教育王國
標題: 召集York校車家長 必看 [打印本頁]
作者: jass930 時間: 13-9-11 00:06 標題: 召集York校車家長 必看
召集York校車家長！！大家有冇遇過甘樣？我有兩個B B現讀緊York 約克幼稚園2歲和3歳 他們都是坐校車的 近一星期開始留意到當上校車時 為何每次都是坐在已有小朋友坐了的車位上 即兩坐位上坐3個小孩 我開始覺得奇怪 在上車時問校車亞姨 同坐果個小朋友會幾時落車 因我估果D小朋友可能是上午班放學 陣間會落車 所以迫埋一齊坐 她即問我咩事 我心想 （下 甘奇怪問我咩事 好似有D嘢甘）我咪話已見我兩個小朋友成日都冇位坐 想知點解 之後佢話呢D係學校安排 叫我打番學校問 甘我在追問 我個小朋友坐中間有冇安全帶架 佢好急甘話有就開車走了 之後我開始好嬲 打番學校問過究竟 學校前推話呢D是校車部既事 叫我搵她們 甘校車亞姨叫我搵學校 我緊係打去校務處啦 你而家又叫我搵校車 甘想點呢 之後聽電話老師亦有聽完我講 話遲D搵有關部門覆我 終於等到學校䨱我 佢竟然講到話由於我不滿校車亞姨既態度 而家幫我找外面的街車黎接我D小朋友 我即同校方講 我完全冇覺得校車亞姨冇禮貌 而係緊張點解兩坐位要坐三個B 我們上車時 架車仲有其他空位的 甘我只坐了一個半車位 我比一個半車費都得啦 最緊要係攝喺中間個B幾危險先得架 個老師答我話佢明白 佢自己都有小朋友 所以盡量幫我搵街車接我D小朋友 我問請問咩叫街車呢 她說街車是接送不同學校既學生 我問他們會把我D小朋友送到學校門口嗎（兩個B不同校舍的）她說會 當時我仲末想得透徹 仲多謝個老師幫我搵街車 收線後開始慢慢想 為何她們要搵街車比我 而五係安排番每個B坐番一個車位 甘五係最好既方法咩 我只覺得佢地而家係 覺得我麻煩 而家五車我 係甘 而後來得知 學校包了所有校車黎做 校車公司只出車、司機和助人 一切話事權在學校手中 而現在一架校車28個坐位 竟坐了36個小朋友 但香港法例 兩坐位是可坐3個小朋友的 但各家長有冇想過 有幾危險攝喺中間個B 如果你個B都係甘坐 你又會點呢 而更五只我架校車係甘 有D校車有埋窗簾的 只遮住下半面 如用黎遮太陽 五係應該造上面嗎 為何只造下半部 只遮住D小朋友呢 我覺得好有問題 以家我又五開心又冇助
作者: jojohuang 時間: 13-9-11 00:16 標題: 回覆：jass930 的帖子
我之前有听说york校车2座位坐3个B
作者: jass930 時間: 13-9-11 00:31
這是好差既做法 甘樣D小朋友好危險 學校既錯誤安排
作者: 2010YL 時間: 13-9-11 00:46
無法, 香港法例374G章, i) 不足3歲不計坐位, ii) 3歲以上身高不過1.3米, 可3人坐兩個位, 有安全帶都扣唔到, 我相信坐位已經滿晒, 如果唔係都唔會咁坐, 應該無可能一人一坐位
作者: littlemonkey09 時間: 13-9-11 02:03
KV大校車 4人坐3座位、3 人坐2座位，而且沒有安全帶，學生經常 "sir" 落地，佢o地的家長又唔係又硬食! 鬼叫沒有本事自己接送，完全係俾學校食硬!
