教育王國

標題: 心力交瘁 [打印本頁]

作者: DON1112 時間: 13-9-5 10:56 標題: 心力交瘁

囝囝有ADHD今年升小一，開學第四日。已經不斷收到投訴。每日番學放學都要同老師傾小朋友問題傾成個鐘，老師每日比既壓力多到變成恐懼，令我情緒好容易波動。我已經同佢睇左醫生有藥食，但我相信唔會係一食就見效，都要比時間適應下。我仲可以點？

作者: cecilau 時間: 13-9-5 14:24

回復 DON1112 的帖子

是仔仔問題太嚴重, 還是學校老師不包容?
食左藥都唔得, 可能隻藥都唔夠效力, 要同醫生講呀.

作者: lillymarie 時間: 13-9-5 15:02

回復 DON1112 的帖子

投訴得咁厲害，可能唔夠藥喎！幾時再見醫生呀？食邊隻藥呀？如果是Ritalin，好快見效的啊。

作者: DON1112 時間: 13-9-5 20:05 標題: 引用：回復+DON1112+的帖子投訴得咁厲害，可能

原帖由 lillymarie 於 13-09-05 發表
回復 DON1112 的帖子

投訴得咁厲害，可能唔夠藥喎！幾時再見醫生呀？食邊隻藥呀？如果是Ritalin，好快見 ...

我係睇私家醫生架因為我政府排期到今年12月先有得見。食緊兩粒藥，一隻係Ritalina 10mg一隻係Chlorpromazine HCI 25mg

作者: DON1112 時間: 13-9-5 20:10 標題: 引用：回復+DON1112+的帖子是仔仔問題太嚴重,+

原帖由 cecilau 於 13-09-05 發表
回復 DON1112 的帖子

是仔仔問題太嚴重, 還是學校老師不包容?

老師包唔包容我唔知，但我受到老師好多壓力。我開學第二日已經有暴燥啦。因為番學放學傾計傾成個鐘都係講唔守規則，太曳，坐唔定呢個話題，放左學打電話比我都係呢個問題，搞到個人d情況出哂黎。

作者: lillymarie 時間: 13-9-5 20:16

DON1112 發表於 13-9-5 20:05
我係睇私家醫生架因為我政府排期到今年12月先有得見。食緊兩粒藥，一隻係Ritalina 10mg一隻係Chlorpromaz ...

咁可唔可以提早約見醫生，同佢講下囝囝在學校的情況，第一，睇下有無得加藥；第二，可考慮請醫生寫封信給學校證明小朋友有甚麼問題，給學校建議怎樣去配合。

作者: DON1112 時間: 13-9-5 20:26 標題: 引用：Quote:DON1112+發表於+13-9-5+20:05+我係睇

原帖由 lillymarie 於 13-09-05 發表
咁可唔可以提早約見醫生，同佢講下囝囝在學校的情況，第一，睇下有無得加藥；第二，可考慮請醫生寫封信給學 ...

而家暫時都係睇私家醫生，要約期快都要一星期。我覺得政府醫院既治療齊全d但等既時間會耐d。同埋暫時我只係可以要求學校一封轉介信希望政府醫院可以排快d。

作者: lillymarie 時間: 13-9-5 21:21

DON1112 發表於 13-9-5 20:26
而家暫時都係睇私家醫生，要約期快都要一星期。我覺得政府醫院既治療齊全d但等既時間會耐d。同埋暫時我只係 ...

你講得啱，可以做的已做了，除了等無乜野做。就當是安撫一下老師，明白他教你囝囝辛苦勞氣。請學校寫信到政府也可一試。
加油！

作者: cecilau 時間: 13-9-6 10:07

回復 DON1112 的帖子

快d 去私家醫生到覆診, 同醫生講返情況, 睇下有咩可做啦.
叫私生醫生寫紙証明仔仔有adhd 再交給學校, 睇下學校反應如何啦.

作者: DON1112 時間: 13-9-6 10:34 標題: 引用：回復+DON1112+的帖子快d+去私家醫生到覆

原帖由 cecilau 於 13-09-06 發表
回復 DON1112 的帖子

快d 去私家醫生到覆診, 同醫生講返情況, 睇下有咩可做啦.

已經有同學校講左，評估報告全部比哂學校lu，學校話會盡量配合下。

作者: choicheukyin 時間: 13-9-6 11:35

回復 DON1112 的帖子

你放鬆先，好似bk 說得對，先由醫生寫信比學校說明問題，再由學校同班主任安排怎樣處理問題行為，最緊要個班主任要知問題所在，怎樣幫你，而唔係佢成曰同你投訴，感係無意思，因為你都盡左方法幫佢，現在係由學校點同你配合多d，加油

作者: bigfoothk 時間: 13-9-6 16:04

提示: 作者被禁止或刪除內容自動屏蔽

作者: BB0630 時間: 13-9-11 20:20 標題: 回覆：bigfoothk 的帖子

想請教各位，若我同學校講小朋友有special need, 怕不怕學校及老師會歧視小朋友，反而會影響到小朋友呢？

作者: DON1112 時間: 13-9-11 23:57 標題: 引用：想請教各位，若我同學校講小朋友有special+

原帖由 BB0630 於 13-09-11 發表
想請教各位，若我同學校講小朋友有special need, 怕不怕學校及老師會歧視小朋友，反而會影響到小朋友呢？

...

我覺得岐視就唔會有既，應該都係好睇間學校既老師耐性同觀察力，同埋自己對間學校點睇囉。好似我囝囝有ADHD老師對住佢好頭痛架，我就更頭痛每日收電話。開頭番學因為唔肯排隊同入課室，老師就用比較急進方法，但最後知道愈急進小朋友就愈反判。
本身我都有覺得學校既老師有岐視我小朋友，我眼見同個心好唔舒服，所以同老師講過我都希望我囝囝同其他小朋友一樣，唔好標榜佢係有問題學生，佢只係需要多d適應時間，之後我覺得老師講野都客氣好多。

只屬我個人意見:;pppp:

歡迎光臨教育王國 (/)