教育王國

標題: bb自己返了PN 兩天 [打印本頁]

作者: cfbwong 時間: 13-9-6 21:34 標題: bb自己返了PN 兩天

返屋企常說不返學，好似好驚，又發口夢說不返學，點算？是否正常？

作者: KAKAMAMAKAKA 時間: 13-9-6 23:41

咁肯定唔多正常喎, 試下去學校了解下咩野事好, 可能同學仔蝦, 老師唔好?

作者: MARCUSCHOW22 時間: 13-9-7 01:34 標題: 回覆：cfbwong 的帖子

我B頭3日自己返學都喊，晚上發左7、8次夢嗌媽咪，仲要痴身左好多 (佢應該係驚我會離開佢)！但到第4，5日返學己冇喊，但e+問佢返唔返學佢仍然都話唔返，我估要比多D時間佢地適應，未必一定係學校問題!
就算大人轉左新公司都有適應期啦，何況小朋友！我表妹接佢仔〈K1〉放學時，佢仔問我表妹係咪唔要佢添呀!呢D其實係D小朋友心中既恐懼，可能我B都係咁諗，只不過係太細唔識講，咪唯有用自己識講既野嚟表達囉!

作者: siufung 時間: 13-9-7 09:30 標題: 回覆：bb自己返了PN 兩天

我覺得是正常的，只係2日之嘛！有d小朋友喊足驚足2個月！
我女係人都跟，不怕陌生好大膽。但舊年開學都扭話不返學，朝朝都話唔要返學....上上下堂間唔中飲泣問老師媽咪幾時接我...個幾星期就開始適應了....比多少少時間睇下先...

作者: cfbwong 時間: 13-9-7 16:36 標題: 回覆：bb自己返了PN 兩天

多謝各位鼓勵

作者: ^GGmami^ 時間: 13-9-7 21:21 標題: 回覆：bb自己返了PN 兩天

非常正常，佢咁大個都未試過離開平時照顧佢嘅人，去到個陌生環境，係人都驚啦！比多d時間佢慢慢適應，慢慢會好！一齊加油

作者: CatEgg 時間: 13-9-8 00:08

可能學校太多人太嘈,又太多人喊,又多活動,去洗手間都一大棚人,嚇親小朋友

作者: lui 時間: 13-9-8 02:14 標題: 引用：返屋企常說不返學，好似好驚，又發口夢說不

原帖由 cfbwong 於 13-09-06 發表
返屋企常說不返學，好似好驚，又發口夢說不返學，點算？是否正常？

其實PN的小朋友仍要安全感，最理想就係二歲八個月先返。我個女頭幾日有婆婆陪上堂，好喜歡學校，星期五第一次搭校車，原來好興奮，上車后知道婆婆唔跟即喊，婆婆到校後見佢無事，老師叫婆婆不用出現，至放學才接佢（不搭校車），佢把聲沙左，昨晚睡了一會喪喊，我未返家，結果失聲了。所以這段時間要多陪伴

歡迎光臨教育王國 (/)