作者: jass930 時間: 13-9-11 02:21
所以我而家希望可以召集york校車家長 一齊同校方反映下 希望可作出調整 我都有交車費的 只係想個小朋友有一個坐位坐姐 我五係坐緊巴士 而五係冇比錢 而家係比左錢而坐半個位囉
五好意思 想問下KV即邊間幼稚園呀？
tks
作者: jass930 時間: 13-9-11 02:28
想問如果因為三人坐兩坐位 發生意外甘邊個負責呢 五可以話自己冇本事車D小朋友番學 而無奈接受呢D事 個小朋友有事到時點算 學校係咪負全責先 佢要求D校車接甘多學生 甘應該用多架車囉 錢就收左 但又五肯出多D開支 甘做生意點得架
作者: littlemonkey09 時間: 13-9-11 02:42
我上年都係YORK 的家長，真係好睇你的彩數，我個仔那時是一人一位(12號車)，我是第二站上車，專程去尾站睇吓好幾多人上車。因為開學前馮校長都話會三人坐2個位，誠諾每個小朋友都有安全帶，加裝的安全帶應該是類似行李帶那款
作者: littlemonkey09 時間: 13-9-11 02:44
回復 jass930 的帖子
KV 就是根德園，我表妹個女讀呢間，晚上whatsapp 我知，她的女兒係校車sir o左落地，整損o左!
作者: jass930 時間: 13-9-11 02:51
唉 我五係親眼見到 都五知係3人兩坐位 冇人講過呀 以家會考慮街車（問清楚係咪一人一坐位先）或坐的士番放 我兩個B坐的士條數差五多 或call車
甘個小朋友點呀以家？我就係驚會發生呢D意外 小損就好彩 大件事我真係五知點算呀
作者: littlemonkey09 時間: 13-9-11 03:04
本帖最後由 littlemonkey09 於 13-9-11 03:10 編輯
學校開學時應該叫係簽過乜鬼校車同意書，即係推卸責任那種，你簽o左交俾佢，學校是不會負責，到真係有意外時，就要追校車的營辨商! 學校每叫你簽的通告，真係要一隻字都睇清楚!
至於你話搵街車，真係要睇你全邊區，聽聞今年街車好爆，唔係咁易搵，因為我個屋苑有幾個小朋友都搵唔到街車，要自己送返九龍塘返學!
個小朋友明天daddy送返學，由daddy 去問學校囉! (呢個時候係要d男人出面做吓野，但我都係估到學校的回應，因為之前上網check過，呢類大校巴運輸處沒有嚴格規定要加裝安全帶，細校巴就有)
作者: cuccw 時間: 13-9-11 03:05
依家香港出現校車荒，有校牌都去做B6旅遊巴，錢字行頭。他們好唔願意才做校車，賺少左。不要再投訴了，萬一冇校車肯做家長仲頭痕。有校車肯做已好好。如覺得不安全就自己接送好了。
作者: jennyzz1010 時間: 13-9-11 10:47
其他學校的校巴都係咁,只係睇你坐著個區架車full 唔full,3歲以上身高不過1.3米, 可3人坐兩個位,冇犯法,所以就算反映都係冇用,
作者: conniemar 時間: 13-9-11 11:00 標題: 回覆：召集York校車家長 必看
好多校車都係3個人坐2個位。 未滿3嵗小孩係可以2個當1個計。
作者: anlywan 時間: 13-9-11 11:17 標題: 引用：其他學校的校巴都係咁,只係睇你坐著個區架
原帖由 jennyzz1010 於 13-09-11 發表
其他學校的校巴都係咁,只係睇你坐著個區架車full 唔full,3歲以上身高不過1.3米, 可3人坐兩個位,冇犯法,所以 ...
