教育王國

標題: 沒有輸在起跑點這回事，這是很惡劣的廣告口號。 [打印本頁]

作者: awah112 時間: 13-9-4 08:14 標題: 沒有輸在起跑點這回事，這是很惡劣的廣告口號。

提示: 作者被禁止或刪除內容自動屏蔽

作者: letea 時間: 13-9-4 09:06

非常同意。
以我讀書年代為例，好多同學中四中五才開始發力，不少都可以獲得佳績，尤以數理科顯著。
所以，我認為人的意志、毅力，至關重要

現今商業社會，商人奇招不斷

作者: lutang 時間: 13-9-4 09:31 標題: 回覆：沒有輸在起跑點這回事，這是很惡劣的廣告口號。

其實好多道理大家都明白，但要過得到自己，要接受小朋友唔參加任何興趣班、唔出去補習、唔催谷去考學校、接受大抽獎派去邊間就讀邊間、接受呈分試考得唔好、接受小朋友喺班中會係成績最差嘅一個等等等等......我相信喺依家呢個經濟好d嘅年代，真係甚少人做得到囉！因為d人有錢咗，要求就會多咗，俾學費都鬆手d啦！

唔同以前年代，大家都冇得學野，冇得上plargroup、冇得返N班，喺學校教幾多大家學幾多，只要你勤力，一樣可以名列前茅，但而家個個讀定先返學，你學ABC咩，我學劍橋；你學普通話咩，我學西班牙文；你學鋼琴咩，我學劍擊，總之務求俾學校學得快學得多。當呢個現象持續，就會形成家長覺得學校教得淺，而學校又會愈教愈深，冇得學嗰d就會俾人話跟唔上，追得辛苦又要靠補習，你話幾悲哀呢！

好似我之前幫阿仔搵間學普通話嘅學校，個店員一開口就話，你間學校第時普教中架，你而家仲唔報，要開始讀喇，唔係第時趕唔切，追得好辛苦架，嚇到你唔讀唔得咁，你話咁點會令家長輕鬆先得架?

作者: pchinap 時間: 13-9-4 11:19

utang 發表於 13-9-4 09:機會1 實好多道理大家都明白，但要過得到自己，要接受小朋友唔參加任何興趣班、唔出去補習、唔催谷去考學校、接 ...

好認同，做家長好被動。所以大家明白出生率為何會那麼低!

作者: wongwlv 時間: 13-9-4 11:36

多謝分享。。　在以色列有一個教育學者認為天生既才能未必定下你一生的成就，　反而從後天發揮的潛能卻更大，　家長要以引導，　鼓勵的方式去教小朋友。。。。　當然路是漫長，　不是同別人比較而是個人自我成長。

作者: WAWAHAHA 時間: 13-9-4 16:35

回復 lutang 的帖子

好認同

作者: Chowying 時間: 13-9-4 16:55

lutang 發表於 13-9-4 09:31
其實好多道理大家都明白，但要過得到自己，要接受小朋友唔參加任何興趣班、唔出去補習、唔催谷去考學校、接 ...

我囡咪冇谷過中文囉, 一升小一就5合格, 5補都5得啦, 學校d野教得飛咁快, 我自己都好辛苦

作者: tws2010 時間: 13-9-4 22:26

回復 wongwlv 的帖子

Very agreed with you.

作者: yk2 時間: 13-9-5 03:37 標題: 回覆：沒有輸在起跑點這回事，這是很惡劣的廣告口號。

冇錯，以前公司最大老闆常說在求學期常考第尾，但佢又真係集團中最醒果個，佢話都係後期發力，佢成日話成績高、好不代表一切，即使讀書如何高而欠了自生能力又如何用？佢覺得有了知識融在生活經驗才相當寶貴！所以父母們亦應給他們接觸多方面事，並譲他們追、碰、闖，失敗，這些經驗比取高分更有意義

作者: torunpoland 時間: 13-9-5 07:45

lutang 發表於 13-9-4 09:31
其實好多道理大家都明白，但要過得到自己，要接受小朋友唔參加任何興趣班、唔出去補習、唔催谷去考學校、接 ...

嚇到你唔讀唔得咁?

問題是, 為何家長會被嚇倒?

作者: 科學 時間: 13-9-5 11:59

其實有時係幾無奈的，當大家生活在同一個社會之中，唔可能和其他人嘅行為和做法完全脫節的。否則，自己可能會在主觀或及客觀地處於一個孤立嘅境地。

大家或者採取中庸之道會比較適宜.......

作者: yhk329 時間: 13-9-5 13:39

提示: 作者被禁止或刪除內容自動屏蔽

作者: pchinap 時間: 13-9-5 13:44

什麽叫中庸之導？係人定係鬼呀?

作者: hb12699 時間: 13-9-5 14:17 標題: 回覆：沒有輸在起跑點這回事，這是很惡劣的廣告口號。

小一至小六的課程係教育局編寫，內容多少和教學時數也是教育局制訂。而課程係以分數定成績而排名。(好成績自然有更多選擇，求學是求分數）
小學的考核亦以死記爛背方式進行，而引致起跑早是著數的。到了中學開始要思考比較多的科目，分野亦漸少。

作者: jojoplanet 時間: 13-9-5 14:21

yhk329 發表於 13-9-5 13:39
但有時係教育制度大勢所趨,除非立法規定所有公立津貼直資私立的幼稚園小學中學大學所有學位用抽獎來分派,一 ...

係囉...輸在起跑點既問題主要咪黎自因為直資同私校囉..

作者: lutang 時間: 13-9-5 23:14 標題: 回覆：torunpoland 的帖子

哈哈！我當然唔係話佢會嚇到我啦，我只係想講做生意嘅最識捉住家長怕輸，怕比較嘅心理。事實係，家長好多時口口聲希望小朋友開心學習，但最後都係敵不過同人比較嘅心態啫！

作者: radish 時間: 13-9-5 23:52 標題: 回覆：沒有輸在起跑點這回事，這是很惡劣的廣告口號。

今日我個仔放學返嚟同我講佢係班裡面，有個數學比賽，佢話佢全部錯哂，我反應係笑到肚痛，我真心覺得有時真係無需要比太大壓力佢哋，我同亞仔講比賽有輸贏，唔駛太緊張。依家太多家長太緊張真係忽略咗同佢哋嘅溝通

作者: ANChan59 時間: 13-9-6 09:20

jojoplanet 發表於 13-9-5 14:21
係囉...輸在起跑點既問題主要咪黎自因為直資同私校囉..

如果沒有記錯，是源於中小學＂一條龍＂，不是全因直資及私校。
當年升小我都忽略，到小四先知道分別及影響！

作者: judy 時間: 13-9-6 12:41

但有時係教育制度大勢所趨,除非立法規定所有公立津貼直資私立的幼稚園小學中學大學所有學位用抽獎來分派,一個叩門位都不設,學校無得用任何學科運動樂器成積來選人,全部憑運氣,那各家長就不會怕因自己小朋友英文普通話數學樂器運動唔夠人叻而失去入讀心儀學校的機會,那就有機會多d人接受沒有輸在起跑點這回事了

不如，抽獎來分派埋工作。依家唔係話唔要追求卓越，而係話，用錯方法亂咁谷，到頭來係輸家。

歡迎光臨教育王國 (/)