教育王國

標題: 食conerta問題 [打印本頁]

作者: may831130 時間: 13-8-30 01:57 標題: 食conerta問題

我仔仔有adhd医生叫仔仔食conerta18mg,个人定左,但有少少衝動出現,以后食27mg成个人变了,个人好似什么都怕,成日發呆,,請問大家有冇這樣程方出現????

作者: Omerkion 時間: 13-9-26 20:16 標題: 回覆：食conerta問題

我仔起初食18mg, 但冇咩用，後來轉左27mg就好好多了，但冇你所講嘅現象出現，我仔今年八歲

作者: Carriecheun 時間: 13-9-27 12:17

我呀仔食咗1個月18mg c仔, 個人定咗 (現在小一), 可以抄到手冊, 上堂都無問題. 只是有時玩下枱或櫈, 聽到老師講書. 但自己自動做功課就時得時唔得. 唔食藥根本連手冊都唔抄, 又唔肯做功課.

作者: Carriecheun 時間: 13-9-27 12:20

今日會覆診, 看是否要加藥, 因為上次醫生說以佢體重18mg應該唔夠.

作者: ReikoLau 時間: 13-9-28 22:01

請問你地小朋友食 c 仔,係咪都要自己比錢買架? 幾錢一粒呢?

作者: Carriecheun 時間: 13-9-30 12:42

唔係, 係瑪麗開的, 我阿囝好好彩. 初時, 未排到醫院, 自己睇私家醫生, 佢開利他林4小時俾阿囝食, 食完之後阿囝情緒好差, 會好down, 突然喊情況出現. (食了約一星期) 之後排到瑪麗, 同醫生講此情況, 佢話咁叫我自己出去買斯得瑞食, 要成30元一粒. 點知食了個多星期, 成身出疹, 連面都有(好彩係暑假期間咋), 即刻停藥覆診. 佢先知肯開c仔俾我們. 阿囝依家食c仔食得幾好, 剛覆診, 加了藥, 27mg. 聽講政府醫院醫生對c仔有quote的, 如非必要先可以開俾你.

作者: ReikoLau 時間: 13-9-30 15:42

回復 Carriecheun 的帖子

我仔岩岩今日開始食18mg 但政府醫院開的,要$20 一粒呀

作者: Carriecheun 時間: 13-9-30 16:16

我因為上面特別原因, 所以只俾10藥費咋

作者: ReikoLau 時間: 13-9-30 16:38

回復 Carriecheun 的帖子

原來係咁,咁你仔仔食完藥後,午餐食得OK 嗎?晚餐同訓覺都OK 嗎?

作者: Carriecheun 時間: 13-9-30 16:50

佢以前好大食的, 成80磅. 食咗藥之後, 初頭話就話無胃口, 但份量都係正常小朋友的食量, 到最近係屋企食就無胃口, 但係學校午餐就潻飯. 晚飯其實份量都係正常小朋友的食量. 瞓覺無問題喎, 你小朋友有問題咩?

作者: ReikoLau 時間: 13-9-30 17:07 標題: 回覆：食conerta問題

未知呀，因為今日第一次食c仔，我只係問定姐，因為佢一路都食開利他能10mg 每4個鐘半粒架，我返學前比半粒佢食，到食完午餐後托老師再比半粒佢食，之後4點又再食多半粒，因為要喺學校上埋功課輔導班至6點先走得，但係佢返到屋企就冇胃口食飯，午餐又話學校飯唔好食，所以食得少，我都唔個係隻藥影響定係學校啲飯問題，上星期五返政府覆診，輕左，所以我先要求醫生轉c仔比佢試下，

作者: ReikoLau 時間: 13-10-1 11:08 標題: 回覆：食conerta問題

阿仔尋日第一次試食c仔，老師話佢好明顯比食利他能呆d ,同埋見佢好似好攰咁，但佢可以做到老師要佢做嘅野，食午餐都算ok ,功課輔導班老師都讚佢好叻仔，可以放學前做晒功課，而且仲有時間剩添，
睇黎c仔好似岩我仔啲，但都要睇多幾日先知！

作者: muimui5 時間: 13-10-1 15:12

回 Carriechuen 6#
點解咁得意，你小朋友受唔到利他林(10mg），反而受到Concerta（18mg)? 我個囡試利他林時反應同你個小朋友一樣，私家醫生話依類成份的葯唔啱亞囡，開了Abilify，瑪麗於是照樣開Abilify，亞囡食咗情緒穩定啲，但重咗。

作者: Carriecheun 時間: 13-10-2 10:38

本帖最後由 Carriecheun 於 13-10-2 10:38 編輯

咁真係唔知點解喎, 我都知c仔都係利他林的一種, 定係佢食利他林時未夠6歲?
不過好彩佢依家食c仔 (27mg)都無呆的情況. Abilify未聽過喎?

作者: muimui5 時間: 13-10-2 22:53

我個囡食利他林時都未夠六歲。Abilify是給自閉童的antipsychotic，隻藥幾新，私家開時我唔敢試，到瑪麗照開時我先俾亞囡食。

作者: bb12345 時間: 13-10-30 14:47

conerta 是否要原粒吞嗎?

作者: lillymarie 時間: 13-10-30 15:22

Yes

歡迎光臨教育王國 (/)