教育王國

標題: 將軍澳區小學-自行問題 [打印本頁]

作者: bluecherry 時間: 13-9-9 19:54 標題: 將軍澳區小學-自行問題

有冇家長小朋友讀K3,今年要選小學,可以分享下意見嗎??

我女讀比諾,佢一向表現都不過不失,唔係特別好,又唔係特別差,D人話要選啱自己小朋友程度既小學,講真,點為之啱,我真係唔係好知,所以唔知點選擇!!

學校上星期派咗張申請表,第一輪可以選一間心儀的學校,計分制,但我女係大女,冇兄弟姐妹讀緊小學,又冇宗教,我同我老公又唔係喺學校工作,所以得5分!!
有冇人可以分享下,咁既情況下,係咪選邊間都冇可能收,要等到1月中央派位呢?

即係話,而家我選邊間學校都係以博一博的心態去選呢,請指教!!

作者: bckwong 時間: 13-9-9 20:18

就算持有15分入心儀小學機會很低, 我也很擔心..因今年競爭太大!

作者: pris328 時間: 13-9-9 20:56 標題: 回覆：bckwong 的帖子

我眼光會放遠d，我地揾間小校，無非想揾間好既band 1中學。如果成绩吾系甘出衆，我吾會去熱門學校同人爭band 1位，僧多粥少，未必够人爭，我就會去二三綫學校博一博，分分鐘入到英中！其實每間學校既band 1位既百分比都系差吾多（有錯請指正），人少d爭机會大d!

我個friend個仔系港島名校考尾二十，到四年级同佢轉間二綫小學，即刻變band 1, 考五十幾，仲入左英中添！不過，最紧要過到自己既心理關口，肯吾肯「屈就」°

作者: szekp 時間: 13-9-9 23:22 標題: 引用：有冇家長小朋友讀K3,今年要選小學,可以分享

原帖由 bluecherry 於 13-09-09 發表
有冇家長小朋友讀K3,今年要選小學,可以分享下意見嗎??

我女讀比諾,佢一向表現都不過不失,唔係特別好,又唔 ...

我女都係讀比諾又係不過不失又係15分

歡迎光臨教育王國 (/)