教育王國

標題: 囝囝有言語障礙，係咪冇好嘅K1會收？ [打印本頁]

作者: myemmie 時間: 13-9-13 16:15 標題: 囝囝有言語障礙，係咪冇好嘅K1會收？

囝囝而家兩歲五個月，只係識講爸爸媽媽同姐姐！
原本以為而家間學校係N班直上K1，點知唔係！話要再面試！
佢答唔到問題，我而家好擔心佢冇好嘅學校會收！

作者: worldcat 時間: 13-9-13 17:40

我會提議搵一間普通啲嘅幼稚園或出名嘅happy school.
部份小朋友真係會3-4歲先發力、亦有部分因為係屋企學講野嘅機會唔多。
如果擔心、快啲搵專業人仕幫手。

如果九龍區、又一村要求無咁高、有學卷。學術係淺啲、但校風整體算好。到等小朋友大啲試下轉校或自己搵啲課外班上。

作者: Fergus1224 時間: 13-9-13 19:08 標題: 回覆：囝囝有言語障礙，係咪冇好嘅K1會收？

我仔都好遲學講嘢，上到K1 時都表達唔到，講緊bb話，但唔好覺得佢有言語障礙，根本人人都有不同發展嘅時間表，有人快，有人遲，你應該認為自己個仔只係未到呢個階段，男仔講嘢係慢啲！唔好擔心搵唔到，最重要係間學校有無心機教！我個仔係超細仔，剛回學校頭兩三個月，老師要估佢講咩，後來老師好用心，而且學校又把他安排讀下午班，人少啲，老師可以放多啲時間俾佢，你唔好介意讀下午班，其實都係好事！我個仔過了半個學期，已經變得可以講話有條有理，起碼大家不用估估下！到現在快6歲了！英文普通話都發音準確，小朋友嘅潛力係無限的，不要過早標籤佢地，多鼓勵，相信他們，他們會因此得到更多，加油！

作者: fishchow 時間: 13-9-13 20:40 標題: 引用：囝囝而家兩歲五個月，只係識講爸爸媽媽同姐

原帖由 myemmie 於 13-09-13 發表
囝囝而家兩歲五個月，只係識講爸爸媽媽同姐姐！
原本以為而家間學校係N班直上K1，點知唔係！話要再面試！
...

囝囝係咪細B？

作者: MrBeast 時間: 13-9-13 21:48

myemmie 發表於 13-9-13 16:15
囝囝而家兩歲五個月，只係識講爸爸媽媽同姐姐！
原本以為而家間學校係N班直上K1，點知唔係！話要再面試！
...

個人愚見，你最急切的問題是language delay, 但三歲前開始適當的訓練要追返不難，快些去找專業意見。

作者: BABY_HEBE 時間: 13-9-13 22:19

提示: 作者被禁止或刪除內容自動屏蔽

作者: KittyMelody1 時間: 13-9-13 22:34

BABY_HEBE 發表於 13-9-13 22:19
語言障礙係咪做左評估証實左先……如果証實左就好快d去做言語訓練，呢樣先係急切擔心處理得事情……老師有 ...

AGREE.....應先解決小朋友既本身問題, 小朋友未識講野, 老師點同小朋友溝通/ 互動呢? 平日大人在家盡量多同小朋友說話, 乜都講一餐....對講野點都有D幫助....至於入幼稚園, 呢一刻反而唔重要.....

作者: myemmie 時間: 13-9-14 01:42 標題: 回覆：BABY_HEBE 的帖子

睇過兒科醫生，佢話應該係有delay，但話睇咗兒童發展中心先，然後睇嗰邊醫生點講，再睇下係咪真係有需要睇言語治療師。
而家約咗十月頭見發展評估嘅醫生，等佢再正式做一個評估，之後會再睇言語治療師。

作者: myemmie 時間: 13-9-14 01:43 標題: 回覆：myemmie 的帖子

多謝各位！
希望唔會冇學校收啦。

作者: MrBeast 時間: 13-9-14 07:30

myemmie 發表於 13-9-14 01:42
睇過兒科醫生，佢話應該係有delay，但話睇咗兒童發展中心先，然後睇嗰邊醫生點講，再睇下係咪真係有需要睇 ...

最好Chk 下要排幾耐，如聽指令無問題的話，你亦可自$去協康之類的機構，lei 類問題越早介入越好，要用的時間亦會是最少。至於kg 方面，如証實有delay, 最好就搵母語為主的

作者: FATSHIT 時間: 13-9-14 08:39

面試好睇個小朋友對答，若讀答得唔好，我覺得多數機會不大
我仔個時都係吟，冇人收

作者: daughterkingdom 時間: 13-9-14 09:58

提示: 作者被禁止或刪除內容自動屏蔽

作者: MrBeast 時間: 13-9-14 11:54

Languages development milestones 網上很易找到，雖然每個小孩發展都不同，錯過了黃金期就仲煩，隱陣d好。

作者: Macylau 時間: 13-9-14 12:06 標題: 引用：Quote:myemmie+發表於+13-9-14+01:42+睇過

原帖由 MrBeast 於 13-09-14 發表
最好Chk 下要排幾耐，如聽指令無問題的話，你亦可自$去協康之類的機構，lei 類問題越早介入越好，要用的時 ...

