教育王國

標題: 校網+計分 [打印本頁]

作者: abbykong 時間: 13-9-4 08:58 標題: 校網+計分

請教！！大抽獎係點抽法？可以去邊度check自己屬邊區？分又點計？1+1+1又係乜野？？
好迷惘，求教

作者: 七點半 時間: 13-9-4 09:43

回復 abbykong 的帖子

下列網址講解了校網事宜:

http://www.edb.gov.hk/tc/edu-system/primary-secondary/spa-systems/primary-1-admission/school-lists/index.html

至於大抽獎, 就是抽籤了, 所以好講運氣......

1+1+1 就是自行+大抽獎甲部+大抽獎乙部, 這三個環節都放同一間學校於第一位, 有些學校講明要放它們在1+1+1才有機會叩門, 當然, 如果好好彩自行或大抽獎已入到心儀學校就不用叩門.

好快幼稚園便會派表, k3家長即將進入自行階段, 在這階段, 家長要為小朋友選一間學校, 然後學校會憑分數計算, 即同一宗教會有5分, 首名子女會有5分等等, 分數高自然在自行便能直入學校, 不用玩大抽獎, 如果自行不成功, 便要參加大慨在下年1月左右舉行的大抽獎, 是次大抽獎有分甲部和乙部, 甲部可選跨區學校或自己本區(即以住宅分區的校網)學校3間, 乙部, 只能選本區學校.

作者: 已刪除用戶 時間: 13-9-4 10:18

首先攪清楚學校分兩大類: 津校/官校一類, 跟政府派位; 直資/私校第二類, 簡單講似考幼稚園, 自己留意日期

直資/私校申請已陸續開始, 想申請就自己留意, 蘇州過後無艇搭, 如果連咩學校係咩類型都唔知, 睇呢度 (續區睇或者用校名search):
http://www.chsc.hk/psp2013/chi/index.php

如果你無打算考, 咁就簡單, 只需了解政府派位資料: http://www.edb.gov.hk/tc/student ... overview/index.html
http://www.edb.gov.hk/tc/edu-sys ... dmission/index.html
(你真好彩, 新鮮熱辣2014年入學資料)

分又點計？
家長快會拎到小一派位表, 9月交果輪叫自行分配學位(9月23-27交去心儀小學), 只交一間, 鬥高分, 計分方法如下:
http://www.chsc.hk/psp2013/chi/primary-one-admission-system.php

自行either得, or唔得, 得就恭喜, 唔駛玩大抽獎了, 如果自行唔中, 就會在1月18/19又交表, 今次叫統一派位, 即所謂大抽獎
大抽獎係點抽法？
每個學生有一個random number (家長永遠唔會知), 在估估下情況下, 家長就按意願選校, 留意甲部唔限校網, 佔統一派位10%, 即小一100個位, 50個自行派左(除非唔夠人報), 50個for統一, 50個入面只有5個for甲部供全港去爭, 而45個就係乙部for自己網, 所以咁多人借地址就係咁解

可以去邊度check自己屬邊區？
上面已post左: http://www.edb.gov.hk/tc/edu-sys ... ol-lists/index.html

1+1+1又係乜野？？
1+1+1, 即自行揀佢, 統一甲部乙部都係揀佢咁解

答住咁多先, 你應該已經好亂..........唔明再問

作者: abbykong 時間: 13-9-4 10:33

真係好亂........不過已經有頭緒好多, 感激感激

但如果叩門又唔收, 大抽獎又抽左間唔岩心水, 咁可以點呀? 抽完再叩門得唔得架?

作者: 已刪除用戶 時間: 13-9-4 13:51

叩門一定係6月派位結果後, 未完成派位, 學校唔可以自己收生, 就算個學生幾叻幾岩心水, 都一定要等出左大抽獎結果
無辦法, 政府派位就係咁玩, 所以有D家長寧願考私校直資, 部分原因就係唔想俾個派位制度玩, 學費負擔得起的話, 始終間學校係自己考過, 學校又揀過學生, 感覺上會夾D

作者: williamcsk 時間: 13-9-4 13:57 標題: 回覆：校網+計分

咁即係津校自行分配高分即係一定得？自行分配唔駛interview 架？

剩係私校/直資先要interview??

作者: 已刪除用戶 時間: 13-9-4 16:25

咁即係津校自行分配高分即係一定得？自行分配唔駛interview 架？
YES, 誇張D講, 就算唔識字, 只要夠高分都包入

剩係私校/直資先要interview??
對

作者: sarahli2011 時間: 13-9-5 10:59

提示: 作者被禁止或刪除內容自動屏蔽

作者: 杏李子 時間: 13-9-5 11:09 標題: 回覆：sarahli2011 的帖子

111即係叫你唔好唸跨區，專心一意囉

作者: 已刪除用戶 時間: 13-9-5 11:11

所以唔一定有111的, 學校有幾睇就真係depends了
就好似有家長揀左直資, 無得抽, 有學校覺得一早揀左直資又幾算有誠意, 有學校覺得我只考慮111同一早有直資offer所以無得抽果d, 學校點唸, 家長都估唔到

歡迎光臨教育王國 (/)