教育王國

標題: 小一識新同學 [打印本頁]

作者: katimbear 時間: 13-9-14 12:23 標題: 小一識新同學

我果個係怕羞仔小一已經開學2個幾星期都仲未識到同學仔好擔心佢好孤單

想問2個幾星期仲未識到朋友算正常嗎?

作者: 柏禧BB 時間: 13-9-14 20:04 標題: 回覆：小一識新同學

有啲小朋友係內向啲,我個仔都係有小朋友主動撩佢,佢先做到朋友，而家仲交換埋電話

作者: hadwinboy 時間: 13-9-14 20:05 標題: 回覆：小一識新同學

我個仔是外向多咀型，佢都比我預期慢識朋友。剛剛上星期三、四開始先有同一兩個同班同學食完飯去玩。之前兩星期佢都話係自己一個去 library , 夠鐘就返課室。我聽到也有點戚戚然，我教他可自己邀請同學仔去玩，可能他最後有試做。

作者: katimbear 時間: 13-9-15 09:12 標題: 引用：有啲小朋友係內向啲,我個仔都係有小朋友主

原帖由 柏禧BB 於 13-09-14 發表
有啲小朋友係內向啲,我個仔都係有小朋友主動撩佢,佢先做到朋友，而家仲交換埋電話

...

你仔就好釆啦! 唔知我仔幾時先有朋友

作者: ms.giggle 時間: 13-9-15 09:48 標題: 回覆：小一識新同學

上年我仔頭一個月都好孤單，雖然巳識一两個同學，但也常孤獨過小息。不用擔心，原來很多人都係咁，第二、三個月成班friend了。

作者: ferrari2007 時間: 13-9-15 18:34

我仔暫時都係未識到朋友,我唔擔心,日子流流長,日日對住同一班同學遲早都會熟落

!佢本身都係多口仔,我問佢小息時有無同同學仔傾下偈一齊玩?佢話無,小息主要係食野,食到夠鐘

!我問佢自己一個人食定同d同學圍埋一齊食?佢話自己一個人坐喺長櫈度食,問佢[唔悶咩?],佢話唔悶,一路食一路睇下其他人玩幾開心

作者: baubaulee 時間: 13-9-15 19:09 標題: 回覆：小一識新同學

阿囝都未識到，佢話小息去洗手間，食埋小食都夠鍾喇!
我問過老師，佢話正常喎

作者: katimbear 時間: 13-9-15 21:40 標題: 引用：上年我仔頭一個月都好孤單，雖然巳識一两個

原帖由 ms.giggle 於 13-09-15 發表
上年我仔頭一個月都好孤單，雖然巳識一两個同學，但也常孤獨過小息。不用擔心，原來很多人都係咁，第二、三 ...

唔好氹我開心喎! 每次一聽佢話小息得自己一個就好心痛

作者: katimbear 時間: 13-9-15 21:42 標題: 引用：我仔暫時都係未識到朋友,我唔擔心,日子流流

原帖由 ferrari2007 於 13-09-15 發表
我仔暫時都係未識到朋友,我唔擔心,日子流流長,日日對住同一班同學遲早都會熟落!佢本身都係多口仔,我 ...

都好起碼佢都好正面希望佢地快D投入校園生活啦

作者: katimbear 時間: 13-9-15 21:42 標題: 引用：阿囝都未識到，佢話小息去洗手間，食埋小食

原帖由 baubaulee 於 13-09-15 發表
阿囝都未識到，佢話小息去洗手間，食埋小食都夠鍾喇!
我問過老師，佢話正常喎

...

多謝哂聽完都安心D!

作者: FATSHIT 時間: 13-9-15 22:44

兩個星期仲好短，耐D會好D架

作者: katimbear 時間: 13-9-16 11:21 標題: 引用：兩個星期仲好短，耐D會好D架

原帖由 FATSHIT 於 13-09-15 發表
兩個星期仲好短，耐D會好D架

但願如此🙏thank you

作者: COE1205 時間: 13-9-16 11:51

我仔係多口仔一名,又唔怕羞,第一個星期已經識到朋友!

作者: jessiejy 時間: 13-9-16 11:59

提示: 作者被禁止或刪除內容自動屏蔽

作者: rainbowcov 時間: 13-9-16 12:11

jessiejy 發表於 13-9-16 11:59
我囡囡都係仲未識到新同學, 小息時只得自己一個. 有時我問佢仲唔仲意間學校, 佢話少少啦, 我問佢點解, 佢話 ...

其實小朋友好快熟絡的, 都唔需要太擔心。

作者: mch411 時間: 13-9-16 12:32

亞仔 p1 冇同學派去同一間,
搭校車識左個p2
自己 p1 就同坐隔離同坐後面果兩個一齊玩
放學去托管班就識左3,4個第二d學校 p1

作者: jessiejy 時間: 13-9-16 14:26

提示: 作者被禁止或刪除內容自動屏蔽

作者: chanwendy 時間: 13-9-16 16:22

本帖最後由 chanwendy 於 13-9-16 16:23 編輯

我女都有啲內向, 文靜怕醜型, 但第一天返學只少識咗隔離同前面 / 後面的同學. 不過我女冇幼稚園同學仔一齊讀呢間小學, 所以暑假時我就 brief 定佢, 要主動少少識人, 例如問吓人叫咩名, 問吓可唔可以一齊玩.

