教育王國

標題: deleted [打印本頁]

作者: carrie3825 時間: 13-9-11 15:47 標題: deleted

本帖最後由 carrie3825 於 16-2-28 14:12 編輯

前年暑假已換新的廁所,所以取消此post

作者: stephainewong 時間: 13-9-12 12:22

校舍舊唔舊/乾唔乾淨/係咪踎廁呢D硬件唔係應該入讀前已經知道? 有開放日,又有校慶呢D open日子,既然介意咪自己去參觀了解下先

自己小朋友唔識用踎廁反而怪人地無提供

E家D人真係乜都有得投訴

而且係有座廁格,不過唔係層層廁所都有就真

作者: vvmon 時間: 13-9-12 13:02

其實我覺得要小朋有習慣下都ok,我上次去沙巴玩有d地方都係踎廁，唔通唔去咩？比佢知道自己已經好幸褔，都唔係一件壞事

作者: carrie3825 時間: 13-9-12 21:44

其實我無去開放曰，校慶等活動，只知係一間老師有愛心，小班教学，愉快学習及唔谷，小朋友會讀的開心的學校，所以便揀了，但如可以有改善的話就仲好啦！

作者: carrie3825 時間: 13-9-12 21:47

而且我並不是投訴，我和幾位小一的家長閒話曾談及過，不約而同有呢個感覺吧！

作者: vvmon 時間: 13-9-13 04:11

Hi, carrie3825,
其實我女女今年係插班生，我記得我係26/8的新生輔導日先叫參觀過校舍，當時先知廁所係踎廁！
你唔好介意我咁講，我個女本來係讀測清水灣某間名校，校舍係2009年新校舍，讀咗四年，讀到死死下都得6-70分！最後我頂唔順決定轉校！
我女女黎到呢到之後，雖然得兩星期，我完全感受到女女好鐘意呢度，功默書自己搞掂，無欠過一次功課，因為無校車，係我日日自己湊佢返工，車程要45分鐘，其實都辛苦！但係佢一句都無投訴過，反而仲好鐘意tim！
我明白你的感受，我出席新生輔導日時，我個心都同你有一樣反應！！但係女女完全無投訴過，仲好投入學校生活！
我感得校舍係其次，小朋友讀得開心先係重要，小朋友適應力好強，比佢地多d接觸其他事物，對佢地未係壞事！

作者: buzzcheung 時間: 13-9-13 08:23

其實我的小朋友話小息時洗手間好臭, 好污漕....
設備無得改, 但基本的衛生.... 學校可以留意吓 !!!

作者: yy13 時間: 13-9-13 13:17

本帖最後由 yy13 於 13-9-13 13:18 編輯

我地呢度雖然人小，但勝在大家都好和諧，唔好比個廁所影響心情

我好多口水，等我又分享下。我係1個非常鍾意大校舍嘅家長，當年考幼稚園，屋企樓下平台學校唔讀 (視學報告係好好)，但因為嫌無自己操場/課室又細，所以之後去考全部都係大校舍

慶幸考入間校舍大又有小學(私校)/中學(直資)做backup 嘅幼稚園，當時仲諗住可以直上唔洗煩升小升中問題。但後來發現我小朋友能力問題，我想小班教學對我小朋友會好D，雖然當時我有20分已經預計到可以入到第1輪，但K2 都開始留意小學。

後來機緣巧合下知道有聖三一堂呢間學校 (之前完全唔識)，我都係無去開放日/校慶日，連校舍外表都未見過，只係上bk 呢度問資料後就決定讀呢間 (其實當時連表都未交，都未知收唔收

) 不出我所料，幼稚園嘅小學部+第1輪津小派位都收左，但我都決定一心入呢間，我老爺奶奶仲叫我考慮清楚，因為連佢地都唔識聖三一呢間學校，讀開間幼稚園嘅小學部有過百年歷史，區內算中上，又近屋企。但最後佢地都尊重我決定

仲記得第1日返學，爸爸陪埋一齊送返學 (之前交表/interview 都係我自己1個攪掂)，佢個樣直情有D 嚇親，仲問我間學校掂唔掂、咁舊.........