作者: jass930 時間: 13-9-11 11:47
而家發生呢件事 完全是校方安排 因校車公司說她們是包月形式借車，司機和助手給學校的 所以控制權在校方 佢講就講好聽話我五滿意校車亞姨 所以幫我搵街車 根本是你滿意 甘我就五車你 就係甘簡單 但我已在電話即同佢講 完全冇五滿意校車亞姨 只在乎和緊張小朋友安全的 但佢只安排我搵街車而五係解決一人一坐位問題
作者: Joellejoby 時間: 13-9-11 12:07 標題: 回覆：召集York校車家長 必看
我小朋友今年都是坐york校車，都係坐三小朋友，但係佢有三條安全帶！
作者: kaitathk 時間: 13-9-11 12:22 標題: 回覆：Joellejoby 的帖子
前2年都係有家長投訴 校方真係唔理！一係叫人影晒相 叫報館跟一跟仲好！
作者: jass930 時間: 13-9-11 13:44
安全帶我都見到有 只係五明 點解有甘多$賺都五比番多D保障D學生呢
無奈
作者: Jane1983 時間: 13-9-11 13:55
佢無犯法，佢要2個位賺多一個人錢，你反對或投訴或揾傳媒都無用。你問多兩問，佢直頭吾做你生意。
聽落都好無奈。
作者: llkllkllk 時間: 13-9-11 14:39
你的情況都發生過在我仔仔身上, 冇辦法的, 校車問題多, 每年都有人勁嘈勁投訴學校都置之不理, 一係坐一係唔坐, 佢地采你都傻, 因為根本唔憂做!
作者: jass930 時間: 13-9-11 17:59
完全同意
作者: ky201105 時間: 13-9-11 21:50 標題: 回覆：召集York校車家長 必看
唔係喎，首先，交校車申請表時已寫明有機會3人坐2人座位，法例亦許可的，你有無睇清楚先申請？
我囡囡都係3人坐2人位，但校車有新裝安全帶，有3條，所以可以一人一條。我見校車叔叔同姨姨都照顧得囡囡好好，一定坐好戴好安全帶先開車！我亦好怪獸咁揸車跟過佢地一次，見到到學校都係一手交一手，姨姨會抱囡囡俾學校老師或姨姨，所以我都好放心！
作者: maggiecykwong 時間: 13-9-11 22:27 標題: 回覆：召集York校車家長 必看
睇完樓主講，我覺得兩座位坐3小朋友真係好恐怖。我見其他學校都唔會咁。
作者: bb2cw 時間: 13-9-11 23:11 標題: 回覆：jass930 的帖子
我绝對同意。見到我小朋友york pm要坐1.5小時上車冇扣安全帶，好驚. 學校是否賺到盡. 大部小朋友回程已熟睡. 要聯合反映一下.每位小朋友一定要有安全帶.
作者: bb2cw 時間: 13-9-11 23:12 標題: 回覆：jass930 的帖子
我绝對同意。見到我小朋友york pm要坐1.5小時上車冇扣安全帶，好驚. 學校是否賺到盡. 大部份小朋友回程已熟睡. 要聯合反映一下.每位小朋友一定要有安全帶.
作者: bb2cw 時間: 13-9-11 23:12 標題: 回覆：jass930 的帖子
我绝對同意。見到我小朋友york pm要坐1.5小時上車冇扣安全帶，好驚. 學校是否賺到盡. 大部份小朋友回程已熟睡. 要聯合反映一下.每位小朋友一定要有安全帶.
作者: bb2cw 時間: 13-9-11 23:34 標題: 回覆：召集York校車家長 必看
我绝對同意要聯合跟學校反映. 我小朋友 york pm 要坐個多小時校車，見到上車冇幫小朋友扣安全帶，同阿姨講又立刻開車. 見到大部份回程小朋友已熟睡，好危險. 每人最少都要有安全帶. 真是令人擔心！聽到有小朋友搭校車睡著撞到頭好慘，難道有大意外才檢討太遲了?！真是賺到盡！
作者: TeriAnla 時間: 13-9-12 00:06 標題: 回覆：召集York校車家長 必看
我支持同校方反應，以後只提供限定校車線和供應量（1人1位），校車位係先到先得。我見其他幼稚園都有類似安排，可以參考。如果有家長不幸沒有申請到校車位，或居住地點不在校車線行經屋苑和地區，就需自行處理。而且只有校車可以停學校門口，其他街車需自行安排。
| 歡迎光臨 教育王國 (/) |
Powered by Discuz! X1.5 |