教育王國

標題: 興趣班 [打印本頁]

作者: janho 時間: 13-9-11 01:59 標題: 興趣班

Hi, 大家幫小朋友報咗邊啲校內嘅課外活動呀？

我個仔報咗星期五嘅中國武術＆小畫家。
另外俾老師揀咗去星期二、四嘅英詩集誦同星期四嘅科學小特工。

作者: Ling0426 時間: 13-9-11 13:13 標題: 回覆：janho 的帖子

我係一年班，未有校內老師興趣班，我報咗小提琴同芭蕾舞。
Janho,我記得你仔仔旧年有學小提琴，今年唔學？係唔係教得唔好？
另外想請教我託管班已經通過咗了，如果果日有興趣班，會點安排？會唔會有人提佢上堂，
我怕女女唔記得時間，謝謝

作者: claytonhoho 時間: 13-9-11 13:26

本帖最後由 claytonhoho 於 13-9-11 13:33 編輯

回復 janho 的帖子

我報左拉丁和跆拳, 但是否2張票過左數先叫成功? 但亞仔話拉丁收票人問他幾多歲? 就說等你生日後先可以跳拉丁, 那裡是否不成功取錄. 如果老師說小朋友上課不專心, 是否要去check專注力?

作者: janho 時間: 13-9-11 20:59 標題: 回覆：Ling0426 的帖子

Hi Ling, 我個仔喺K1升小一果個暑假上過8堂1對1嘅小提琴速成班，確認佢係鍾意小提琴，先至報學校嘅小提琴班。

點知上堂果陣，係1個老師幾個學生，仲要係唔同程度嘅。老師唔得閒專注教佢，所以學得唔好。而且我個仔懶練習，所以漸漸無興趣啦。我等佢再大個啲再問佢要唔要學其他樂器。

上完興趣班先至去託管班。你提醒吓小朋友，佢應該會跟到嘅。老師手上有名單，所以都會提醒小朋友，唔使擔心。

作者: janho 時間: 13-9-11 21:14 標題: 回覆：claytonhoho 的帖子

Clayton, 如果唔收嘅話，應該會接到通知。我未試過興趣班唔批喎。

專注力不足嘅話，可以做啲需要耐性嘅嘢。例如睇書、砌puzzle、畫畫。開始嘅時候唔好太耐，然後每日加少少時間，可以鍛煉專注力。

作者: Ling0426 時間: 13-9-12 09:01

回復 janho 的帖子

原來係咁, 我個女未學過小提琴, 但係課外活動係我同佢一起選的,
佢話想學, 而我又想佢學一種樂器 ,所以俾佢試下, 都未知學几耐, 加上有朋友有小提琴送給我, 所以只係給學費.
因為芭蕾舞係4:15, 所以我唔知點安排, 不過唔緊要, 我到時再問下, 多謝你

作者: janho 時間: 13-9-14 02:07 標題: 回覆：Ling0426 的帖子

Ling, 唔使客氣，可能妳個女會學得好好～

我個仔太懶，唔想練琴，所以暫時學唔成，haha~

作者: janho 時間: 13-9-16 00:39 標題: 回覆：janho 的帖子

收到通知，星期五嘅第二班小畫家人數不足開唔成班，要退款俾我。真可惜。

作者: Ling0426 時間: 13-9-16 09:56

回復 janho 的帖子

我報咗2樣, 但都未收到電話
不過芭蕾舞支票已經過數了, 應該係開到班啦

作者: claytonhoho 時間: 13-9-16 22:29

報2項我也收到通知有份! 不過當知道太多考試默書怕上課外無時間溫書!

作者: janho 時間: 13-9-17 00:44 標題: 回覆：claytonhoho 的帖子

Ling, 如果咁遲都無接到通知話取消，即係收咗㗎啦。

Clayton, 雖然評估得比較密，但正好俾小朋友習慣每日都溫少少，而唔係到考試才先至臨急抱佛腳。課外活動每次只係1個鐘，絕對唔會影響到學業。

作者: Ling0426 時間: 13-9-17 09:26

回復 janho 的帖子

謝謝!
我都希望可以開到班

作者: lawrence77 時間: 13-9-18 15:15

我都報左小提琴同劍橋英語... 未過數亦冇收到電話.... 都唔知收唔收

歡迎光臨教育王國 (/)