來病人探伯伯,我跟他們打個招呼,開始傾談起來,才知伯伯的老婆在囝囝一歲巳走了,我還以為是死,原來是跟人走了,"兼" 當時的伯伯窮, 囝囝巳是六十多歲人仕,看來健康很有福氣的人,看似出身名門,似是一位專業人仕。
原來是伯伯一手帶大佢,所以現在無論有幾忙,每天都要來探伯伯,心才會安樂,我跟他們說,就是你出身在一個無母的家庭上,是爸爸一手帶大你,你由少到大都知道他有幾辛苦,所以現在你幾考順。相反在一個健全家庭成長可能今天不會這樣。
大家明白過中的因果嗎?
作者: hayhay2007 時間: 13-9-30 09:45
我一直在想要囝囝入讀國際是因為: 1. 自己懶,唔想幫他默書,考試。
2. 覺得國際學校對這些學生有特別的SUPPORT , 和OPEN MIND D , 包客D。
3. 想佢在開心愉快學習環境下學習。
我囝囝K3讀蒙特就是這樣,看似好FREE, 無功課,考試,日日都是回校玩,小朋友非常之喜歡返學,但會發現囝囝學到很多很多,如:八大行星,地理,數學,很深的字等等。
跟我工作有關係,看得太多太多了,你眼前你看到的你以為是不行,其實巳賺了很多很多,表面上你以為損失了,其實是賺回。好似在任何交通上你讓位被人,好似損失了一個坐位,但你幫了人。你的小朋友全程看到了,這就是身教了。
在囝囝三歲時,他要上一些密集式的訓練(在入K1前),長達半年,每天由九時至十二時上課,我全程都要參與或陪同佢,認識了一班如問題的小朋友媽咪,她們好DOWN 好擔心,我就發揮我職業功能,從旁去安撫其他媽咪。好似做了她們的ANGLE ,我就明白上天安排了一個這樣的囝囝給我了。
作者: 超人baby 時間: 13-9-30 21:49
回復 hayhay2007 的帖子
多謝分享呀,我現況就像你當年認識的媽媽般和行緊你當年的路........
作者: hayhay2007 時間: 13-9-30 22:27
回復 超人baby 的帖子
加油，小孩跟我們一樣每天都努力中
作者: 超人baby 時間: 13-9-30 23:00
回復 hayhay2007 的帖子
努力,努力,要努力,呢种特質好難對付雖然有130+,但一開聲表達就
作者: hayhay2007 時間: 13-10-2 09:32
回復 超人baby 的帖子
囝囝巳六歲,這幾年間,見盡學校的"嚴"棄,以為是國際學校會OPEN MIND D , 點知又是一樣,要你自己離開,又要面對自己的親朋冷言," 唔識中文點讀LOCAL SCHOOL, 我只可回應他們, 當他是新移民,慢慢來。,他們又說:移民由美國移番來,每句話都直插入心,我無嬲他們,反而老公的反應大過我,我反而當作別人看不起自己更加努力。
有人都問過我,囝囝不似"亞氏保加"也不似"自閉",但總比其他小朋友不同,評估什麼什麼做得太多太多了,我不再著重他是什麼,反而去想他邊處差,我就找人幫他。
作者: shareholder 時間: 13-10-3 15:09
本帖最後由 shareholder 於 13-10-3 15:10 編輯
其實我都想問, 如果讀國際學校幼稚園, 如何可以涵接返管津小學? 無錯你英文好勁, 但中文又點算?
作者: 超人baby 時間: 13-10-4 10:45
回復 hayhay2007 的帖子
你小孩一定好幸福有家的溫暖和支援,更有你這個愛心天使好媽媽
現實真係好殘酷.
| 歡迎光臨 教育王國 (/) |
Powered by Discuz! X1.5 |