教育王國

標題: 媽咪們找補習社是否會找近屋企的? [打印本頁]

作者: ANNAFRIEND 時間: 13-9-6 12:05 標題: 媽咪們找補習社是否會找近屋企的?

小朋友現在小三, 在九龍城某補習社上功課班, 我家在藍田. 上了幾天, 暫時還沒太多功課.
補習社會比一些小三卷小朋友做. 這幾天都7時多接他回家. 由於九龍城沒港鐵, 我要先轉巴
士再轉港鐵. 回到家時都巳8時, 小朋友都顯得很累. 吃完飯加沖涼都差不多9時. 再檢查家課
書包都9時多了. 他休息一下都要睡覺了. 好像他沒甚麼消閒時間又一天了. 這家補習社是朋
友介紹, 信得過. 但就唔近屋企. 我當初冇考慮到路程問題, 只想有人幫輕我. 現在另一個媽咪
介紹我另一家十分近屋企的. 她的女兒也在那裡做了兩年功課. 我想應該信得過吧. 但又怕唔
好要轉回去就煩了. 如果是你們, 你們會選擇近屋企的補習班嗎 ?

作者: ppsfung 時間: 13-9-6 12:33

ANNAFRIEND 發表於 13-9-6 12:05
小朋友現在小三, 在九龍城某補習社上功課班, 我家在藍田. 上了幾天, 暫時還沒太多功課.
補習社會比一些小 ...

如果是每天教學都去的功課班, 我會找近屋企或近學校, 可節省交通時間.
星期六日才去較遠的專科補習班.

我不明白如果唔好要轉番回去原來的補習社有什麼麻煩....
除非你原本嗰間是很出名大把人爭住讀嗰D補習社, 普遍來講你肯番去讀, 佢地一定會歡迎你... 我個女間補習社都經常有同學仔停咗一斷時間又番去.

作者: JJDBB 時間: 13-9-6 16:57 標題: 引用：小朋友現在小三,+在九龍城某補習社上功課班

原帖由 ANNAFRIEND 於 13-09-06 發表
小朋友現在小三, 在九龍城某補習社上功課班, 我家在藍田. 上了幾天, 暫時還沒太多功課.
補習社會比一些小 ...

選近la，太遠孩子累了，會在上課時不專心，而且多些時間放鬆下，心生都比較好，現在課程先岩岩开始，巳見累，曰後点算！

作者: joanthony 時間: 13-9-7 00:19

提示: 作者被禁止或刪除內容自動屏蔽

作者: eeyore_fy 時間: 13-9-7 01:30

近屋企既話,大人同細路都無咁辛苦!

作者: 洋蔥頭媽咪 時間: 13-9-7 12:36 標題: 引用：小朋友現在小三,+在九龍城某補習社上功課班

原帖由 ANNAFRIEND 於 13-09-06 發表
小朋友現在小三, 在九龍城某補習社上功課班, 我家在藍田. 上了幾天, 暫時還沒太多功課.
補習社會比一些小 ...

功課班最好近屋企，小學都應該同區會好好多，如果小朋友太累，又冇晒自由活動時間，小朋友容易失去動力、失去興趣，身心都唔健康，得不償失。

作者: 科學 時間: 13-9-7 13:01 標題: 引用：小朋友現在小三,+在九龍城某補習社上功課班

原帖由 ANNAFRIEND 於 13-09-06 發表
小朋友現在小三, 在九龍城某補習社上功課班, 我家在藍田. 上了幾天, 暫時還沒太多功課.
補習社會比一些小 ...

如長期係咁辛苦，你個小朋友可能連學都唔想返！

作者: joanthony 時間: 13-9-7 13:39

提示: 作者被禁止或刪除內容自動屏蔽

作者: ANNAFRIEND 時間: 13-9-9 10:29

回復 ANNAFRIEND 的帖子

多謝大家的意見. 最初只是一心想解決做功課問題, 沒有只細想清楚情況. 加上我最初只認識一位家長小朋友去緊補習班, 所以就報了. 呢幾晚見小朋友回家時都很累, 加上我小朋友在補習社常聽見導師常責罵小朋友, 當然我小朋友在操卷不小心時也被責罵了. 令小朋友十分抗拒. 上星期五在去補習班途中巳顯得十分抗拒, 上車後更哭起來. 看見他十分焦慮的樣子, 我也不忍心他去. 今天跟他說再去補習班, 他也跟我說不要. 但勉強要他去, 怕他更加抗拒. 看來這個月補習班費用是白交了. 我巳跟他約法三張, 以後要在家乖乖地專心做功課, 否則就要他回去他口中超級差勁的補習社

作者: cherryluk831 時間: 13-12-21 15:57 標題: 引用：回復+ANNAFRIEND+的帖子多謝大家的意見.+

原帖由 ANNAFRIEND 於 13-09-09 發表
回復 ANNAFRIEND 的帖子

多謝大家的意見. 最初只是一心想解決做功課問題, 沒有只細想清楚情況. 加上我最初 ...

可否告之惡的補習社是否專才？謝謝！

作者: perfectmame 時間: 13-12-21 20:59

Unless there are some reasons you must go to the far one, otherwise go to the closer one.

作者: dubbies 時間: 13-12-22 11:17 標題: 回覆：媽咪們找補習社是否會找近屋企的

1。補習社仲要功課班如果大班好難有唔惡導師呢 2。找補習社功課搵番多同校生又會好d ,但住得遠又另計

作者: kitbebe 時間: 13-12-22 15:09

當然首選近屋企

作者: vincher 時間: 13-12-22 23:24

我的经验，
因讀書和住家不同区，
选了讀書籴果区，因為補習社会有学校舊卷，
较易操練有關練習！
況且放学即去，冇分别！

作者: naughtybj 時間: 13-12-23 04:07 標題: 回覆：媽咪們找補習社是否會找近屋企的?

提示: 作者被禁止或刪除內容自動屏蔽

作者: yamyau 時間: 13-12-23 10:54

近學校的, 因為接送和操券問題

作者: cuccw 時間: 13-12-27 17:44

本帖最後由 cuccw 於 13-12-27 17:45 編輯

晨早起床返學，加埋補習班一天做12小時，中間時時刻刻比人管住。如果呢份係工，冇人工，我唸冇人會願意做。耐唔耐仲比人鬧添。

歡迎光臨教育王國 (/)