作者: jessiejy 時間: 13-9-17 09:43

提示: 作者被禁止或刪除內容自動屏蔽

作者: katimbear 時間: 13-9-17 09:53 標題: 引用：我囡囡都係仲未識到新同學,+小息時只得自己

原帖由 jessiejy 於 13-09-16 發表
我囡囡都係仲未識到新同學, 小息時只得自己一個. 有時我問佢仲唔仲意間學校, 佢話少少啦, 我問佢點解, 佢話 ...

我仔同你女一樣呀所以佢覺得無野令佢有動力返學

作者: chunyatmama 時間: 13-9-17 09:53

Don't worry everyone. Its a long long way to go. Trust the kids! They will make a lot of friends.

作者: katimbear 時間: 13-9-17 09:54 標題: 引用：呀囡昨晚同我講已識到一位男同學,+連名都可

原帖由 jessiejy 於 13-09-17 發表
呀囡昨晚同我講已識到一位男同學, 連名都可以講得出
大家的小朋友都要努力, 好快便有新朋友 ...

你就好啦!希望我仔都快D成功識朋友仔

作者: jessiejy 時間: 13-9-17 10:20

提示: 作者被禁止或刪除內容自動屏蔽

作者: tammy0419 時間: 13-9-17 12:05

我個仔只識到一個同學仔, 個同學仔咁啱呢兩日都遲左返學, 我見到個仔都孤令令一個人呀, 心有點痛!!! 昨晚同他PILLOW TALK, 問佢一個人係度行黎行去有無吾開心, 叫佢識多D同學仔, 佢竟然答我: 吾怕啦! 返到上課室就會同前面同隔離既小朋友玩架啦! 原來我個仔都大個仔了..... 但當然做母親都擔心啦! 各位媽媽同小朋友一齊加油呀, FIGHTING

作者: ferrari2007 時間: 13-9-17 13:12 標題: 引用：Quote:原帖由+ferrari2007+於+13-09-15+發

原帖由 katimbear 於 13-09-15 發表
都好起碼佢都好正面希望佢地快D投入校園生活啦

你唔駛咁緊張喎，你預頭3個月係適應同觀察期，佢話一個人啫，但唔代表佢一定孤獨，有時睇下人玩都係一種娛樂，反而叫佢一齊玩佢可能會怕醜添!玩、睇、食、傾乜都好，最緊要佢enjoy

作者: ferrari2007 時間: 13-9-17 13:18 標題: 引用：回復+rainbowcov+的帖子呀囡都有同我講話

原帖由 jessiejy 於 13-09-16 發表
回復 rainbowcov 的帖子

呀囡都有同我講話 "唔緊要, 我自己一個人冇朋友都ok 喎!" 我聽到這句後仲更加唔舒 ...

佢話OK咪OK囉，反而唔好特登去Push佢，免得比左壓力佢，令佢覺得冇朋友係有問題。除非佢同你講想識朋友但無從入手，到時先鼓勵佢主動d仲好

!
開學先半個月，會唔會覺得自己有少少「皇帝唔急太監急」?take it easy

作者: 320laser 時間: 13-9-24 17:06

小女, 可能仲未識應小學的生活, 返學時仲會喊, 不過老師話佢唔見左我地, 就唔同哂, 上堂好開心, 又肯做功課, 不過, 都暫時未識到同學仔, 小息都係一個人, 食野, 希望佢快的識應同enjoy 校園生活啦..

作者: 新地 時間: 13-9-27 11:58

我囡囡同個幼稚園死黨派同一間小學但唔同班, 佢哋日日小息都一齊, 但自己班就仲未識到新朋友, 遇著朋友仔無返就寧願自己一個人, 都唔知點先可以令佢認識下自己班嘅同學

作者: JTBGX 時間: 13-9-28 23:36

ferrari2007 發表於 13-9-15 18:34
我仔暫時都係未識到朋友,我唔擔心,日子流流長,日日對住同一班同學遲早都會熟落!佢本身都係多口仔,我 ...

我仔一早將果d獨立包裝的小食派比同學食嘅喇。之前佢自己話老師講明小一唔使，驚唔衛生，之後我問佢，老師話唔派得，你唔驚老師？佢話系有d小朋友見到佢食嘅野，出聲問我仔要。

上個星期已同我講我同XXX是好朋友來架。

作者: JTBGX 時間: 13-9-28 23:38

tammy0419 發表於 13-9-17 12:05
我個仔只識到一個同學仔, 個同學仔咁啱呢兩日都遲左返學, 我見到個仔都孤令令一個人呀, 心有點痛!!! 昨晚同 ...

唔使擔心，佢地呢排座位都成日調來調去，一般小朋友好快就熟絡

作者: Ryan-Mammy 時間: 13-10-6 12:23

我仔都系內向,所以剛返學時有D情緒,但好在有幼稚園同學仔系隔離班,我同佢話小息時可以去探下佢.現在放學都仲會同我介紹下新識D同學名字.

歡迎光臨教育王國 (/)