真係吾好拖！自己慳啲洗，比佢去私人機構做下評估及training 先！等政府蚊都瞓！小朋友幾個月可以進步神速！

你已經發展問題，甘幼稚園階段就著力幫佢！名幼與否吾係priority! 識得有小朋友有language delay, 入普通幼稚園，但全家人出盡心力栽培！三年后入神級小學！

作者: myemmie 時間: 13-9-16 20:51 標題: 回覆：Macylau 的帖子

其實我都預咗私家睇，因為我問過而家政府speech therapy要排到2015年先有得睇！問過私家speech therapist收費約莫$800睇一次，都唔算收得太貴。
不過兒科醫生話叫我可以自己响屋企train住佢先，因為我個仔唔肯follow command，佢話可以等見埋兒童發展中心醫生，等埋佢意見先睇私家，因為私家隨時都睇到喎。
我而家响屋企已經train緊佢，都見有進步。
學校我就報咗六間，當中有d都多人爭，但唔係神校，有d人哋話比到錢就必收喎，我希望點都有學校收，唔使周圍再搵啦！

作者: worldcat 時間: 13-9-16 21:37

回復 myemmie 的帖子

10個做完評估8個無事、淨返兩個一般都好輕微問題。
宜家可以先集中睇下有無合心水嘅happy school, 唔會無學校收嘅。

作者: irischan1984 時間: 13-9-16 22:50

我仔都係三歲先開始學講野，之前都驚佢唔識講野!但而家4歲想佢唔講野停一陣都難

作者: melonfans 時間: 13-9-16 23:28

myemmie 發表於 13-9-13 16:15
囝囝而家兩歲五個月，只係識講爸爸媽媽同姐姐！
原本以為而家間學校係N班直上K1，點知唔係！話要再面試！
...

你揾有學卷定無學卷學校?

如果你話好出名又龍校就真係有難度!

作者: 2299 時間: 13-9-17 20:03 標題: 回覆：囝囝有言語障礙，係咪冇好嘅K1會收？

我都兩歲八個月都唔識講嘢，依家上緊言語治療，政府都等緊應該好耐先有得睇，我都好擔心無學校收，因依家間學校都唔係直上k. 希望過多幾個月講嘢好少少面試時表演好啲啦

作者: monkeydiary 時間: 13-9-18 00:53 標題: 引用：囝囝而家兩歲五個月，只係識講爸爸媽媽同姐

原帖由 myemmie 於 13-09-13 發表
囝囝而家兩歲五個月，只係識講爸爸媽媽同姐姐！
原本以為而家間學校係N班直上K1，點知唔係！話要再面試！
...

其實，我覺得揾學校都要講運氣，好似我女咁，佢考n班時都唔識講野又無乜反應，結果考到區內一間唔太出名，但有家長認為它的程度比區內名私幼還深的幼稚園(該家長有2個仔女分別係名私幼同我女的學校讀，所以佢知)
除非你話一定要名私幼及龍校，否則隨緣啦！
但你首先一定要揾左醫生先，由佢評估及問下佢應該讀咩課程，我女就係由醫生建議讀特殊幼兒導師課程，只係上左個幾月，醫生就話佢進步神速，可以由排e位轉排i位，仲話可同其他小朋友一樣讀主流幼稚園

作者: kufubaby 時間: 13-9-18 11:32

樓主都好豁達明事理, 所以容我直接D講, 學校無分好唔好, 只有適合與否.
倘若真係有DELAY, 搵一間適合小朋友讀既重要過外界(包括父母自己)覺得好既學校去讀, 這不止是K, 其實小學(P)中學(S)到大學(U)都一樣.
加油

作者: deechai 時間: 13-9-18 12:30

家裡的語言環境如何? 全中, 或要求小朋友學英文?

在初期, 不要2語....先集中中文...

作者: myemmie 時間: 13-9-21 06:13 標題: 引用：樓主都好豁達明事理,+所以容我直接D講,+學

原帖由 kufubaby 於 13-09-18 發表
樓主都好豁達明事理, 所以容我直接D講, 學校無分好唔好, 只有適合與否.
倘若真係有DELAY, 搵一間適合小朋 ...

我一向主張開心學習，所以大女都係上Happy school。
家姐以前都係讀仔仔呢間，讀得好開心，所以都比細佬讀呢間，只係唔知佢轉咗唔係直上K1，所以突然失咗預算，又怕冇學校收。
我唔會麻木追名校，大人同小朋友都辛苦！最緊要讀得開心，我希望我嘅小朋友將來大個，會有小朋友應有嘅小朋友快樂回憶，亦希望佢enjoy佢嘅童年同學校生活，真正做個快樂嘅小朋友。
尤其更排見好多學生因讀書壓力自殺，太唔值得喇！
讀書唔好唔等於冇前途冇將來，最重要係做人嘅態度嘛。
Sorry，見近排D人報小學太瘋狂，又見到近排好多年青人自殺，有感而發。

作者: myemmie 時間: 13-9-21 06:15 標題: 引用：家裡的語言環境如何?++全中,+或要求小朋友

原帖由 deechai 於 13-09-18 發表
家裡的語言環境如何? 全中, 或要求小朋友學英文?

在初期, 不要2語....先集中中文... ...

我工人講英文，父母家姐就廣東話，我都知有影响。

作者: myemmie 時間: 13-9-21 06:24 標題: 回覆：myemmie 的帖子

BTW，真係好多謝各位嘅支持鼓勵、意見同關心！
多謝你哋呀！

作者: NatalieBaby 時間: 13-10-4 21:41 標題: 回覆：myemmie 的帖子

if i were u and can afford i would definitely hire private speech therapist while waiting for subsidized training, the sooner u start the better chance to catch up. child with a little speech delay can definite catch up, but don't count on the belief that he will improve himself over time. as for kinder better apply for some less well known kinder as well. i know some kinder will even admit the kid without the need to interview.

歡迎光臨教育王國 (/)