教育王國

標題: 求救: 2歲仔仔返 N1, 好唔適應呀 >"< [打印本頁]

作者: move629 時間: 13-9-13 16:12 標題: 求救: 2歲仔仔返 N1, 好唔適應呀 >"<

想請教有經驗既媽媽啊：
我仔仔2歲，而家比佢讀n1
8月份適應月無事，好好的
9月頭肺炎入左醫院，請左一星期假無返學
到9月中個星期再返學，早上一見拎校服出來就喊到癲話吾返學，
已
經維持左成個星期，每朝打交換衫再打住交甘返學，我好辛苦又攰，
之後仲要返工＞＜"
請教各位媽媽，我可以做咩令佢換校服吾再喊？吾使每朝打交？謝謝
各位！

作者: DollyCC 時間: 13-9-13 17:11 標題: 回覆：move629 的帖子

唔好叫醒佢，瞓住換。問下學校佢在校有咩事。

作者: siufung 時間: 13-9-13 18:28 標題: 回覆：求救: 2歲仔仔返 N1, 好唔適應呀 >"

有d學校會建議瞓著時換定先，避免一場龍爭虎鬥....
萬一他一發現穿了校服便發癲大吵，詢問一下主任，可否短時期穿便服上課，待他稍爲無咁抗拒時先換番校服！另外，你小朋友是換校服大吵，咁返到學校有否喊...問番他學校發生的事會否輕鬆回答，定不安不想提？？多向校方瞭解下...

作者: move629 時間: 13-9-13 23:13

本帖最後由 move629 於 13-9-15 17:03 編輯

回復 siufung 的帖子

問親都話好正常，咩都無問題話佢入到課室五分鐘就收聲
回家問學校的事，因只識講好中意玩車車
其他問題, 我吾知係吾想答定吾識答啊。。
點算好？

作者: siufung 時間: 13-9-14 00:44 標題: 引用：回復+siufung+的帖子問親都話好正常，咩

原帖由 move629 於 13-09-13 發表
回復 siufung 的帖子

問親都話好正常，咩都無問題話佢入到課室五分鐘就收聲

我小朋友今年K1，上年返了一年pn，開頭亦好抗拒上學，一起身換衫就好驚，飲泣話唔要著校服唔要番學，但她沒有頑抗，只係好不情願，半推半就，一個月以來慢慢適應了...同時間我亦識很多朋友子女讀PN遇到好像你的情形，很困難地穿上了校服，小朋友哭到想撕破校服，死去活來！但回校又很開心正常上課。其實對於小朋友，換上校服的一刻等同告訴他們即將面臨和屋企及家長分離，觸動到他們的分離焦慮，好像犯人被套上囚衣一樣，所以會有不安！所以有學校是允許小朋友暫穿便衣讓他們過渡，待焦慮情況改善，不懼分離時，他們眼見其他同學穿著校服上課，在群衆效應下他們不想“異相“也會願意跟著一夥穿上校服的。切忌在他抗拒時唬嚇和打罵他，這樣反而加劇抗拒感和對校服的恐懼厭惡.....
加油！

作者: 冷xiaofeng 時間: 13-9-14 01:17

咁其實係眯大D讀K1會好D呢？

作者: siufung 時間: 13-9-14 01:22 標題: 引用：咁其實係眯大D讀K1會好D呢？

原帖由 冷xiaofeng 於 13-09-14 發表
咁其實係眯大D讀K1會好D呢？

不會啦！PN年紀實在太少，一下子不適應常會發生，只要家長給予耐性，同時配合學校，多數短時間會改善的...個人認為可以的話讀pN好過直接入K1，讀過PN的小朋友，上K1紀律、群體等都可即時適應...

作者: 冷xiaofeng 時間: 13-9-14 01:28

回復 siufung 的帖子

其實我都好矛盾，又想佢讀PN，又想佢直接上K1!聽你咁講都有道理!咁我B係十二月，想讀pN係出年就要搵嗎?

作者: move629 時間: 13-9-15 17:08

回復 siufung 的帖子

我仔仔可能比較水皮, 返二日病三日 >"<
可能因為咁佢唔能夠適應啊..
明天又星期一要返學啦, 我又要早上同佢打交喇 >"<

作者: iriskwokmama 時間: 13-9-16 23:43

回復 move629 的帖子

加油呀！我B又係返學一星期就病左三日！希望只是過度期！

作者: Mandy7799 時間: 13-9-17 09:26

回復 move629 的帖子

我個仔都係~~依排開始一有校服就喊~~

去到學校門口, 傻左咁喊~~

我今早都好DOWN個人~~~

佢星期六日去上跳舞好開心架...仲唔比我食早餐, 話要去跳舞~~~~~

我唔知佢係學校咩事, 老師話佢喊一陣又玩~~~~

作者: cloudwingwing 時間: 13-9-17 23:04 標題: 回覆：求救: 2歲仔仔返 N1, 好唔適應呀 >"

小朋友肺炎，請一星期病假夠嗎？

作者: AdrianChowB 時間: 13-9-17 23:15 標題: 回覆：求救: 2歲仔仔返 N1, 好唔適應呀 >"<

我女又係八月返了個半星期，輕微肺炎入院4日，再留家休息一星期，前後冇返兩個星期。
剛剛尋日返番全日班，返放學ok,但今日返放學坐校車喊！
我呢兩日都係開住TV比佢睇，然後我一邊換衫，分散佢注意力

作者: worldcat 時間: 13-9-17 23:36

病完係痴身啲、過多一排會無事。
阿囝3個月開始返育嬰院、宜家2.5yrs n班, 病完頭一兩日都係話唔返學。喊住入課室、但一轉頭已經笑主同其他同學仔玩。

如果長期喊唔返學校、當然要深入了解。但只係短時間就唔洗太擔心。

作者: Snafkin 時間: 13-9-18 14:54

我囡今年都返N1，開頭果日我接送，都喊得好勁。之後我搵爺爺接送，情況就好D，係返學時喊下，爺爺接放學就無野啦！到第六日，我拖佢手返學，我不停同佢講，媽媽只係返工，唔係其他，一放工就會黎接你架啦！唔洗担心架！由果日起，我囡每日都好開心咁同我拖手返學，試下每日同佢講下，比D安全感佢，話佢知，一收工就一定會去接佢，加上佢剛病好，係會痴身D架啦！加油吖！小朋友適應力好強架，好快習慣架啦！

作者: wing987 時間: 13-9-19 12:31

其實如果只係喊唔肯換校服, 可唔可以同學校老師相量下, 帶埋校服去到學校等老師幫佢著呢, 有d小朋友一見倒老師時就咩都肯做架喇.好過朝朝要一齊鬥力艾.

作者: Lovely_Babybaby 時間: 13-9-23 11:34

小朋友第一次同熟人分離,係要多D時間適應,
新生適應期係會時好時壞,
返返下慣左就會鍾意反架喇.
唔好話N1, 我仔宜家K1, 有時都仲會扭計唔著校服.
不過大部份時間都係鍾意返學.
學校都建議,如果小朋友太抗拒就由佢著便服,
校服袋係書包,老師自然有辦法幫佢著.

歡迎光臨教育王國 (/)