教育王國

標題: 想插班鑽石山靈糧堂！ [打印本頁]

作者: Brice 時間: 13-9-14 22:32 標題: 想插班鑽石山靈糧堂！

想插班下午班k2，唔知係味好難？！我仔現已可安坐聽旨令，亦冇攻擊性同脾氣。係会不由自主地遊魂，同唔識与同輩溝通。有冇人係裏面讀緊，係点㗎？面試考D嘢好難嗎？

作者: sccwandccw 時間: 13-9-14 23:24 標題: 回覆：Brice 的帖子

不如你試咗先，學校認為佢地處理到就会收。不過你可唔可以講多D資料。

作者: Brice 時間: 13-9-15 14:14

你想要咩資料！？你識人係內面讀紧？

作者: chowqv 時間: 13-9-15 14:50

佢本黎讀咩學校？k2插班，佢功課追得上嘛？

作者: sccwandccw 時間: 13-9-15 17:15 標題: 回覆：Brice 的帖子

我吾識人係入面做。同chowqv 一樣，就係囝囝現時的情況，讀緊s位,e位 or i位？有冇同現時讀緊既中心討論囝囝既去向等=)

作者: chowqv 時間: 13-9-15 19:18

Brice 發表於 13-9-14 22:32
想插班下午班k2，唔知係味好難？！我仔現已可安坐聽旨令，亦冇攻擊性同脾氣。係会不由自主地遊魂，同唔識与 ...

你無講到你個仔現家讀緊咩位。

好老實，黃大仙既幼稚園，功課都有一定程度。好多主流幼稚園，去到k2已經唔係單單要求"可安坐聽旨令，亦冇攻擊性同脾氣"涕。遊魂同唔識同輩溝通，已經對老師有多左野做。俾你插到k2，k3又點應付功課呢？

不過你可以試下去報既。如果你既小朋友讀緊S/I位，有無同現在既導師相量一下？

作者: Brice 時間: 13-9-15 22:25

我仔讀緊s丫，第二年了，就係已有D進步，先想出去试吓，現留係s，所学已有限。仔应该不需入特殊小学，所以主流幼稚園，是必經路。如果出年k3先插班，味重難考

作者: Brice 時間: 13-9-15 22:34

我仔讀緊s丫，第二年了，就因已有進步，再留係s，所学有限了，先想试试。因我仔应不需入特殊小学，所以主流幼稚園，是必经路呢。如k3先考，米重深。

作者: Brice 時間: 13-9-15 22:40

我仔讀緊s丫，第二年了，就因已有進步，先想試吓比佢讀主流，再留係s，所学有限。我仔应不需讀特殊小学，所以幼稚園是必經路。如出年先考k3，味重難。

作者: Brice 時間: 13-9-15 22:52

sorry。。。。以為覆唔倒，寫咗幾次。我係新手，请大家包容

作者: sccwandccw 時間: 13-9-16 14:03

表明自己既背景先，希望你唔好介意,我本身係幼稚園做開,之後再轉去特殊幼兒中心教。係S位裡面差不多每一位家長都希望小朋友盡快可以出去，當然中心各同工認為小朋友係時候出去,3T、社工、老師都會開會討論小朋友去向。所以我就係想問你現時S位既老師點講。
K3既程度當然難過K2啦~但喺吾喺代表越早出去就越早適應呢?進步得多喺唔喺就可以盡快出去?其實都要睇小朋友各方面既發展範疇同真實年齡相差得大唔大。比如小朋友一直留喺S位,K2時同真實年齡相差15個月,但去左K3時同真實年齡相差8個月,咁你話邊段時間出去對小朋友來說係容易適應呢?當然哩D只係小小既例子,出唔出去都唔係咁公式法去計算，仲要睇小朋友實際情況。
哩度可以俾大家分享,但實際情況,其實你必須要同小朋友既學校溝通,先可以得到答案。
附帶一提,係一般幼稚園(我指沒有任何支援,兼收服務都冇0個隻)如果有特殊需要既小朋友,就算老師係幾有愛心,幾咁有教無類都好,係一個咁緊湊既教學環境下,老師對有需要既小朋友目標係「安全上學」「安全放學」唔好受傷。但當小朋友係合適既學習環境下(我指S/E/I位),老師絕對有充份既時間按小朋友個別需要提供不同既訓練,仲有治療師既支援。
如果你真係要搵幼稚園,建議你搵一D收生冇咁足(如下午班),人手比例無咁緊既學校,老師都可以關顧多D小朋友。

作者: lambk 時間: 13-9-16 18:52 標題: 回覆：Brice 的帖子

一般普通幼稚園k1雖然不用寫字，但要劃綫、點、圓、弧，認中英文字、數數10以內等，而k2上學期則開始寫簡單中文字、1-10、英文字母等，樓主可視乎小朋友能力再定。

作者: lambk 時間: 13-9-16 18:53 標題: 回覆：lambk 的帖子

今年入k2?現在9月了，係就要快！

作者: Brice 時間: 13-9-16 19:12

真的很多謝大家的回覆！我原本係打算今学年下学期中段先插班入k2，等仔係s再打好D個底先。但因仔仔今年s位的班主任真係麻麻，佢唔係好識教a仔，我仔開学1個月，常規已明顯差咗，我怕再落去，仔会退步更多。。。。
另外仔上年班主任私底下係建議仔今年下学期走出去k2的，之於学校，當然想你出年先走，因现在走出去，即係要請半天假啦！
找靈量堂，是因為知觉它有特殊教育小组。另外亦会再報其他屋企附近的i位幼稚園

作者: Brice 時間: 13-9-16 19:20

回復 sccwandccw 的帖子

真很多謝sccwandccw比我的詳细意見，我会再認真考虑吓

作者: chowqv 時間: 13-9-16 20:21

Brice 發表於 13-9-15 22:25
我仔讀緊s丫，第二年了，就係已有D進步，先想出去试吓，現留係s，所学已有限。仔应该不需入特殊小学，所以 ...

家下係S位，唔係應該轉去I位呢？

應唔應該讀到主流小學，小朋友係可以有小一入學前評估，唔係家長自己估。都唔好低估主流幼稚園既要求。特別你為既係讀主流小學。

講到尾，同你既導師相量相量。

作者: sccwandccw 時間: 13-9-16 22:49 標題: 回覆：Brice 的帖子

唔駛客氣，其實我都要學習由家長角度出發。如有任何問題，歡迎發問～

作者: Brice 時間: 13-9-16 23:12

回復 sccwandccw 的帖子

多謝，多謝！你講得好啱，老師好想學生打好根底，家長就好想仔女快D邁向主流，我亦要学習從老師的角度去看！

歡迎光臨教育王國 (/)