教育王國

標題: 大家認唔認同小朋友每日要落公園跑多的會叻的 [打印本頁]

作者: kingqueen513 時間: 13-9-6 15:17 標題: 大家認唔認同小朋友每日要落公園跑多的會叻的

如題

作者: szetoszeto 時間: 13-9-6 15:47

叻唔叻就唔知!! 只知道體能及健康一定比..只在家中玩的好!!

作者: alovea 時間: 13-9-6 16:31 標題: 回覆：大家認唔認同小朋友每日要落公園跑多的會叻的

我都覺得見多少少人，活動多少少，點都好少少既！點解咁問呢？

作者: babychinglok 時間: 13-9-6 18:48

yuk多D 對發展左右腦有極大幫助，如踏單車，幼稚園老師講既～

作者: irene_the_pooh 時間: 13-9-6 19:27

上網睇下就知大肌肉發展對小肌肉同䐉部發展嘅關係!

作者: kingqueen513 時間: 13-9-6 19:42 標題: 回覆：大家認唔認同小朋友每日要落公園跑多的會叻的

因為我工人姐姐一個湊兩個，大既就來三歲，細既十五個月，一直以來我都唔放心姐姐帶佢兩個落街，所以星期一至五都只是留在家，我考慮緊有冇咁既需要囉？

作者: notcool 時間: 13-9-6 22:37

For safety, i suggest no. You can bring them on Sat and Sun.
Actually, you can bring your 3 years old to park at night even for 20 min.
It's good for kids.

作者: alovea 時間: 13-9-6 23:05 標題: 回覆：大家認唔認同小朋友每日要落公園跑多的會叻的

哦！原來如此！你絕對無錯呀！小朋友仲咁細，未識危險，未識保護自己，工人一個湊兩個去公園玩，我覺得有少少危險！並唔係質疑工人能力，而係人多，變數就多，未必可以應付到！

作者: kingqueen513 時間: 13-9-6 23:10 標題: 回覆：大家認唔認同小朋友每日要落公園跑多的會叻的

謝謝你們意見

作者: 虎B 時間: 13-9-7 01:05 標題: 回覆：大家認唔認同小朋友每日要落公園跑多的會叻的

我工人姐姐湊兩個，差不多三歲和十四個月，我自己帶兩個落一落街都好論盡，睇得呢個另一個就走咗。為安全我唔會比姐姐一帶二。我家細佬通常六點幾起身，我會帶佢落街晨運散步十五至二十分鐘。（其實我好眼訓

）。

作者: mazewan 時間: 13-9-7 11:07

我工人姐姐都係一個湊兩個，大既剛二歲，細既4個月，每日都落公園玩, 已有一班玩熟既人 (其他工人姐姐、細路、老人家), 他們會互相照顧幫手, 都幾放心。小朋友可以玩, d工人姐姐又可以唞下氣, 我覺得好好呀。如只留在家, 真係比較單調, 小朋友一樣會擒高擒低, 不如放佢地跑下跳下。

作者: TeriAnla 時間: 13-9-7 11:18 標題: 回覆：大家認唔認同小朋友每日要落公園跑多的會叻的

我姐姐都有帶囝囝落公園玩，不過安全好重要。我屋企樓下就公園亦冇馬路，我先放心。

作者: crystal_doll 時間: 13-9-7 14:26 標題: 引用：如題 +

原帖由 kingqueen513 於 13-09-06 發表
如題

其實已經有很多外國研究指出每天適當的運動會令孩子更加聰明。有指運動會幫腦細胞和血管生長和健康, 而減少損壞炎症。所有這些腦鍛煉會改善學習和記憶，延緩與年齡有關的認知衰退，降低神經退行性疾病（腦細胞下降），和情緒有關的問題。所以小朋友運動除左有助大肌肉發展，還會令腦子更發達，情緒更穩定。

作者: conniemar 時間: 13-9-7 17:55 標題: 回覆：大家認唔認同小朋友每日要落公園跑多的會叻的

夏天我要阿女隔日去樓下游水放電。游完番屋企冇咁曳

作者: ce_leung 時間: 13-9-7 17:59 標題: 引用：我工人姐姐湊兩個，差不多三歲和十四個月，

原帖由虎B 於 13-09-07 發表
我工人姐姐湊兩個，差不多三歲和十四個月，我自己帶兩個落一落街都好論盡，睇得呢個另一個就走咗。為安全我 ...

好勤力

作者: Doris_Ray 時間: 13-9-7 18:59 標題: 回覆：大家認唔認同小朋友每日要落公園跑多的會叻的

我無帶阿囡特別運動，但每日行路返學，返學，夜晚都會散步，加上學校每日運動都ok

作者: Jessy 時間: 13-9-8 14:15

一個工人湊兩件就唔好了, 你收工先帶去吧.

我家附近沒公園如果唔係我都想佢每日去放下電.

作者: teambuilder 時間: 13-9-8 16:57

去公園玩可以晒下太陽，做下運動，出一身汗，對小孩的身心都有益處。所以我不會考慮沒有outdoor playground的幼稚園。

作者: alovea 時間: 13-9-9 00:03 標題: 回覆：teambuilder 的帖子

絕對認同啊！

作者: Chirley 時間: 13-9-9 12:06

我唔知係咪會叻D, 不過我覺得會身體好D。
還記得我老爺佢在生時日日朝早都同我果落公園去玩下,
所謂既公園其實唔係小朋友玩果D, 係有亭有得坐, 一班老人家帶孫仔去吹吹水,
阿囝係到跑來跑去, 同D老人家玩下 (未識講野但識俾反應),
出完一身汗返黎, 非常好,
阿囝都少病呀

作者: raro 時間: 13-9-9 12:30

回復 kingqueen513 的帖子

非常認同,當然要看住佢咯.

作者: newdaddy 時間: 13-9-9 14:03

Physical exercise is a powerful tool for promoting neurogenesis!
However, pls don't do TOO MUCH exericse bevause of this.

歡迎光臨教育王國 (/)