其實開左學之後，我自己都用左半年時間去調適心情心態去接受校舍舊/細/無裝修/有D 殘，廁所又無廁紙

但呢半年我明白呢D 全部都係硬件，只要校舍係安全，新與舊/大與細都係咁上堂，我小朋友要遊魂嘅，唔會因為校舍新D 佢就會專心D。我要嘅係老師嘅關顧、包容，老師比小朋友嘅機會，因為我知道以我小朋友嘅能力，如果讀出面嘅學校，佢好大機會只會無聲無息咁過呢6年小學。當然我唔係話聖三一係一間完美學校，10隻手指有長短，我自己覺得有時有D 事要取捨，小朋友方面係無所謂，佢地識到新朋友，小息有得玩、老師送張貼紙都已經好開心，所以讀邊間學校都可以，反觀係我地大人點諗、點取捨。學校唔係100% 完美，但大家可以嘗試下唔用對眼去睇學校，試下用個心去感受下，你可能會有另一種體會，到時先再諗有無選錯學校

唔好意思，真係太多口水

作者: yy13 時間: 13-9-13 13:25

buzzcheung 發表於 13-9-13 08:23
其實我的小朋友話小息時洗手間好臭, 好污漕....
設備無得改, 但基本的衛生.... 學校可以留意吓 !!!
...

學校日日都有工友清潔
但始終設施舊左
用耐左難免有D 味/漬係點洗都洗唔走
除非真係換過晒D 設施
雖然我都想

作者: little_hiway 時間: 13-9-13 23:38

唔好介意又多一個多口水既

其實我2個囡囡都係今年才插班到聖三一, 之前她們在九龍城某名校讀書, 幼稚園/小學/中學在同一地方的一條龍學校, 校舍超級大, 但是廁所一樣是臭到未到門口都已經聞到! 我2個囡囡在舊學校讀書很大壓力, 我細女上小一老師便跟她們說, 在學校考試80分才叫合格, 平均是90幾分才可以, 我細女第一次中文默書98分, 一落校車就喊, 因為被同學仔取笑拿不到100分, 我很心痛! 同學仔良性競爭我覺得需要, 但不知是否怪獸家長太多吧, 令到小朋友也變質, 我細女常被人取笑, 以後考到幾多分也不敢告訴人, 回家常發惡夢, 一到考試測驗就好唔開心! 過了一年不愉快的小一生涯! 我急急幫囡囡找學校轉校, 才剛讀完小一, 還有慢慢長路, 我怎可能讓我囡囡在這種學習環境下成長!

報這間學校是舊校老師推介給我的, 我也在網上作了一番研究, 最後決定轉到聖三一, 是因為和校長面試的對話, 令我覺得這所是用心教小朋友的學校, 而非為學校拿奬而摧谷學生的學校!

我也常在想自己決定會否做錯了, 放棄一間老牌名校, 轉到校舍又細, 又舊又不出名的聖三一, 但今天我第一次送2個囡囡返學, 我看見她們未曾在以前舊學校出現的笑容, 我知道自己沒選錯! 她們那麼雀躍地介紹學校和新同學給我認識, 真是非常高興! 她們從來沒投訴學校細, 或說甚麼想回舊學校, 她們很喜歡聖三一! 在我心目中2個寶貝女開心健康地成長比其他都重要!

其實我可能比較古怪, 我反而鍾意踎廁, 因為我見過座廁, 個塊廁板有尿架! 小朋友急起上來, 我相信一定唔理三七二十一, 一定第一時間坐落去! 唔好因為校舍設備或其他配套而對學校沒信心, 香港寸金尺土很難有所改變.

作者: MMM888 時間: 13-9-14 10:59

其實係街外,如果有得選擇,我會選擇踎廁,因坐廁感覺仲唔衛生,
無可否認學校的廁所有一陣味,我想唔係因為無清潔,係因為渠道的問題,
每日放學都見校工叔叔大洗一返的.

作者: happymbb 時間: 13-9-18 16:30

我仔反而喜歡踎廁...

作者: micky9197 時間: 13-9-22 20:44

有次我仔功課班放學，我偷偷入過小朋友廁所，阿叔清洗得好乾淨。。。我都鐘意踎廁

對小朋友來講，衛生同健康擺第一！

作者: sy119 時間: 13-10-4 19:48

多謝真情分享，惠及其他家長

作者: kk1979 時間: 13-10-7 10:13

我一聽到踎廁就好想考入黎讀呀.我女宜家讀K3, 因為我一直擔心坐廁咁DIRTY,成日諗住第時要佢帶定多D TISSUE 去鋪馬桶...請問, INTERVIEW要考咩?我打算呢個星期去交表.

作者: catherinenyc 時間: 13-10-10 14:38

路過的我, 睇到樓上2位家長的真心share, 即時對聖三一有種無名的信心

我仔今年報n咋, 都有唸住報聖三一中心幼, 自己對聖三一無咩認識, 所以先拱入來睇下, 講真, 小學對我來講係太遠, 同埋我都仲未知自己個仔個底係點, 不過我都係着重因材施教的一套, 係名校讀得辛苦, 點都唔及得上讀得開心緊要, 所以對以上兩位媽媽好認同, 謝分享

歡迎光臨教育王國 (/)